tkkmama 寫道:
[quote]
yanyuenbb 寫道:
我奶奶都係好人,不過佢乜都唔講(病緊都唔講,要從老爺漏口風先知!),好難溝通...(佢都係50歲咋!!)
[/quote]
陳老太 寫道:
我未夠18歲已經為人母親，現在個仔都24歲，新抱仔25歲，他們就快結婚一年了，我們一齊住,
以我年齡, 都算是一個年輕奶奶, 而新抱仔多數叫我做媽咪,
近2-3年我, 對電腦認識多了, 仔女又教下我, 就連去Foxy下載歌曲我都學懂了, 相片又識 post, 真是好開心呀,
自覺都未和時代脫節, 我想學就去問下仔女, 新抱仔咁, 不會覺得自己是亞媽覺得不好意思 ，
而自問對新抱仔都算好好, 拍拖至今日, 我都冇叫佢飯後洗碗 / 做任何家務, 因為我覺得每個人都有自己的工作角色,
咁多年來家務都是由我做, 自覺家務等於是我的工作, 所以我都好甘心亦樂意去做, 自己仔女由細到大 我都極少叫他們做家務, 我又怎可能叫新抱仔去做呢? 佢都是別人的女兒呀!
而個仔是娶老婆, 不是娶妹仔, 而佢是我新抱, 並不是我家工人, 而我做多些不會覺得蝕底,
只要他們夫妻恩愛, 好好珍惜對方, 我就別無他求了, 而我亦不讚成 : 初歸新抱落地孩兒的講法,
新抱仔鐘意食什麼, 我都幾了解的, 好似星期日, 年輕人都鐘意睡到 11, 12點, 咁有時他們又想去酒樓飲茶, 咁我就會10點前去酒樓拿票, 然後到處行下,
差不多有位就電話叫他們前來, 事實上我亦甘心咁做, 他們工作都很辛苦, 雖然我冇工作都廿年有多, 但我很會體諒家人,
而我家有一個定期家庭娶會, 每逢每個月最後一個星期日都會一起出街吃晚飯, 由我仔十幾歲開始, 一直至今, 除非有特別事, 不能聚首, 否則風雨不改 ,
對於新抱和奶奶, 我自己就會將心比己, 易地而處, 自己個女將來都會嫁人, 我都希望佢有個好奶奶, 咁今日的我又豈能刻薄別人的女兒(自己新抱),
而且我覺得自己更加應該對新抱仔好, 我對佢好, 佢又對我個仔好, 何樂而不為呢? 為人父母都想個仔有美好婚姻, 夫妻恩愛, 我從來不會覺得新抱搶了我個仔咁, 相反我覺得多了一個女, 多了一個人教我電腦等等 , 亦多了一個人有相有量,
多年來, 我就算對著自己仔女, 有時都會講下唔該, 對新抱我不會擺長輩款, 不會認為自己是奶奶, 講的就一定是對, 相反我現在很多事都會請教他們3個, 仔, 女, 新抱仔,
特別是科技性的東西, 本身學歷有限, 好彩我都好鐘意看書, 看報紙, 我都不想做無知婦孺,
mp3 , MD 我都有聽的, 我現在好勤力咁下載歌曲, 去街坐車都可以聽下,
雖然煮了廿幾年飯, 但我現在都不停咁學習, 在網上看到很多人煮飯好叻, 都會偷下師, 等家人都吃得開心些, 最近開始焗蛋糕呀, 好有成功咁, 他們個個都讚我,
我和仔女, 新抱仔都會一齊打下羽毛球, 目前生活過得很清閒, 天天都很充實,
回想當年, 我奶奶當年都對我好好的, 現在奶奶已經80歲了, 多年來我們都很客氣, 我對佢都有禮貌的 , 佢有時都會對我講下唔該的說話,
所以呢, 就算是一家人, 都應該多些體諒, 多些包容對方, 多些將人比己, 易地而處, 就會相處和諧了.
陳老太 寫道:
而個仔是娶老婆, 不是娶妹仔, 而佢是我新抱, 並不是我家工人, 而我做多些不會覺得蝕底,
只要他們夫妻恩愛, 好好珍惜對方, 我就別無他求了, 而我亦不讚成 : 初歸新抱落地孩兒的講法
發表於 
.同埋同d新抱相處得融洽!!有個快樂溫馨的家庭!! 
返回列表
