自由講場 今日: 2657|主題: 1357356

燁燁媽 寫道:
我個仔都係咁, 同佢行街, 佢永遠唔會慢慢同你行, 一定會一支箭咁走左出去. 同佢仲係唔識行路, 只係識跑, 佢今年5歲半.

佢2歲時, 我一個人同人去西貢, 同佢去過遊樂場, 附近有餐廳. 同佢去食野, 不過佢都好小小, 就係食完比錢先走佬.
本來以為佢係問口等我, 所以我都慢慢行去收銀比錢. 點知行到去收銀, 人影都唔見, 叫個收銀收快o的, 唔見左個仔. 佢仲係慢慢同你數錢. :-( :-( :-(
到行到出門口, 已經不知所蹤.
嘿到我跑黎號去搵個仔, 又走圍問人見唔見到個2歲既小朋友......
最後想cry時, 特然想起, 頭先去過個遊樂場, 跑去搵, 真係係度, 我見到佢都開始搵我, 我雖然無打佢, 不過我都小左佢一大餐. 之後幾次都係咁, 試過走左去, 唔見人.
於是我用左一個方法, 對我黎講, 都幾work.
就係佢一走開, 你就同佢講bye bye, 但你講時一定要令轉頭扮走開.
初初我個仔聽到我同佢講bye bye, 佢一路cry一路走返黎我身邊. 雖然外人覺得我咁做, 好似對一個2歲幾既小朋友好衰咁. 不過呢個係無辦法之中係"好轎"
而家我有時同仔仔去玩具店, 佢唔肯走, 我又同佢講bye bye, 佢都無死死地跟我走, 無嘈過.

laiki 寫道:
[quote]
eyan 寫道:
如果係我,我會揾個地方罰佢,企係度,吾準走,就算佢大喊大叫都吾比佢走,等佢知道係街吾可以週圍走,再吾係就揾條學行帶(手扣手果隻)同佢出街,佢0廿大個仔一定吾鐘意,等佢知道再週圍走就要罰.

sako 寫道:
插個咀，
byebye方法我個女唔work架，
佢都唔理我，自己走左去，
我每次都會用蠻力捉實佢，唔得就夾硬抱起佢，
都唔得既時候佢已經係狂哭狀態，我就由佢係度喊到飽為止，都唔知好唔好咁對佢，但又無辦法，我又唔想好似顛婆咁跟住佢跑黎跑去。

pigpig1314 寫道:
佢得個三歲幾人仔，真係好危險架喎。一係試下佢走個時，下次係後面偷偷暗中跟住佢，唔好理佢又唔好俾佢發現，等佢知唔見左媽咪係好徬徨、好驚的事，都係嚇下佢都好~

tingting媽媽 寫道:
我囡囡細你囝囝小小，從好細個開始，每次搭車，係車到我都會同佢講馬路上的野，例如：紅綠燈、雙黃線、雙白線、單白線、虛線、車轉左/右打燈等。每次睇新聞有交通遇外時，我就會話"又有人唔守規則，唔知點解仲係有人會咁做，意外就係咁發生。"
而家每次過馬路時，即時紅燈好多人過馬路，佢都會企定定。



如果你囝囝經常自己行開，控制唔到，至少都識自己過馬路。留意交通情況。

沙沙 寫道:
laiki,

妳個仔咁鐘意走...又唔聽..妳就索性用學行帶拖住佢行啦. 唔係妳個仔唔見左又好有乜意外..妳自己後悔咋. 佢識唔識過馬路唔係借口佢可以自己一個人走左去, 呢個世界咩事都會發生...唔好頭痕又煩腦如何去處理佢..等佢知道有幾醜..唔好理身邊人如何睇法..個仔自己的麻...有乜事佢地賠比妳咩...