Re: 你地信唔信命
20020116,
我d野真係一匹布咁長, 粗俗d講句就係："穫穫新鮮, 穫穫金!" 俗語有勻：人生不如意事十常八九, 咁都叫做有1、2件順意d 丫, 我..哈, 直頭係人生不如意事10常11, 即係超突。
專家話腦海中對於以前既野, 多數都會記住係最開心既事同埋最唔開心既事, 回望個去幾十年, 係我腦海中真係記唔起有乜野開心事, 唔開心既就多到數唔晒。
細果個陣, 我要湊幾個細妹, 人地個個可以去玩, 我就"咩"住我細妹企係門口睇人地玩, 我媽唔開心就打我, 如果我老豆賭錢輸左, 我地又變左我媽既出氣袋, 細個邊個唔想出去玩, 問親阿媽, 佢就話, 你最大, 唔駛湊細妹呀, 有乜好玩, 邊個叫你唔識投胎!!除左返學, 我既生活就係湊細妹, 做外發, 幫手做家務......人地成日話童年係最開心既, 我既童年就係阿媽既打鬧聲中渡過。以致日後我好厭惡小朋友!!
好啦, 出黎做野啦, 當時月薪得千幾蚊, 阿媽要我比一大半返屋企, ok, 冇問題, 鬼叫自己最大, 當然要分擔下啦! 每日6點半起身, 7點要出門口, 晚晚成11點先返屋企, 整熱d飯黎食, 屋企個個都訓晒, 阿媽有時行出黎, 講句："返黎啦!" 係講"返黎啦", 唔係講"點解咁夜先返?"一個後生女夜晚11、2點先返, 佢唔擔心我既安全問題, 佢只係叫我千其咪轉工, 其實個份工真係好辛苦, 返工太陽未出, 放工個陣, 月光都上到半空, 冇人會理過我辛唔辛苦, 只係怕我唔做冇家用比。好記得有一年既年30晚, 公司放下晏, 不過真係勁多野做, 到成6點鐘先走得, 行過一間時裝店, 入去買左件大褸當獎勵下自己, 雖然件大褸早已唔知去左邊, 但有時睇返d舊相, 呢件褸真係有血有汗。仲好記得個日, 竟然可以係太陽落山之前放工, 個心真係有d激動, 好耐、好耐冇見過夕陽!!
幾年之後, 我結婚啦, 其實咁早結婚, 多多少少我都係有d 自私, 想離開呢個屋企, 唔想再受阿媽既約束, 開頭都ok既, 因為自己都有份工做, 都冇諗過要bb, 後尾結婚幾年之後, 老公好like 小朋友, 如果我唔再生, 就踏入高齡產婦, 唉, 都唔知係好定唔好, 好快就有左, 跟住生左個女。
佢今年9歲啦, 呢9年我真係惡夢既開始, 過程唔講啦, 真係多到講唔晒。呢幾年真係好差, 親人離去、失業、病痛....帶比我真係好多好多痛苦, 年頭因病, 我4個月瘦左20磅, 係病個陣, 我真係想死左佢, 好痛苦, 但係個女仲細, 如果我有事, 佢真係冇人理, 我好攰, 好攰。
想起往事, 一幕幕湧晒上黎, 人生匆匆數十載, 係呢幾十年, 我得過d 乜野呢? 如果上天係公平既, 我苦左幾十年, 餘下既, 我可以要求過得好d 嗎?
上天, 你唔好再挑戰我啦, 我真係玩唔起, 如果你可以安排我個女好好生活, 你拎走我啦, 我唔想再無了期過呢d生活, 今日既挑戰都未完, 聽日又有新野。如果真係我前世做左好多錯事, 到家陣都應該還完啦! 
謀事在人，成事在天，個天先係最終揸"fit"人！！
你恨的人，來生不會再見，所以別在他身上浪費時間；你愛的人，來生也不會再見，所以今生要好好對他。
,
),所以無求品自高呀~
咁講, 你阿媽都好重男輕女喎! 其實我阿媽都係, 不過佢生全部都係女, 冇得重仔。我生阿女個陣, 我老公話佢知我生左個女, 佢失望到："下? 真係女呀!", 連我老公都話, 你阿媽真係好失望喎?(我老媽子家陣老左, 冇後生咁好火, 佢家陣好錫我個女, 因為我D細妹都唔肯生仔, 最近呢2年, 我有個妹生左個仔, 佢開心到不得了, 不過佢地住得遠, 所以好少見到個男孫。)
發表於 
將來D野如果都比佢講中埋就好lu
ようこそ！ご覧で下さい !
返回列表
