milkbear23 寫道:
嘩∼∼你個仔咁同你講野， 你咪好傷， 點解佢地要咁教你個仔， 你同老公未結婚之前係咪咁架？ 點解要咁樣忍佢地一家， 佢地對你咁衰． 我睇到都覺得好傷心． 有個咁既奶奶同前夫． 佢地實比天收， 咁佢亞媽無話佢架咩， 搵咁少錢？
真是想要燒佢全家, 絕佢子孫, 要佢地不得好死....
激死我, 閙到我都累晒TIM.. 
堯堯媽 寫道:
果陣我已經被佢搶走咗個仔,我前夫不嬲都好鍾意打我,記得第一次打我果陣,我個仔得果幾個月大,佢阿媽都在場,佢不單止無阻止,淨係抱住我個仔實一實,仲同我講"你要走就你自己走好喇,唔准帶埋佢走"
果次我都未走,跟住過幾日我去酒樓搵佢阿媽,想話帶個仔出街,點知個八婆唔俾,用指甲拮我,拮到入肉,兩隻係度流緊血,我仲係夾緊要抱走個仔,佢即刻搵個茶壺車我,我一擋,成個壺撞到佢自己,跟住佢個細仔話我打佢阿媽,又想扯我出去打,佢阿媽第一時間抱走我個仔
果日我即刻返去執野走人,個八婆問我顛夠未,一巴二巴係咁打埋黎,屎都唔俾我拎返個仔
就係咁.............我個仔一直俾佢搶咗去,但奶粉尿片學費都係我交,我又要負責埋屋企d租,水電,我前夫見我搵到份萬幾蚊既工,即刻唔做佢果份工,搵份二三千蚊既車房做(佢一直都鍾意),佢話我搵萬幾蚊梗係要我出晒所有野,佢唔夠錢用又問我拎,我唔肯俾就打到我瞓係地,我即刻報警,佢仲要係差館大大聲聲咁同差佬講,我要離婚
我唔係諗住唔想個仔係單親家庭成長都唔會忍佢咁多次,我總被佢打咗六次,被佢阿媽打咗兩次,最後佢連我未出世既女都要打,我點都忍唔到,我咪要決定離婚
家下雖然話對仔女係跟我,因為我話唔要贍養費,個pk先話唔同我爭,佢阿媽到而家今時今刻都想同我爭,成日教我個仔如果我打佢,就要報警,有時我個仔都會同我講返"阿嫲話你養大我之後,我會返去佢度架","你試下打我吖,虐兒要坐十年監"
其實而家好多時有苦真係自己知:cry: [quote]
milkbear23 寫道:
堯堯媽：
點解佢地打你呀， 只係因為係拎反個仔呀？ 但個仔你都有份， 點解佢地咁樣做呀？
露絲 寫道:
堯堯媽,
你而家幾多歲呀?
個衰人仲有冇找你呀?
你老爺死咗拿? 唔見你講既? 係唔係比佢地激死咗呀?
你一個人能養活對仔女嗎? 當初為何只拿$1贍養費禁少? 唔可以有保留追溯權嗎?
你當初點解會識到個pk架? 你無望清楚佢地成家人咩?
你個仔話想學個亞叔, 真是比佢激死, 近朱者赤, 近墨者黑, 小心d拿.... 有遺傳ga, 個老豆係禁, 個仔唔多唔少都有遺傳. 我對仔有過度活躍症, d行為同個老豆一樣, 但個老豆唔認, 結果個醫生都話個老豆都係過度活躍症, 你話我死唔死呀?
佢地唔so你個女, 你個女真是幸運, 費事d pk又'教'多一個.
梁媽媽 寫道:
堯堯媽
如果係我, 會考慮同對仔女轉校, 我唔會比機會個老妖係我仔面前講我的壞話, 唔會比機會佢入侵我家, 費事個仔聽埋聽埋對佢有壞影響。唔想再同呢d甘既家人有任何來往。
[quote]
堯堯媽 寫道:
而家個仔同我一齊生活岩岩兩年,佢而家已經無再咁同我講野,只不過係叫佢做功課會勞氣,佢都feel到我係錫佢,佢都無乜理佢老豆,只係佢阿嫲日日都去學校搵佢,有時個仔同我講返都話佢阿嫲好煩,已經無乜點同佢講野,不過可能個仔都知我唔鍾意佢阿嫲,所以先咁講
我前夫不嬲都唔俾家用,唔夠錢駛就佢阿媽貼,出親街都係佢阿媽俾錢,佢係佢地屋企係犯眾憎,佢d細佬妹係無一個歡迎佢,所以佢以前成日搵個仔過橋,佢一無錢就搵我個仔返去食飯,呃飲呃食
佢一出糧即刻要置碼頭,食都無得食都要買條両重既金鍊,佢話老豆教,佢阿媽以前做媬姆車跟車,日日都化晒妝着豆零踭返工,d人問佢做乜,佢話佢做地產經紀,放親假都話俾人聽去歐洲旅行,其實係屋企發霉
所以而家雖然係極度辛苦,但可以同對仔女一齊生活,唔駛再受人面色,算係值得,不過就唔可以真真正正咁擺脫到佢地,我可以話憎佢地呢家人憎到入骨[quote]
發表於 
好堅強呀！
返回列表
