吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 單親天地› 點樣放低個男人做單親媽媽""

單親天地今日: 1|主題: 18397

收藏本版

發帖

返回列表

跳至頁

樓主: bonaquabb

點樣放低個男人做單親媽媽"" [複製鏈接]

koalababie

大宅

積分: 3041

21^#

發表於 13-10-6 12:34 |只看該作者

3個幾月時仲計劃緊結婚，5個月佢已經搵到新女友？

佢都變得幾快啊！會唔會係佢一直都有對象，或者一直想走，所以搵個借口成日同你鬧交搏分手？咁樣分開就唔顯得佢係見異思遷既衰人，將責任推晒落你度，話係你同佢相處唔來所以分開？

記得以前我有個拍拖7年既男朋友(唔係我而家BB個老豆)，當年我衝動哎分手，個男仔無挽留，之後我極度後悔，好似你咁成日想住，覺得自己仍然好愛佢，唔相信話變就變，好希望做d咩令佢回心轉意，每日都係度喊。喊左大半年，一日同一位共同好友哭訴，我同好友講自己仍然放唔低，個friend等左好耐先同我講"其實XX並唔係你想象中咁好遮，同你分左手無耐，佢已經約左(YY)一齊去旅行(情侶關係去探親)" 果刻我真係好傷心，同時亦都死心，因為呢個人已經係人地既男朋友，已經唔再屬於我喇。

4年過去喇，我依然想念佢，依然後悔當日提出分手。後尾我都拍左兩次拖，無一個人能夠俾到我當年男友俾我既快樂。依家我BB既老豆，更加係一件垃圾，同佢一齊有男友猶如無男友，BB有老豆等於無老豆，生活所有都係一個獨力承擔。
辛苦既時候，偶然我都會想，如果當日唔同XX分手，我應該唔需要做未婚媽咪，我而家應該有幸福美滿既家庭喇。

但無論如何，過去左就係過去左，佢地已經選擇左佢自己認為會幸福既路，讓佢地幸福讓佢快樂再唔係我既責任，我地既責任係對自己同BB既將來負責，有時間不如多想想可以為肚裡面個BB做d咩，可以做咩野令你地將來更快樂。

而家你都5個月喇，唔想謀殺一條生命，不如同你家人商量下點樣處理將來既問題？如果決定自己養，家人會幫忙嘛？一個人養好辛苦，雖然我自己大部份都係一個對住阿女，但有時頭暈身興都需要有人幫忙照顧一下，你身邊有無可靠既人願意無論如何都扶你一把？

如果你無能力養，或者因其他因素唔想做單親媽咪，都可以考慮樓上所講，俾人領養，讓BB有完整既家庭愛護，亦讓你自己可以重新開始，等待一個會愛你珍惜你既人一齊至組織一個幸福家庭。

我自己覺得生出來俾人領養係好難做到既事，因為慢慢當你感覺到胎動，感覺到你地生命連在一起時，你就會知道係你最難過既日子，BB陪你一齊捱過，佢係你最困難時候生存下去既原動力，份感情係未出世已經建立出來既，點可能放手？Add oil for yourself and your BB~

私人傳訊

sinki0425

別墅

積分: 650

22^#

發表於 13-10-6 12:45 |只看該作者

回覆：Zitar 的帖子

真架當你feel 到胎動你會好開心。唔會捨得將佢比左人架。。我都係佢係我8個月就同返佢ex一齊我都日日喊但唔值就算勉強一齊唔開心bb 都係唔好因為比唔到一個完整屋企比佢而勉強一個變左心既男人一齊。。自己一個湊大個bb 單親家庭都會好開心

私人傳訊

koalababie

大宅

積分: 3041

23^#

發表於 13-10-6 12:54 |只看該作者

Zitar 發表於 13-10-5 02:37
單親的確唔易做。但而家你大前題係要諗清楚你湊唔湊得掂ＢＢ？
自己湊？有無收入？雖然話平有平養，但係都 ...

我贊成你說法。BB出世頭幾個月真係成日情緒不穩，阿B又成日喊。如果遇著BB乖乖地，大大下慢慢會好，但我個女14個月來都係大喊十，佢而家脾氣，可能都係受我懷孕時唔開心影響，媽咪情緒會影響到BB，如果我地對BB成日發脾氣，佢地會有樣學樣，所以我地都要控制自己脾氣啊。

陀B時我成日嘔，好辛苦，朋友話"陀唔辛苦，生至辛苦"，生既時候，我算順利好快生左，但傷口爆得好嚴重好痛，我以為最辛苦係咁，點知…湊左BB返屋企，日日無覺好訓傷口又痛，仲慘過之前。以為頭幾個月過左會好，點知BB慢慢大，開始四圍掂四圍走，湊佢辛苦過初生時。跟住當BB學識同你頂頸時，你更加多煩惱。

我唔係想呻，而係想話，每個階段都有每個階段既困難，但有失就必有得，我地都係邊走邊捱過來既，回頭睇返，你會為自己驕傲，原本你以為好艱巨，做唔到，做到就快要死既難關，你統統都pass晒。唔經歷難關無辦法激發到自己d潛能。

私人傳訊

charlotte1996

大宅

積分: 1056

BK Milk勳章

24^#

發表於 13-10-6 14:14 |只看該作者

回覆：點樣放低個男人做單親媽媽""

我可能細過你，得17歲
15歲幾果陣同男友分手，16歲果陣先發現有左4個月，仲要岩岩好已經分開左4個月，當時佢應承我好多野但佢老豆一句說話就連電話都唔聽…
而家我仔已經7個月，起碼我仲有個仔係身邊，同錫我同我仔仔既親朋戚友，而佢就乜都冇，只有佢個衰老豆同佢姑姐＆嫲嫲……

囝囝3級跳(體重)~

私人傳訊

charlotte1996

大宅

積分: 1056

BK Milk勳章

25^#

發表於 13-10-6 14:17 |只看該作者

回覆：點樣放低個男人做單親媽媽""

我幸好得到一個乖寶寶，唔會扭抱，瞓教哄幾下就瞓著，又唔會成日喊

所以向好諗吧！
不過前提都係錢銀問題

囝囝3級跳(體重)~

私人傳訊

sinki0425

別墅

積分: 650

26^#

發表於 13-10-6 17:08 |只看該作者

引用：我可能細過你，得17歲15歲幾果陣同男友分手

原帖由 charlotte1996 於 13-10-06 發表
我可能細過你，得17歲
15歲幾果陣同男友分手，16歲果陣先發現有左4個月，仲要岩岩好已經分開左4個月，當時 ...

咁你都好叻呀！依加都係自己照顧呀b

私人傳訊

charlotte1996

大宅

積分: 1056

BK Milk勳章

27^#

發表於 13-10-6 18:42 |只看該作者

引用：Quote:原帖由+charlotte1996+於+13-10-06+

原帖由 sinki0425 於 13-10-06 發表
咁你都好叻呀！依加都係自己照顧呀b

好彩有屋企人幫手，我而家都仲有返學

囝囝3級跳(體重)~

私人傳訊

sinki0425

別墅

積分: 650

28^#

發表於 13-10-6 18:47 |只看該作者

引用：Quote:原帖由+sinki0425+於+13-10-06+發表

原帖由 charlotte1996 於 13-10-06 發表
好彩有屋企人幫手，我而家都仲有返學

勁呀！不過有屋企人會好d我就要自己一個湊

私人傳訊

Peasmama

大宅

積分: 1880

29^#

發表於 13-10-7 02:28 |只看該作者

回覆：點樣放低個男人做單親媽媽\"\"

單親媽媽真係好辛苦的，但當你看見小寶寶一日一日長大，可愛的樣子，這一切都是值得。這刻你唔好再諗那個男人了，他選擇放棄你們，就算你們這刻勉強再一斉只會令大家痛苦！倒不如將所有心機都放喺自己和bb度更有意義。沒有\'他\'的日子也可活得更充實，我知講係容易，忘記他是很難做到的，但他是傷害你和bb的人，令你傷心哭泣的壞人，為何仍要想念他呢？莫非自己同自己過唔去，犯賤？每次我一諗到呢點我就會放低一些，慢慢時間會將一些一些再放低，遲些就完全放下了！加油！