夫婦情感 今日: 1|主題: 42770

moonychan 寫道:
好明白你呀~~~~

我都有個 "燥狂症"既老公, 嗚.....

如果冇野激發到佢, 佢係好好的, 很就我, 但如果一有 d 野激發到佢,佢都幾惡..........平時幾鍚我都好, 一見佢惡的樣, 我都 "協" 嫁......

尋日又有一件事激發到佢, 就係我地一齊去報團, 佢先到, 佢咪搵住資料先囉, 佢就好似已經清楚晒 d details 咁, 同我講返一次. 但我心諗, 未去旅行社時,都係我不停上網搵資料, 佢講既資料我都知啦, 但係佢就攞晒 d credit, 我就唔出聲, 到埋櫃位問機位時, 我在加咀, 老公就不其然好惡, 話 "我問緊野你唔好問, 一係就你問晒....." 我真係好唔鍾意佢咁既態度. 我知可能佢唔想我好似 c9 咁吱吱喳喳, 但我當時都係緊張想問清楚. 後來我都黑面, 佢又話 "同你出來報團都就晒你啦, 開開心心唔得既....." 頂, 係佢語氣唔好我先咁姐.....

唉......仲有好多呢 d 小問題嫁. 為點教個仔都好多衝突.

我對工人有不滿 or 工作唔開心同佢講, 頭一,2次, 佢都會同我分擔, 開解我, 但再講落去佢就會發忟憎話 "炒左個工人你自己湊啦, 只有你自己湊先唔會有問題, 其他人個個都有問題, 呢個世界唔係圍住你轉嫁......" or "大不了咪唔好做囉, 你唔敢辭職我幫你打返去講......"

但如果冇呢 d 睜執時, 佢又對我好好的, 我覺得因為我地好細個已經開始拍拖到結婚, 佢當我係女.......

樂樂豬媽媽 寫道:
[quote]
sleepyBB 寫道:


我都覺得好「縱」佢咁，不過我唔想好似之前咁成日同佢有爭執，而佢除左呢d之外，都對我好好，所以咁先無奈。同埋佢成日話自己係欲以前「縱」我，所以而家唔會咁wor!

至於佢工作，係好大壓力，不過我覺得每個人都有自己壓力，但都要理會對方感受，係咪。

Ivy--yeungyeung 寫道:
恕我直言）））））你老公真係好惡頂呀！又大男人！又懶！又串！比我一定DAY DAY同佢開行火
以為自己係未代皇帝呀
你都唔好太縱佢喇
佢擺到明食到你應一應啦, 反咬佢啦




PS.最僧D大男人, 我地女人返工湊仔唔累架

edea 寫道:
恕我直言,我覺得妳太縱容老公啦.

大人大姐,自己冇手冇腳冇口咩,要話姐姐自己去話,拎襪呢d野自己做啦! 好似少爺咁乜都要人服侍.

開頭以為妳因為冇工作,要睇佢面色做人(唔係話有工作大晒,係以為佢覺得老婆冇收入又話妳唔做野似,好似暗示妳係蛀米大蟲咁),再睇先知妳份工都辛苦,咁我更加唔知佢有乜野理由要將老婆奴隸咁點來點去.

妳唔保護自己地位,佢就越踩越過,今時今日,好少見女人好似妳咁賢淑咁"淋"呀! 而家既太太們(包括我)都係硬繃繃的多 :lol:

sleepyBB 寫道:
多謝大家為我呢件事抱不平，今日一個機緣，我講左d野俾佢知，話說今日我放學，佢打俾我叫我去佢樓下等佢，我坐係度，等左成一個鐘，今日又冬，跟住我正想走，因為我開始唔舒服，後來佢落到黎，咁一齊走啦，個時我已表示唔舒服，佢好似冇咩野咁。
跟住一路行時，我同佢講，如果以後係屋企，我以後唔會幫你做野，淨係會幫你沖野飲，拎牙簽、襪個d我唔會(我態度係好溫婉，因為唔舒服)佢回應時:「你唔駛做ar!」(佢語氣平和)，咁我就話「咁你都唔駛做ar，我都冇叫過你做呢d野啦，如果我唔係到，你點算ar!」，之後佢話「你唔好叫我幫你做野」(佢語氣平和)
好喇!番到屋企，我嘔到好利害，佢好驚我唔知咩事(其實我仲驚，好驚有左)，不過我等佢吹左成個鐘風，超人都病。
跟住佢買粥俾我，又主動幫我做野，同埋佢話會今晚幫我湊女，係呢刻我好感動。
不過唔知我好番後，會唔會打回原型呢?