清境 -> 大黑松小倆口元首館 -> 埔里桃米生態區 (紙教堂)-> 日月潭圍潭觀光 -> 集集火車站 -> 夜宿蜜月樓
朝早4點幾，醒左發現出面有雲海，即刻跳落床睇！當時仲未完全天光！
後來天慢慢開始光……
0係露台嘆住熱茶睇雲海，正！
有太陽曬到之後，太陽曬唔到0既地方會有新0既雲海
睇完雲海，7點半就去山莊餐廳食早餐。食品都係離唔開方包、多士、白粥、送粥小菜、炒蛋同茄汁焗豆等等。
食完早餐，退房閃去埔里。最初有計劃去埔里酒廠，有朋友話唔值得去，所以SKIP左。
一路由清境開車去埔里途中先再上網搵資料，結果睇到有個地方叫「大黑松小倆口-元首館」，一直都知大黑松小倆口係台灣零食0既大品牌，上網站睇過元首館好似幾靚，所以就去望0下。
元首館網站：http://www.9420.com.tw/kinggarden/
有現餅整，於是幫襯左一盒熱0既「北城之燒」，台幣$150，有12個，幾好食
成個元首館都好多強國人，好迫，D野唔平。
以上呢D其實係結婚擺酒時，主人家俾客人0既回禮，入面全部係餅乾曲奇！外盒仲好靚添！
去完元首館，又開車去下一景點 — 埔里桃米生態村 http://paperdome.homeland.org.tw/taomi/
入場費，台幣$100，可以全數於村內消費時使用。
一入場，即有防蚊液提供
傳說中的紙教堂，亦係生態村內重點
紙教堂內
村內除左紙教堂，有休閒區，有飲品同紙品店，同私人擺攤賣手工藝品
barney45 發表於 13-6-10 13:11
樓主，
我都plan緊台北台中全自駕，我見你提到蜜月樓。我依家煩緊係集集火車站同埋埔里紙教堂附近既住宿安 ...
26/5
離開埔里桃米生態村，就向日月潭出發。大概中午時間到達日月潭，先去食個中午醫肚！
呢餐一餸一炒飯一湯，盛惠台幣$250
然後去蜜月樓攞房，入住紫色公主套房
http://honeymoon.okgo.tw/
房間照片
http://honeymoon.okgo.tw/roomcontent.html?rid=1649
跟住先去圍潭一逛，就去左伊達邵市場0個邊
都幾多野食
沿著市場行到尾，就係遊客中心兼碼頭
呢度好多人拉客，因為日月潭內有4間船公司經營繞潭觀光船服務，全個潭有幾個碼頭，買一張飛，可以同日內任搭去唔同碼頭上落，好方便！
遠望日月潭纜車，如果會去埋九族文化村的話，搭纜車會比較好，不過我今次無去。
行完伊達邵，見時間仲早，就開車兜左去集集火車站，原來計劃係之後0個日一早先去，但怕太早d舖未開，改呢日下晝去！
要買車飛先可以去月台，無買，所以只有0係閘外邊影相
又去完集集到此一遊之後，再開番去日月潭水社村0個邊
晚餐時間又到，又醫肚
邵族麵，好似台幣$80定$100，其實唔係十分特別，只不過唔係度度有得食，不過呢間味精喪多，食完成晚都好口乾
食完晚餐去行街街散步，蜜月樓對面有生果舖
最受關注0既一定係左上角0既「蘋果蕉」，蕉皮暗紅色，每隻都係平常香蕉0既兩倍咁粗，問過老闆娘可唔可以買一隻，老闆娘話可以，台幣$40隻，不過最後都覺得太大隻，所以無買黎試！
然後又早早返房休息，咁又完成一日0既旅程。
27/5
日月潭 -> 阿里山國家森林遊樂區 -> 沼平車站 -> 神木車站 -> 欣欣民宿 -> 傍晚睇螢火蟲 -> 夜宿欣欣民宿
蜜月樓早餐係早上08:15直接送到房間，但因為我地要開車去阿里山，所以未夠8點就出門口，不過老闆娘好好，0岩0岩趕得切整好晒d早餐，就打包俾我地拎走0係車度食！
其實我地0個朝早都已經0係對面間美芝城早餐店度買左早餐頂肚！
之 前有上網搵過資料話日月潭去阿里山最近係行台18線阿里山公路，但如果大霧或落雨行阿里山公路會比較危險，曾經諗過轉行番台3線福爾摩沙高速公路，不過由 24號到26號每日0既天氣都係朝早好好太陽，到中午過後先開始落雨，亦都無落大雨，所以決定照行阿里山公路。一邊開車一邊聽住收音機聽交通路況，而且唔開快車，應該無咩問題！
另一個原因點解咁想行阿里山公路，係因為見人講阿里山公路沿途景色都靚，唔想浪費左呢個機會。
結果……
果然同前幾日一樣，朝早天朗氣清……
開住架車唔開冷氣，開晒窗都好涼好舒服。
途中0係夫妻樹度停留左一陣，司機先生都眠一眠叉叉電！
未到中午又去到阿里山國家森林遊樂區
http://www.ali-nsa.net/user/Main.aspx
入場費台幣$200/位，停車費台幣$100
訂左欣欣民宿
民宿就0係停車場側邊
因為時間尚早，只係11點多d，未有得入房住，於是去食少少野，然後去阿里山火車站買火車票。
民宿老闆娘建議我地先搭森林鐵路去沼平車站，再行去神木車站，先坐番森林鐵路番阿里山火車站，因為沼平車站係上山，但神木車站係落山，而火車票係來回程可以唔同，即係沼平車站出，神木車站入，或者調轉都係可以，一樣價錢。
來回全票台幣$80
阿里山火車站
共有3層，底層有售票處、洗手間，第二層係月台，亦設有售票處同洗手間，同一個室外露天觀景台，頂層係展區，有阿里山森林鐵路0既展板作詳細介紹。
第二層
頂層
三架車站0既剪票口0係埋一堆
開往沼平車站列車到站
新建成0既架空「櫻之道」，應該係剛過0既櫻花季先至啟用！
行0係上面睇櫻花，感覺應該唔錯！
唔駛10分鐘就到達沼平車站
開始森之浴
姊妹潭0既「姊潭」
好多好高0既樹，有陽光都唔會覺得曬同熱！
森林區內有好多唔同0既棧道
行左一個半鐘頭之後，去到神木車站。
[img]http://farm8.staticflickr.com/7431/9098805309_170fbea5ab.jpg[/img]
神木車站無月台，上車要上呢d樓梯
火車到！
返到阿里山火車站後，先買好聽日04:20 發車0既祝山觀日線車票，售票員姐姐提醒我最好凌晨4點前要到……
然後返阿里山欣欣民宿問老闆娘，售票員提我聽日凌晨4點前要到0既事，老闆娘話可能因為驚聽日多人坐，所以叫我地早d到，但28號係星期二呢……竟然都多遊客黎觀日出！
入房之後，就休息下，跟手報埋民宿0既螢火蟲團，時間 19:00-21:00！台幣$300/位，要先俾錢，但如果落雨而當晚未能成行，會全數退！
其實係有打算睇晚霞，天氣好的話，阿里山火車站出面已經可以睇到，可惜當日成個下晝都落雨落唔停，無得睇晚霞！
螢火蟲團係7點0係民宿出發，我地之前去左停車場側邊0既一檔大排檔食左少少飯麵，當時5點幾，人好少！
呢 一晚螢火蟲團只有兩幫人，我地兩個同一班都係來自香港0既學生，佢地一行8人，加埋我地2個，0岩0岩好10個人，一架貨van車曬。睇螢火蟲地點0係遊 樂區外，入黑後遊樂區外0既公路(山路) 無街燈，好黑，加上大霧，感覺都有d驚，坐左差不多30分鐘車先去到睇螢火蟲0既地點。
係一個修路中0既山邊，好黑好暗，行到好埋都唔係好見到對方個樣！
舉高頭就望到山坡上好多螢火蟲，司機兼導遊講左少少注意事項之後就派左一支極細燈仔，再每兩個人一個膠樽，再教埋我地捉螢火蟲0既技巧，就俾大家自己去捉！
慶幸自己好快捉到一隻！不過因為0係山路，無路燈，所以要經常留意住有無車經過。司機兼導遊再集合番我地一齊之後，好好咁詳細講解左我地見到0既螢火蟲品種、特性，仲教我地影螢火蟲，不過……即使捉晒0係膠樽入面，依然係好難影到……
雖然要每位台幣$300，不過係好難得0既經驗，唔算貴，值得俾！
然後今晚又係一早訓覺，期待第二日觀日出之旅！
28/5
阿里山鐵路往祝山觀日出-> 欣欣民宿 ->奮起湖 -> 瑞里風景區-> 夜宿奮起湖
凌晨3點45分，去到阿里山火車站，我地排第二位，第一位係兩個女仔。
04:05AM終於可以進入月台等車！之前一日買車票時，有問過售票員係咪得一班車，當時售票員答係。不過呢朝等車時，遇到香港團，有香港人導遊好大聲講話會有下一班車，我諗第二班車係比團坐，所以買票時售票員叫我早D到，可能係因為呢個原因。
觀日火車要坐40分鐘，好多人都係訓到終點。
一出站就會有人指示要去邊個位睇，當日日出時間係05:21AM，所以等大家埋位之後，就有個伯伯先做介紹。伯伯仲話我地好好彩，當日係連續第5日睇到日出。
祝山觀日平台呢度果然係……凍……！！見到身旁只係著短褲0既女孩子不停咁震…震…震…震…我都出動左NORTHFACE隻層外套，再加暖包暖手，否則手可以凍到拎唔到相機影相！
等天全光，就去番祝山火車站上番車返阿里山火車站。
睇完日出，返到阿里山火車站都仲未夠7點，唯一一間早餐店0岩0岩先開，包都未蒸熱，只係買左杯熱米漿就返欣欣民宿補眠。補到9點幾10點就退房，再出發去奮起湖。
由阿里山國家森林遊樂區開車去奮起湖，只係一個鐘以內0既車程。
車停左0係最近奮起湖火車站0既停車場之後，就去左火車站入面行，因為宜家阿里山森林鐵路唔係全條都通行，所以宜家係奮起湖火車站係停用中。
去到奮起湖雖然只係11點左右，但因為睇日出無好好食早餐，所以已經好餓，於是去食鼎0既奮起湖便當。
「御便當」，來自日文0既「ご弁当」。
[img]http://farm4.staticflickr.com/3687/9101105150_9b8c6c192a.jpg[/img]
用鋁圓盒裝住0既鐵路便當，每盒台幣$120，現場有竹筍湯任飲。如果唔堂食外賣的話，因為無湯飲，所以平D台幣$100。
成個便當味道偏甜，尤其係紅色0個D，係甜0既，雞脾同肉都唔算細塊，不過對我地兩個無食早餐0既餓鬼0黎講，只係算勉強頂到0下肚。
食完鐵路便當去左老街0個邊行0下，睇定有咩手信好買。
食飽行完街都仲係好早，於是開車去左瑞里、太和0個邊睇0下。
車程都30-40分鐘，開始進入瑞里之後，見到好多梯田，全部都係種左茶葉。
去左瑞太遊客中心問一下路之後就向「野薑花溪步道」進發。
既然叫得「野薑花溪步道」，應該有好多薑花，不過估計未係薑花盛開季節，所以完全無薑花睇。
下晝3點幾4點返到奮起湖，時間尚早未去食晚飯住，又0係奮起湖周圍行。
本來想去食「愛玉伯」，不過唔係假日似乎唔開……
再去搵甜甜圈同星空小木屋。
甜甜圈當然都係無開，入星空小木屋有得入。
星空小木屋係為電影「星空」其中一幕戲而搭建0既木屋，裡面陳列0既都係曾經0係電影入面出現過0既道具。
遊完奮起湖景點，5點幾又要醫肚，去左奮起湖大飯店斜對面0既一間餐廳仔食，叫左個苦茶油麵、炒飯同一碟菜，埋單台幣$320，有人話覺得炒飯好有鑊氣！
苦茶油麵
食完晚餐去老街買手信，6盒火車餅之後就返住0既地方休息LU。
奮起湖呢度真係好靜，於是9點幾又訓左。
29/5
奮起湖-> 台中市中區第二市場-> 清玉茶店 ->中友百貨 -> 西屯區逢甲商圈->夜宿逢甲音樂屋
之前一晚9點幾訓左，呢朝6點幾起左身，未夠8點就離開奮起湖，向台中出發。
0係山上0既天氣真係好好，上晝係好好太陽，但因為氣溫低，所以一D都唔覺得熱，開住車唔駛開冷氣，開住窗吹風勁舒服。
不過一落到山下，開始進入市區之後，就熱到傻左。中途曾經想停車休息一下，但因為停車地方係露天，休息左唔夠5分鐘就頂唔住要開車閃……
台中市都分為好多個區，包括東、南、西、北、中、西屯、北屯區等。上網搵到中區有個第二市場，有野食有野買，又轆去睇。
台中真係好熱，第二市場附近唔係多停車位，要去到離開第二市場兩、三條街之遠0既警署附近0既私營停車場泊車，每小時台幣$40。
入去第二市場之後見到……
有意麵同滷水野可以叫，揀福州意麵0既其中一個重要原因係……有個舖位有冷氣……
我地兩個人各叫左套餐，我個意麵餐係配餛飩湯，價錢約台幣$120。
宜家台北有一間飲品店叫「清玉」，其中最出名0既係「翡翠檸檬茶」，台北大概賣台幣$55-60杯，但「清玉」係來自台中，同一杯翡翠檸檬茶，台中賣台幣$45，係台北親友大力推薦到台中必飲0既東東。同行人話覺得同香港0既維他檸檬茶無咩分別，但我覺得比香港紙包檸檬茶好飲好多，感覺似飲茶餐廳即沖檸檬茶！！而且台幣$45係好大杯！
https://www.facebook.com/kingtea888
大家有興趣可以去試試。
之後去左中友百貨同附近行，無意中誤入左中友百貨內0既誠品書店。
好鍾意呢間誠品0既設計，中間有個圓形位置，係樓梯通往下一層，感覺仿如置身外國0既圖書館一樣！
下晝3點幾行完街街，就向西屯區出發，準備去台中市0既重點地方，逢甲商圈。原本當晚係訂左逢甲附近0既「文華道會館」，佢有自己0既地庫停車場，可以俾100架車停車，房租台幣$2,520/晚，後來上網搵到D民宿，每晚唔駛台幣$1,000，都有停車位，所以就試0下。
最後揀左「逢甲音樂屋」
http://tw.myblog.yahoo.com/nick-588/
屋主推薦我地住「賣火柴的女孩房」
逢甲音樂屋一落樓穿過一條街行3分鐘就到逢甲夜市。
逢甲商圈好大，好多野食同舖頭可以行。
最後只係食左兩樣小食，但人真係好多！
是夜就此完結。
30/5
台中逢甲-> 東海大學 ->藝術街 -> 台北車站新譯旅店三館-> 圓山站艾維士還車-> 西門町 ->京站時尚廣場 ->夜宿新譯旅店台北車站三館
一早8點幾離開民宿，開車去東海大學。校園入面唔可以俾訪客停車，不過外面有首兩小時免費停車位，之後好似都係台幣$12或是$20一個鐘。
東海大學入面其中個景點—教堂
外觀
內景
行左個幾鐘就閃左，有親戚介紹我去藝術街食lunch。
原來只係0係東海大學附近，不過要搵免費位停車好難，兜左幾個圈都無，最後幫襯左個阿伯屋企出面空地，台幣$50可以泊兩個鐘，都ok啦！
11點幾到，都無咩舖係開左，最後衝左入去「艾凡里」餐廳。
呢度都係食西餐多，艾凡里算好早開，附近其他食店有d都未開門，唔好講賣衣飾0既舖頭。
全部都係套餐，大概台幣$2xx-3xx。
餐廳內
套餐的沙律
主食 -扁意粉
去facebook打卡後送0既田螺
餐飲
1點食完飯，開車直飛台北。
新譯旅店無停車位，本來打算去斜對面0既京站時尚廣場停，但兜左一圈搵唔到入口，去左對面0既露天停車場，台幣$40/小時，自助俾錢。
http://www.cityinn.com.tw/Cityinn3/index.aspx?lan=zh-tw
先去新譯旅店(台北車站三館)拎房，但無影相，因為……其實間房唔大，同日本0個d差不多，但廁所同浴室分開，幾好，張床唔算特別大。但地下有pantry，可以用微波爐，有熱水，同埋有爆谷食。
仲有自助洗衣房，應該係可以免費洗衫乾衫。
服務員長期都好好笑容同好helpful，呢樣真係好好，所以見到有日本人同韓國人都黎住。
拎完房放低行李後，又開車去番圓山站艾維士還車，搞完都4點幾5點。之後我就去左西門町行街街，兼最後衝刺，因為今晚約左親友0係京站時尚廣場foodcourt食飯，之後都無打算去買野。
去到西門町果然真係會瘋狂，又買左幾千蚊台幣0既護膚品同化妝品。
終於過埋呢一晚第二日就要返香港啦……
cherry9996hk 發表於 13-6-20 13:08
我用iPhone 睇到呀！
樓主你第一次寫遊記好詳盡，幾好呀！
我想請教你，如果我兩公婆加奶奶加一個未足兩歲 ...
發表於 
mouth:
返回列表
