~惠惠~ 寫道:
不過其實你都好愛你老公先會係生活上o既小事都feel到咁幸福,係好事黎架,有d人,老公對自己好好,仲唔知足嫌3嫌4~~
你地有冇小朋友架~~???
barnie 寫道:
最記得今年情人節佢同我講 ~ 我未必能保證給你一世富貴... 但我能保證愛你一生一世... 每次諗起呢句說話... 都甜在心頭....
小寶貝兒 寫道:
今日, 我打比老公, 我話唔想煮飯, 求其去超市買d菜同肉一煲過煮個麵得唔得
老公, 係咪懶唔想煮呢?! (有種"知你龍野"既感覺^^)
我, 係呀!! (理直氣壯地講)
老公, 咁妳陣間去買壽司食啦! (我鐘意食壽司)
我, 唔好啦, 好貴呀, 成日食, 冇錢啦~ (actually, 我地真係成日食架....)
我老公話, 點解今日咁賢良淑德呀?
我, 日日都咁賢淑架啦我!!
老公, 嘻嘻, 咁妳想食乜就去買啦!!
唉...... 小女子何德何能, 今生今世有個咁好既老公, 已經日日係屋企唔使做有人養, 有錢使, 一星期間唔中執下間屋, 洗下衫, 煮餐飯老公已經非常高興, 唔想煮時就即刻話買壽司當晚飯, 雖知道我地呢d小小家庭, 一餐飯既buget只係幾十蚊, 食一餐壽司就已經百幾蚊, 好貴架啦!! 但佢仍然話去食!! 而且仲每次都一定會話食壽司, 只係因為我鐘意食!! 明明佢係唔係好鐘意一餐全部都係生冷野, 梗要有d熱野落肚, 佢都寧願食完壽司後去食個麵就算!!
我真係好開心, 好感動, 好幸福, 有一個咁好既老公(講講下有d想喊)
老公, 多謝你, 為左你, 我會努力去忍耐一切(你知我指咩架啦~
為左你, 我會煮多幾餐飯(but請你容許我有懶惰既時候
為左你, 我會多d執屋架啦!
為左你, 我唔會亂買野, 我會做個慳妹!! (雖然我平時都唔會亂買野, 又唔好名牌)
老公, 我好開心你係一個知足常樂既人, 即使你老婆唔係好靚女, 又肥, 做野又唔長, 但係, 你依然愛我, 仲愛得比以前更多, 更深!! 我真係好感動架~~ 我真係好依戀你架!! 每日都好掛住你, 等你放工比個big hug你, 等你攤係梳化睇電視時幫你dup骨, 夜晚訓覺要戀係你既臂彎裡面, 攬住你訓好有安全感架!! 由第一日開始, 你已經將你既手臂比我當左枕頭用, 而且我問你有冇痺, 你又話冇, 咁樣訓, 已經訓左5年幾啦!! 希望以後無數個5年, 你都會比我枕住你隻手黎訓!!
老公, 下輩子我都要做你老婆, 下輩子我要出生係你隔離屋, 等我由出世開始就可以同你一齊, 直到一百歲, 然後再預約下輩子再做夫妻, 好不好啊?
ps, 對唔住呀, 各位姊妹, 借個版面黎比我對我老公公開講, 我有幾愛佢!! 謝謝!!
溫馨提示:
如果各位覺得太晒既, 請戴黑超!! 謝謝!!
<--等我都戴返副超先 cat168128 寫道:
你幫我thank you 佢啦
我老公成日都同我講
乜得你咁聰明
我話︰唔係我聰明
係你蠢姐！！
跟住我就會受到"襲擊"
真係曬死人呀~ 
發表於 
返回列表
