大仔大女媽媽會 今日: 0|主題: 177860

venusbaby 寫道:
唉..問題媽咪又黎喇..

想問呢..2月bb沖涼洗唔洗用bb油?
沖完涼洗唔洗搽lotion?用邊隻好?

大細浴巾要幾多條?
花園街d 20蚊條會唔會唔好?

venusbaby 寫道:
ｕｎｉｃｏｒｎｓｏｎ，

資料好有用呀..多謝..
可唔可以分享埋你買左d咩同將會買d咩?用咩牌子咁呀?

unicornson 寫道:
以下係我向各方友好收集返嚟既cues，我自己就覺得幾有用，睇下幫唔幫到你地：

a/. 初生b買衫，千奇唔好買抓毛(易引起皮膚敏感)，要棉or夾棉。 如果唔係底衫、褲既話，毛巾恤質地同絲毛絨可以考慮(即係貼bb皮膚個層最好係棉)。

b/. bb褲橡筋唔要緊，買既時候記得拉下佢睇佢有幾鬆，bb仔同女都要用片，橡筋頭寧願鬆都唔好緊。

c/. bb褲襠要深。 唔係包得片嚟又包唔到個肚，所以褲仔買長d都唔緊要。

d/. 唔駛買羽絨被，等個b2-3歲大先至考慮啦。 可以買張4季被備用，通常初生b用包被、大毛巾包實佢會喊少d，又夠暖。

e/. 羊毛底衫褲唔好直接著上去，即係裡面要著多件布質或者棉既底衫褲先好著羊毛底衫褲 (因為呀b一出汗，羊毛會令佢地好熱，好痕，會忟憎喊，尤其囝囝。 棉可以幫佢地吸咗d汗)

f/. 初生b衫仔唔好買過頭笠，4個月之後就可以，之前都係買和尚袍型，開胸既。

g/. 初生b瞓覺時，如果著咗有襪仔型既褲就唔好用毛巾包到實佢著腳，要俾d位佢透氣，唔係半夜佢實一頭汗。 日頭係郁來郁去既時候著有襪仔型既褲佢唔會踼掉襪仔，夜晚瞓既時候外加襪仔，再蓋被，半夜多數呀b都會踼掉襪仔。

h/. 可以買定安撫奶咀，12朝後都用得，奶咀會幫初生牙床發展，所以喊得厲害或者要人抱時，可以俾佢用。

i/. 如果係bb囝，奶樽可以買類似dr. brown個隻，男仔通常飲奶都會急d，用呢類奶樽比較見效。 當然女仔都用得啦，不過我d friends都覺得女仔反而可以有多d選擇。

j/. 我d朋友通常用pampers同埋huggies尿片，貪易補貨，隻6唔會買錯，同埋藥房呀，萬0，超市呀個d通常緊有一個做緊promo，夾價都方便d。 用尿布既話，最後等自己坐完月之後，到時先有力洗尿布，成間屋萬國旗咁，坐緊月就唔好搵自己笨！

zozo2005 寫道:
我就主要仲有bb床同bb床上用品未買 , 仲有車仔. 睇左好多款, 仲心大心細, 係吉之島promote緊一set9百幾, 有床,沖涼盆,同bb車, 不過只係張床合心水, 車唔o岩, 沖涼盆 又已經有, 所以又買唔成...

床都係考慮c-max 或0/3 baby, 仲未決定. 你地買左邊隻
？？