吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 自己的故事

夫婦情感今日: 0|主題: 42770

收藏本版

發帖

返回列表

跳至頁

樓主: natashali

自己的故事 [複製鏈接]

123

natashali

洋房

積分: 71

21^#

發表於 07-3-13 12:24 |只看該作者

Re: 自己的故事

多謝大家的支持,其實都唔使dun我唔低的,咁多年來是自己攞來的,條路係自己揀的,就自己行埋去,對嗎?我唔怕捱苦,唔介意自已一個揹起頭家,但...正如你地所講,如果佢對我不忠,無論只係思想上對人家有異心,都萬萬不能接受!所以就算我有幾愛佢都好,我選擇了放手!因為"忍氣吞聲"並不是我要的生活方式!

我也曾同個仔傾過的,表示已與他爸爸離婚,而且他爸爸是需要搬出去的,可惜,個仔只係問番我轉頭:"點解要咁樣?唔一定要搬得呀?"佢老豆好識得利用d仔女,佢同個仔講左好多歪理,似是而非,令個仔成日覺得係我無理取鬧!例如佢同個仔講:"如果你媽咪成日check住你,冇問過你,就檢查你書包,你覺得係咪唔啱呢?!係咪因為佢係你媽咪,就有權咁做?!";又例如,佢話:"如果你媽咪叫你同你朋友絕交,如果唔係冇母子做!你會唔會高興呢?!" ; 仲有好多..好多... 所以你地叫我點同個仔講,我每次想同個仔好好傾下,但每次阿仔都覺得我好煩厭!成日叫我唔好再講喇! 上年我趕走佢老豆時,阿仔喊左成日,佢曾對工人說過好憎我! 因為我趕走左佢老豆! 可能係我同佢老豆開始吵吵鬧鬧時,佢只見到我好似個癲婆咁,而每次我吵到咁上下, 我就會走左出去, 我試過幾次半夜三更坐係屋企樓下公園幾個鐘, 哭完又哭...

記得第一次我走出街當晚, 佢老豆同佢講落街搵我, 於是阿仔寫了一封信給我, 話老豆仲好關心我, 又話佢老豆好緊張去搵我...;但事實唔係咁囉, 當晚我正坐在樓下附近, 遠望佢老豆上了的士, 於是我打俾佢手提, 問佢去邊, 佢話係去找我, 我又問佢點去邊找我, 佢話旺角wor... 唉, 老實講, 佢乜性格我唔知咩, 佢係唔會做d唔肯定的事的, 根本佢唔知我去左邊, 又點會無拉拉走去旺角搵我呢, 旺角咁大, 點搵呀...! 後來我在佢手提電話記錄看到當晚佢係收到我電話後,轉頭就call個女人了,唔使我講大家都知道係乜一回事啦! 呢件事我好後期先至同阿仔講, 佢又係冇反應, 淨係覺得我好煩囉!

仲有我也有對阿仔講,佢老豆有幾唔負責任,點知佢話:大家開心咪得囉... 有乜問題呀?!" 後來我再同阿仔講, 前年(06年尾) 我曾經叫佢老豆每天給30元阿仔吃午飯, 但佢老豆話冇錢... 之但係, 佢個時已經好多時每次個女人call佢去求救,因為佢個女兒又發癲wor...咁佢老豆就會坐的士去個女人度! 我對阿仔講:"有乜理由寧願自己個仔捱肚餓,都要坐80幾元來回的士,去幫人地個女兒呢? 究竟邊個先至係親生呢?!" 不過, 阿仔聽左後, 又係冇反應, 成日話:"唔知呀!唔好煩我!"

個女就好d,可能係女啩,所以比較幫住媽咪囉,佢只係話只要我開心的,佢就開心了,佢只會跟住我,我去到邊,佢都跟到邊!

依家兩個小朋友已成了佢的武器,我係唔可以輕視的!

私人傳訊

無花果

複式洋房

積分: 290

22^#

發表於 07-3-13 12:36 |只看該作者

Re: 自己的故事

我有個姑奶又係類似你既case，佢個大仔唔想父母分開，而要睇心理醫生。
所以我姑奶仍然同c6一起住，不過如果係發生在我身上，我會同c6保持距離，當佢同屋主就算。

我自己就好釆少少，我同c6分開，對亞女既心理影響唔係太大。而且亞女都好睇得開。

私人傳訊

natashali

洋房

積分: 71

23^#

發表於 07-3-13 12:41 |只看該作者

Re: 自己的故事

依家我都係當佢係同屋主,不過只係佢擺左我間房囉!

私人傳訊

Karena1015

男爵府

積分: 9099

24^#

發表於 07-3-13 12:45 |只看該作者

Re: 自己的故事

你個仔話"大家開心咪得囉... 有乜問題呀?!" 咁而家就係令你好唔開心呀嘛！所以咪有問題囉！佢唔明既你寫返封信同佢講你daddy對呢個家一d貢獻都冇，所以你忍受唔到，另外佢外面有女人所以先令媽咪迫於無奈同佢離婚，試問有邊個女人會甘心自己係出面捱個老公係屋企坐享其成？仲係出面搞三搞四，個仔如果都係唔肯跟你既咪由佢囉，佢一定後悔，仲有記得唔好比錢佢地，條路係自己揀既你揀老豆即係有信心佢可以比到好既生活你，不過如果個仔想跟返媽咪，大門隨時為佢打開！

私人傳訊

sweetheart

大宅

積分: 1972

25^#

發表於 07-3-13 12:59 |只看該作者

Re: 自己的故事

你個仔已經中哂你老公毒, 搞到o的價值觀同你老公一樣, 如果你唔想無

Jerry in Studio

私人傳訊

natashali

洋房

積分: 71

26^#

發表於 07-3-13 14:17 |只看該作者

Re: 自己的故事

你地講得啱,阿仔已中哂毒了!最慘係佢唔相信佢老豆喜歡了第二個女人;佢相信佢老豆和這個女人只是好好的朋友而已!因為在我揭發個衰佬d衰野時,佢老豆同個仔講,佢同呢個朋友有幾老友,佢都只係想幫助她而已!阿仔認為佢老豆冇做錯!
另外,我老公一路以來,都認為佢冇錯,佢只係幫朋友,而我係唔諒解佢,無理取鬧!唔體諒佢幫人的心wor...!

再講我也看不出佢想補救呢段婚姻;佢當初回來後,我諗住佢都係想挽救,可惜佢只係採取愛理不理的態度,明知我唔鐘意他和這女人來往,如果佢係緊張我的,係咪應該疏遠人呢?但佢冇囉,仲理直氣壯咁話自己冇做對不起我的事,佢和那女子冇野,所以唔需要疏遠人,如果佢咁做,即代表佢地有野wor...;我覺得又唔係要同個女人絕交,當時係風頭火勢,係咪應該小d來往?反而走去陪人去看車,買車,試車,依家仲keep住人家的車匙!

以上我有同阿仔講的,不過,佢老豆對阿仔講,支屋企鎖匙&住宅証係當時她搬入去現在居住的地方時,她找他去幫手整屋的,現在還keep住,係因為個女人如果有需要整理間屋時,隨時自己上去,佢仲同阿仔懶有道理講:"咁即証明你老豆的為人幾咁老實,人家咁放心放支鎖匙係你處,即係相信你唔去偷野...";而車匙又係呢d咁的道理,話個女人好樂意隨時借架車俾佢用wor..!

唉,依家只有見步行步,等呢個月底離婚手續搞掂後,再看下點先啦!唔諗得咁多喇!

私人傳訊

working

別墅

積分: 905

27^#

發表於 07-3-13 14:33 |只看該作者

Re: 自己的故事

natashali

我諗男仔都係幫番男士. 而且還係父子!!

加上個男人可能講到自己好慘. 冇人理解和支持.....

我以前都識得對夫婦好似您地咁. 不過個老婆叫埋個女人回家吃飯 (個女人又係單親離婚人士) 要有什麼幫忙. 個老婆會跟埋去幫手. 一來"釘" 實個老公. 二來又好似支持老公幫人 , 三來等個女人知道無機會.

不過您個CASE 係老公好像已經和個女人有野咁.

點都好. 慢慢解釋比仔仔知. 講多D 實質野 . 不要偏面之談. 比多D 例子佢睇. (男仔比較理性) 相信佢慢慢會明白.

私人傳訊

星人mama

男爵府

積分: 7570

28^#

發表於 07-3-13 14:56 |只看該作者

Re: 自己的故事

咁又係喎, 比我都可能會話同佢一齊去幫個女人, 仲叫埋阿仔一齊去幫佢, 睇下佢會點都好嘛

私人傳訊

Malisa

洋房

積分: 252

29^#

發表於 07-3-13 15:16 |只看該作者

Re: 自己的故事

hi,

如果我係你, 就一定會離婚後將對小朋友的撫養權俾個C6, 到時要佢地搬出去, 讓子女看清楚這個所謂慈父的真面目 (軟飯王). 記住要做狠心一點, 不要在金錢上接際他們. 同時, 最好拿證明 (個女人的車匙, 住客證之類), 事實勝於雄辯, 若果子女正常, 都會清楚是發生甚麼一回事. 若果他們還是偏幫這個男人, 就放手吧. 不要讓這個男人拿子女做籌碼. 當男人知道沒有回頭的機會, 他就會好像狗一樣去乞求.

到時叫個女人帶個女和你的子女一起出來, 到那個女人所住的大廈管理處的看更面前, 交回鎖匙及住客証等等. 看他還敢出現於該大廈.

LISA

曾經聽過一個老人家教如果去選終生伴侶, 佢地話好似買鞋, 要睇中個款後, 然後親自去試清楚, 舒服才買, 不要信別人的意見, 因為真正的用家係你. 同意嗎?

私人傳訊

jacquesau

珍珠宮

積分: 35592

30^#

發表於 07-3-13 16:07 |只看該作者

Re: 自己的故事

Malisa 寫道:
hi,

如果我係你, 就一定會離婚後將對小朋友的撫養權俾個C6, 到時要佢地搬出去, 讓子女看清楚這個所謂慈父的真面目 (軟飯王). 記住要做狠心一點, 不要在金錢上接際他們. 同時, 最好拿證明 (個女人的車匙, 住客證之類), 事實勝於雄辯, 若果子女正常, 都會清楚是發生甚麼一回事. 若果他們還是偏幫這個男人, 就放手吧. 不要讓這個男人拿子女做籌碼. 當男人知道沒有回頭的機會, 他就會好像狗一樣去乞求.

到時叫個女人帶個女和你的子女一起出來, 到那個女人所住的大廈管理處的看更面前, 交回鎖匙及住客証等等. 看他還敢出現於該大廈.

LISA

雖然你個主意都唔錯！但係如果樓主捨得放棄對仔女的話就唔會咁煩啦！

好好過每一天......

私人傳訊

豆丁

子爵府

積分: 11206

31^#

發表於 07-3-13 16:21 |只看該作者

Re: 自己的故事

OneTwoThree 寫道:
佢梗係唔想離婚啦, 佢咬左老軟咁耐, 離左婚你有好大機會唔俾錢佢洗嫁嘛, 俾我都唔離啦, 對個家一d責任都唔負, 成頭家你一個人揹哂, 俾著我唔洗等佢有女人先離婚, 佢咁既款咬老軟)我都一早走"甲"唔"投"啦

Malisa 寫道:
hi,

如果我係你, 就一定會離婚後將對小朋友的撫養權俾個C6, 到時要佢地搬出去, 讓子女看清楚這個所謂慈父的真面目 (軟飯王). 記住要做狠心一點, 不要在金錢上接際他們. 同時, 最好拿證明 (個女人的車匙, 住客證之類), 事實勝於雄辯, 若果子女正常, 都會清楚是發生甚麼一回事. 若果他們還是偏幫這個男人, 就放手吧. 不要讓這個男人拿子女做籌碼. 當男人知道沒有回頭的機會, 他就會好像狗一樣去乞求.

LISA

你個仔俾你老公教衰曬la,唔好再俾你老公用d仔女[要拹]你.狠心d la,等你個仔自己睇清楚佢奉若神明既老豆真實既一面.你e+狠心d等你個仔自己睇清楚佢老豆仲有機會攪好你同個仔既關系.你狠唔落心你個仔只會俾你老公越教越衰,同你d關系越來越差.就算你買佢怕(唔叫你老公搬走)又點?你老公一樣會同個仔講d歪理,你呢世都拉唔番個仔個心.到你老公無得要錢就伸手,飯來就將口我唔信佢唔現形.到時又睇下佢點對個仔,唔跌過係唔識大唔知痛(你個仔).淨係同佢講行前面條路小心跌親,媽咪就係上次行呢條路唔小心跌到好痛,佢係唔會感受到係咩滋味.尤其e+青春期覺得自己唸野無錯,同佢唔同唸法先係錯.

佢梗係要賴死唔走la,有你養ma.教埋d歪理俾仔女,過多幾年d仔女有工番又俾錢養佢ma(佢真識鋪後路).收收埋埋仲好過d打工仔,唔駛做有錢收.對呢d人唔好心軟,你唸下佢離間你同d仔女果時有無心軟(唔係做咩要講咁多歪理),傷害你果時有無心軟?衰d講佢同問你拎錢叫雞無分別囉.