monchhichiip 寫道:
我本人就一定會囉!我覺得呢d係家教問題,係廚房煮個個好辛苦嘛,無理由唔等埋人食唧
.好記得有1次食完收野, 有送渣唔要,用筷子撥落抬, 發出了小小撞擊. 62立即話我 :麥你屋企無教你估咩! 我當場打左個突, 你甘哪有家教, 就教下自已仔女食飯前等齊人至起筷, 叫佢地挾送時唔好飛象過河, 唔好了送, 唔好飲湯好似食豬"稍"甘雪雪聲啦!!!正8公 
rubytang 寫道:
咁我都返左房, 理得佢邊個洗碗呀~
我當時都唔想咁樣, 話晒都係做節,
都想開開心心一家人坐埋食飯,
但你地試諗下,
大熱天時, 個廚房又熱又盛, 仲要煮成廿幾人既餸,
又得我一個人係度做野,一個二個就係外面嘆住冷氣打麻雀,
唔到要開飯都唔起身坐埋黎個隻,
c 6 個弟婦就精啦~ 老逢過時過節一定唔返黎,
就算拜山都淨係返黎拜完就走, 從來都唔會留係度食飯,
甚至新年都唔返, 初頭d家姐都會唔鐘意,
都會問佢細佬點解你老婆唔返黎,
但都咁多年, 到左而家大家都唔覺得佢有老婆咁囉~
近呢兩年開始, 佢弟婦仲直情唔返,
連拜山同新年都一於唔返, 費事睇你地d人既面色做人~
rubytang 寫道:
Hi, catjeffcat,
唉! 你都有所不知,
如果佢地當時有覺得係少左個人就話啫!~
最慘係佢地都食完晒, 直情就唔覺有人未食飯,
煮就有我份, 人地肚餓唔等我, 我都無話咩野,
但c 6 係咪都應該搵個碗或者咩野都好,
夾起少少留番d俾我食, 我都係人黎架, 唔通叫我食埋d骨咩~
果次真係我入左 c 6 門, 煮左咁耐飯, 最嬲既一次~
因為果次 c 6既亞叔一家人係英國返左黎,
我都唔想係人地面前鬧佢地, 咁樣會唔俾面d老人家~
另一次我又係好嬲, 就係幾年前既新年,
話說 c 6既細佬就成日都好縮骨既,
老逢過年前都唔會返黎幫下手做野, 因為c 6係圍村人,
所以, 逢過年過節都會好重視,
咁每年年初一至初三都會有好親友黎拜年, 我都做到隻積咁,
但都唔緊要, 只要大家開心就好啦!
咁黎拜年既人就會帶好多禮物黎我地屋企度,
咁o岩我兩個妹又黎拜年,佢兩個諗住黎左我度先,
然後跟住再去其他朋友屋企,
咁當時佢就順便帶埋預備俾人既禮物黎我度,
咁我已經驚俾人搞亂佢地d野, 所以,就將d禮物擺左係房入面,
咁 c 6既細佬一家又返, 佢地都唔係黎拜年既,
次次都係黎得一得就滾水碌腳咁要走,
咁我諗住叫埋佢地係度食飯啦~, 都成6點幾,
但佢地都話唔食, 我咪由得佢地走囉~!
跟住, 我發現成個廳既禮物唔見晒, 好誇張,
果日大大話話都成廿幾家人黎過, 一家帶一份都應有成廿份,
真係全部都無晒, 跟住我妹話要去人地度, 開房睇,
連房個d都無埋, 真係激到我發火,
有無搞錯呀, 唔係唔俾你d人攞番去食又好點都好,
但年初一流流呀, 俾我d禮放到聽日開左年,
俾晒你又點話丫呀~ 使唔使咁樣呀~
唔怪之得我見佢細佬成日走出去又走番入黎,
因為我要係廚房煎糕同整野俾d客人食,
出親黎都係見到佢行入屋, 我都覺得好奇怪,
但當時好忙, 無點理, 點知d人真係衰成咁~
激到我係過左年之後, 同 c6講數,
我話唔係唔俾佢攞走d禮,
但唔該叫佢等到 起碼初二先淮攞走~
最唔咁氛氣, 就係d禮物人地送黎,
我都有俾番利是作回禮架~ 佢細佬豆零都無攞出黎,
就唔該都無聲就攞晒走~ 仲要攞埋我妹個d,
等我唔好意思, 咁就俾番200蚊佢地兩個買過d禮物去人度,
你話火唔火滾丫~
發表於 
返回列表
