吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 彥媽與你: BB讀書/學習交流站 (精華篇)

大仔大女媽媽會今日: 0|主題: 177860

收藏本版

發帖

返回列表

跳至頁

樓主: 彥彥媽咪

[2006年] 彥媽與你: BB讀書/學習交流站 (精華篇) [複製鏈接]

123

彥彥媽咪

子爵府

積分: 12317

2024年龍年勳章

21^#

發表於 06-10-27 01:50 |只看該作者

Re: 彥媽與你: BB讀書/學習交流站 (精華篇)

Common Question 5:

I live in TKO, any good playgroup?
======================

有留意開我寫野既媽咪都可能已 feel 到我本來就唔 support BB 響呢個年紀就上 playgroup, 因為, 首先, 我地想叫佢去上係做乜先呢..?? If for learning, 我唔主張行都未識就要去"學野", 再加上我認為響呢個階段就算真係學到都係"雷聲大 ($$ 多) 雨點少 (成效低)" 之活動, 我會寧願等佢大d 再正正經經俾佢學d 有用既野好過...

Then if for "fun" , 咁又駛乜俾錢佢令人使佢有 "fun" 呢....playgroup 既原理我之前提過, 係d外國人想幫d細路揾個"伴"一齊玩, then 就 gather 附近住之阿媽去一齊帶 BB 玩 only, 根本唔駛要"導師"去帶...即係依家我地 e.g. 個個 Sat/Sun 帶 BB 同d 有 about same age BB 既家庭一齊玩都係一樣, 我睇唔出點解要俾 $$ 去做d我地自己都要做到既野喇...不過當然...我明白, 有媽咪會話 : "咁我冇時間又唔識丫嘛"....then 我既回應係: "冇時間 should not be an excuse, 幾忙都好, 每日 even 抽 10 mins 都可以, 唔係一定要 1 hr ar, 另"唔識"... 要做 playgroup 就係 try get together 志同道合之人去玩, 內容冇一定, 可以好 free ga...so 唔係要讀好多書既人先可以 lead 既"

再加上我對香港好多搞 playgroup 既公司 (學校) 印象真係麻麻, 一來多係以"營商"為主, 二來師資真係都好參差 (雖然我話有 playgroup 係唔駛讀好多書, so 咁都唔代表可以乜都求求其架嘛, 所以好自然若我係俾得 $$$ 既我就會有 expectation, 所以唔同) 若個導師冇教育個份投入, 又係其實唔識咁去 lead, so = 同我自己去 lead 有乜分別? then why pay?

因此, 基於我上述睇法, 我好難介紹到d playgroup 比你, sorry, 因為我自己都唔 buy 既野好難叫人去做 ga ma... 我會寧願將俾佢上 playgroup 既錢留起俾佢將來必要時讀好d既小學/中學

(or even 搬屋為去近佢將來番學, etc)

For me, 我依家呢個階段我會主力鍛練仔仔d身體, 同訓練佢一d自理能力, 等佢抵抗力好d, 第日番學就唔駛成日一傷風鼻塞就 sick leave la...到時俾間幾好既學校你返, 但病左返唔到都冇用 la, right? 我依家中彥d同學 (K1), 好多都係返 2 日學請2 日病假喇...死唔死.....touchwood 講, 我大彥返學咁耐 (he is P1 now) 一日病假都未請過, 依家中彥開學 1 month 有多, 都係未 sick leave 過, (當年 N1 都係請過前前後後 not more than 1 week within that 18 months) so 唔係咁會仲學得多, 學得開心咩....小朋友返學 somehow is an obligation (責任), 唔可以返吓又唔返, otherwise 佢地投入唔到, 唔會有 learning interest, so 一個強健既體魄在我眼中絕對比返十幾廿款 playgroup (or interest classes) 嚟得更 top priority (註: 強身健體既野都係唔駛一定要去上堂學既, 我睇過好多書/TV Show, e.g. 俾d豆豆佢揀吓 etc 已可練佢既小肌肉了...)

Full list of nursery in 東九龍 la (including TKO):

東九龍區 (including TKO) 幼兒園目錄

What u you think if send my bb to kindergarten in other district, say Kwl Tong, for K1? do u think travelling a problem? school bus?

Travel 一定係個 problem, 因為由 TKO 出 Kowloon Tong 都幾遠, but I know most KGs 都有校車既, 真係要坐又唔會要好好耐咁喇.....but 我見你咁問, 我反而諗起 : (1) 依家考小學又係搞珠既, so 出 Kowloon Tong 個d =/= 就可以考到好小學, then why go? (2) 下年學劵制出, 私立幼稚園係冇得受惠既, 而 most Kowloon Tong 個d KGs 都係私立, so I am not sure whether this will affect your choice too. (3) 我反而認為 KG 可以俾小朋友近家就讀 (一係你搬), 而小學就可以考慮出去讀間好d既, 因為我前面提過, TKO 入面大部份既中小學都較"普通", 較好既多數響出面, 而讀書最睇 peer influence, 幼稚園唔駛怕 peer influence 有幾大, 因為小朋友年紀仲細, 父母對佢仲係有較大 influence, 反而上得小學 (6 yrs 後), 小朋友受朋輩既影響會更多, 亦更難受父母"控制", 所以放佢入一間"靠得住"既學校先更重要, 因為個時我會緊張佢讀邊間小學多過依家緊張佢讀邊間幼稚園

私人傳訊

彥彥媽咪

子爵府

積分: 12317

2024年龍年勳章

22^#

發表於 06-10-27 01:55 |只看該作者

Re: 彥媽與你: BB讀書/學習交流站 (精華篇)

Common Question 6:

揀幼兒/幼稚園有乜要留意呢?
================

For me, 我會睇:

(1) 環境..是否 clean and tidy, 可以的話去睇睇現場, see if the toilet is clean and dry, 大型玩具是 reasonably clean, etc, 有否足夠既 outdoor area for 小朋友伸展吓d手仔腳仔, 大肌肉活動 etc

(2) 職員 - 是否 friendly, 企理, proactive (e.g. D 學生有冇一個二個成面食物都有冇人即時處理 etc)

(3) 老師 - 態度係咪都好熱誠, 你乜都唔識佢都好細心答你, 定係木口木面, 可以試吓問佢佢地係點安排課程 etc 睇佢有冇耐性答同主動俾資料你...

(4) 家長 - 若係遇岩接送返放學時間, then may 留意下d家長係咩人, 我唔係要講話要有錢呀, 有學識吓咁, 而係留意佢地d談吐, 衣著 (唔駛貴, 係要企理) 咁就知佢地有幾"文明", 我去學校好多時都會留意埋同校既家長/學生 etc, e.g. 有d著得好普通既但同老師小朋友講野都好細心, 客氣....呢d家長多d都冇問題, 但有d就算身光頸靚, 但目中無人, 又或有d典型八婆型既 C9 , 有乜淨係識鬧學校, 喝工人, 但自己個仔通處走撞到人都若無其事個d 既, 一個都可以好有影響力 ga.....若大部份都係呢停人, 咁你自己識諗喇~~

(5) 學生 - 留意吓d 學生, 禮貌, 態度,etc....係咪個個都企企理理, 有冇d好 "lei fei" 既咁 .. this has strong relationship with (4) too ga...

:mrgreen:

私人傳訊

彥彥媽咪

子爵府

積分: 12317

2024年龍年勳章

23^#

發表於 06-10-27 01:59 |只看該作者

Re: 彥媽與你: BB讀書/學習交流站 (精華篇)

彥媽有感而發 (4):

我想俾小朋友早d去學吓野...e.g. music ar gum 好唔好呢?
=================================

大家會見有d course 係寫明收 e.g. 4+ or 5+, then 有d家長就會話, 我個 bb依家 3.5 la...收 4+ ma...差少少 je, should be no problem ar...then 就想 lur 間學校收啦, 收埋阿仔喇...etc

唉~~~我就想指出關於細路學野既野, 我成日建議小朋友可以大d先去上 interest classes (e.g. music ar, English ar, whatever la...) 原因有:

(1) 搞得呢d course 既學校 (我係指有質素個d 喎, 唔係求其響商場就開一間唔知乜個d) 好多時 set 左個 age limit 就係要配合小朋友既生理/心理發展, 有d野早學唔係唔得, 不過好老實, 能力唔到就係唔到...e.g. 有人問過我, 我小朋友依家 2.x 歲幾 3 歲喇, 佢好精靈 ga, 我想比佢學彈琴好嗎...?? 哎呀....3 歲幾, 手指d發育都未得, 要佢"mak"開d手指去 press d咁重既琴鍵, 為乜..?? 你真係想佢做郎朗呀?? 在我嚟講...彈琴係"陶冶性情"既工具, so 最重要係佢彈得到, 又彈得開心, 唔係要鬥早既..事實上, 有好多小朋友成5, 6 歲先學都冇問題 ga wor...彈得好唔好係睇多唔多 practice, 唔係越早 start 就有用既...

2) 學野既野, 真係要小朋友有番咁上下專注力/成熟程度先去效果會好d...因為大部份 below 4 既, 呢方面都唔會太好, so if 4 以前俾佢地去參加d course, well....睇你咩心態 send 佢去喇...不過以我所見+經驗....跟慣屋企人, 少出街少見外人個d佢分分鐘會唔肯同你入去, 一定要扯實個阿媽, 結果 1 hr course 擾攘一輪唔見左 30 mins 都係睇住個阿媽猛叫小朋友"乖喇...入去同其他同學仔玩吓喇", 但個細路就死 "koo" 住你, 喊哂咁...嘿嘿...結果...?? 好多d course (not only music, English ar 都係...) 係一俾錢就俾成個 course ga ma (e.g. $1xxx 8 lessons) 咁...呵呵....阿仔細唔肯入, then 你d 錢就又=沖左落咸水海...

For d 唔怕生保個d, 佢地係肯入去呀, 但年紀細, 佢地好多之前又未被 train 好多自理既野 (e.g. 排隊, 講野要舉手, 唔好推人, 搶野...etc... cos 好多規矩佢未識丫嘛), so 一入去就四維走多過聽... 搞人呀, 四維望呀...etc...結果係 1 hr course 佢唔知有冇聽到 10 mins 既野...so....個 $1xxx 又係上哂之後得個 $1xx 唔夠既成效....

So 大家會明我想講乜....就係...好多 course, 人地點解細唔收丫...梗係有原因架嘛...有心辦學既就會較堅持, 寫明, e.g 4+ 先收, 唔係人地懶有原則呀, 係人地唔想 waste 你 $$ ja, 因為佢地辦過學, 知會有咩問題, so 先唔收d太細既咁解喇...

但有d想揾錢既, 你問佢2.x 歲收唔收 (even the course 寫 4 歲) 佢都答你...都可以既...呢d我咪話佢揾笨囉....你報得呢d course 梗係想佢正正經經聽吓野架嘛...so if 佢真係坐唔定, 唔肯入 etc 你不斷咁都同佢報都冇用 ga...盞嘥 $$, 何不等佢大少少, 佢肯聽嘞你再俾佢去學都未遲丫, 個時先學咪仲有 value! :lol:

FYI, 講音樂, 唔止 Tom Lee, 第日d 細路有得 4+, 香兒 (香港兒童合唱團), 演藝 (5+), even 阿公個音統處 (7+) 都有好多 course 添...但好多都要小朋友大少少先收, 因為佢地係想教你個小朋友野, 唔係想收你錢同你托兒, 明冇....??

So...我以前都倒過唔少錢落咸水海 (bcos of the reasons above la..) so now I learnt la....即係好似買玩具一樣, 唔好見佢靚有 discount 就買, 年紀唔到就係玩唔到, 冇 exception, e.g. 買件 18+ 玩具俾個 12 mths 玩 wor...so 後果係 (1) 佢唔識玩, 多鬼餘 (2) 佢係玩, 不過係攞嚟咬多過按件玩具既正確玩法去玩...so isn't that waste $$? 玩具又唔會升值既, 要買幾時都有得買喇 (學野一樣, 你肯駛錢, 學到 90 歲都有得你學)...so 何必急於一時??

私人傳訊

彥彥媽咪

子爵府

積分: 12317

2024年龍年勳章

24^#

發表於 06-10-27 02:02 |只看該作者

Re: 彥媽與你: BB讀書/學習交流站 (精華篇)

Common Question 7:

去 interview 時老師問我問題應該點答先理想呢? 有無技巧可以同我地分享?=======================================

hehe...嗱....首先.......學校d老師同 HR D interviewer 一樣, 年年見 N 個學生 and/or 家長, 佢地真係人老精, 鬼老靈, 無論你點答, 佢地好容易就聽得出邊d 係 model answer 邊d係真心既諗法喇....

而且... in fact, there are really no "MODEL ANSWER" in this world....e.g. 你話期望....嘿嘿..人人對說話都有唔同既 interpretation, it also depends on the preference of that interviewer too..即係有d老師鍾意學生聽教聽話, 但有d又會認為聽教聽話 = 被動, 寧取反斗既孩子, 因為咁証明佢地有創意 etc...哈哈...so 真係一句講哂, 好主觀的...

So, 我唔想就你講既 suggested answer 俾任何 comment, 因為 that may not be the best answer, 一陣我話 A, then maybe the interviewer prefer B 就死火喇...hehe... :mrgreen: :mrgreen:

不過, 我可以 give you some "principles" to think of an "appropriate" answer:

1) 細心留意該校既辦學宗旨 ==> 咁唔係叫你照響 interview 個時 up 返哂出嚟, 而係你真係問自己你同唔同意, 接唔接受, 因為"宗旨"就係學校注重既野, 即係唔係 stated in the 宗旨既就 may not be their priority, 咁你 OK 唔 OK 先? 我成日強調, 接受一間學校 somewhat 就好似接受個老公咁...要 enjoy 同佢一齊既優點之餘亦要能+有心理準備去包容一d佢既缺點喇....nothing is perfect in this world ga ma....

2) 問下自己有乜可以做 to cope with the need of the school, 因為學校好多時要 interview d kids, 除左想睇吓佢細路係咪"正常", 仲想乘機透過同家長既對話 (if need to interview parent) 佢了解究竟個家長重視學前教育與否, 會唔會就咁掟左個仔入學校就唔理, 日日 only ask the bunbun to take the kid to school, etc, 因為, 好老實, 收著個唔醒既細路都唔係問題, 收著個麻煩既家長就真係命都短幾年咯...你可能會問...咁有d KG 唔駛 interview parent ga wor....咁又點...? 呵呵...個d 通常都會響張 application form 問長問短 ga la...so 都知到一二既....不過你唔會知佢地 take those information 有幾 serious 而已....

3) 若自己都知自己作為家長既"弱點", (e.g. 在職, no time to follow up with the homework, etc), then 就要諗定"我可如何調配一d資源去 support the school 呢", this does not necessarily means resign ar....係要諗d有效既 other alternative ==> 需知學校明白在職家長有幾忙, 但佢地 (包括我) 都唔接受以此為一個 excuse, so 忙係可以, 但點樣響咁忙都可以俾到人地有個 feel 我係 care about my kids 呢...咁先係 more important....

4) 要充份了解自己小朋友既能力, 長短處...照數冇問題, 不過亦係....要俾人 feel 到我係見我小朋友有此問題, but then what I have done (or what I am doing now) to help my kid to change his/her behaviour...呢個至係正面積極既做法...學校唔怕d仔曳 (or 唔出聲), 反而最怕係有 case: 講比d家長聽, d家長都唔理, 仲一句話"俾得你教就係你負責"之類咁"賴人"既說話嘛...一d 都唔 take responsibility.

5) 仲有, 唔好嘗試揾d "model answer" 然後又照辦煮碗咁 xerox 出去 (好似d 人整 profile 咁), 自己肯花心機去諗一個 answer/format 遠勝於俾d千篇一律既答覆, this reflects to the school how much time/effort that you are willing to spend for your kid, instead of the content of the answer that attracts the Principal (esp. those famous schools' Principals, since they have seen 10000000+ versions of profile/answer la...) right? :mrgreen: :mrgreen:

Last but not least : take it easy la...interview 既野, 一分人力, 2 分心情 (個仔) + 7 分運氣 ga ma....see..?? so 有 90% 都係 uncontrollable factor bor....盡人事 only la...

私人傳訊

彥彥媽咪

子爵府

積分: 12317

2024年龍年勳章

25^#

發表於 06-11-20 01:06 |只看該作者

Re: 彥媽與你: BB讀書/學習交流站 (精華篇)

彥媽有感而發 (5) : 部署 BB 既學習應考慮邊幾方面呢? 有冇次序架?
======================================

剛巧又答另一個媽咪問學英文既問題, 又令我想同大家分享一d我比佢既參考意見....我認為好值得各媽咪響主力部署 BB 學好語文 (which is 99% 家長既願望 as I see here) 之外既另一容易被忽略既地方, 所以再將該 response 整理一下 post 埋響呢樹 ===>

要小朋友"讀得成書"...除左語文能力, 學識 (which 十個有九個媽咪都好注重) 之外...你知唔知仲有以下 pre-requisite ga...

冇左呢d, 根本談唔上"學"得到野...但呢d卻偏又係好多家長都"想當然"地以為 BB 會 OK 又或根本忽略左既...

1) 體能 Physical Ability
==> 一個強健既體魄係好緊要, this include 大小肌肉協調: e.g. 第日要揸筆寫字, 寫字唔整齊會扣分, 要 ride bicycle, 雙腳要識上落樓梯而唔會 PK, etc, 呢d都唔係必然架...我眼見好多小朋友真係三歲都仲會行路 PK, 何解..? 因為由細到大都係工人 (or Grandparents) "抱"番學, or sit on BB car to go to school...真攞命...小朋友連自己有對腳都唔係好知, 咁點搞...??

==> 唔好忘記, 上小學先係真正"戰鬥"既開始, 小一讀既唔係 only English, 考試要升班要考中, 英, 數, 常, 體育, 音樂, 聖經...etc..你都知, 學校一向 favour "average high" students , 即係只得英文得, 其他都唔得既..咁點搞..上小一...要考 1 min 跳 25 下繩..你有冇諗過....?? 要小朋友自己 hold the rope, 自己跳架....so....身體活動能力唔夠點搞..??

==>再者..依家d小朋友 are all very carefully being taken care of, 即係...連抵抗力都差埋, 我依家成日見好多小朋友...開學唔夠 3 months, 起碼每隔一星期都 take 1 - 2 days sick leave...我大人番工都未有 take 咁多 sick leave 喇...so 你話嘞...俾你學野幾叻都冇用喇...成日 miss classes....點追呀..??

2) 專注力 Attention span
==>多種 entertainment 既產生 (e.g. TV games, computer, TV, etc etc) 令到依家小朋友十個有九個都坐唔定, 就算坐得定都係四維望, 心不在焉....學習係好在乎專注與否, 好多思考性既野 (e.g. maths logic, 作句) 唔專注好易有 careless mistakes, overlook details...呢d係學習上既死穴, 又係咁講..英/中文講得有幾叻都冇用...反而若仲考著d傳統小學仲衰, 實比人投訴話佢"disturb 上課秩序"

(你當然可以唔同意咁叫"曳", 但始終 most schools 都係傳統教學, 咁 disagree 都要配合人地既rule of the game ga ma...)

3) 主動嘗試, 去思考+分析能力 Proactivity, ability to question
==> 好多小朋友又係...三歲都未見過個提子係有皮有核既...又何解??....家長/家人由細到大都同佢 peel 埋先比佢食丫嘛...好多野又怕佢 not clean 又怕佢冇益, 所有野 screen 哂先比佢, 而缺乏比佢 learn from experience (with affordable risk) 既機會, 久而久之, 佢地對學習就少左一份熱誠, 變成"飯來張口"一族, 咁對佢將來讀書又係死, 即係老師有教既就讀, 唔教既就唔理...咁點讀上大學...?? That's why 我成日都睇唔過眼我自己 U d 學生每遇到有問題, 都剩係識問我 "Miss...呢條點答呀..." :evil: (諗下都費事..

), 又或只係鍾意問: "呢條考試考唔考架"

(激死!!

即係唔考就唔讀喇...!!

)

==>學習某程度上係一門孤獨而漫長既過程, 當中少d耐力, 毅力都唔掂...大家都曾經歷過, 相信你地會明我講乜...諗下依家我地係唔係個個都講 "若我當日肯主動d, 讀多d, 問多d, 依家就可以咁咁咁喇..." 個時, 係咪我地都可以協助bb培養呢份自發性呢...??

4) 欣賞自己, 接受別人同自己不同 (appreciate and adapt to others)
==> 越讀得高班, 就會有機會遇到更多對手 (比你叻既有, 比你乖既有, 比你更得老師錫既又有...etc) 點樣可以接受自己就係自己, 識得盡量去發揮自己長處, 有正面思想, 同識得"欣賞"人地叻過自己既地方而去學習別人, 亦懂去觀察別人唔岩既地方而警惕自己, 又唔會因為人地叻又唔抵得, etc...呢d都係佢將來點響個十幾年 study life (even work life) 成日俾受"考驗"既野...

以上四味都係我之前講過 ==> ATTITUDE 既一部份, 係要響英/中文有好叻之前就要有...仲有以上既野就正正係 0-6 歲中要做好準備以使一生受用既野.....英/中文叻而冇上面既野比佢好叻咁又點呢...?? 會開心嗎? 定係因會越叻越變得"曲高和寡"呢..??

我一向都講....打個比喻, 好似bb學行路咁...早d行, 行得好梗係好 ga, 但大家有冇諗過若對腳本身唔夠力, 腳型唔好, 對將來行路行得有幾早, 行得有幾好係好有影響力架...???

但好可惜, 好多人甚少去留意bb對腳生成點 (又或覺得應該會 OK) 所以 all the resources 就放哂去 train 佢早d行 etc...好嘞....到時先知, 原來行得到都行得唔夠好 (又或者咁講...if 一早知腳型有問題而去做定d野, 留意定, 咁應會效果更好, right?) , 咁係咪就係有d"先後次序掉亂左呢??"

經驗之談 ==> 有d野, 之前唔做, 之後先做效果已打折扣 (attitude) , 相反, 有d野之前做得唔夠, 但個 foundation 打得好, 絕對大把空間追得上 (knowledge + skills) ...你慢慢再睇多幾次我呢樹寫既再諗諗丫...

下回我會想分享吓可如何協助小朋友増強多d以上各方面..之後先講點同時響後少少階段再注入語文 or 學術培訓 ~~

私人傳訊

彥彥媽咪

子爵府

積分: 12317

2024年龍年勳章

26^#

發表於 07-2-23 11:55 |只看該作者

Re: 彥媽與你: BB讀書/學習交流站 (精華篇)

Common Question 8:

想請問下怎樣訓練小朋友自動自覺去做事 ?
========================

呢個問題其實都好普遍, 好多人都有此問題, 好..大家又嚟一齊研究研究可以點搞...

我諗大家或許都睇過好多教仔既書, 入面都有講唔少點處理類似問題, tum 又有, 正面鼓勵又有, 我都認同呢d方法, 但亦要知, 個個小朋友"質地"都唔同, 有d係受軟唔受硬, 有d你唔硬佢又當你唱歌, so 都不能一本通書睇到老...

但唯一我可以分享既係幾個 terms:
(1) 包容/接受 Acceptance - 要以小朋友既心去睇小朋友, 即係唔好成日諗"點解我細個個陣唔會咁架"..呢d...e.g. 你細個唔會含住啖飯 =/= 你小朋友唔可以含住啖飯, so 要去明白佢地有好多野都唔識, 因此有一顆包容既心先可以令你有耐性去教佢

(2) 堅持 Persistence - 好多野唔係一次就成功, e.g 我中彥食飯係包尾大班, 做功課唔係唔識, 不過一見有人幫就懶, 扮唔識, 想大人幫佢, 自己就唔駛做了, 但咁唔得...於是我就會好"耐性"咁同佢"鬥磨"...即係死都要佢自己做, 至多我做阿媽既一齊陪佢, 煩係煩d, 但係會有效果既, 等佢知唔係唔識就唔駛做丫嘛....仲有....呢種做法要好 consistent 咁做, 唔好太易心軟, 依家好多家長就係唔敢太"迫"個小朋友, so 好易俾小朋友做左主導, 令佢地 "lead" 番個大人做野, 咁第日手尾會好長, 因為第日大個出去做野, 出面既人唔會就佢地, so learn at home 總好過第日比人排斥先嚟 learn from failure 丫, 係冇..?? so 家長自己 here 都要 persistent 先得啦, 我知有時唔容易, 但咁唔代表 impossible, so 成效有幾大, 要睇家長幾有決心了

(3) 規律 discipline - 小朋友將來要面對唔同既 rules 下去生存, so 自小有 discipline 絕對係百利而無一害既野, 我咁講唔係要佢地好似"軍訓"咁誇張, 而係我真係見好多家長由得小朋友太"自由", e.g. 佢地話食乜就食乜, 汽水薯條一大堆, 之後就大獲, 睇醫生都睇到暈, 再唔係就勁肥, 小朋友半夜三更都唔訓, 第日冇 11pm 都唔起身, 呢d就係響我眼中冇規律既表現...要知道..小朋友年紀小時唔會明乜野係"有益", 乜野係"冇益", 佢地只係按佢地既情感去行動, 即係"我鍾意"就做, so 家長若太遷就我唔認為呢d叫"愛"佢啦...有d 野係可以俾佢"亂嚟", 但一講到一d important items, e.g. 作息時間, 食飯 schedule, learning, etc 我會執得幾緊, e.g. 自小我就要大中彥 9:xxpm 最遲 10pm 就要 zzz, even 個陣係新年又好, 節日一家玩又好, 一夠鐘我就要佢地走, 唔得賴死玩...係就係有時會冇瘾, but this also bring them a clear message here..玩還玩, 作息還是要定時, 第二朝唔理佢地之前幾點 zzz, 天一光 latest (even holiday) 9am 前就要佢地起身, 食早餐..etc...日子有功, 依家佢地個個都唔駛我叫 or 剷就會起身, 事情當然唔係一開始就咁順利啦, 最初大家總有角力既時候, 而另外, 我家既好處屋企係 decision maker 角色好明顯, 我屋企d老人家都唔敢太阻礙我教仔 (話時話, 我亦唔理), 呢點係令我可以 set up 到 discipline 比d細路既一個優勢, 唔駛一陣我有我講, 老人家見我地唔係樹就另一version, 咁會好難教....我明有時老人家好難搞, 但都係個句, 只要我知係為d細路好既, 我一定會堅持, 就是如此, 阿爸都冇面俾.

(4) 放手 Let go - 要 learn to accept mistakes and allow affordable mistakes...i.e. 我大彥 4 歲起已逐步要佢自己 try shower, so 好快佢已可以自己 take care 自己, 最初係就係一定一身都係泡, 又唔乾淨, 要我地執手尾, 但 at least he can learn from there...依家佢就 7 歲了, 所有起居飲食已自己搞掂, 咁對佢對我地都係一件好事, 畢竟將來佢地係要靠自己去創造將來, 做父母既係要 equip 佢地適當既能力, 而唔係 only 去 protect 佢地, 我眼見好多例子, 父母盡一切努力去 protect 子女, 好係好, 但我地可以 protect 到幾耐呢...so let go 係一個令大家都好過既法子之一, 但當然我唔係話乜都唔理個d啦....I know you will understand what I mean here..right?

以上所講係 my experiences only, 我明白都係個句, 人人家庭環境唔同, 細路都唔同, so 唔係 100% 抄足就等於會 work , 不過最重要係要明個 principle, so 我最支持 PERSISTENCE, 對教仔, or even 自己做人, 都一定有用.

私人傳訊

彥彥媽咪

子爵府

積分: 12317

2024年龍年勳章

27^#

發表於 07-2-27 11:42 |只看該作者

Re: 彥媽與你: BB讀書/學習交流站 (精華篇)

彥媽談培正 (1) - 面試篇
==============

眼見好多家長都對此校好有興趣 (係見人地話好就覺佢好又好, 定真係自己做左好多 research 就認為佢好又好), 都成日見有好多 common questions, so 就等彥媽響樹 recap 下, 唔駛又再成日 repeatedly 地打同一式既答案啦...

1) 培正入學年齡要三歲?
==>先講 fact, 係, 培正指明係收要響 31/8 前足三歲的小朋友既, e.g. 入讀 2007/9 月K1 既一定要係 between 2003 Sep 1 - 2004 Aug 31 出世既, 爭一日都唔得, 但由於 2003 Sep 1 - Dec 31 出世既都可以去另一d 幼稚園報到 2006 既 K1, so 若要考培正, 就一係 (a) repeat 一年 K1 or (b) 遲一年先讀, so 想唔想就睇個別家長意願了

==> 你地問我, 我就會話, 基本上早一年先讀定遲一年先讀對個小朋友既學習上唔係有太大既分別, 而且大年紀先讀, 學習會比年紀小既小朋友更佳, 關鍵 here 只係在於"有冇覺得蝕左底"既心態咁啦, so 就要問自己 following questions:

1) 你係咪一定對培正既教學咁有信心, 非培正不讀?
2) 你係咪好想有得直升培小所以寧願等多一年?
3) 你阿仔/女遲一年先讀你過唔過到自己個關及人地個關 (即係好似有d人會話:唉呀, 做乜咁遲先讀書呀..etc)

so everything 係在於 VALUES problem again, 早讀遲讀都有好有唔好, 個個人既睇法亦唔一樣, 因為每個人追求既野都唔同, so of course choice 都唔一樣, 彥媽只係想講, 點都好, 唔好因為自己阿仔係 Sep 1 出世就話點解學校要咁收生法喇...唉....因為間間學校都有其規矩, 而世界上唔會條條規矩都可以 fit in 所有人既, even 依家幼稚園好多係收 Dec 31 前出世個d , 都有家長話: 唉呀..我個仔 born in Jan 2 ar...爭兩日..好唔抵呀, 要遲一年先讀得書, etc...咪一樣...??!!

==>另外, 唔駛諗第二年去考 K2, or even P1, 因為佢地規矩都係一樣, 要讀 K2 before Aug 31 要足4 歲, K3 要足 5 歲, even 小一要足 6 歲一樣.

==>你地問我, 我就會話, if 我真係好心儀培正既, 我就會唔介意遲一年, otherwise 又睇唔到一定要非培正不可了.

2) 收生程序如何?
==> 一般來說, 每年十月左右就會公佈收來年 K1 既 details, 以佢一向做法 (so far 年年都大同小異), 都應係:

a) 係指定日期內寄回郵信封, 夾附小朋友出世紙 copy, 學校會之後寄番張 application form 比你, 寄出世紙 copy 係要 make sure 你小朋友係 eligible to apply 個年既 K1 (即係 Aug 31 前出世), 因為唔得佢地會寄番張 "你唔報得"之類既 notice 比你 later ga..

b) Application form 有兩張, 一張係問d personal information, e.g. name, address , 另一張係問一d general questions (e.g. 點解選培正, 對小朋友讀書有乜期望 etc), 填好之後就響指定日期 (normally 係 Nov) 去排隊交 form 同 application fee ($30) , 唔好問點解唔得寄去, 上網 download 之類, 彥媽遲d 會再講下, 培正 (or even some other 所謂 famous school 都有類似係人地眼中"好大鼻"既做法") 一向都係咁, 亦唔係只係呢幾年先係咁鬼麻煩, 不過因為呢幾年有左"崔琦效應", 人云亦云下就多左更多人去報喇...so 又係個句, if 真係好想去讀既, 都唔係真係花太多時間既...

c) 之前曾見有家長列哂d問題出嚟問人點答好...但彥媽想講, 我認為最好既答案就係自己為小朋友諗既答案, 而唔係靠人地幫你 mould 既答案, 呢個世界亦唔會有 model answer, 但考官一定可以從你既答案中睇得出你有冇用個心去答, 定係行貨, 此乃經驗, 就是如此

d) 一般 interview 係響 end Nov - early Dec , 一定係 Sat, 時間係按你交 form 時既 time 逐個排既, 即係早交 form 就會早d interview, etc...大家唔駛花時間去"統計"究竟係咪住得近就早d interview, or 大女大仔就早d interview, 又或校友又會早d interview 呢d 咁"有趣"既統計了, 因為對考唔考得入係冇乜幫助既, 倒不如睇下點樣同小朋友 prepare 下佢既心情, or even 睇下有冇第二d 幼稚園都想考做 back up 會較為有"建設性"

3) Interview 情況如何?
==> 面試當日係先去大堂報到, then 所有人會去禮堂等叫名上課室 interview, 老師會叫名, then 約 5 個小朋友一組由自己父母帶住上課室, 之後父母唔可以入課室, 即係要小朋友自己入去, 老師就係從旁同小朋友傾偈及觀察, 5 mins only, 快過打針既....之後就走得, 等消息了

==> 因為 whole process 只係 5 mins, 培正又搞左咁多年呢d收生 procedures, 睇怕真係熟哂, so 真係準時得不得了, i.e. if interview time 係 10:30am , then 不出 11am 一定走得...唔駛呆等的.

==> 收生結果多是響來年 1 月份寄到府上, 分為"收", "唔收" and "waiting" 三種

4) 培幼 (even 培小) 係咪有兄姐就讀就必收?
==> 唔係....因為培正係私校, 私校既定義係佢可以自行厘定佢自己既收生準則, 政府都唔可以干預, 所以唔存在"必收"呢樣, 事實上我亦見好多阿哥讀緊 (even 唔止一個阿哥) 都唔收個細佬呢樣野, 但當然培正有講明"有兄姐就讀會有優先", 但請注意 "優先" 同 "必收" 既意思都係唔同架嘛, right?

5) 培幼 (even 培小) 係咪 prefer 收大仔大女?
==>又唔係, 因為事實上每班都有由前一年 Sep 1 至下一年 Aug 31 出世既小朋友, 佢地仲會好平均咁分成班班都係有d咁既人 (即係唔會有一班 only 大仔/女), 連性別都係, 一班 30 人, 男女比例都分成 50/50 咁上下架...so 又唔可以 conclude 大仔係著數d啦....

==> 不過, d人都仲係有咁既感覺唔多唔少係因為大仔/女對於面對陌生環境 (要自己入房 interview) 同陌生人都一般地較細仔/女會好d, so interview 時可以 performance 好d 不足為奇, 亦因為 performance OK 而收既 chance 大d 亦係好自然, so 唔可以單睇大仔/女就話細仔/女一定唔收啦...

6) 培正舊生, 校友, or even 同宗教 (i.e. Christian) 就會收架?
==> 同有兄姐就讀既 situation 一樣, 係"有優先", 但 =/= "必收", 都係個句, 事實 there are many cases 有齊哂呢d 都唔收, 死未..??

7) 咁培正鍾意收d咩人架?
==> 唔知, 真係冇人知, 我亦冇興趣去查探, 因為真係乜人都有收, 我亦見唔小好"有趣"既"統計", 有人鍾意研究係咪要有錢先收? 要父母係專業人士先收? 要父母係大學畢業先收? 又或要母親係 full time mom 先收...?? 唉...我地只可以講 (even 我地呢d有小朋友讀緊個d )都唔知點解佢地收我地, 學校亦唔會講, so even 就算知又如何..?? 可以幫到d乜..?? 俾我, if I likey 間學校, 話知佢講到明有錢至收, 我都會去報, even I know 試都唔 high chance, 但唔試就 no chance at all, so why bother 為呢d煩...一於試左至算啦...

私人傳訊

彥彥媽咪

子爵府

積分: 12317

2024年龍年勳章

28^#

發表於 07-2-28 11:24 |只看該作者

Re: 彥媽與你: BB讀書/學習交流站 (精華篇)

彥媽談培正 (2) - 資訊篇 (甲) - 培幼
=====================

我諗大家若對此校有興趣, 都會想知一d關於此校既 basic info, so 先講培幼:

1) 學生人數
==> K1 - K3 都係八班, K1 4 班 AM class, 4 班 PM class, K2 八班 all AM classes, K3 八班 all PM classes
==> 一班 30 人, 兩個老師負責

2) 上課時間
==> AM class 上學時間 9am - 12:00noon, PM class 上學時間 1:15 - 4:20pm

3) 學費
==> 2006/2007 學年為 $1600 per month, 交十期, 每年以我經驗係幾廿蚊咁加上去, FYI, 2005/2006 係 $1510

==> 培幼係非牟利幼稚園, so eligible to apply 政府既學卷制, 即係可以減 $1000 per month.

4) 茶點費/書簿費/雜費
==> 學校冇另收茶點費, 因為係要自備既 (so 大家可以豐儉由人) , 學校只供應水, 俾小朋友帶個杯番去就得

==> 書簿費唔多, 一學期約 $7xx-8xx 左右, 已 cover 左 all 書+文具+功課簿+埋個書包了, 小心用的話, 書包可以用足三年, 要買過都係 $30 一個, 另仲有一個生日包, 都係書簿費入面俾埋的了, so 簡單計係 about $1600 per year 咁啦..之後就冇乜再有其他費用收的了 (係有時 say 去旅行, 收少少交通費 etc)

5) 校車
==>有, 係由冠忠巴士公司承包既, 不過呢間公司超級難頂, 負責人 super 官僚, 每年只可以祈禱佢地編個路線好d, 咁我地就唔駛兜大圈返學, 因為"最高紀錄", 我見過 (尤其係住 TKO 個d) 返 9am class 個d, 7:40am 上車係濕濕碎, 你嘈佢咩, 佢惡過你, 你唔駛諗用 "劉德華既客戶服務心態" 去教佢地個 in-charge Mr So 了, 我已領過野, so 我已"甘拜下風" 對佢地公司 "無言以對"了, 只有選擇 "接受" or "唔接受" only, 所以依家彥媽唔駛坐佢地校車簡直感到輕鬆無比, 就係咁了

==> d 校車 ee 就睇係邊個啦, overall 都唔係差既, 但始終人人唔同, 我都聽過有d 真係都唔多好, 又係個句, 睇命數了

==> 校車費用由 $450 - $6xx 不等, 一般而言, 車程應唔 > 1 hr, so 坐幾耐好睇佢地點編路線, 因為培正實在太多學生, 所以都無計, 多數要遊花園的了.

==> 順帶一提, 學期頭一旦報左你想響邊個站上車落車, 最好個學年都唔好改, e.g. 要搬屋都要搬番佢地路線上有站個d, 唔係包你後悔, 因為佢地係唔會因為你搬左就同你加個站的, 係要你自己諗掂佢既, 彥媽以前"瀨過野", so 依家學精了, 假使有一日我地要再坐番佢校車, 都要搬去佢有站個d 地方, 一般而言, 幼稚園因為得八班, so d 站一定唔夠小學六個年級 x 八班咁"多元化"既, so 各位只好自求多福了...

:-| :-|

6) 課下活動
==>培正本來就唔鼓勵學生咁細個d 課外活動就密密麻麻既, 佢地宗旨係想學生輕鬆學習, 小一開始先會多好多課外活動so K1 只有 Ballet 提供, K2 都係, 係去到K3 就開始多dd, 但都係一兩樣 only, (e.g. violin) , 但呢d 活動都係"代辦"個停, 即係外判, 學校 provide 場地 only, so 除非你地係住響培正附近, otherwise 我又睇唔到 why 一定要幫襯啦 (反正又唔係培幼搞既), 而且, 課外活動係冇校車接送架!

7) 課程
==> 都係以活動為主, 小朋友每日都會學唔同既野, 中, 數會認字, 英文學 phonics, 仲有d "主題角" (e.g. 家庭角有d廚房玩具, 新聞角會有好多剪報 etc) 俾小朋友去玩, 有音樂堂學唱歌, 運動堂依家係每週兩次 (即係一星期中有兩日係要著運動衫), 會去地下操場同四樓有個 covered 既活動室, 入面有d大型既攀爬玩具比佢地玩

==> 英文日日都有, 但要係 native English teacher (NET) 教既就一堂 (30 mins) per week only, 其他時間係班主任教佢地 only, 上面講過, 主要係教 phonics 為主

==> 幼稚園冇普通話, 小一先有

8) 老師
==>培幼因為都好多年了, so 好多老師真係做左好耐, 唔同大家見有d 好"妹妹仔"咁既老師, 真係有d 好"傳統" look ga..但傳統 look =/= 佢地好惡既, 只係有d老師真係會較注重規矩呀, 聽話呀咁啦, 但亦唔代表小朋友曳佢地就會罰佢, so far my experience 係佢地都會同我地傾, 只係我都碰過有d老師會要求高d, e.g. 寫字我認為都寫得幾靚都硬係得一個印仔 (印仔越多越好架嘛) 咁啦, so 人人接受程度唔同, 在我, 我都唔會太 mind 既...(雖然梗係老師手鬆d我會開心d啦...嘻嘻... :mrgreen: )

==> 但培幼d老師透明度唔高係事實, i.e. 佢地唔會事無大小就 call 下家長 update 下你小朋友返學返成點呀咁架, 唔好用 "customer oriented" 個種心態去要求佢地, 佢地唔係咁既, 老師打得電話俾家長反而多數唔係好野 (e.g. 一係你個仔比人打, 一係你個仔打人曳曳之類) , 所以係培幼讀要知 no news is good news 既心態啦...要明白, 每個老師一班要 handle 30 students, 真係唔多可能成日打電話同家長 update each 小朋友既情況既 (佢地仲有好多行政功夫要做, 打工既你我都明可以有幾煩架啦...) so 我都可以體諒...

==> 但另一方面, 老師又唔係十問九唔應既, 若家長真係好想了解下小朋友既情況 (K1 既家長就最想, 因為新入學丫嘛, 乜都想知, 彥媽係過來人, 我 1st year 都係咁...呵呵..慢慢就知唔駛咁刻意去問的了) 可以寫響手冊話"想同老師傾", then 老師就會一落堂有時間就 call back 同你傾的了

==> 不過彥媽都係老師, so 都想反影下啦, 有時大家要明...你既仔女無錯係你唯一既仔女, 如珠如寶, so 緊張係可以理解, 但對個老師嚟講, 你既仔女係佢 30 個 (or more) 學生之中既其中一個 only, so 有時真係唔好 expect 佢真係成日可以人釘人咁睇住個小朋友啦, 亦請體諒佢地真係唔可以常常做到 detailed report 比你地咁..唉....因為彥媽曾見有家長有微言 here, 但我睇法係, 你問老師佢都唔啋你 or 答唔出就話唔岩啦, 但你要人地定時要 update 你咁就真係有點...

當然, 有d家長會話"以前阿仔間幼稚園都得, why 培正唔得", well....彥媽就會話, 唔好人比人, 唔係一間要得另一間就要得既, 雖則 "service" 係要提升, 但對一間百年老校嚟講, 佢既 change speed 唔快呢點我絕對明白 (一個老人家行步路都慢過後生仔啦), so 我諗揀得培正有好多野要去體諒, 明白, 同接受, 而唔係下下埋怨 or even complain, 咁對大家都冇好處, 大家揀得培正, 佢亦有咁上下成就一定有其原因, so 好多野係 give and take, 我成日都講, 若有一間學校真係可以 so perfect, 老師又好, 校車又好, 課程又好, 乜都好, 又易考入既, 唔該第一時間話我知, 我都一定幫D仔轉校!

事實上, 培正d行政真係都幾"傳統"架 (遲d再慢慢講), 但我都係個句, 我欣賞既係佢既教學, 只要阿仔學到野, 學到做人, 行政既野係 affect 我呢個阿媽 only, 我係大人, 我可以承受, 仲乘機訓練下自己d EQ, 最緊要 to me 既係間學校幫到阿仔, this is my priority.

9) 職員
==>之前有見家長提過打電話去培正問下入學手續得到既回覆好粗聲粗氣, 十分大鼻, 唔~~~我都知有呢d人, 有d 職員 (唔計老師, 我係指d 嬸嬸, 校工之類) 係好鬼"吋"既, 因為我係自己帶仔返學, 仲 feel 得多, 有個阿嬸成日凶d工人架, 呢d 係個別人啦, 間間學校/公司都有d咁既人啦, 何況又衰既, 培正唔駛打開門都大把人去讀, so 自然有d人覺得"水漲船高", 再加上d阿嬸好多真係做左 N 年, so d態度唔得 customer friendly 都真係唔奇, 但 overall 佢地對小朋友都唔會咁 (我阿仔有講, 我自己都有眼睇), so 我會睇 fact 啦, if 真係好過份, 我會主動同校長講的.

10) 成績評估
==> 每年上下學期都有成績表睇, 但佢地係冇考試測驗既, 係以 continuous assessment only

==> 有時 (尤其係 K2 後) 你地會見到細路帶d 做野既"工作紙" 咁既野返嚟, 但又冇見佢響屋企做過, 個d 其實係"堂課", 亦可以講話係 "test" , 老師就係憑呢d + 功課 + 平時表現去評估小朋友既成績既

==> 但因為係 continuous assessment, 所以成績表上唔會有分數, 而係分成 "常常做到", "做到", "間中做到" 之類既 terms, 去表示佢地個 standard 去到邊咁啦...

==> 但彥媽就覺得, 話就話 no marks , 但因為每年幼稚園班班都會選出八個獎 (語文獎, 識數獎, 英文獎, 聖經獎, 操行獎, 美勞獎, 體能獎, 音樂獎), 咁冇分又點選呢...so I guess 老師自己點都有個 assessment ge...不過係乜呢, 佢地又冇講, 因為佢地知道家長 if 知道就實有人去"追名逐利"架嘛, 咪又盞令小朋友辛苦...?? so 唔講都好既, 冇得爭...哈哈...隨遇而安啦....去到 K2 , K3 仲會有個"浸信聯會優異學生" 咁既獎添架.....so 點會真係 no assessment ar.....

==> 上學期多數約響 1 月份就要見老師攞成績表, 大家又要留意, 培正老師們普遍都唔係雞啄唔斷個停人, so 佢地唔會好多野講咁同你 update 小朋友既學習情況, 反而係我地做家長既想知就要主動d啦, 問佢地佢地就會知你想知, 就講多d咁啦....總拮而言, 老師們都係 nice ga..不過就唔好 expect nice = 熱情啦....呵呵~~

11) Others
==>唔駛諗, 培幼唔興搞 open day 俾d 家長去參觀 (尤其有d想報個d 家長想話去"睇"下間學校先) 佢地唔駛俾人睇都 2xxx 幾人一年申請, 佢做乜仲要搞咁多野丫, right?

==> 唔好話想考個d, 讀緊個d 都唔多機會去睇間學校架喎, even 我地讀緊個d 學校都唔會好 formally 成日搞好多親子活動俾你去睇間學校 ga wor, 個課室都係我去接仔/送仔返放學個時先叫做可以入去睇架咋, so if 有d家長小朋友係 all the way 校車出入, 咁家長就會更小機會睇到學校個環境, but if 你地真係想睇要自己入去睇佢地都唔會話一見你睇就唔俾你睇咁既, 係唔會 invite 你去睇咁啦, see the difference here?

==>好多野學校教左小朋友我地都唔知架, 要問個小朋友, 在學校睇, 佢地係想 train up 小朋友對自己負責, so 有好多野老師會吩咐小朋友同家長講, 但好多時小朋友細, 就成日唔記得, then 事後家長知道就"皇帝唔急太監急", 好想學校講多d比家長知, 但我又幾 support 呢種 training bor...因為依家小朋友就係太被 protect, 有好多野都太緊張, e.g. 有時學校話要帶手巾仔, 家長放左俾小朋友, 但小朋友唔記得拎出嚟俾老師睇, then 老師就會當"冇帶", 就 cup 個藍兔仔響手冊, 當"忘記", 家長事後一知就會好緊張, 即時打電話去學校同老師講想"上訴", 但我既睇法係

(1) 一來 this reflect 家長自己都好重視成敗, 咁只會令大家都辛苦同忽略左個問題既核心, 問題所在係"要自己留意同 control 自己既物品", 唔係旨意人地去提, 命係自己既, 自己都唔緊既野, 邊個可以幫你? 家長 protect 得一次, 又可以 protect 一世, 同佢上訴一世咩..?

(2) 唔記得左咪唔記得囉, this is the past , 唔可以改, 問題係要小朋友 learn to tell ... the learning point here 係:如何可以令自己下次記得, 要主動同老師講呢..?? 而唔係 learn 去上訴, 因為咁只會令小朋友學到自己唔記得, 但上訴可以 then alter 個 mistakes, 咁唔係積極既做法...佢亦會因此好計較得失, 佢地要學既係有紅兔固然可喜可賀, 冇既就亦要識去"接受失敗", 同有咁既鬥志 (唔係去上訴) 而係去諗下一次既改善辦法, 咁先係積極人生嘛...

(3) 我明父母愛子女之心真係無微不至, 在今時今日大家都係一個起兩個止既年代更有過之而無不及, 亦因此我睇到既係今時今日既小朋友比我地細個個時變得更脆弱 (fragile), 唔識得去面對困難, 逆境, 失敗, 因為父母出盡力去同佢地營造了一個"無失敗"既環境, 但咁係對佢地好嗎..?? 大家都知, 我地唔可以代佢地生活, 亦唔可以 protect 佢地一世, 路係要靠佢地自己去行出嚟, so 一個少少 tough 既生活環境真係唔係一件壞事丫~~

我見過有d 家長小朋友 K1 了, 仲係要工人抱住番學, or 坐 BB car...see...?? this 就係 protection 啦...too many e.g. I have seen 啦, 彥媽都想籍此反影下 my feeling here, 培正係有好多野就係要 train up kids' 既獨立性, 呢點我係好支持既, 亦對佢地將來好有用, so 我d仔以前都試過有藍兔啦, 我係人, 都梗係有d 唔高興啦, 但諗深一層, both my boy and me 都可以 learn something from here, not a bad thing ar...依家我都學識左好多野唔駛太在意了, 我大彥初上小一成日執書包都甩頭甩骨, 帶得 A 就 forget B...初頭我咪又緊張到死...成日幫佢執漏, 佢 daddy 講得岩, 叫我放鬆d, 由佢...就唔幫佢跟, then 等佢自己 learn 下 feel 下唔記得帶書, 上堂面懵懵個樣, now he knows la....幾 weeks later 我地已可以 kiu 埋對手唔駛理了...so that's why I said 決心 (both me and the kids) 真係好重要.....決心 to 放手 in affordable risk environment, right?

私人傳訊

彥彥媽咪

子爵府

積分: 12317

2024年龍年勳章

29^#

發表於 07-2-28 17:14 |只看該作者

Re: 彥媽與你: BB讀書/學習交流站 (精華篇)

彥媽談培正 (2) - 資訊篇 (乙) - 培小
=====================

1) 學生人數
==> 2006 學年 P1 共有八班, 每班 32 人, 但據我所知, 因為學校好想推行小班教學, 亦在積極研究同中學結龍, 所以來年 2007 學年既 P1 會係 30 人一班, 九成以上係由培幼升上去, so 理論上而言, 培幼有八班, 都係 30 人一班, 由於係 100% 可以直上小學, so if 冇人 give up 培小位置就唔會有小一既外來生, 但當然年年都有少量人會唔升培小既...

2) 上課時間
==> 培小為全日制小學, 上課時間係 8:40am - 3:30pm, lunch 12:30-1:30pm, 30 mins 一堂

3) 學費
==> 2006/2007 學年為 $2,250 per month, 交十期, 以私立學校計, 佢學費算係平的了

4) 茶點費/書簿費/雜費
==> 學校冇收茶點費, 要食就自備, lunch 由學校食堂提供飯盒, about $16.x 一餐, 唔跟學校食可以由家人帶飯俾佢地

==> 書簿費我印象一學期約 $1500 左右, 已 cover 左 all 書+功課簿, 一般而言都夠一學期用的了, 唔駛成日再買, 係要自己買d colour pen ar...文具呀咁啦, 呢d先多, 因為d細路個個 (尤其剛上小一個d) 都幾 lei fei, 成日乜都唔見哂架...又會爛哂, etc..

:evil:

之後就冇乜再有其他費用收的了 (係有時 say 去旅行, 收少少交通費 etc)

5) 校車
==>同培幼一樣, 都係由冠忠承包既, so "待遇"都一樣 :evil:

6) 課下活動
==>有, 多好多, 英文, 數學, 普通話, 跆拳, 音樂, 多到你揀唔哂, 要俾錢個d 多數都係外判既, 有d 係一d learning centre, 更多既就係由 "培正教育中心" 搞既, 我阿仔幾樣都有試過, 佢地費用都幾平, 成效就仍在觀察中, 因為都係上左一個學期 only, 遲d先 comment

==> 另, 學校自己就會舉辦一d lunch time 個時既 free activities, e.g. 棋藝班, 聖經班, etc...多數係 1-1:30pm 個時學生可以利用 after lunch 未上堂既時間去既...不過我阿仔就唔鍾意去, 寧願蒲圖書館...

==> same as 培幼, 課外活動係冇校車接送架!

7) 課程
==> P1 - P2 話就係以活動為主, 但我真係唔多覺, 我阿仔個班係將d 枱椅以 group 咁形式坐啦, 但都係要坐定定聽書既, 學校話 P3 打後係傳統教學添, so 我有理由相信要坐得更定...

==> 學科有: 中, 英, 數, 常識 (呢d係主科, 唔合格要留班架), 另聖經, 音樂, 視覺藝術, 體育, 普通話, 電腦

==> 普通話一星期一堂 only

==> 以下我講講小一既 syllabus:

a) 中文科
=====
==> so far 我見培小d課程都唔簡單, 中文生字教得都幾快幾多, 入面我都 trace 唔到佢個 pattern 係點 design 既, 又唔係先教小筆劃既, 再多筆劃, 係乜都有, 好深既字又有, 淺既又有, 係跟課文去認字, 生字要識去 associate, e.g. 一個, 一件, 一輛, 仲可以"一乜"呢....又...俾個字: "老" 可以係"老"乜呢?...要去諗... "老師", "老伯", "老鼠" something, 學部首...水字旁可以有乜字, 越識得多, 認得多越好...我大彥已學識查字典了 (但係我地教, 唔係老師教呀)

==> 中文要識排序, e.g. 公園/我/開心/很, 要識排序, 加標點符號, 識分名詞行先, then 動詞, 副詞, 形容詞係乜..etc..

==> 學寫簡單句子, 憑個字頭 or 一幅圖畫要寫句野...此乃"作文"...通常d細路都 not too good here, 寫嚟寫去都係"我很開心, 和爸爸去釣魚", 幾個字就收工, so 通常咁個分唔慌高, 要教佢地試下形容/想像下釣魚既情景, 形容下條魚 (唔係 only 很大, 係可以講下佢個外型呀, 動作呀咁先多野寫架嘛...)

==> 有簡單既閱讀理解, 俾段短文你, 睇完要答問題

b) 英文科
=====
==> 英文係用 story book 形式去教, 每次一本, 要認字, 默生字, 默個d 唔係 apple 呀咁 simple la...係 sandwich, lollipop 呢停, 以培幼一隻生字都未教過咁計 (培幼只係教 phonics, 講嚟講去都係 sh, t, d, 咁) , 上小一呢d都幾攞命, 一開學冇耐就要默書, 默成 20 個...去到 2nd term 開始有d unseen 添...都咪話唔深...

==> 有句子重整, 好似中文咁...happy/I/park/to/go to

==> prepositions, e.g. "on" the chair, "in" the hole...etc...

==> 要識對答, e.g. "Hello, how are you" 你要識寫 (or 連線式選答案) "I am fine, thank you" 呢停

==> 作簡單句子, quite similar to 中文科

c) 數學
====
==> 單位加數, 好快去到雙位加數
==> 三角幾何, 錐體, 柱體, 要識分, 數下有幾多個
==> 線條, 分辨直線曲線, 大小 concept
==> 減數下學期就有了, 好快
==> 圖像式咁開始灌輸乘數既 concept, 即係一堆野, 若四個一堆, 可以有幾多堆, 若 5 個一堆, 又可以變成幾多堆 (so我已開始 train 佢乘數表, 等佢適應好快就乘除數嚟架喇)
==> 文字解難題, 推理.... e.g. 小明今年 5 歲, 大阿妹2 歲, so 阿妹今年幾歲, 小朋友多會 feel "大" = "加" 呢個 concept 而唔係真明條題目, so 好易中招, 寫 "7 歲", so 推理理解 is very important here, 好多剛上小一既小朋友都 feel quite difficult here
==> 心算

d) 常識
====
==> 算係最易既一科咯, 因為好多係 common sense , 教下擦牙程序呀, 社會規矩, 習俗呀咁, 好多呢d家長由細同佢地傾開偈都有教既, 不過最重要唔係"識" only , 係要"寫" sometimes ga...so 又係要識字..同埋要小心, e.g. 有d 考試題目係"連環圖", 俾幾幅圖你, 要你寫番 1, 2, 3, 4 以排序. e.g. 1 係雞蛋, 2 係小雞, 3 係大雞個停....

e) 普通話
======
==> 雖則一星期先一堂, 但一考試要有口試, 同老師 PTH 對答, e.g . 老師問 : "你叫甚麼名字?" 阿仔要識答 "我的名字叫陳大文" etc...
==> 仲有筆試, 考拚音, 要認得d "b", "p", "m", "f " ar gum....
==> 若家長全家都唔識 PTH, 之前小朋友又冇學過 PTH, 你都咪話, one week 先 1 lesson, 邊會搞得掂...(我依家都成日要幫大彥補飛啦, 好在我識 :

不過我都係 prefer 佢出去學)

f) 電腦
====
==> 有筆試同實習試
==> 學認電腦部份, 乜係硬碟, 乜係滑鼠 etc (注: all terms in 中文)
==> 實習係學用電腦啦, e.g. switch on/off the PC, open a file, drag an icon, etc...
==> 1 week 1 lesson

g) 音樂
====
==> 小一上學期考試係指定歌曲一首 + 一樣自選表演項目 (即係可以表演彈琴, 唱歌, 乜都得), 但...除左唱歌之外, 若要表演 others 去邊學..?? 咪即係又係要靠之前響 KG 已經 "課餘進修"啦...? 唔係點會突然間識...??
==> 不過, 話又說回來, 表演番唱歌都冇問題丫, so far 只要小朋友肯做就會合格既, 係幾多分咁啦....

h) 體育
====
==> 小一上學期要佢地可以響 1 min 內跳繩 25 下, 聽落好似好簡單, 但跳繩好講手眼腳協調, 都唔係係人都得架, if 有d家長仲係好少 train 小朋友體能既, 又或成日抱佢多過要佢自己行既, 都咪太 take it easy...

i) 視覺藝術
======
==> 我又唔覺呢科好特別, 係勞作手工美術咁啦, so far 都同"玩"好有關, 細路特別興奮, so 算係唔多駛跟阿仔都好易 handle 既一科了

j) 聖經
====
==> 呀..仲有呢科, 咪睇小佢, 培正係教會學校, so 佢相當重視此科, 雖則呢科唔係主科, 但要做每年既優異生, 此科都要計在內, 唔野少架....(我大彥就係此科唔夠 90 in average, 所以上學期就係咁做唔到優異生喇...:cry: :mrgreen:下學期要努力了)
==> 小一要識背金句, 唔同響培幼個d 咁簡單, 長好多架, 老師話上到小二仲要識默添架...
==> 仲要識多好多聖經道理, 考試會問, e.g. 天父用 7 days 做天地, 咁由 day 1 起, 佢做左乜..? 要選 correct 既圖啦, i.e. day 1 做太陽, day 2 做月亮...something like that, 即係要記得啦....so 又要溫習喇...

8) 老師
==> 若話培幼既老師好"傳統", 咁我會話培小個d 係更傳統, 佢地年紀都比培幼個d overall speaking 更"成熟" :mrgreen:, 而且上到小學, "學野"既成份較幼稚園更多,所以唔好 expect 老師好媬姆式咁"呵護"個小朋友, 好多野佢地都會以"大人"既標準去睇架喇..e.g. 要有規矩, 留心, 尊師重道..etc...呢d values 都會慢慢咁滲比佢地架...

==> 有d家長 may feel 培小好傳統...在我嚟講, 我都有此 feel, 但我對一d 中國既"教誨"我都幾 buy , e.g. 讀書時讀書, 遊戲時遊戲, 尊重同學師長, 聽教聽話..somehow 有d 人認為係太多規矩既野, 我其實唔太介意之餘仲都幾支持架, 彥媽雖則讀過唔少洋書, 不過份人都仲好"規矩"型, (唔得笑我老土) 呢d 中國文化我好 support ga...

==> so in this case, 培小係要求幾嚴 (操行上) 但我都認同, 因為細時唔學好, 大時真係好難搞架..so 我絕對諒解老師d 憂慮架..

==> so far 老師係嚴謹 (注意, 嚴=/=惡) 但我都明佢地係想我地一齊合作啦, 家校合一, so 老師好多時都會 feedback 比我地家長聽小朋友d野, 因為初上小一係好多野甩漏架喇...so 特別多"報告" :cry:

, 若阿仔/女係反斗活潑型, 怕報告會更多...

, 要有心理準備~~

9) 成績評估
==> 每學期一測一考, 要升班所有主科 (中, 英, 數, 常) 一定要合格
==> 測驗 10 月就考了, 9 月先開學, 學執書包都未搞得掂, 寫家課冊仲係打哂風之下就測驗, 都相當考我地家長同學生既調節能力架, 考試約在 1 月份 (上學期計)
==> 每學期有 "操行進步獎", "操行獎" (即係証明學校好睇操行架, 我都好 support this point)
==> 每科總成績計算係以平常分, 測驗, 默書, 考試咁佔不同既 % 去 compile 出嚟
==> 要做優異生, 就要所有主科+聖經+ PTH 既總成績都要達到 90 以上先得
==> 以我大彥呢屆, average 個個學生都 8x , 9x ga la...優異生每班都十個八個以上, well....依家個個家長都唔想自己個個做包尾大班架嘛, so 咪大家鬥行, 睇邊個行得慢d啦

我都唔想架, 我阿仔有 8x 我都已好 happy~~

, 不過都唔係你冇要求就可以完全冇壓力既, right?

10) Others
==> 聽到呢樹, 想入培小 or 將會升培小既家長會唔會知多d啦?? :mrgreen:

==> 我想講, if 你地係 now at 培幼, 你地就會明我成日講個句 "入得培幼保証升培小只係一個 start only, 坐唔坐得暖個位又係另一 challenge" 呢樣野啦..

==> 依家響培幼既家長你地都會知, 培小小一要識個d 培幼十樣中怕只教得一兩樣, so 正面睇叫"愉快學習", 負面d睇就係"淺"喇...一上到去小朋友同家長都會有一定壓力, so 我成日都話"幸福唔係必然", 唔好成日因為培幼可以直升培小就推祟備至, 家長好多時都要付出相應既努力同栽培先讀得好同讀得開心, 響 motivation 中我地都知"成功感" (sense of success) 係令小朋友喜愛讀書既一項好重要 factor, so this will include 我地都要 equip 佢地一定既 knowledge and skills 去適應小一, 一個好唔同既 learning mode, 咁佢地上到小一, 容易做到先會有 interest to continue 架嘛..係冇...? 家長既責任同幫忙亦在於此了

==> 但彥媽唔係鼓吹要谷谷谷 (要谷就唔揀培正啦), 而係我想培幼既家長明白, 去得 K2/K3 就要開始 prepare the kids for P1 or after , 玩係好, 但都要開始正視同 plan 一下佢地既 future learning 咁先係上策 (包括開始了解下小一係乜), 亦較保險, 我唔想見到d細路一上到小學, 阿媽又辛苦 (追佢做功課, 追佢溫 test/exam) , 細路又怕左我地d阿媽 (因為我地成日 e e or or , seriously affect 親子關係) 但之所以會咁全因 KG 時大家見個 syllabus "冇乜野做" 而掉以輕心, 諗住有得直上一條龍就包冇走雞既心態而有此錯覺啦, 我要強調一條龍都唔可以 kiu 起對手等升班 ga ma...世上 no free lunch, 乜野結果就睇我地付出乜野心力, 呢點係好自然既...

==>當然我信有d小朋友天生聰明, KG 幾 free 都好, 上到小學都可以自動波, 但我更信 most kids 都係"平凡人", 有平凡人既弱點 (即係唔追唔讀, 成日想玩) , 因此, 我地準備最壞, 預備最好一向係彥媽 train 同 map 小朋友 future 既一個 foundation, 總冇蝕底嘛~~~

==> 好了, 打到手軟喇...下回再講另一樣~~收工去也...

私人傳訊

lokitkit

大宅

積分: 1189

30^#

發表於 07-4-23 23:13 |只看該作者

Re: 彥媽與你: BB讀書/學習交流站 (精華篇)

already delete question

我叫樂樂呀!
Lok Lok's Album

LokLok@VitaPixel

私人傳訊

彥彥媽咪

子爵府

積分: 12317

2024年龍年勳章

31^#

發表於 07-6-1 22:41 |只看該作者

Re: 彥媽與你: BB讀書/學習交流站 (精華篇)

彥媽談培正 (3) - 附頁
==============

以下係我係"小學雜談"個邊睇到有一位培正媽咪以局內人既情況去睇培正, 我作為只係幾年既局內人都好身同感受, 佢講既野亦係我見到的, 所以完全有哂準備, 我都希望所有家長響選一間學校時都要明白同接受佢一切既野, 無論好與壞, 亦比時間大家一齊去進步, 呢個先係積極既做法....

順帶在此多謝 agneslth 家長幫我又在此加多一版, 希望佢唔好介意我 copy and paste (我又打少好多嘛)

*************************************

各位家長好！

我的女兒由培正幼稚園 K1 讀至小六，很想和大家分享一點有關我對女兒這六年學習生活的感想。

我覺得培正小學是一所有心辦學的學校，絕大部份的老師都是認真教學的，課程設計也見心思，學生在幼稚園階段及初小階段是採用較活潑的教學法 (四年級以上就是傳統教學)，所以一般來說都會讀得較輕鬆。值得一讚的是學校很著重閱讀，所以孩子一般都很喜歡看書。

但到了小四、五開始，家長或多或少都會感到讀書的壓力來了。因為培小和培中尚未結龍，學生要確保能直升培中 (或能入讀band 1 英中)，便必須爭取成為band 1 學生，亦即要在小五、小六的三次呈分試中，在約三百人中考一百二十名內 (i.e. 排名在120/300 或以上)。這是有一定難度的，因為學生的水準其實非常接近，平均分相差一分半分，排名就可以相差很遠很遠了，而且呈分的科目包括中，英、數、常、聖經、音樂、視藝，要各科表現優良才行，只要有其中一科稍遜，也會嚴重拖低排名。

為了提高子女考試的競爭力，絕大部份的學生也有補習，即使沒補習的 (如小女) 也要在應付沈重課業之餘做不少額外考試操練，以確保每科也有86分或以上 (86分或以上是摘A的分數)，不少學生和家長也會感到很大的壓力。我認識的一些家長，就因孩子的學習問題而長期失眠，或神經衰弱，以致身心俱疲的。

當然這種競爭情況不是校方製造出來的，因這是教署的派位機制下產生的，所以在很多學校 (特別是有直屬中學的「名校」) 也是很普遍的，但情況在培正是特別「慘烈」的，原因是培正的學生絕大部份也有家長和補習老師「支援」，以致水準十分接近。只要其中一次呈分試偶一失手 (例如其中一科主科只得七十多分)，排名便會大跌，很難成為band 1生。

這是很無奈的情況，因為很多孩子的學業根基不錯，程度一點也不差，甚至比很多普通小學的band 1生還要好，卻要因為考試表現稍遜就淪為 band 2 生 (甚至band 3 生!)，與band 1 學校無緣，真替那些孩子不值。

小女就在壓力下渡過了五、六年級，雖然她最終的成績是屬 "band 1 中" 的學生，但經歷過這兩年的折騰後，她對讀書的態度變得被動了，興趣也大不如前，我自己的白頭髮也多了=P。

衷心希望培正早日能和中學「接龍」，情況能有大大改善。 (彥媽補註 here: 我相信到我地d小朋友升中時一定已一切也塵埃落定了)

對孩子即將入讀 / 正在就讀培正小學的家長，我有以下一點意見 (純屬個人觀察，如有錯漏，歡迎指正)：

1. 由於每班人數多，教師不可能好好照顧每一個小朋友，所以若小朋友有任何學習上的特別需要或困難，家長必定要第一時發現，及時幫助孩子，絕不能依賴老師；

2. 培正的測考範圍比一般學校多和深，對學生的認字和默字能力也要求極高，還要背誦大量資料，只有記憶力很好的孩子才能應付。學校對成績稍遜的學生是沒有特別支援的 (有學習障礙 / 困難的更沒有任何資源協助)，所以即使是一、二年級起，每年也有學生要留級。若發現孩子並不擅於以傳統的方法吸收知識，背誦能力不很強的話，最好在初小階段便替孩子轉校，否則孩子會越讀越沒自信，到了行為也出問題時便為時已晚了；

3. 培正的確是有不少優秀的學生，但我認為最主要的原因是因為這些學生背後都有很著重孩子教育的家長！最明顯不過的例子是，在培正校刊內見到那麼多學生在學校音樂或朗誦節拿獎項，其實大部份也與學校的付出無關！學生們拿的音樂獎狀都是私人聘用的音樂老師教導的成果，並不是學校音樂教師的功勞。以我女兒為例，她參加英語朗誦，由選擇誦材、報名、訓練，全都是由我自己一手包辦的，老師沒提供任何協助 (就我所知，一般學校都是由英文老師一手訓練，甚至報名費也是由校方支付的。) ，但拿了獎就登在校刊上；

4. 由於培正學生人數眾多，所以不難在任何範疇內發掘出表現突出的學生。但請記住，別以為表現突出的是所有 / 一般 / 大部份學生，其實只是那一小撮學生的成果而矣。更別迷信學校的「往績」，畢竟那是很久以前的事了；

5. 培正的英語和普通話程度並不突出，家長要考慮在英語和普通話學習兩方面額外加強以補不足；

6. 要孩子在這類學校讀得成功，必要家長很大的支援和配合，要幫孩子從小就培養出良好的讀書和閱讀的習慣。孩子成龍成蟲，最重要還是要看家長如何培育。

以下是我對培正中學的一點觀察：

1. 培正中學的硬件十份好，校長很努力辦學，校風也很純樸，學生普遍對學校也有歸屬感；

2. 讀書風氣方面，精英班和普通班存在著很大的差異。這也是來年學校試行取消精英班的其中一個主要原因；

3. 傳統以來，培正中學理科班的會考成績和學習風氣較文科班好，在高中也只有理科科目才會用英文教科書，一直以來入理科班的競爭也很大，所以數理強的學生入讀培正中學會有優勢。不過隨著三三四學制的推行，這點可能會有所轉變也未定；

4. 培正中學近年的公開考試成績普遍來說並不十分突出 (當然也會有個別「特優」的例子)，即使是會考只有十多分的學生也能在原校升讀中六。

最後我想補充的是，不同孩子有不同特質和性格，學校與學校之間實在不必存著「高」與「低」的比較！我們作家長其中一個最重要任務，就是了解自己孩子的特質和長處，從而替其選擇合適的學校。我深信最適合自己孩子的：最能讓孩子享受學習和幫助孩子身心成長的，就是最好的學校！

私人傳訊

彥彥媽咪

子爵府

積分: 12317

2024年龍年勳章

32^#

發表於 07-7-31 00:40 |只看該作者

What is IB (International Baccaulaureate) 課程?

見早前有 mom 問起唔同課程既 design, 其中一種係 IB (Internal Baccaulaureate), 好, 就等彥媽響樹同大家 share 下 what is IB, why does that sound attractive to parents nowadays?

逐樣講...以下好多資料係彥媽從一d web site 樹 find 的, 並再加上我本來所知既 + 分析而打出黎的.

History
IB 起源於 Geneva, Switzerland since 1968 , 佢係一個 non profit making 既學術機構 (你可以話佢似d 乜乜學術局個類), 佢主要係推出左一個學習既 system, 就 give it a name called IB, 似一個品牌咁, 要行 IB 既學校都係 follow 佢地既 system , 唔得亂黎的, 佢之所以受好多家長歡迎係因為有好多大學, 尤其係d國外有名既大學都會承認 under IB 課程訓練同考核出黎既學生作為收生標準, 所以 get 到 IB 學歷就可以直接入讀大學了. so 佢既國際認可資格無疑係一定好過 HKCEE or HKALE 呀呢d "地區性考核"了.

Education Focus
IB既設立係以"提供國際性教育" (international education) 為 focus, 而佢地 define international education 為:

1) Developing citizens of the world in relation to culture, language and learning to live together
2) Building and reinforcing students’ sense of identity and cultural awareness
3) Fostering students’recognition and development of universal human values

(info get from IB web site: www.ibo.org)

換句話說, IB 係以培養小朋友有國際視野, 對不同民族人種包容相處, 及包容唔同既價值觀而設立的, 當然, 咁係可以令小朋友既視野可以擴大, 唔會 only act and behave with a tunnel vision, which most 地區性教育 is doing right now.

IB Course Structure

IB 可分為三個 level :

1) Primary Years Programme (PYP) - 1997 年設立, 對象為 3-12 years old pupils
==> focuses on the development of the whole child in the classroom and in the world outside.

2) Middle Years Programme (MYP) - 1994 年設立, 對象為 11-16 years old pupils
==> provides a framework of academic challenge and life skills through embracing and transcending traditional school subjects.

3) Diploma Programme (DP) - 1968 年設立, 對象為 16-19 years old pupils
==> is a demanding two-year curriculum that meets the needs of highly motivated students, and leads to a qualification that is recognized by leading universities around the world

從以上所見, 大家可以見到以前 IB 係可以話專為考熱門大學而設的 (功用似 HK 既預科教育), 但後來因為課程既認受性得到廣泛既認同, 所以就越向早期既教育推上去, 因為出現左後期既 MYP (即約等同 HK 既中學教育) 同 PYP (即若等同 HK 既幼稚園至小學教育)

每一個 level 既課程都有一 set 既定既 curriculum, 為左確保各大學所憑籍既收生標準都一致, 因為 IB 認証局 (姑且如此稱呼它, 易記d ) 都會對每一個 level 既課程有嚴格同仔細既指引, 以確保所有大學收既學生都係 under same system trained up 出黎的.

(...to be continued)

[ 本文章最後由彥彥媽咪於 07-7-31 00:50 編輯 ]

私人傳訊

彥彥媽咪

子爵府

積分: 12317

2024年龍年勳章

33^#

發表於 07-9-3 10:36 |只看該作者

今日係九月三日, 2007/08 既開學日了, 彥媽見到好多小朋友都響今日展開佢地人生既新一頁, 踏上學途喇...學習一個漫長既過程, 當中會有苦有樂, 我地做家長既就係好希望小朋友能有一技之長之外仲可以好享受呢個 learning process la...so 咁我就趁今日又同大家分享下d "開學需知" 喇 (尤其係剛 suitable to those 剛正式返學既小朋友 + 家長呀)

小朋友開學篇 - 彥媽溫馨提示...:mrgreen:

1) 要學懂狠心, 唔好因為小朋友扭小小計 (e.g. 唔想起身返學就由佢唔返, 一兩滴鼻水又 sick leave) 就 give up , behaviour 係要 consistently 去 mould 既, 依家d小朋友好醒的, 佢一知只要扭就會達到目的的話, 下一次就會照辦煮碗, 你地就更難 control 佢. In fact, 長遠我甚至 recommend 唔好無端端就請假唔返學, (e.g. 因為要去旅行) 我明家長有時有d schedule 就唔到先咁做, 但有一點亦要 aware..係: 成日都係咁, 小朋友就會知..去旅行先係 priority, 返學係可以隨時都唔返的, 我都知基本上真係返少日唔會話差好遠, 只係我認為返學係一個 obligation to them somehow, so 就要培養佢地既責任感, 尊重"返學"呢個行為, 唔係下下為左 personal reasons 就將重要既野放在一旁的, (尤其上到小學係 value building 既 most important stage) , 唔係的話, 第日佢地大個要上班, 一個唔知醒又話唔番, 見頭有少少痛又唔返, 一陣想去街街又請假...well...我唔知大家如果係夾著個咁既同事你會有乜感受了.:(

2) 要控制自己 EQ , 咪一見小朋友入課室 (or 上校車), 面對要同你"分離" 就喊個陣你就又喊埋一份 (通常所有新手媽媽都係咁) , 又要響個窗仔門口 etc 去裝佢, 你一俾佢睇到你唔捨得佢個個"可憐"樣, 佢就一定更扭你, 結果係你地兩母子/女就攬住一齊喊

...我次次睇到呢度都諗唔明, 依家小朋友係去飲去食去訓去玩, 又唔係去 c , 整乜兩仔 lar 會搞成咁, 好似生離死別咁?? so 係唔係做阿媽既 EQ 又真係唔多得呢.... if 真係咁, then 就要 aware, your kids always learn from you, 你自己都唔識去控制情緒的話, 又如何叫個仔/女去"控制自己" 唔好一嬲人就打人咁呢....? right? 諗諗你為乜要送佢地去幼兒/稚園就唔會咁"傷心"架喇...

3) 要學識唔好用大人既標準去 measure 小朋友既行為, e.g. 小朋友 A 打小朋友 B 一鎚, B 既阿媽就即刻好緊張咁問老師"邊個打我個仔??!!", 甚至想揪個 A 出黎大興問罪之師....再唔係就俾壓力老師, 要佢出面"擺平"件事, 還你"苦主" 一個"公道" etc....唉......小朋友打架, 唔識同人相處係必然既階段, 我地細個都有此 stage la...so nothing special bor, 而且好多仲係 1st child, parents 又係新手, 唔多識教, 仔女較自我係都無可厚非的, 只要唔係真係打到入廠, 少少傷有時都要 take it as a learning experience, instead of 去追究, 就不如 (1) 打人個個就要教佢唔可以再打人, 不斷 repeat 地教 (2) 被人打個個唔係同佢講: "係啦, A 小朋友真係好曳呀, 下次唔好同佢玩" 呢d 大人既處理方法...(個個一唔妥佢就避, 一世可以避得幾多個??) 而係要教佢要學識保護自己, 人打佢, 唔駛還手, 但都唔應該由人打, 要識避, 一係就走開, 一係就大聲講: "唔好!", 再唔係就要即刻走去老師處同老師講, 等老師處理等....呢d先係積極既做法....因為咁唔單止被人打個個會學懂保護, 亦會等打人個個知道 : "原來我打人人地會唔鍾意架!" 呢個 concept, 因為好多時小朋友根本唔知自己"打人"呢個行為係唔岩, 因為 so far 被佢打個d人都冇話過佢知佢地唔鍾意, 有d 小朋友仲"單純"到被人打就只係識喊, 乜都唔做, 咁打人個個就會見你唔 say no, 即係冇問題, 就再打...係咁的, so be assertive 係好重要, 咁 both parties 都可以學到野.

4) 要開始好多野少少, 少少咁放手了, 要記住, 做阿媽既 of course 想小朋友一世都同自己好 close (呢個係情意結), 但諗野要 wide angle d 啦, 同要 define what do you mean by "close" la...要明白乜你都幫佢做絕對 =/= close; 佢越能早d take good care of themselves 對佢地黎講絕對係一件好事, 好多野太"婦人之仁" 係會有 long term effect 的, e.g. 成日驚小朋友唔食飯就餵, 去到 5, 6 歲都仲幫佢著鞋 etc.....咁只係害苦大家, 小朋友係真係好難長大的, 我知咁講大家都明, 不過係做唔出, or 冇恆心啦, 但呢個就正正係大家既 learning process.....種瓜得瓜呢個道理大家都應該明卦...

以我大中彥為例....中彥 by 4 years old (now 4.5) 已經自己 shower, 著衫, 著鞋, 識擦牙, 同自己搽 lotion, 大中彥佢地去 public swimming pool 係自己入男更衣室搞掂自己出黎的, 我帶佢地出街好早就由佢地自己去男廁 (before 4), 我係外面等的, 基本上我自佢地 3.x - 4 歲就已唔俾佢地入女廁 (even only me with them) 寧可一係揾 family toilet , 一係就要佢地學忍下, 快快 back home, or even 用埋膠袋頂住 (or bring nappies la) 都唔想佢地入女廁, 平時出街間唔時一經過有 toilet 就順口問問佢地要唔要去, 時間一長 (e.g. after 2 hours or so, 又知佢地飲左好多水) 就係都要佢地去一次先, 唔係到時想去就揾係即刻有 toilet ga ma....

因為小朋友開始長大, 就係要學識好多社會既 practice, 自己 take care 自己, 過程係有痛苦既一面的

, 但....我依家捱過左個段, 個結果就自己"享受" 番喇... (e.g. 我依家帶佢地去飲茶, 是但一個話要 wee wee 佢地會自己去, 自己出黎的, 我唔駛起身跟去架) 我只係等佢地出黎就 check 佢地有冇洗手, if 真係洗手位太高, 我就用 wet tissue 搞掂 or ask 大彥 to help 中彥.

但當然, 佢地獨立既 price 係, 當然唔會成日 o爹我, 攬我 etc, 我都會有失落架, 但我一諗起將來佢地會一生受用, then 我就唔會有問題了, 再者, 我想佢地 o爹我唔係叫我做阿四, 幫佢著衫 (咁咪即係只當我係 bunbun?:evil: ) 而係希望佢地第日會當我朋友咁, 有心事, 有野要 share 就揾我啦, so 我會等佢地 shower 完出黎我就問佢地: 點呀....著衫如何呀, 有冇野要媽咪幫手 or 想講我知架 etc.... 等佢地知道我要佢地獨立唔係 = 唔理佢, 因為我一定會響門口等佢地, 唔會走開, 間唔時會對住個男廁大聲問下佢地 (if too long) 咁就夠, cos I want to show them 我對佢地既關心唔係 physical stuff , 係心靈上既 support 更多, then 佢地第日就會知道.....無論點都好, 媽媽 will always be around, their last resort.

And I would say, 唔係因為係仔先咁做, 女都應該的.

因此, 我想講既係...在家長們 only focus on 學英文, 學數學 etc 呢d academic stuff 既同時 , 我地又有做幾多呢d "life coach" 呢....做家長唔趁仲有 parental influence 既階段去做, 咁第日想做就做唔到喇....:)

[ 本文章最後由彥彥媽咪於 07-9-3 10:38 編輯 ]

私人傳訊

彥彥媽咪

子爵府

積分: 12317

2024年龍年勳章

34^#

發表於 08-4-9 14:49 |只看該作者

彥媽都有一段日子都沒有 update 呢個 topic 了, 最近本想講講 IB, IS 既野, 但今日收到一朋友的 forward email, 故事蠻有趣, 重要的是個 learning point - 同彥媽呢個 topic "學習" 都有d 不謀而合, 咁就 post 過黎, 又同各媽咪們分享下....

＊＊＊＊＊＊＊＊＊＊＊＊＊＊

從前, 一個小男孩有一個好朋友，小男孩從小就跟這個好朋友每天形影不離，這個好朋是一隻小豬，而這個小男孩的爸爸是個以殺豬為生的屠夫，小豬養大了，有一天會是爸爸要屠宰的對象。

小男孩一直很怕小豬長大，他怕失去最要好的朋友。

可是，小男孩不知道的是── 爸爸也快死了，因為爸爸得了癌症，醫生告訴爸爸只剩半年的時間可活了。

爸爸還是每天靜靜的工作，他想只剩半年了，更要好好工作，多賺點錢留給兒子過日子。

「除了錢之外呢？孩子，我還應該留給你什麼呢？」爸爸這樣想著。

爸爸告訴小男孩：「再過一陣子，我要殺你的那隻小豬了，到時候，請你當我的助手，在一旁幫我。」

小男孩不只悲傷，還很生氣。他想：「爸爸真過分！真殘忍！」

爸爸依然每天工作、殺豬；小男孩對小豬很不捨，全心全意珍惜跟小豬相處的每一天，也因為對爸爸的不諒解，小男孩要求自己要更堅強面對這一切，他不願在爸爸面前示弱。

到了該殺小豬的那一天了 .......

爸爸沒有殺小豬，因為爸爸在那一天死了。

小男孩靜靜的流眼淚，他終於了解爸爸的心意了。小男孩沒有嚎啕大哭，因為他對「失去」一直有準備，現在他更知道──爸爸要他一直有這種準備。

每個父母都愛孩子，愛的方式通常只想到「保護孩子、給孩子快樂、讓孩子得到很多」，但是，人生不只是一直得到的吧？我們還要面對很多「失去」。

大一點的失去，是像那個小男孩一樣，失去至親；小一點的失去，有可能是丟掉一個心愛的玩具，或是一個好朋友搬家、轉學。（這是彥媽口中講的 change management 又或學者講的 AQ, Adversity Quotient, right?)

這些不都是孩子每天都在面對的嗎？怎麼能不教呢？

怕孩子被綁架，最好的保護不是一天二十四小時跟著他，而是教他遇到狀況時如何自保；怕孩子生病，不要將他關在無菌室，而是教他懂得自我保健，萬一生病了，又該如何自救；怕孩子跌倒受傷，更要教他如何讓自己避免跌倒，萬一跌倒了，自己又該如何處理.....

愈是愛孩子，愈要想：「如果有一天我不在他身邊時，我該留什麼給他？」

讓孩子學會面對「失去」、面對不那麼完美的人生、有能力安慰自己，我想是必要的。

所有對孩子的發展觀察及研究報告都一再顯示，一個孩子將來賴以為生存的、足以跟別人競爭的能力，絕不只是英文、數學、電腦這些技能，而是抗壓性、挫折忍受力、處理問題的能力、能不能自我管理、知不知道自己要什麼、能不能體諒別人、跟別人好好共處.....等等，這些作為一個人的 " 完整人格特質 " 。

技能，只要想學，一段時間就可以學會；天生的人格特質，則需要從小很精細的觀察、引導、培養，長大了，帶著這些特質去面對自己人生的種種問題，從小沒學會這些，長成大人了，人格特質成形了，再要彌補往往辛苦加倍，有時也未必能扭轉得過來。

一個有美好人格特質的孩子，不管父母在不在身邊、不管將來會碰到多艱困的環境和人事，我想他都可以自己泰然自若的生活下去吧！

彥媽後記：

彥媽一直以來，成立呢個交流站既目的，除左係想將我知既知識分享之外（考學校既資料，選校 etc) 其實亦就係想借此將一ｄ大家可能遺忘左既野再拎番出黎．．．

上而既故事其實好簡單，但卻常被忽略，學習，就如上面講，唔係 only maths, chinese, English, SKILLS - 彥媽常說，時間可以幫上忙，生活的態度，與人相處呢類野先係從小要不斷教導既野.

想當年彥媽個代，冇野食，要幫屋企，又要煮飯，又要做功課，諸多困難，我地都冇人想過放棄，反而越活越有力，但現今既一代，有 WII, 有玩具，出入分分鐘有埋私家車，生活壓力比以前少，但面對逆境既能力卻比以前差，我去探討點解會咁之餘反而更想諗我地作為父母如何可以響教導上引領小朋友有健康正確既人生觀，學懂對自己，對人，對社會都有責任感，呢個看似簡單既 topic 實在窮一生之力都唔一定可以做到．

所以，各家長在協助小朋友學 knowledge 之餘，我地有冇同時記住幫佢地呢樣野（attitude）一把呢?

共勉之呀！

[ 本文章最後由彥彥媽咪於 08-4-10 15:58 編輯 ]

私人傳訊

judychanchan

洋房

積分: 41

35^#

發表於 08-10-1 16:43 |只看該作者

嘩

好多分享...好利害...

私人傳訊

j2j2tracy

民房

積分: 2

36^#

發表於 08-10-15 11:33 |只看該作者

MARK SIX BINGO

原文章由 彥彥媽咪 於 06-10-27 00:23 發表
第三講 :　小學入學派位機制 (只適用於投考官津小學)
===============================

上面都講過...想讀唔駛錢既, 就要接阿公一d唔多令人信服既規矩.....想憑"實力"入學...唔駛諗....阿公派小學係靠 (a) 關係 or ...

I HAVE A DREAM, MY CHILD STUDY AT BRAND 1 SHCOOL, IS IT UNBELEIVEBLE

私人傳訊

aria

大宅

積分: 2689

37^#

發表於 08-11-19 21:00 |只看該作者

hello 彥媽

多謝妳這篇文章..

父母太著重於知識的培養.反而忽略了其...

原文章由 彥彥媽咪 於 08-4-9 14:49 發表
彥媽都有一段日子都沒有 update 呢個 topic 了, 最近本想講講 IB, IS 既野, 但今日收到一朋友的 forward email, 故事蠻有趣, 重要的是個 learning point - 同彥媽呢個 topic "學習" 都有d 不謀而合, 咁就 post 過黎, ...

私人傳訊

sinsin_ma

複式洋房

積分: 235

38^#

發表於 08-11-30 16:45 |只看該作者

also wanna know more about about IB/IS ... please talk more if you have time~~ thanks~

原文章由 mirrorng 於 08-10-20 18:38 發表
很喜歡這個故事, 也很同意彥媽的睇法, 不斷谷小朋友係智識上學習, 而忽略人格上既培養係好愚蠢既做法.

好想聽聽彥媽講 IB, IS 既野, 我決定行IS 呢條路, 係因為計劃小朋友中學時到國外升學, 另對HK 既升學機制唔多 ...

私人傳訊

彥彥媽咪

子爵府

積分: 12317

2024年龍年勳章

39^#

發表於 09-1-8 11:25 |只看該作者

Hi all...都有一段時間冇 update here la, 咁岩有人問開...OK, 新一年又寫d 野先..

何謂 "傳統名校"?

其實每個人對傳統名校呢個 terms 都好似有唔同既 definition, 亦因為人云亦云, 講講下好似大家既 definition都有d 唔同了, 就等彥媽揾番d 資料出黎俾大家清楚下先啦...

最早期一般人講既"傳統名校"係指現時一個名為"香港補助學校議會" 內既成員學校而言.

香港補助學校議會由香港二十二所歷史悠久的英文教會學校所組成。由於這些學校已創立多時，培育過不少社會人才，教學成果有目共睹，而且各校均有獨特的文化傳承，被坊間統稱為傳統名校。香港補助學校議會與香港津貼中學議會等學校議會，對香港中等教育的政策制定都有影響力。

這些學校全早於1973年前受政府指定資助，所以名為補助學校(英文：Grant Schools)。這些學校全部由教會主辦，大部份經費來自政府的補助，但學校的日常運作由辦學的教會負責。

成員學校（依創校年份排序）

copy from info link : http://zh.wikipedia.org/wiki/%E9%A6%99%E6%B8%AF%E8%A3%9C%E5%8A%A9%E5%AD%B8%E6%A0%A1%E8%AD%B0%E6%9C%83

so 一般家長成日口中提既"傳統名校" 就係指上面呢堆, 綜合佢地d common 特徵, 我睇到既係..

1) 係有教會背景既
2) 係英中
3) 歷史悠久
4) 成績有番咁上下

So 難怪家長們成日都好想子女可以考入去架..

[ 本帖最後由彥彥媽咪於 09-1-8 11:27 編輯 ]