Re: 可唔可以教我點做?
或者找些偏僻少少O既屋啦,舉個例好似我都住天水圍,附近有些村屋都好平租,不錯,可以如之前有人說可申請公屋,但要等幾年,除非你都係先搬出去,或者你唔想住公屋,想自己有物業,如果要買,我見附近有居屋賣,據講只要你入紙申請了公屋攞住張輪侯卡,便可以綠表抽居屋或者可以免補地價在二手市場買現成居屋，平好多又會有些基本裝修,都係60-80多萬,首期幾萬,月供二三千,超爽.以後住落唔鍾意再裝修過囉,
唔好諗住有幾唔方便,有巴士直出市區,尖沙咀,佐敦,旺角,荃灣,觀塘,沙田,上水,過海都有,唔啱路可以在大纜轉車或者搭西鐵轉地鐵,我老公都係在市區返工,其實附近住O個D人都係咁樣出入嫁啦,既然想儲錢買樓,咁就緊係要有一段時間要捱嫁啦,或者試下抽居屋,平好多嫁.最緊要係兩公婆捱得開心,捱得恩愛.
試想想有咩野會唔方便得過成日吵吵鬧鬧,你老公便夾心人,如果你老公長期做夾心人,遲早會覺煩,到時會影響你地夫妻感情.
如果你係同99不和,咁你老公越幫你,你99就越憎你,其實如果你回心諗下,如果你千辛萬苦揍大了個仔,佢一有老婆就以老婆為主,你都會嬲啦,睇唔順眼就樣樣都唔啱啦.死結,好難解.
趁未炒大鑊,快D行動.至於生唔生多個,安頓好再考慮啦,依家咁急再生多個,只會有害而無利,有時侯所謂公唔公平係你自己諗,如果生活得唔開心,唔見得係對你老公同個仔,甚至新生O既BB係公平,你話係唔係?
我有3個仔女,大仔今年已22歲,仍在讀專科,二仔剛滿21歲,已工作了,而且最近還拍拖,小女兒依家2歲半,屯門醫院出世時3.3kg,好健康,活潑,仲好鬼馬添.
發表於 
好好過每一天......
返回列表
