Re: 呀囝連續發燒?四日,有無媽咪試過??????????
我囡囡都係，年初三去完波波池及食左2隻雞脾仔後，到左晚上開始發燒，即時餵退燒水，到年初四一早同囡囡睇私家，食左葯後，d燒又係燒下退下，最慘係無大便，而且d燒唔過一陣已去到40.3度，囡囡開始發冷，到年初五一早去浸會睇，醫生開左通便葯水、塞且葯及退燒水，回到家食左幾次後，d燒仍然好反覆，最擔心係葯力一過，d燒又黎，到左晚上再餵葯，睇下d燒有無退，點知1個小時後，都唔退，囡囡又開始發冷，即刻飛的士入浸會，當時d燒仍然是40.1度。
住院期間d燒都係反反覆覆，要照x光及驗血，驗血報告話囡囡的丙種反應蛋白比正常高出十倍，要吊驗水，之後囡囡的肚仔很脹，醫生要求要照腸及肚仔，看是否其他問題，而且囡囡的便便是像水（肚瀉），要驗大便，初步結果不是「輪狀病毒」，要再進一步化驗是否「洛沃克病毒」，到年初十才出院，還要待覆診才知道是甚麼病毒而致病，在住院期間真係好擔心，而且好驚，都喊了不知多少次，我懷疑是囡囡沒有洗手而將食物放入口中，因為囡囡之後還叫肚仔痛，我以為是冷親，真的不知道是那麼嚴重，以後更加要小心d，慶幸的是囡囡現在好了很多，加上囡囡出世後便買了保險，如果唔係都不知怎麼辦。
希望各位小朋友都健健康康！
世間最美妙的事情，就是擁有一個溫馨的家庭。我們可自然從容地回到家中，無拘無束地被家庭接納為其中的成員。 ;-) (維斯各特)
發表於 
攪到我又要幫佢降溫,又攪到
返回列表
