Re: 收緊內地婦來港產子網上發起簽名
joan121,
以下只係我隨意quote既少數例子. 你可以番閱近幾個月以來既baby kingdom 睇下而家香港產婦既遭遇同擔心.
我自己响兒科做姑娘，以下係我見到嘅事實：
一：大部份落嚟生嘅大陸孕婦無做產前檢查，好多時生出嚟嘅 bb 都有先天問題或缺陷，甚至係畸型，(甚至有ｄ大陸媽咪話响上面 check 到 bb有問題特登落香港生)。本着人道立場，醫院都要幫呢班人安排特別嘅檢查或服務，好想話俾你哋聽呢ｄ特別嘅檢一ｄ都唔平，亦需要排一段時間先做到，但呢ｄ媽咪往往因為自己証件問題，要求打尖，我哋當然唔會俾，但佢哋又响度吵吵鬧鬧；最後俾咗個檢查期佢，但到當日又唔出現，結果只係令到有需要嘅小朋友延遲診斷同治療。
二：講番ｄ畸型bb，衰ｄ講句佢哋都係响度等日子，絕大部份大陸媽咪生咗個畸型bb出嚟，可以好狠心咁由得佢哋响醫院，自己返上大陸，初初都仲叫做聯絡到，有嚟睇吓 bb，買吓尿褊，但整整吓就消失得無影，揾佢唔到，莫講話交院費，連見吓bb都無。有ｄ bb叫做好彩ｄ，媽咪唔捨得，會嚟醫院探，學點照顧，但就極度自我中心，以為佢bb嘅不幸係由我哋造成，不斷有無理嘅要求，但從來唔諗吓 bb唔正常係佢同 bb爸爸基因問題而做成。
三：以上都係比較極端嘅例子。大部份大陸孕婦生出嚟 bb 都正常，响初生時間就會跟媽咪返上大陸，但當bb一有唔舒服就會帶番香港醫，我做嘅病房10個有9個都係咁，父母家人唔守病房規矩就不在話下，有ｄ入咗院就賴死唔走；有時bb 唔需要抗生素吊鹽水，醫生同佢解釋佢又發闌渣，話大陸醫院吊完針 bb 就好番，試過有醫生發脾氣鬧返佢轉頭，叫佢番大陸醫。亦試過bb入嚟只不過傷風感冒，個媽咪竟然叫醫生打封信話 bb有病，要求優先申請來港。更離譜嘅係曾經有個媽咪自己踩落社工部，話佢小朋友有長期病，要申請傷殘津貼同父母來港定居方便照顧，搞到社工打電話上嚟問個小朋友係乜事，其實個小朋友只不過有哮喘。
呢ｄ係我見到嘅事實嘅一小部份，我寫出嚟，都係想大家知道大陸孕婦來港產子除咗搞到我哋無位生仔之外，長遠嚟講係加重香港醫療體系嘅負担！
我個時係醫院所見所聞,仲頂隱....
1)話說有個護士同我講,有一個大陸媽媽,佢生完之後,無帶片比個bb,個姑娘同佢講,要自己帶片比bb架,醫院係唔負責架,佢知d片貴,佢夠膽死拎d衛生巾比個bb當尿片
2)有一個過期居留既大陸媽媽,佢生完bb,因過期居留,要比警方帶走,佢臨走時,走去拎奶既地方,偷d奶,帶走,好在有姑娘佢見到,叫佢放反低咋,佢話怕bb佢無奶食,個姑娘話叫你屋企人買比你law.......
3)生完之後,同房6個人,有4個係大陸人,佢地根本唔理人感受,講野大大聲,成日好大聲關個櫃門.最好笑係對面床個位大陸人問我,你幾多錢一日,我同佢講,我係香港人,$100一日,佢就同我講"哎呀,豬係胡公平呀,典解你地就貢平,禾地就要貢貴"
我啱啱廿日前喺聯合生完bb,因為某d原因喺生之前兩日入咗院(可以話你知六人病房全港人)喺嗰邊同所有人都有講有笑,follow up得好她,到生嗰時仲有姑娘用輪椅推我去產房!
跟住...開始係兩個世界...
四個媽咪,三個"同胞" (剩返嗰個係我) 一個要開刀(唔識廣東話,9唔撘8,成班麻醉師...同佢講解,佢只係大吵大鬧)到我開到10度,bb個頭都見到嗰時...竟然一個醫院既人都無!!! ,我仲要自己拗腰轉去後面按鐘叫人黎,嗰時佢哋叫我夾住雙腳,唔好比bb出黎,入到產房一過床第一吓bb便出來了!!(你哋實覺得我咁快? good 啦!)
我只係將自己最近親身經歷話你知,嗰時你真係好無助
上到房係咩景況,大家都清清楚楚,唔使我多講!!
不過我話你知,我識人喺醫院做,話就就兩成,其實係事實差不多調轉!! (我上房都見好多人唔比$,好在醫院安排走廊留比嗰d無登記自來人瞓,就算有位都留返比我哋,在此值得一讚)
真係針唔吉到你你唔知痛
我時刻都記掛著我那未能來到世上的bb,
他永遠在我心裡某個角落.
發表於 
返回列表
