da_da 寫道:
真係好多謝大家的關心,見到咁多回應,個心好暖.
tinnray,
雖然好唔想有其他小朋友有相同遭遇,但聽到你咁講,我真係放心些,多謝你.我都好同意只要接受咗現實就無問題,不過始終都係昨日的事,我需要D時間接受,現在見到佢無牙但笑得好開心時,真係唔知喊好定笑好.
clf1023,
多謝你,我已經問過,不會有影響的,因為係門牙又有隻恆齒係到.只係有好少機會隻恆齒可能撞到下,會有 lup 位,不過牙醫話問題不,大,到時可以用牙粉補返.
阿仔一向吮手指,個隻門牙有少少向外,上星期佢已經跌親一次,成口血,喊左成個鐘,隻牙又向出左,正當他開始好返,隻牙入返D,點知我同佢換完片去洗手,工人睇住佢,只係一分鐘,佢企左上張櫈仔到,一失重心,就跌左落地,我出到來隻牙已經係地下,我成個呆左.
不過佢今次反而好快收聲,只係喊左一陣,亦唔係流好多血,可能上次已經傷左一次.
我重係到諗如果我唔係買張櫈仔比佢,如果我有鋪返軟墊(屋企之前裝修,返來未鋪返),如果佢之前無撞過....但老公話無如果,只可接受現實....
佢好鍾意坐屋企張櫈仔但太高,我係Jusco買左張BB櫈仔比佢,佢好鍾意,成日坐,有時會企上佢,我有諗過收埋,但見佢近來好乖只係坐...點知.....唉!希望大家都多注意家居安全,唔好好似我咁唔小心.
我現在有第二胎,照左係仔,真係都幾擔心將來唔知點睇住兩個細路,點樣可以比佢地無穿無爛咁成長
weewee,
多謝你,好耐無見,我會保重身體,因為都真係唔可以太傷心同操勞,我最擔心之後個肚再大D,唔知點湊,真係好驚,工人又新.
Maysum 寫道:
da_da,
唔好唔開心啦....我朋友個囝囝出世o個時, 唔知係咪好營養得濟, 已經出左兩隻牙仔(下面門牙), 但係醫生話一定要脫左佢, 因為會影響初生時飲奶進度, 同埋本身都唔係好穩固, 可能係飲奶時會脫落同梗親, 所以係出世時已經知道要等6年出恆齒, 佢囝囝已經返緊k2, 講野同自信心都無問題, 而其他牙仔又乖乖地無走位, 可能係乳齒關係, 本身都好細隻...所以你要好好咁面對同教導佢建立自信心先得o家....祝你同囝囝快快樂樂...
weewee 寫道:
da_da,
我諗小朋友諗野無我地大人咁複雜,佢依家笑得咁開心,我地應該當依件係小事,亦無需再唔開心,不要再刻意記著或提著,小朋友就唔會覺得無左隻牙仔係好大件事!
btw,你換左個工人呀?個靚靚工人走了!
lokhey多個細佬,你要好好休息,遲D食飯啦!
發表於 
返回列表
