吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 生左喇!!!

大仔大女媽媽會今日: 0|主題: 177860

收藏本版

發帖

返回列表

跳至頁

樓主: 小霸

[2007年] 生左喇!!! [複製鏈接]

123

小霸

複式洋房

積分: 243

21^#

發表於 07-3-19 00:39 |只看該作者

Re: 生左喇!!!

QQSS: 我都係住OB13!! 係正明珠房隔離....

我入院果日得返 1 間private room 咋!! 不過出院就得兩個人(包括我)住private room, 真係一日日, 睇彩數.... 我係emergency, 不過好彩係within theatre hours 囉.....

私人傳訊

小霸

複式洋房

積分: 243

22^#

發表於 07-3-19 00:42 |只看該作者

Re: 生左喇!!!

我而家訓得好"散"呀, 一日分幾次訓覺, 每次訓兩三個鐘, 好彩一訓落床就訓得著

jjwmkk 寫道:
恭喜你呀小霸!!!

唉, 我諗lee道每個媽咪都開始左"非人生活" 架喇! lee兩晚仲好d, 老公放假. 每晚佢可以幫我, 但聽日星期一佢要返工, 今晚我要一個人上戰場喇!! 仲要同佢分房訓, 唔想亞b嘈到老公. 老公一唔夠訓, 就鼻敏感, 好大獲. 個鼻好嘈, 亞b實無得好訓. 所以分房訓對大家都好!!!

私人傳訊

小霸

複式洋房

積分: 243

23^#

發表於 07-3-19 00:44 |只看該作者

Re: 生左喇!!!

芍琳: 我聽人講話, 如果媽媽餵人奶, 媽媽飲紅棗水可以幫bb去黃喎... 不過唔知work 唔work, 我自己就無試過....

私人傳訊

chumowendy

禁止訪問

積分: 770

24^#

發表於 07-3-19 10:58 |只看該作者

Re: 生左喇!!!

提示: 作者被禁止或刪除內容自動屏蔽

私人傳訊

感恩的豬媽

民房

積分: 84

25^#

發表於 07-3-19 15:22 |只看該作者

Re: 生左喇!!!

小霸, 恭喜你, 生左個健康小b.

吾好意思, 有事請教, 你點解係emergency 開刀既?我睇左好耐都睇吾明港安既收費表

, 點樣先為只要擇定時間以外再加3萬蚊呢??咁就算開刀個時間係醫生比架麻, 咁點樣為旨先係指定時間, 你清吾清楚呢?

同埋我想問下你開刀時既step係點呢?一入到去會如何呢?我好worry, 同埋想問清楚點樣先confirm係咪開刀呢, 請賜教.

小霸寫道:
QQSS: 我都係住OB13!! 係正明珠房隔離.... 我入院果日得返 1 間private room 咋!! 不過出院就得兩個人(包括我)住private room, 真係一日日, 睇彩數.... 我係emergency, 不過好彩係within theatre hours 囉.....

私人傳訊

小霸

複式洋房

積分: 243

26^#

發表於 07-3-19 19:07 |只看該作者

Re: 生左喇!!!

chumowendy: 哈哈, 我係醫院生完果日都係度諗, 唔知你生左未呢, 順產定開刀呢, 因為我地個預產期係一樣嘛...

我個傷口仲有d 痛, 仲有3日止痛藥, 不過唔算好痛啦, 同埋好神奇地一抱住小b 就唔覺痛, 唔知係唔係心理作用....

我都有請陪月, 請左6個星期咋, 之後就要靠自己同老公.... 講起 keep fit, 我而家一日淨係食3餐, 每餐一碗飯, 同埋食生果... 生完之後而家先輕得果13磅 (小b 佔左5磅幾咋), 我仲要減多20磅呀!!! 而家又唔做得運動同家務, 唯有靠食小d , 又唔食甜野同零食o黎減啦... 不過好彩個肚已經縮左好多, 帶住腰封果陣個肚係平哂....

我阿b 都算ok 啦, 喊得好斯文, 不過肚餓就會喊得大聲d, 所以而家未洗用奶咀住... 你之後返工會比邊個湊bb?

私人傳訊

chumowendy

禁止訪問

積分: 770

27^#

發表於 07-3-19 19:55 |只看該作者

Re: 生左喇!!!

提示: 作者被禁止或刪除內容自動屏蔽

私人傳訊

小霸

複式洋房

積分: 243

28^#

發表於 07-3-20 00:18 |只看該作者

Re: 生左喇!!!

唔好客氣, 我今次都係第一次開刀, 所以好明白你o既心情...

如果你係 at least 早4個鐘頭book 手術室就當係pre-booked caesarean section. 我係emergency 係因為我只係早左兩個鐘頭book 手術室 (因為我已經開始作動, 阿媽同奶奶唔想我痛咁耐先開刀)... 因為我係下午3點鐘開刀, 所以係within normal theatre hours, 醫院charge 我$63,800 (for private room), 如果係after theatre hours 就要比7萬幾... (pre-booked 就比5萬)

我諗擇定時間即係擇時晨吉日出世o既情況, 應該同醫生比個時間你o既情況唔同.... 或者你可以打電話問下姑娘....

你諗住半身麻醉定係全身? 我係半身, 所以唔知全身麻醉o既情況會係點... 開刀之前姑娘會幫你吊鹽水同插尿喉... 唔洗驚插尿喉咖, 姑娘好快手, 條喉好幼, 插果陣會有少少痛同少少唔舒服, 插完就無野咖喇 (尿喉同鹽水都會係做完手術第二日就刪得, 之後就可以落床).

入到手術室之後, 姑娘會幫你搏住部機check 心跳同血壓... 麻醉師會叫你打側訓到好似粒蝦米咁, 之後佢會係你背脊打支止痛針先, 然後佢會搵啱位插支針落麻醉藥 (因為已經打左支止痛針, 麻醉師幫你打麻醉針o既時候你唔會覺得痛, 只係會覺得好似有d 野"liu"緊你背脊), 好快你就會覺得一邊腳麻痺左又用唔到力, 第二邊腳跟住都會好快麻痺左, 你會唔覺得痛又唔覺得痕, 不過就可以感覺到有人推緊你. 最緊要放鬆個人訓係手術床度等bb出世...

醫生開始手術時會話聲你知, 個麻醉師會同你傾計分散你o既注意力, 其實如果唔得登留心都唔會聽到醫生做手術o既聲音... bb 出o黎o既時候個麻醉師同d 姑娘會一齊幫手推你個肚 (都幾大力), 你會覺得成個人"chok chok" 下. 推幾下之後, 醫生就會話你聽bb 出左o黎, 好快你就會聽到bb o既喊聲....

姑娘會第一時間幫bb扣痰同清潔, 打腳印等等.. 之後姑娘會叫你老公睇下個bb係仔定女... 包好bb之後就會擺佢係你心口比你抱住 (我個b 就係呢個時候 kiss 左我一啖!)... 同一時間, 你個醫生會幫你儲臍帶血 (如果你有安排o既話), 清除胎盤等等, 然後聯埋個傷口, 不過呢個時侯你大概已經集中哂注意力係bb 度, 唔會理醫生做緊咩.....

姑娘抱走bb後, 出左手術室, 姑娘會幫你量血壓, make sure 你一切正常先會送你返房休息... 我個醫生好好手勢又快手, 成個手術過程都只係40分鐘左右...

我開刀係因為bb 唔落盆骨, 你係唔係已經決定左要開刀? 你醫生應該有比意見你.. 我入院o既時候係諗住自己生, 所以一入院就入左delivery room, 係等左幾粒鐘都無進展先決定開刀... 你只需要通知醫生你決定開刀, 佢就會幫你同醫院book 手術室同arrange 麻醉師, 唔洗自己同醫院arrange..

感恩的豬媽寫道:
小霸, 恭喜你, 生左個健康小b.

吾好意思, 有事請教, 你點解係emergency 開刀既?我睇左好耐都睇吾明港安既收費表 , 點樣先為只要擇定時間以外再加3萬蚊呢??咁就算開刀個時間係醫生比架麻, 咁點樣為旨先係指定時間, 你清吾清楚呢?

同埋我想問下你開刀時既step係點呢?一入到去會如何呢?我好worry, 同埋想問清楚點樣先confirm係咪開刀呢, 請賜教.

私人傳訊

小霸

複式洋房

積分: 243

29^#

發表於 07-3-20 00:22 |只看該作者

Re: 生左喇!!!

chumowendy: 我都會比工人湊, 奶奶同阿媽輪流'看'住個工人... 不過都有諗過請本地保母再加個工人, 不過就好大開支

bb衫要分開洗咖, 洗阿b d衫要用另一隻洗衣液....

私人傳訊

感恩的豬媽

民房

積分: 84

30^#

發表於 07-3-20 09:48 |只看該作者

Re: 生左喇!!!

小霸

真係好耐吾該你, 你解釋得好詳細, 令我好清楚明白, 聽你咁講, 好似好輕易同小小痛咁

搞到我有d心郁郁, 但係我有好大壓力, 好似無人支持我開刀呢個決定咁, 包括連我個主診醫生都是, 我毫無人support, 好無助咁. 醫生既立場係為我好, 吾想我之後要用好耐時間來復原, 但我既無助佢好似吾係太清楚咁

我已經有好多晚都訓吾著了, 就是因為係到諗開刀吾開刀呢個問題, 我有B型鏈球菌, 我take 吾起呢個risk, 我怕我到時自己穿左水都吾知, 影響到小b, 又怕到最後我又好趕入院時, 先發覺原來港安full哂, 吾比我入院, 我有好多好多既無助因素係背後, 但好似無人明我咁, 無人支持我, 覺得我開刀係件影響好大既事咁, 搞到我好down.

係呢, 你易架傷口仲痛吾痛呢?人地話第二日落床時會超級痛播, 係咪架?

小霸寫道:
唔好客氣, 我今次都係第一次開刀, 所以好明白你o既心情...

私人傳訊

芍琳

大宅

積分: 1208

31^#

發表於 07-3-20 11:06 |只看該作者

Re: 生左喇!!!

小霸寫道:
芍琳: 我聽人講話, 如果媽媽餵人奶, 媽媽飲紅棗水可以幫bb去黃喎... 不過唔知work 唔work, 我自己就無試過....

Thank You小霸，
等ＢＢ出院返黎後我都會試下，謝謝你！！

私人傳訊

QQSS

大宅

積分: 1763

32^#

發表於 07-3-20 14:35 |只看該作者

Re: 生左喇!!!

[quote]
小霸寫道:
QQSS: 我都係住OB13!! 係正明珠房隔離....

我入院果日得返 1 間private room 咋!! 不過出院就得兩個人(包括我)住private room, 真係一日日, 睇彩數.... 我係emergency, 不過好彩係within theatre hours 囉.....

嘩！o甘

私人傳訊

小霸

複式洋房

積分: 243

33^#

發表於 07-3-20 18:57 |只看該作者

Re: 生左喇!!!

感恩的豬媽: 我一直都覺得自然順產對媽媽同bb係最好, 不過我覺得最緊要係母子平安, 因為我bb個頭到作動時都仲係好高又唔落盆骨, 所以都係臨時先決定開刀... 其實開刀都有痛o既時候, 不過就一定無自然生o既10級咁痛 (我覺得做internal examination 果陣仲痛過開刀個傷口!), 但係傷口會復原得耐d, 開完刀要食兩個禮拜止痛藥, 出面個傷口要差唔多兩個禮拜先刪得沙布, 入面個傷口要3個禮拜先完全好返哂... 放鬆d啦, 你個b 會feel 到你心理壓力好大咖.... 你老公點睇呀? 我諗佢都唔想你咁大壓力....

我而家出面個傷口唔痛喇, 今日醫生幫我刪左沙布, 不過入面個傷口o既線頭位仲有d 痛, 唔企得太耐同埋訓醒覺起身果下要小心d... 我仲要食多兩日止痛藥... 我今日第一次見到自己個傷口, 大約9cm 長, 打撗o既, 好低咖, 著bikini 都唔會見到! 不過我個醫生o既手勢超勁!! 傷口聯得好好!!

我都聽人講過第二日落床時個傷口超級痛, 所以我第一次落
床果下落得好慢, 就住就住咁囉... 同埋你食左止痛藥一至兩個鐘先好落床, 等藥力發揮先好落床會無咁痛... 同埋叫兩個人, 一人一邊扶實你先好落床, 落果下唔好咁大力踩地下, 慢慢用力.... 仲有, 因為你做完手術訓左成日床先有得落地, 對腳無力咖, 所以你落床之前可以係床上面"yuk"下對腳先, 會好d 咖....

我之前都好驚有group b strep, 因為最尾果兩個禮拜多左分秘, 我醫生話如果我有group b strep 就要食藥, 當時我都有諗過如果check 左有事, 我寧願開刀囉.... 不過最終check 左confirm 無事, 所以先諗住自己生...

港安一日日咖, 我出院果日得9個bb 係醫院, 如果你唔mind share 房, 我諗港安都應該會有床位, 不過private room 就得8間, 我入院果日得返一間 private room 咋.... 所以我都覺得自己好好彩...

天父賜個bb比你, 佢一定會保守你同bb 平安, 所以唔好諗咁多喇....

私人傳訊

小霸

複式洋房

積分: 243

34^#

發表於 07-3-20 19:03 |只看該作者

Re: 生左喇!!!

QQSS: 我自己開刀要成差唔多12萬, 再加埋阿b睇兒科醫生o既1萬2千, 埋單差唔多13萬啦... 好肉痛咖, 不過係第一胎, 同埋都唔知會唔會生多一個, 就算數啦... 公司insurance cover 得3萬幾蚊咋...

係港安做check-up? 有咩檢查要做咖? 同私家醫生o既檢查有咩唔同? 我個b而家睇緊兒科醫生, 諗住以後都係私家醫生度follow-up....

私人傳訊

QQSS

大宅

積分: 1763

35^#

發表於 07-3-21 00:28 |只看該作者

Re: 生左喇!!!

小霸：
關於BB CHECK UP，出院時姑娘應該有同你解釋過的，其實都係好普通既CHECK UP，

私人傳訊

小霸

複式洋房

積分: 243

36^#

發表於 07-3-21 20:59 |只看該作者

Re: 生左喇!!!

QQSS: 我出院果陣姑娘無同我講話可以返醫院check-up喎, 可能佢地知道我會帶阿b 去睇私家醫生? 我上星期三出院, 尋日已經帶左阿b 去私家醫生度check-up 喇 (因為醫生話出院後一個星期就要check-up)... 下次去睇醫生就會打6合1針.... 阿b 好勁呀, 出世果陣(3月9號) 得5磅12, 尋日check-up 磅重有6磅6喇!!

我阿b而家睇緊 Joseph Pang, 我覺得佢幾好呀, 收費又唔算貴....

我都有諗過去唔去健康院o既問題, 又宥問過dr pang, 最後決定唔去, 因為一來我會繼續帶bb去dr pang 度打針同定期check-up, 去埋健康院就會好"pun pork".... 二來健康院多人出入, 阿b好易中招, 貴少少寧願去私家醫生度...

聽你咁講你去果間clinic 好"lurk"水喎.... 係就早d 轉第二個兒科醫生喇, 我覺得阿b 就好由細到大跟住一個兒科醫生會好d....