不過講真湊仔對於男人黎講簡直係高難度考驗黎!千禧bb都有講啦!係人類基因遺傳問題,我地祖先男人不嬲都係叻响搵食打獵度,女人就真係叻照顧家庭同細路,你叫個耕田既走去繡花喎!道理咪就係响樹囉!所以查實你已經係一個超能爸爸黎!講真,你吾係全職廿四小時湊仔嘛!你仲要打理生意搵食,放工咁攰仲要煮飯教仔女,你依家已經算係掂架喇!!!係男人湊仔初初都會那口那面,呢樣我好明白,因為我屋企隻老野( :mrgreen: 老公)就係咁既衰款,你叫佢好好耐性教仔又吾會發脾氣真係好難囉!次次佢吾夠一陣發老脾兇到個仔又喊又叫(隻老野成日那口那面對住個仔吾再講啦...),我不知幾想拍姜咁拍扁佢呀!!!所以我平時都話我係湊住兩條仔架啦!一個大仔(隻老野),一個細仔(曳貓仔)~~~查實真係好睇你自己點去變通同埋點去協調番自己既諗法同感受,你一味吾識得精靈d去變通去試下諗多d吾同既方法去管教,你自自然然會覺得有壓力又覺得好灰好吾開心,耐左自自然然會搞到自己燥底,呢d階段相信每個第一次做人亞媽亞爸都會經歷過,到自己撞過幾次板,自己仲係有心去教養好d細路,同d細路打好關係,你就自然識得去改變自己,由一碌木吾知點做慢慢就變成過度活躍父母精靈哂!呢輪我隻老野都有大躍進,開始識得lum下曳貓仔,仲竟然識得主動陪個仔做功課!見到亞仔扭計吾肯寫字(我個仔有學習障礙,今年重讀小一至開始寫到字交得到功課),我隻老野吾勞氣不但只,仲好積極攞張白紙同筆出黎同個仔一齊寫字,我都差d落後過佢!佢之前真係連教亞仔練琴都懶(佢自己都係玩音樂架噃... 
),依家突然咁大進步,我都覺得幾感動架!
果然係好方法!!! 
咪俾你女友親自教對仔女囉!你女友做教做惡嗰個,你就負責同仔女玩同做好朋友囉!一黎大家分工合作,二黎你又吾駛咁大壓力咁勞氣,可能你同佢地用玩同做好朋友形式相處,你反而容易領會到用咩方法去教育佢地又令佢地心服口服!
skce29 寫道:
哩兩日好忙,無上黎同大家傾計,不過哩2日又比我發現左一個新相處方法,就係當睇唔到(當然危險野我會阻止),唔鬧仔,自己又唔使勞氣.等女友自己教.
一路以黎,都係大家一齊返工,而佢先生係早幾年過世,小朋友由婆婆照顧,但早幾個月前,我就要求女友係屋企照顧小孩,因小朋友年幾開始大,希望等佢教得好d,佢地多d時間相處,我都唔想佢返工咁辛苦,就係咁,我惡夢就開始左...直至搵到哩個網
最後,再多謝大家關心,鼓勵及所教我方法解決問題 ＾．＾
發表於 
返回列表
