夫婦情感今日: 3|主題: 42742

收藏本版

發帖

返回列表

跳至頁

樓主: JenniferS

好唔開心,老公好似鐘意左第二個 [複製鏈接]

jjtseung

伯爵府

積分: 15067

21^#

發表於 06-11-17 15:24 |只看該作者

Re: 好唔開心,老公好似鐘意左第二個

Ivy--yeungyeung 寫道:
切忌大吵丈鬧！保持親密關係，唔好俾佢地有機可乘呀

Agree!!

BUT, 我而家都大緊肚… 我老公緊張我同埋肚裏面ga BB都來不及wo…

又點會出去酒吧玩？？就算唔係caw女，都唔係甘好啦！！

試下同你老公傾下〉〉〉你需要佢怎樣的愛護&陪伴（心平氣和地傾）… 如果而家佢都關心體貼得唔夠，掛住去玩… 而你地之間的溝通又達唔成共識 …等BB出佐世，兩個人之間會有更加多的問題嘎！！

私人傳訊

JenniferS

民房

積分: 26

22^#

發表於 06-11-17 21:40 |只看該作者

Re: 好唔開心,老公好似鐘意左第二個

摛晚佢應承我唔去既時候, 完全無野架, 點知佢call唔到的士, 開始唔開心(佢好無耐性), 走去坐巴士又等得耐, 結果返到來既時候竟然發脾氣, 大力掉野兩次。

我見佢咁樣好慶,走去瞓 ,佢睇完新聞又入來瞓 ,明知我未瞓都唔同我傾計, 大家都唔出聲就咁瞓左, 我越諗越嬲,越傷心, 覺得佢係因為無得出去玩而唔開心.仲要發我脾氣。

跟住成晚瞓得好差, 第二朝佢醒左好似無事咁, 但我度氣仲未消, 所以好悔氣咁對佢, 唔彩佢, 佢仲係當無野 ,又唔tam我 ,又唔解釋,諗住就咁去返工, 我谷谷埋埋真係頂唔順啦, 九秒九換衫出街, 佢見我咁好驚跟住我, 我情緒好似崩潰咁, 喊左出來, 閙佢衰, 無得去酒吧仲要發我脾氣, 佢話佢攰同我傾少一晚啫(平時如果佢同我一齊上床瞓覺, 我地會pillow talk好多野), 仲話唔係發我脾氣。

跟住佢話我亂諗野, 諗多左野, 亂呷醋, 仲話我好危險, 陀住個bb可能有抑鬱。

跟住我話返佢, 叫佢自已檢討下, 唔好當我白痴, 叫佢諗下自己係酒吧時係咩心情, 同d女仔又係咩態度 ,叫佢唔好以為我唔知。佢就話係佢唔啱 ,之後兩個人都無再傾過哩個問題。

我喊完心情又平復左, 佢陪我到兩三點先返公司。

唉~! 我知我衰左, 無好好控制自己, 但真係好難忍, 見佢發脾氣, 我不期然就諗到佢係因為第二個女仔而咁樣對我我就好興。

依家搞到自己真係好似有d抑鬱,又覺得好對唔住肚入面既bb。

:-( :-(