Baby Kingdom - 親子王國 香港 討論區 › 首頁 › 自由講場› 李慧玲的錄音聲帶

自由講場

收藏本版
發帖
返回列表
跳至頁

首頁
12

尾頁
   0
ellawyc


公爵府

積分: 26643

好媽媽勳章


21#
發表於 06-11-22 16:30 |只看該作者

Re: 李慧玲的錄音聲帶

靜雲,

多謝你明白我地嘅觀點同難處, 其實我在另一topic曾有以下回應 :

***************************************

我地的遊行主題的確不是針對大陸孕婦來港產子, 因為如果打呢個旗號, 我地的活動就冇可能搞得成, 所以我地係用"要求政府增撥資源". 希望大家花少少時間理解吓我地的難處 :

雖然大家都認為今日孕婦資源唔夠的原因, 係使用服務的人多咗, 而呢 d人, 都係大陸孕婦; 但請大家明白, 我地只係"睇到"事實, 而政府有的是數據, 要拗就實冇得拗. 所以, 我地只能集中要求政府做野; 而在政府檢視的過程, 佢地自己會知道問題所在 (雖然我咁樣諗係有點想當然...), 然後處理.

而且, 如打正旗號針對大陸孕婦來港產子, 對整個行動, 香港孕婦, 以致我們的訴求, 只有百害而無一利. 呢點, 亦係我點解之前苦口婆心希望大家睇清問題所在, 而唔好見到"大陸孕婦"四個字就著火 - 只係政府有一條愚蠢的法例, 而讓人有機可乘. 當年97問題, 何嘗唔係好多人想盡辦法去其他國家生仔兼移民呢? 如果當年呢d國家, 都高聲疾呼"香港人滾出去", 大家又作何感想呢? (我知兩件事條件上好多唔同, 我只係想舉個最簡單的例子.)

我絕無意同大家唱反調, 只想大家諗諗, 係, 我地嘅福利係比人搶咗, 於是我地想盡方法想話比政府知, 所以會有今次行動; 而且在政治角度看, 當你想將一種訴求以運動方式去爭取時, 我地必須有一個明確的焦點, 同埋, 呢個焦點係以"不會分化社會"做基礎, 否則, 很難得到共鳴. 今次有咁大迴響, 第一係審計處的報告出得合時, 第二, 係我地的旗號上避咗唔用踩界字眼. 大家可以想像, 我地冇用呢d字眼, 大家都聯想到, 咁即係大陸孕婦呢個問題, 係香港市民都知道的問題.

前日我接受"中間人"訪問時, 李慧玲在訪問完結前有講過"分化"觀點, 而我亦有說明我們的立場 - 政府資源若是多得用不完, 用這個方式去賺吓錢未嘗不可, 但首要應先照顧香港市民, 確保我地有足夠應享資源. (大致意思係咁)

多謝大家, 亦希望大家可以明白, 搞運動要顧慮到的事, 比起在網上以私人身份可表達的, 限制多好多.....很無奈....!

[size=large]** 以上係以個人身份發言 **
私人傳訊

Sonic


子爵府

積分: 10187

好媽媽勳章 醒目開學勳章


22#
發表於 06-11-22 16:39 |只看該作者

Re: 李慧玲的錄音聲帶

越聽佢把聲就越煩, 聽到頭痛, 成日用埋D無謂既助語詞 -- (囉, 即係), 唔該佢改下啦
私人傳訊

janetgel


禁止訪問

積分: 1569


23#
發表於 06-11-22 18:37 |只看該作者

Re: 李慧玲的錄音聲帶

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

mylulu007


伯爵府

積分: 15536


24#
發表於 06-11-22 19:00 |只看該作者

Re: 李慧玲的錄音聲帶

再係咁(包容內地孕婦來港產子)我地香港人要搵人救災勒, 到時, 邊個大陸人會唔會照顧番我地丫.

私人傳訊

parker


別墅

積分: 551


25#
發表於 06-11-22 19:08 |只看該作者

Re: 李慧玲的錄音聲帶

基本上商台林海峰, 杜文澤, 盧覓雪.....一有機會就單打佢架啦.

成日講政圈不知幾多人主動放風俾佢. 件件事都講到自己未卜先知, 早知邊個邊個一定落台, 一定孭鑊, 一定獲委任. 今次佢同全香港人唱反調, 只不過係想表現自己有"高見", 而且"特立獨行"啫.
私人傳訊

traci


大宅

積分: 1053


26#
發表於 06-11-22 22:12 |只看該作者

Re: 李慧玲的錄音聲帶

我諗你都搞錯左d野, 97移民/生仔到外國既家庭, 問題不同依家, 雖然當時好多人一湧而去. 但並無聽過外國有任何投訴, 點解呀, 就係因為當時主力移民外國既都係一班有資金能力既香港人到外國移民生活, 係有付出金錢做任何事(包括生育). 外國簡直歡迎我地去tim, 增加經濟效益, 但依家情況唔同, 係班大陸人借助兩國一通, 大家都係一國人既身份走法律隙. 大大增加香港人負擔. 直接影響納稅人金錢. 希望你唔好再用唔比錢既大陸人同97年移民既正當家庭相比. 直頭係失禮我地香港人!!!
私人傳訊

katyfok


大宅

積分: 1296


27#
發表於 06-11-22 23:45 |只看該作者

Re: 李慧玲的錄音聲帶

I never liked her from the beginning... I think she never look at issues objectively.
She always 為反對而反對 and I think the CR1 pay her to do that!
I always got so piss off listening to her...
One time, I had to call CR1 to tell her to " shut the Fxxx up"
私人傳訊

Simpson


複式洋房

積分: 228


28#
發表於 06-11-22 23:53 |只看該作者

Re: 李慧玲的錄音聲帶

我覺得,佢講野要嘩眾取寵,同大圍唔同既就以為自己好醒,係無得頂!成日俾人"姪"到無聲出就即刻轉話題,所以我每次聽到有人"姪"佢就聽,得佢講無人講就轉台!
私人傳訊

w_y


公爵府

積分: 25476

好媽媽勳章 2011精緻種植勳章 畀面勳章 環保接龍勳章


29#
發表於 06-11-23 00:02 |只看該作者

Re: 李慧玲的錄音聲帶

大家唔需要嬲, 亦唔使驚訝.
佢不嬲都係無料.
但我好佩服佢咁多年來都可以咁厚面皮 occupy 個大氣電波.
阻住晒.

因為佢, 一早都停左俾錢聽商台 archive 啦. 果時一聽到佢把聲, 轉台都轉唔切.
私人傳訊

hokittyho


複式洋房

積分: 371


30#
發表於 06-11-23 00:15 |只看該作者

Re: 李慧玲的錄音聲帶

babyjerry 寫道:
佢係個離左婚既女人.........未生過仔.........正所為"針吉唔到肉,唔知痛"

我不嬲都唔係幾鍾意聽佢講野..........佢把聲線比人感覺好強硬.........好霸道........直覺佢係一個無商量餘地既人.


好多人都以為呢啲只係大肚婆/媽咪嘅事, 跟本好多香港人都未知水浸眼眉, 好似我同我姑仔講, 佢未生過仔, 佢都覺得我哋好無聊, 佢未經歷過生仔都想像唔到啲問題所在.
私人傳訊

ellawyc


公爵府

積分: 26643

好媽媽勳章


31#
發表於 06-11-23 04:02 |只看該作者

Re: 李慧玲的錄音聲帶

traci,

我冇搞錯, 你正係講咗重點 - 係接收移民的國家所制定的政策冇漏洞, 而移民人士又依法辦理, 咁咪無問題無投訴囉.

我諗係我講得唔夠清晰, 我應該講"往外地生仔, 替移孩子取得當地身份", 而唔係用"移民"概括.

"往外地生仔, 替移孩子取得當地身份", 呢個舉動原意係冇問題架 - 只要跟足規矩做.
同樣地, "大陸孕婦來港產子"呢個單一動機我唔能夠話佢錯, 做父母都想比最好嘅比小朋友 (人同此心)! 我所指嘅相同只限呢一點 - 兩者都係以生BB幫小朋友取得當地身份.

佢地黎生仔, 佔用咗本地人資源, 呢一點係政府短視, 冇增撥資源, 預計唔到佢地會大量來港之過; 但大陸孕婦做完生仔呢個動作之後, 所做的事令香港人更不滿 :
- 生完唔比錢, 拍拍老友走人
- 返黎打免費針
- 丟低細路在香港攞綜援, 加重港人負擔
- 加重香港教育/住屋/醫療負擔, 但一個小朋友唔可能對香港有經濟上貢獻, 所以只會燒香港人的錢.

再加上政府任由佢地呢班"奇葩"滋長, 幾年下來, 已漸見"成效". 週日集會上就有媽媽講到, 佢讀幼稚園的小朋友, 有半班同學都係父母在大陸, 小孩在港攞綜援!

所以, 到底錯在邊方面? 大陸媽媽? 香港政府? 當年幫莊豐源爭取居港權的香港司法界人士?

如果大家只願在網上鞭撻, 但不願站出來, 政府又聽到幾多呢?

** 以上係以個人身份發言, 與爭取孕婦權益行動無關 **
私人傳訊

poohpooh123


禁止訪問

積分: 2980


32#
發表於 06-11-23 07:38 |只看該作者

Re: 李慧玲的錄音聲帶

提示: 作者被禁止或刪除 內容自動屏蔽
私人傳訊

traci


大宅

積分: 1053


33#
發表於 06-11-23 11:28 |只看該作者

Re: 李慧玲的錄音聲帶

ellawyc

我明你講咩, 你可以話97年移民潮大致都同大陸人來港生仔取福利相若, 但現時最重要係實左太多大陸人來港生仔不特止, 仲要唔比錢這方面先係大前提, 其它問題已經存在好幾年並不是新問題. 當時香港人都無話反對咩仲好開心人地家庭團聚tim. 而現時已是去到急切問題, 如果大陸人落來生係守規則去做, 根本只係去到政府增加設施問題, 不須搞到咁多野出來. 只是依家搞到雙方(納稅人+政府)既急促損失. 政府做野已經慢, 有時做左仲要退番轉頭(好似學倦制咁). 如果大家仲唔站出來回應. 我諗香港第時唔使香港人納稅, 留番比大陸人納吧 (如果唔走數既話). 你諗到時香港經濟會點.
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy