shuuenki 寫道:
mi1660：
你講個d我之前都有諗過呀！我真係好想叫老公賣左層樓佢，比返d首期比佢！佢就一定冇聲出，佢阿媽淨係識得講個錢字，買條菜又話貴，食淨d餸一定留返，d湯飲完一日又一日！我頂唔順。但如果真係去到賣樓既地步，好似真係好絕。
老公尋日問我：[size=medium]會唔會唔要佢!又話結婚咁耐都比唔到開心我。我知道佢真係好唔開心！心情好down。咁大個男人都冇咩錢傍身，但我又幫唔到佢。
我之前都有同佢講，叫佢出聲話返62 99，等佢地知道你唔係比人鬧就唔出聲。
shuuenki 寫道:
我好想係度"呻"下，"呻"下"呻"下就咁長篇了，希望大家可以抽小小時間睇睇再比比意見。
99要我地搬走！
今年年中結婚後，99舊屋因為租比人住黎收租，所以我地一齊住！我老公負責供呢層新樓。我地又唔意思開聲叫佢地搬返舊樓住，依家冇晒自己既空間，日日放工返去62 99成日話呢樣要慳d個樣要慳d，用張紙巾都要慳，洗隻碗又叫你唔好開太大水，水費會貴，多多意見，因我老公之前試過賭波比佢屋企人知道(試過輸左幾萬蚊)，62 99之後就成日以為佢個仔仲有賭波又話佢群埋d壞人。佢返工夜小小返又話佢去左賭，佢地仲直接打去公司搵仔(我真係頂佢地唔順呀！)。
我日日放工都唔想即時返去，試過返去袋都未放低，鞋都未除，62就開聲話叫我睇住個老公，佢夜返要打去問佢係邊，又話佢群埋壞人賭錢。我緊係知道我老公做緊d咩，就算佢個仔直接同佢講話係公司加班，佢地都唔信，一開口就話佢呃佢去賭錢。所以成家人係屋企未試過坐埋傾偈，仲有個弟弟成日係房打機。
兩老又成日入我地房，唔知佢想點，我都會鎖晒d櫃。62又會拆我老公d信黎睇(我真係好嬲好嬲，私隱麻)。
99份人成日扮冇野，好似好體量人咁，其實份人好假，試過我一去沖涼就即刻去鬧我老公，又話佢賭錢，我一出黎就靜晒，坐係度睇電視，我一入房見我老公個樣就知佢岩岩比人鬧完。兩老成日用鄉下話黎鬧個仔，等我聽唔明。我發覺佢地兩老好鐘意捉人錯處咁，成日話我地唔記得咩，唔記得咩！我有次唔記得掉張紙巾(因為趕住返工，用完放左係枱唔記得)，放工返黎即刻比人話冇手尾。唉，搞到我每次出門口都望清晒d野有冇做漏唔記得又會比人話，真係好大壓力。
結左婚5個月黎喊過唔知幾多次，同佢地一齊住真係好辛苦。
岩岩係9月囡囡出世了，我返左阿媽度坐月，之前已經好期得可以快d返去，真係好開心。以為可以唔洗比人話，點知99差唔多日日一個電話，打黎話要好好照顧bb呀，有冇比人奶佢食呀！bb訓左未呀！岩岩生完bb，因為未咁快上奶，自己情緒都未穩定，個時自己都有喊出黎！覺得好大壓力，真係差小小就有抑鬱，好在媽媽係度。
就黎要返工，要返返去同佢地住，好唔想呀，諗起都好驚，仲好想喊添。
另外有一樣野令我到依家都好唔開心，有時個人真係癲呀！
我老公搵錢唔多！都冇一萬，佢本身要羅成五千出黎供樓，塔車返工都千幾蚊，但佢阿媽要佢比$3000家用，無奈地佢要照做，冇得反抗。所以個個月都冇錢淨，有時仲唔夠要我過數比佢去供樓，我自己本身搵得七千幾，bb所以既洗費，儲蓄，媽媽照顧bb既費用全由我負責，真係冇得儲錢。佢阿媽呢排仲話弟弟加人工都識得比多左家用，暗示老公冇加比佢。有好多次我真係好想開口同佢講，都唔識體量下個仔又要供樓又要交水電費，好大負擔。依家有埋小朋友，有多都留黎比bb讀書。老公叫我唔好出聲，一定嘈唔嬴，到時只會我地吃虧。佢阿媽成日同d親戚講。
咁耐以來，我覺得自己好似寄人籬下多過嫁左比人。屋企所有野我都唔敢亂郁，一陣又比人話。
尋日我老公又同99嘈交，99又叫老公搬出去住(已經唔係第一次想我地搬走)！老公講返我聽，我真係好想去同佢理論，間屋邊個名呀！要我地走，佢自己想要埋間屋，舊屋已經收租，個仔又比成$3000家用佢(咁耐以黎我都未收過我老公一蚊家用)，99自己又有工作，62又有工作，成日話冇錢。
依家仲開到聲要我地走，我老公好唔開心，佢返工有壓力，返黎屋企又比人鬧，真係好驚佢屈屈埋埋。
我知道老公都好想搬出黎住，但另一個問題係我地冇錢！出去租屋住係好辛苦，洗費會好多！但留係度唔走咪一樣係辛苦，一樣冇錢！出去住就起碼唔洗比家用佢。我計過洗費係輕鬆左。但出面既租金依家好貴。
我地都唔知走唔走好......
走的話！就預左同佢地可能反面，可能再冇偈傾！
走的話！唔知第時會唔會影響bb既成長呢！bb冇左嫲嫲爺爺
走的話！我地會冇左層樓，又冇資格申請公屋，租屋又唔可以租成世。但又冇能力再去供樓，冇錢！
依家bb出左世，發生咁多事！我真係精神崩潰！
尋日我仲抱住bb喊，bb先得個一個多月！佢好似知道我喊咁！望住我唔郁，個刻我真係好感動好感動！
發表於 
返回列表
