Re: 我變左第三者, 我是否退出!
小寶貝兒 寫道:
雖然好殘酷(對妳黎講), 但我都係覺得分手罷啦!!
原因有幾個
1. 妳bf同佢前女友只係因為誤會而分開, 並唔係已經唔再愛對方, 雖然妳男友都愛妳, 但我諗都係50/50
2. 妳男友係重情義既人, 佢呢世都擺脫唔到佢個女同佢既ex, 既然係咁, 妳夾係中間, 何苦呢!!
3. 妳都話, 妳已經失去左安全感, 即使妳bf 點樣同妳講佢最愛既係妳, 又或者佢唔再愛ex, 但妳會相信嗎?? 與其一世都同人鬥/爭男人, 何不灑脫d呢?
如果妳真係要爭, 咁妳就要預左長期作戰, 起碼到左佢個女大學畢業, 又或者個ex另外找到新愛人, 唔係既話..... 真係一世架!!!
以上係我既觀點, 然後頭先我講比老公聽妳既case, 佢同我意見不太相同, 或者可以比妳參考下男人點睇(或者純粹理性地分析件事!)
首先, 佢覺得妳仲有勝算, 而且如果依妳所言, 妳男友係一個重情義既人, 勝算仲唔細添!!
但有幾樣野妳要做到!
第一, 妳一定要好大方, 對個小朋友視如己出, 我老公話係男人見到都會覺得好感動, 因為妳唔係為佢帶黎麻煩(佢個ex就係勒), 男人呢, 最怕就係煩!!
第二, 當對方(ex)提出見面, 盡量跟埋一齊去, 唔好覺得妳係第3者, 而家ex先至係第3者!! 避不見面並唔係一件好事!!
第三, 唔好成日同佢嘈, 呢個係既成既事實, 妳能夠做既就係溫柔d, 大方d接受, 以懷柔政策令妳男友對妳既不滿/要求聽得入耳, 有時候, 同一樣野, 換個方式講, 會易接受好多!!
據我老公話, 而家仲未知妳男友係咪仲仍然愛ex, 只能假設, 一個男人同ex分開左5年幾, 忽然見返, 仲話有個女, 佢一定唔會咁快接受到, 仲有d迷茫, 但呢d迷茫係佢唔知點算定係仲愛ex, 妳就要細心觀察勒!!
仲有, 前一段戀情忽然斷左, 係因為女方出走, 對男方黎講, 咁樣唔夠乾淨俐落(因為冇直接講分手), 仲留有一條尾巴, 加埋上面既原因, 所以妳男友先會咁樣!! 比d時間佢, 佢會知道應該點做!!
同埋, 如果妳決定嫁比佢, 就拿拿聲生返1~2個, 因為而家佢只得一個小朋友, 而且5年冇照顧過佢, 自然對囡囡心生歉意, 想做多d野做補償, (所以妳想阻止佢地見面係徒然既, 因為本身妳男友都想見個囡, 如果妳阻止既次數一多, 佢會更嬲), 呢個情況冇得解決, 只能夠有一日妳都生左小朋友, 咁佢就唔止一個子女, 就唔可以放咁多時間心機係ex個囡度, 咁就會好好多!!
當然啦, 呢個只係我地既猜測, 準唔準, 行唔行得通, 真係要妳自己決定!!
無論妳既決定係點, 我都會支持妳!! 祝福妳!!
♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
我都認為分手會恰當D!講真人就係咁賤,授田無人耕,耕開有人爭!你吾同人地爭就好地地,但你吾退出,嗰個前女友一定吾會罷休,就算佢真係無諗住同你爭男朋友,但都係一個困擾黎,佢依家已經成日搵你男友,又咁依賴,我覺得佢吾會停止吾再搵你男友囉!到你萬一同你男友結左婚,佢都仲係成日搵,到時你個心仲痛仲嬲更加難受啦,男友無問題架!有兩個女人需要佢喎!佢點會抗拒!人地仲同佢生左個女添!佢點都吾會斷絕同佢兩母子來往!所以無謂搵自己笨搞到自己咁複雜喇!你咁格硬堅持,對自己係百害而無一利架. 
發表於 
返回列表
