吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我係咪好小家呀??

夫婦情感今日: 2|主題: 42737

收藏本版

發帖

返回列表

跳至頁

樓主: 小雪子

我係咪好小家呀?? [複製鏈接]

ringoivy

翡翠宮

積分: 76971

21^#

發表於 07-3-2 10:47 |只看該作者

Re: 我係咪好小家呀??

小雪呀其實我覺得唔係你小氣, 而係你99小氣多d, 佢係咪以為你食媽咪住媽咪就一定比好多錢媽咪, 所以佢先咬住你老公d錢唔放呀

其實你同99感情好嗎

好的話有時可以有意無意咁呻幾句比佢聽下囉

私人傳訊

pandayumama

複式洋房

積分: 393

22^#

發表於 07-3-2 10:48 |只看該作者

Re: 我係咪好小家呀??

我都認同多數人睇法,一個3人小家庭有成19000收入其實唔算太少,理應足夠兼有小小盈余,可能你同先生的計劃理財方面不太好.
以你們的收入係唔應該買車的,賣左架車每月巳經可以有二千几剩,一年就有成3萬的儲蓄,呢筆錢好重要,BB時不時會需要睇醫生,又要上學,而且你仲可以唔晒你媽咪的補貼(話晒你都認為女兒回養父母都是應該的).
你同老公應該將日常開支列出來,一起去計劃點樣可以做到收支平衡,通常男人係唔識去理呢D,但你列出來比佢睇,同埋大家有商有量,爭吵都少些,好好理財吧,你們的收入不應過得如此不堪,同埋在你認為女兒應孝敬父母的同時也讓他也盡一份孝心吧,大家都應回報父母的.榜樣是很重要的,將來你也會做人奶奶或是外母,大家都希望自己的兒女孝順自己的.

私人傳訊

JAL

大宅

積分: 2035

23^#

發表於 07-3-2 12:02 |只看該作者

Re: 我係咪好小家呀??

其實我就咁睇, 唔應該要你媽咪出錢去揍你個仔, 如果以你老公個 point, 個仔比錢養丫媽 lee 個 point 成立, 咁個仔係跟佢地姓架馬, 佢係老豆, 就佢出錢揍丫仔好公平o者, 一係 suggest 要佢比 99 果份 $ 用番黎揍丫仔 law, 其實你媽咪付出咁多都無計, 都唔係話你地比 $ 養你媽咪 la, 講真, d $ 係我黎睇都係伙食費o者, 其實真係唔再應該要你媽咪出錢 law.

私人傳訊

小雪子

民房

積分: 7

24^#

發表於 07-3-2 13:28 |只看該作者

Re: 我係咪好小家呀??

好多謝大家既意見, 我會好好咁管理下財政架喇 :mrgreen:

而家先答下大家既問題先:

1. 3000比99, 係有1700還錢, 1300比99(但我而家有個問題, 因睇完個mami答我, 借30000分2年還, 要6000利息, 點解我計黎計去都唔係1700既)

2. 點解要99去銀行借錢結婚?? 係咁既, 老公開頭問99借既, 但99話冇, 係99提意話用佢個名去銀行借既~

3. 點解我地咁手緊仲要有架車?? 係我地諗左好耐先決定買架, 等我講下比你地聽~ 第一個原因, 我地以前住嗰度, 冇mtr, 冇小巴, 只有的士同巴士, d巴士連bb車都冇位放, 要放上坐位度(如果有位既話), 冇坐就要塞住條通道, 咁我地出親街都好麻煩. 第2個原因(呢個都重要), 老公返工返夜班, 放工唔定時, 做完先走得, 但我地呢度既交通問題, 半夜得2班車, 搭唔到第一班就要等3個鐘先有第2班車, 佢多數放工時第一班已經開走左, 但又要等2個鐘先有第2班車, 又冇" 黎猛的" 搭普通的士就要$100, 仲要有時你想搭的士都未必有得比你搭, 因唔係好多開通宵既的士, 見到老公最眼訓既時候, 又冇得返屋企訓, 要喺公司等2個鐘, 等到有車返到黎都天光喇, so 我地商量左好耐先決定買架車~ 而家搬左喇, so我都想賣左架車佢~!

4. 你地講得岩, 我一路都以為結婚係男家出錢的, 可能睇電視睇得多掛, 又可能我身邊既朋友都未結婚, 我一路都誤會左, 而家先知道原來係冇人幫到自己既~

5. 仲有答下一個mami講開比人湊仔唔止$1500咁平, 岩...你講得岩, 係3500, 係我媽張我以前比開佢既2000(食, 租佢屋, 湊仔), 佢話而家我都搬左, 又唔洗佢湊仔, 又冇喺度食飯, 佢話張呢2000轉做比人既湊仔費, 佢自己再比多1500~ 你地係咪好奇怪點解我媽會自己貼多1500出黎比人湊仔用呢? 係咁既, 一來可以講係我媽錫我, 2來係...我媽之前叫我生完仔之後返去公司幫佢手, 但我唔想, 因老公想我唔好做野, 專心湊仔, 但我媽真係好想我幫佢, 話最多佢湊囉, 咁我地考慮左好耐, 最後都返去幫mami, 因我唔幫佢冇人幫到佢, 佢又唔想請外人, 信唔過喎~ 媽咪都幫我湊左11個月, 但佢之後話真係好累(我都同意, 因佢又返工, 又要湊仔), 話不如比人湊啦, 但我話唔好, 比人湊我不如唔返工, 自己湊, 但我媽咪話如果我唔做, 佢自己一個攪唔掂, 我爸半年前又退休, 因身體唔好, 己經幫唔到手, 到時就會連我媽都冇收入(佢地全家都係得阿媽有收入), 最後mami同我講, 不如咁啦, 你都搬左, 你平時比我既2000不如拎去比人湊仔啦, 咁公司再出多1500囉, 之後諗左好耐, 最後都決定幫mami手~

其實家家有本難念的經, 好難好詳細咁講比你地聽, 點解我地搵19000都會咁手緊, 但事實是就是如此~

私人傳訊

janfion

大宅

積分: 3755

25^#

發表於 07-3-2 17:12 |只看該作者

Re: 我係咪好小家呀??

我覺得，奶奶問你們借一萬，是怕你們遲些唔還之前你們借她的錢！

其二，覺得你們有錢買車，應該有錢還俾佢，但無。只每月三仟，奶奶真的當這三仟是還款，抑或家用？

大多數男人都要面子，可以是無腦到問銀行高息借錢，都要給阿媽家用。家家有本！

咁啦，既然溝通唔到，不如「各顧各」，公老要負擔所有開支的一平或以上，老公有能力的話，由得他給奶奶多少家用！你老公未和你結婚之前，都是如此俾自己阿媽家用的啦。

私人傳訊

wsw9341

複式洋房

積分: 279

26^#

發表於 07-3-2 17:37 |只看該作者

Re: 我係咪好小家呀??

人家提議不一定要做，將來要小心．
如果ｂｂ車上不到巴士，可以用揹帶．
二千多元油錢連泊車，足夠搭二十幾次的士，其實如果你長ｃａｌｌ同一位的士司機，他好樂意接載，甚至有折扣．
（之前有媽媽加埋燕ｘ排費成三千幾一個月，我想你老公沒可能一個月有三十幾天上班）
我以前有同事住長洲，過了尾班船一樣在碼頭等，想坐的士更加沒可能．
你覺得結婚是男家出錢，就等如”賣女”，那你老公就說得對，他供養父母大條道理，你只是外嫁女！

私人傳訊

See

伯爵府

積分: 18772

好媽媽勳章

27^#

發表於 07-3-4 09:05 |只看該作者

Re: 我係咪好小家呀??

[size=xx-small]3. 點解我地咁手緊仲要有架車?? 係我地諗左好耐先決定買架, 等我講下比你地聽~ 第一個原因, 我地以前住嗰度, 冇mtr, 冇小巴, 只有的士同巴士, d巴士連bb車都冇位放, 要放上坐位度(如果有位既話), 冇坐就要塞住條通道, 咁我地出親街都好麻煩. 第2個原因(呢個都重要), 老公返工返夜班, 放工唔定時, 做完先走得, 但我地呢度既交通問題, 半夜得2班車, 搭唔到第一班就要等3個鐘先有第2班車, 佢多數放工時第一班已經開走左, 但又要等2個鐘先有第2班車, 又冇" 黎猛的" 搭普通的士就要$100, 仲要有時你想搭的士都未必有得比你搭, 因唔係好多開通宵既的士, 見到老公最眼訓既時候, 又冇得返屋企訓, 要喺公司等2個鐘, 等到有車返到黎都天光喇, so 我地商量左好耐先決定買架車~ 而家搬左喇, so我都想賣左架車佢~!
對於你所講的這一點，就己經指出你地兩公婆對洗錢理財好有問題。的士呢樣野我唔信要坐無lo，打去的士台實有人幫你找。一個男人會想的話，應該是有巴士坐巴士，無的話先坐的士。我想一定會比養架車小錢。大把人住在唔方便的地方無買車只坐的士，因為坐的士一定平d。而且，咁夜收工咁累，重開車不是更危險嗎？

全世界都在看你家的笑話，騙不過天地，沒不了良心。即管繼續下去，總有一天自己受！

私人傳訊

stephanieching

大宅

積分: 4060

28^#

發表於 07-3-4 09:23 |只看該作者

Re: 我係咪好小家呀??

我都同意其他人的講法 :

1) 結婚無錢可以簡簡單單, 煩不著同銀行借錢結婚, 我當時同老公都因為無錢旅行結婚幾萬元己OK

2) 你兩個月人19000有細路仲要買車, 我話你知我一家3口月入5-6萬, 我都無買車, 出入都是巴士小巴, 我囡細時我都是帶BB車上巴士小巴，的士都少撘, 　我唔覺得你講到咁唔方便到要買車囉　！

３）我兩公婆每人各自給父母數千家用, 上年就算老公失業咗半年, 我老公都要從儲蓄中每月照比, 你99見你有錢買車無錢給家用當然唔喜歡, 呢個是責任不是施捨

所以, 我唔覺得你99唔體諒你, 是你哋太以自我中心, 太不善理才就真 !

私人傳訊

謙仔媽咪

子爵府

積分: 10142

29^#

發表於 07-3-4 12:35 |只看該作者

Re: 我係咪好小家呀??

唔想評論你現時既收支, 只想比D有用既意見, 睇下咁又得唔得--
現時:
收入 $19000
99+還錢3000
湊BB 2000
油錢 1500,
停車埸 900
BB日用品1000
水電媒 1000
日用品 1000
2公婆返工3000
全家保險 2500
上網145, 固網+手提300
-----合共支出16345, 餘2655

建議: 賣左架車, 盡快還清99筆數, 之後可以咁分配:-
收入 $19000 (打屋企工, 可以加D嗎?

)
99,媽咪 $3000 (每人$1500/1000, 點都要比D既)
湊BB $3500 (自己比番, 唔好要媽咪貼)
BB日用品$1000
水電媒 $1000
日用品 $1000
2公婆返工$3000
全家保險 $2500
上網, 電話 $450 (我$350咋wo)
-----合共支出15450, 餘3550

希望幫到你啦!

私人傳訊

joyjoymm

複式洋房

積分: 339

30^#

發表於 07-3-4 13:28 |只看該作者

Re: 我係咪好小家呀??

小雪子:
就這兩句,你們只是借了99(2萬元)
99問銀行借左3萬
99偷偷地問老公借1萬蚊黎供保險
就這兩句,你們只是借了99(2萬元)
每月比99 $3,000(要清楚跟她說明當中幾多是還債,還款期)
這點很重要

唉!我也是過來人,很後悔當年沒跟99說清楚,到現在仍是一舊Lump sum錢給她(當中包括家用), 想cut走已還的錢都開吾到口 :-( :-( :-(