原帖由 vet 於 13-05-29 發表
上年又係，找c fu通了，今年又滴！好煩呀！夠凍，無其他問题。
分體冷氣機滴水可以自己試下以下方法:
1.先用梯爬上去，揭起個機蓋, 同洗隔塵網一樣。
2.取出隔塵網。
3.要扭開晒所有機殼嘅螺絲, 每部機通常有6粒，一般分佈在底部和兩側(底部果幾粒可能有嘢蓋住)，個頂係無的。
4.跟住要將成個機殼取出(呢個有些少難度，要用少少力)，先輕力拉起機殼底部，再托起機殼然後取出(因機頂有2個扣扣住) 。
5.跟住會見到整個機身，最下面係出風口，中間金屬網下底就係裝滿水和塵嘅水兜。
6.水兜兩邊嘅其中一邊會見到個去水孔(多數在右邊, 用電筒一照就會見到)，個孔好細，直徑約1cm左右，週圍通常係塵，水兜裝住由金屬網滴下來嘅水，再通過牆身入面嘅去水管排出屋外，當去水管塞滿塵就會攪到水去得好慢，甚至去唔到水，水兜滿左水就會從機身滴出來，有時可能會被風吹左D水出嚟。
7.揾條約兩至三呎長幼身膠喉(可以去金魚舖買氣喉)，一邊削尖，方便容易伸入個孔入面，盡量插入去，可一路插一路用力吹條喉，之後慢慢會通晒，跟住會見到水兜嘅水會去得好快。
8.跟住可以倒少少水入水兜試下去唔去水，如果水仍然去得好慢就可能未完全通晒，應重做以上第7的步驟後再試，如果未完全通晒可能短期內會再塞。
9.之後順便抹下部機和洗下個殼和隔塵網，再用相反步驟裝返哂所有嘢就攪掂。
(如果自己拆唔到就唯有找師傅做，約$500~$600一部)
發表於 
返回列表
