夫婦情感今日: 1|主題: 42680

收藏本版

發帖

返回列表

跳至頁

樓主: carrie0106

好想再有番啱啱拍拖嗰種感覺呀! [複製鏈接]

momo318

複式洋房

積分: 270

21^#

發表於 07-1-5 03:52 |只看該作者

Re: 好想再有番啱啱拍拖嗰種感覺呀!

carrie0106 ,

首先，我好開心妳會聽我講…多謝妳！

妳既然知道妳男友著緊妳0既話，咁妳以後就要好好珍惜呢一段感情喇！因為我都覺得好男人0係呢個世界上面真係唔多，所以妳有無覺得妳自己好幸運呢？

當拍拖0既時間耐左就真係會覺得雙方都開始會無乜0野講，因為你地0既感情除0左穩定之外，根本就可以講得上係雙方都好清楚對方0既性格嘛！如果妳想繼續咁同妳男友有好多話題0既話，可能妳真係要識得同佢玩，仲要學識點樣同佢開玩笑喎！不過，千祈唔好攪到發脾氣收場呀！（即係類似人生攻擊0既話題就唔好喇！廢事佢真係放左0係心裡面咪死火囉！）

我同我老公其實係乜0野都會講0既！我地而家有左個仔都成日係咁玩0架！有時我會咬佢，因為佢改我花名。有時我會整古佢，等佢去洗白白0個時熄燈…跟住尊登唔比毛巾佢抹身咁囉！搶下佢D錢呀！叫佢洗碗…總之我係好衰！我最鍾意蝦佢。

但有時見到佢心情唔好咪同佢傾下計，佢講完之後隔一陣，我就會分析問題0既重點0野佢聽，安慰下佢咁，跟住我就會同佢講你望下我做人幾開心，有好多0野要慢慢消化0既，得啦！我會同你諗個最好0既解決方法，你而家最好就將個問題交比我先，你好快D沖白白然後好去訓覺喇！
每次我講完咁0既說話，第二朝佢起身返鋪頭0既時候就會見到我所寫上0既對策同埋慰問語喇！咁樣大家都會好開心咁去相處，更加會多0野講囉！

私人傳訊

carrie0106

大宅

積分: 4031

22^#

發表於 07-1-5 10:59 |只看該作者

Re: 好想再有番啱啱拍拖嗰種感覺呀!

momo318,

其實我同佢又未去到話冇嘢講, 只係冇以前咁多啫, 不過我哋又係咩都玩一餐, 有時佢屋企人都會話我哋大唔透, 成日都驚我哋玩出火! 可能最近佢返工時間同我調轉咗, 見面時間少咗, 所以我咪覺得同佢好似疏遠咗囉!
不過你都講得啱, 我同佢可能已經去到穩定既狀態, 所以大家都好清楚對方, 而男人永遠都係粗心大意! 真係抵打