我就唔玩由淘寶攪11‧11的官方促銷活動喇,即踏入11‧11零晨零時就要同十三億人鬥快搶餐死的促銷活動,呢幾年比上面的人搶生仔床位、搶奶粉、搶幼稚園入學申請表、搶老公等…,仲唔受夠呀?況且又唔係真係減得多(但係好似好多人都已經覺得減左好多咁喎,可能我較為「黃老太」掛!),所以我真係不屑為慳果D而同上面的人爭到裙甩褲甩咁…呀,又log-in唔到、到拍到又到比唔到錢、好啦,到比到錢又輪到遲遲唔發貨咯等…,使錢仲要找氣來受?no way!
其實踏入十一月,已經有好些店自己促銷慶祝雙十一的了,我就以八折 + 買一送一的特惠價買了兩瓶茶籽洗頭水、和以2.5折 + 買一送八 + 包郵買了個韓國振動粉樸,已經收到晒兼用緊咯,完完全全避開晒雙十一帶來的「物流便秘」!