日頭個女“痴”到實一實，不能分身只能凈睇不能回應（寫得慢）。 
無錯啦呢張大頭相係無用到閃燈，好似對bb眼仔唔好嗎？個女好醒知我相佢影相就會阻閃又縮。平時叔仔教我影完咭滿，就用相機有條線跟埋整落電腦度，有無錯。 
試過一次成部機拎比人曬（話幫我執相，但嚇死人d色）無外到。好耐都無影相啦，無心情但唸唸下好可惜，先至想買機咋。 googoo 寫道:
catherine,
你真係次次都一兩點先 post wor!
其實影得懞都有好多原因，例如你呢張大頭相，主要係唔夠光（你係咪專登唔用閃燈閃bb?)，就算你換部新機，同一情況下都唔會好好多。 用傻瓜機要注意係，越夠光綫情況下會影得越清。如果時時都係響屋企入面影，又唔用閃燈的話，就要盡量開曬d 燈，要囡囡面向燈光，咁就會好d; 就算響室外影都盡量唔好背光（即面黑但背景光綫充足）
小朋友郁得快，要練習多d 先得傢。
你仲未答你平時係點樣處理你數碼相機d 相架？成部機拎去曬相鋪？ 你識唔識將 d 相抄落部電腦度呀？
）
咁我又需唔需要買過部机（無防手震功能）。 thanks googoo 寫道:
如果你識得過相落電腦度，咁就唔算好差啦
幾驚你話呢樣都唔識呀，係就真係唔知點幫你lor
個人覺得唔好等太耐先曬／load相，影完咁耐先有得睇會好無引。其實你唔洗等張card 滿架，得閒就影多d，有得幾十張／一兩個禮拜就過一次相入電腦，你應該識得響電腦度開番來睇架，睇時順手delete 曬 d 真係唔得既，其餘全部儲起；跟手拎埋張card 去曬相鋪，去到果度先揀d 靚相來曬lor。曬完相就將部相機入面d相通通 delete（唔好儲相響部機度，會搞到自己好混亂）。有得３幾個月就叫你妹／叔仔幫你做 backup（最好都係自己學，都係用cd／dvd 抄抄抄跟住擺好je）。
南宮夫人建議流程：
１。影相，記得留意要有足夠光線
２。有得幾十張就過落電腦度
３。過完落電腦就拎張卡去曬相
４。曬完相先 delete 張卡d 相
５。每隔一段時間就backup 電腦入面d 相一次
你睇下呢個流程你做唔做到？ 有邊度唔明就開聲呀，唔洗唔好意思呀！
記住，數碼相機最好之處就係：影得唔好就delete 左佢，如果唔係買數碼機黎做咩呀！ （本版金句
發表於 
事成才向先生、夫人 “品告” 
返回列表
