親子旅遊 今日: 0 | 主題: 161784

積分: 8493

21^#

發表於 07-5-28 11:24 |只看該作者

Re: 3歲小朋友去旅行, 除了日本還好其他好地方嗎?

himhei,

香港去丹麥係冇直航機架，我地去程係香港->Munich->Billund, 回程係Copenhagen->Munich->香港。

係呀，我係律師樓做，通常律師樓ot都有得pay的，同埋我公司的ot pay都好好，試過有同事要勁ot，出糧差不多double pay添呀！

himhei 寫道:
bbdou:

請問你是否坐直航機？你ot有人工呀？真是好！

希望你玩得開心，記得番來報料。[quote]

私人傳訊

積分: 2478

22^#

發表於 07-5-28 13:53 |只看該作者

Re: 3歲小朋友去旅行, 除了日本還好其他好地方嗎?

himhei﹕
3月中前訂票，有好多航空公司有優惠，6月30日前出發的機票都好平，所以我地一家四口（同你2個差不多大

）坐國泰，去倫敦轉機往哥本哈根，機票大概$24XXX。

另外網上訂晒酒店，其中最貴係住Hotel Legoland，2晚family room連2日入場券要$85XX，其他都係中價酒店的family room，住宿14晚計起來大概要$27XXX。

未出發，就先要畀$52XXX。

唯有途上慳D洗啦。

資料都係上返當地的official website，同埋睇guidebooks，好似Lonely Planet、Frommer's、Timeout等等。

bbdou﹕
最初因為見機票可以stopover倫敦不另收費，於是我好貪心咁，又想去下從來未去過的倫敦，會先留3晚。而家諗返，有少少後悔，因為要睇多份資料，帶多本書，換多份貨幣，適應多一個交通等各種system……不過改機票每張$1000，算啦。

想請教你會去邊個Safari？好吸引呀！資料響邊樹有呀？我地上過一D網站，淨係得Danish

我地去丹麥詳細行程仲未定，不過會留copenhagen 5日，一定會去Tivoli，另外想去zoo、Roskilde、Experimentarium、Bakken……唔知去唔去得晒。

Odense會留3日，同你一樣會去Railway Museum，同埋仔仔見到Egeskov Castle張相好靚，所以應該會去埋。不過安徒生故居就有少少hesitation，因為好似真係得間屋，細路未必有興趣。

我地最後至去Legoland，會住2晚，玩2日，然後直接返copenhagen回港。

私人傳訊

積分: 8493

23^#

發表於 07-5-28 15:10 |只看該作者

Re: 3歲小朋友去旅行, 除了日本還好其他好地方嗎?

chingchingmom,

我同你相反，會先去legoland。其實你legoland玩兩日，唔駛住兩晚架，我都係住一晚玩兩日，另外係Billund考慮緊住legoland village.
住legoland嗰晚，我地會住Pirate's Room，會貴少少，不過咁遠去到，就豪一次咁多啦。

我地會去呢個Safari --> Click Here

私人傳訊

積分: 2478

24^#

發表於 07-5-28 16:11 |只看該作者

Re: 3歲小朋友去旅行, 除了日本還好其他好地方嗎?

bbdou:

你地幾時出發呀？唔該晒你條link，等我睇下先 :mrgreen:

我地兩大兩小，唔想成日搬，擔心搞唔掂

同埋想預鬆少少，所以決定留Legoland兩晚。

我地同你一樣，都係諗住咁遠水路來到，就豪一次啦，所以至忍痛咁貴住2晚。酒店suggest我地住Kids' House Room，價錢同Knight & Princess Room一樣，好似面積大D，同埋對正Legoland。我地Book個陣未有Pirate Room，係咪會再貴D？

[quote]
bbdou 寫道:
chingchingmom,

我同你相反，會先去legoland。其實你legoland玩兩日，唔駛住兩晚架，我都係住一晚玩兩日，另外係Billund考慮緊住legoland village.
住legoland

私人傳訊

積分: 8493

25^#

發表於 07-5-28 20:29 |只看該作者

Re: 3歲小朋友去旅行, 除了日本還好其他好地方嗎?

我地8月15日晚出發呀，Pirate Room 係新的，5月底先至推出，除左Pirate Room, Desert on an Island，價錢係3,xxx DKK一晚，最多可四個人入住，包早餐同各人的Legoland 2-day pass。我頭先上網睇來，佢寫到Pirate Room好似好好玩咁，我好期待呀！

[quote]
chingchingmom 寫道:
bbdou:

你地幾時出發呀？唔該晒你條link，等我睇下先 :mrgreen:

我地兩大兩小，唔想成日搬，擔心搞唔掂

私人傳訊

積分: 2478

26^#

發表於 07-6-25 10:49 |只看該作者

Re: 3歲小朋友去旅行, 除了日本還好其他好地方嗎?

bbdou, himhei:

我返來啦, 你地仲有無睇呢條thread? 要唔要報料?

bbdou 寫道:
我地8月15日晚出發呀，Pirate Room 係新的，5月底先至推出，除左Pirate Room, Desert on an Island，價錢係3,xxx DKK一晚，最多可四個人入住，包早餐同各人的Legoland 2-day pass。我頭先上網睇來，佢寫到Pirate Room好似好好玩咁，我好期待呀！

私人傳訊

積分: 8493

27^#

發表於 07-6-25 22:48 |只看該作者

Re: 3歲小朋友去旅行, 除了日本還好其他好地方嗎?

chingchingmom,

你返來啦，梗係要報料啦，我隔兩日就來睇下你返來未，好唔好玩呀？啱啱返來係咪好攰呀？有冇乜野料可以參考吓呀？等你報料呀！

chingchingmom 寫道:
bbdou, himhei:

我返來啦, 你地仲有無睇呢條thread? 要唔要報料?

[quote]
bbdou 寫道:
我地8月15日晚出發呀，Pirate Room 係新的，5月底先至推出，除左Pirate Room, Desert on an Island，價錢係3,xxx DKK一晚，最多可四個人入住，包早餐同各人的Legoland 2-day pass。我頭先上網睇來，佢寫到Pirate Room好似好好玩咁，我好期待呀！

[/quote]

私人傳訊

積分: 2478

28^#

發表於 07-6-26 02:18 |只看該作者

Re: 3歲小朋友去旅行, 除了日本還好其他好地方嗎?

好好玩, 好開心, 如果唔係下下算返做港紙, 會更開心.

你地先去Legoland, 怕唔怕小朋友Jet lag? 搵到另一晚住邊未?

我地住多一晚Legoland Hotel 比單一晚平少少, 6050 dkk 包兩晚住宿連早餐, buffet dinner一餐, 及四張2 days Legoland入場卷, 覺得住得近雖然貴少少, 但他條好多.

酒店staff好好人, 畀我地參觀埋theme rooms, 你地間pirate room真係好有特色好好玩, 小朋友實鍾意不過比較細, kids house會大D.

唔好意思, 寫開停唔到, 以下長篇大論, 好長氣~~

先報一D general的料:
-恭喜你(if you are not a smoker), 8月丹麥會好似香港咁全面禁煙, 餐廳唔會煙到小朋友

-Copenhagen所有餐廳都要收foreign credit card額外4.XX%的費用, 即係你簽卡找數要畀多D, 但Odense同Legoland都無咁規矩. 在Copenhagen食飯, 用現金會平D.

-我地住過3間酒店, 除了Hotel Legoland有tea and coffee making facilities之外, 另外兩間三星級連kettle都無, 兩日後我頂唔順蒸餾水同礦泉水實在太貴太貴太貴 (7-11便利店一支750 ml賣17dkk, 後來見雜貨店一支1.5litre都賣同價, 但天氣太乾, 一家四口每日外出時飲起碼 2-3 litres) , 全家在酒店房時, 及fill bottle出外飲用, 都飲水喉水. touch wood好在2歲都無事.

- Copenhagen車費好貴, 最低消費2 zones每人要近20dkk一程. 我地計, 買CPH Card計埋車費應該抵玩, 細路跟住大人, 去指定attractions 同坐車免費.

- 士多啤梨當造, 又靚又抵食, 周街有得賣, 可以多吃.

- 酒店的shower gel係二合一, shampoo and shower的, 小朋友皮膚幼

私人傳訊

積分: 8493

29^#

發表於 07-6-26 10:16 |只看該作者

Re: 3歲小朋友去旅行, 除了日本還好其他好地方嗎?

老公打俾我話見到你回應左，我做緊野都忍唔住要上來睇，真係好好玩，好開心，我會參考你的行程同意見，再執下我地個行程。我琴晚先至啱啱book 晒d住宿咋，我地打算買 3-day Danmark rail pass & Copenhagen card (72 hrs.)。個仔已經成日問我點解咁耐都未暑假，佢已經好想快d去丹麥喎，我諗佢會好開心好開心。多謝你的報料，有冇相睇呀？我去完都會上來報料的！

私人傳訊

積分: 8493

30^#

發表於 07-6-26 14:34 |只看該作者

Re: 3歲小朋友去旅行, 除了日本還好其他好地方嗎?

如果唔係下下算返做港紙, 會更開心 - 我會記住，從宜家起催眠自己，丹麥紙 = 港紙。

仲有，我想問下你有冇坐火車，我睇書話來回Billund如果坐火車，架火車會坐船架，你有冇試呀？

好期待好期待好期待好期待，好想快d去好想快d去好想快d去！

私人傳訊

積分: 2478

31^#

發表於 07-6-26 15:18 |只看該作者

Re: 3歲小朋友去旅行, 除了日本還好其他好地方嗎?

bbdou:
我都等你返來，分享你的經歷

希望到時丹麥紙水無咁高啦。

我地D相仲整理中，返來工人仲放假，兩大繼續對兩細，姐姐周日晚返，我地尋日至正式回復正常，大家返工返學咋。

我地有坐火車，由Copenhagen往Odense，及由Odense往Vejle然後轉巴士往Billund Legoland。最後由Legoland坐巴士轉火車回Copenhagen機場。但係架火車一路無坐過船喎，只係過橋，你睇邊本書呀？

私人傳訊

積分: 2478

32^#

發表於 07-9-6 10:36 |只看該作者

bbdou:

應該回來了吧? 旅程如何?

私人傳訊

積分: 8493

33^#

發表於 07-9-15 20:21 |只看該作者

8月26日已經返左來，不過一返來就做到死死下，趁今日唔駛OT，講下先。

先講住：
第一站 Billund，即Legoland所在的小鎮，住間B&B，價錢平，景觀正，一流，值得推介，我咁大個女就係係房裡面第一次見到兩條彩虹掛在天空，真係好靚。一行出門口就有大片草地，兩個小朋友係果度踢波玩得超開心。
至於Hotel Legoland，老實講，有少少失望，有個櫃的手抽仲甩左，我覺得間房唔值咁貴，不過咁遠去過，都係一個唔錯的體驗。

第二站Odense，住Hostal, 地點超方便，一出火車站就係。

第三站Copenhagen，都係住Hostal，地點唔算好方便，不過勝在價錢平，地方都好乾淨，我地仲係佢個廚房煮早餐食，唔錯。

講完住，講下食，總括而言，d野又貴又唔太好食，仲好難搵食，夜晚未夠九點去食晚飯都話就來收檔，冇得食。食來食去都係包、三文治、steak、吞拿魚及炸薯條。

跟住講下交通。基本上都係方便的，主要係搭巴士，不過巴士司機好搞笑，每次個巴士司機都會俾張飛我地，叫我地轉巴士時俾下一個司機就OK，但係每次下一個司機都話我地張飛唔啱，要另外再買飛，仲有一次我地4大2細上左車要俾錢買飛，個司機揮下手叫我地去後面坐，咁我地等開左車再行出去俾錢啦，同佢講晒又做晒手勢4大2細，點知佢淨係收左我地一個大人錢，原來佢根本唔想收我地錢，我地唔生性又走返出去佢至應酬下我地收左一個人錢。
火車都好好坐，好乾淨，有一次位火車上的服務員見我地6個人分開左坐，主動幫我地係第二個車廂留左7個位俾我一齊坐，好感動。
我地第一日到，係機場想搭的士去B&B，但係停係度的的士唔夠裝晒我地咁多人，佢主動話幫我地叫一架大少少的車，等我地可以一架車坐晒，服務態度真係一流，抵讚！

最後，講下玩的地方啦。

Legoland - 到處都係用Lego砌的模型同公仔，有部份仲會郁。我最鍾意就係玩消防車，雖然都幾辛苦，不過好好玩，我地一家都玩得好投入。我個仔平時好細瞻，竟然夠瞻坐過山車，坐完仲話好好玩。
Safari - 唔係有好多種類的動物，不過地方好大，佢仲有一個地區有繩網同彈床，小朋友玩到唔捨得走。我地坐大巴士去睇野生動物，講解員除左講解各種動物的習性，仲有講每種動物是否瀕臨絕種，全球得返幾多同埋佢地瀕臨絕種的原因，睇完好似上左一課，知道要愛惜地球。我地仲坐左小火車去餵動物，好好玩，我地餵左山羊、donkey 同 lamma，好好玩，係一個好好的體驗。
Railway museum - 好大，有好多火車，我個仔好開心，因為佢係火車迷，佢架架火車都上去，又扮乘客，又扮火車司機，雖然我地過左旺季去冇乜活動可以參加，但係都坐左小火車，都好開心。
安徒生故居 - 我地去左佢兒時居所，聽講解員講左安徒生的生平，間屋雖然好細，但係有個好靚的花園。跟住去埋博物館隔離的兒童園玩，著左d衫扮鬼扮馬，阿仔又畫大花面，仲畫左一幅畫，雖然帶唔到返來，不過都影左相留念。阿仔仲唔肯洗甩佢個大花面，出左去行街都係花面貓。
Viking museum - 我同你一樣，去到已經三點，不過沿途風景好靚，好舒服，雖然個museum好細，不過當郊遊都好正。
Experimentarium - 大形科學館，真係玩足一日，好好玩，我地全部人一齊玩個踩青蛙，破晒記錄，兩個小朋友玩得最耐的係運磚，帶位個安全帽，將d磚運來運去，又砌左一幅牆，連我地大人都覺得好好玩。
Copenhagen - 去左Tivoli Garden（遊樂場一個）、圓塔、一個城堡（唔記得叫乜野堡）、皇宮（睇換兵，但皇后不在，只有簡單儀式），美人魚像同神牛像，都係預期的野，冇乜特別。

購物 - 物價實在好貴，我自己淨係買左d士兵、一個維京人公仔、幾支Lego筆同幾個Lego key holder，個仔買左幾件T恤、五盒Lego、一個Lego背囊。

呢次旅行對我個仔來講係一個好開心同好深刻的經驗，因為佢返到香港之後仲畫左好多幅同旅行有關的畫，包括我地搭的飛機同機場、坐同見到的火車，去過的地方。晒左出來的相仲話要帶俾佢的朋友同老師睇，真係好開心！

原文章由 chingchingmom 於 07-9-6 10:36 發表
bbdou:

應該回來了吧? 旅程如何?

私人傳訊

積分: 2478

34^#

發表於 07-9-18 11:08 |只看該作者

bbdou:

好好玩呀:mrgreen: 原來你地係2家人、4大2小一齊去？咁應該仲好玩喎。

咁Legoland行去B&B遠唔遠呀？你地住Odense間Hostal真係超近！

幾時update本相簿呀？

原文章由 bbdou 於 07-9-15 20:21 發表
8月26日已經返左來，不過一返來就做到死死下，趁今日唔駛OT，講下先。

先講住：
第一站 Billund，即Legoland所在的小鎮，住間B&B，價錢平，景觀正，一流，值得推介，我咁大個女就係係房裡面第一次見到兩條彩虹掛在天空，真係好靚。一行出門 ...

私人傳訊

積分: 8493

35^#

發表於 07-9-18 11:23 |只看該作者

係呀，兩個小朋友相差只係半歲，玩得好埋，好開心，最好就係兩個小朋友都係好乖，好開心同好肯聽大人講的，所以係果邊成十日，一次計都冇扭過。

Legoland去B&B如果唔識行就要行20分鐘，但係我地發現左條捷徑，唔駛十分鐘就行到啦，條捷徑仲會穿過一條好短的叢林小徑，兩旁同拱形頂都長滿爬藤植物，好好feel！

本相簿真係都唔知幾時至update到，我公司又忙到死，日日OT，老公轉工要俾返部notebook俾公司，屋企部電腦又中左毒搞唔掂，而家密謀買過部新notebook，不過未揀啱！

原文章由 chingchingmom 於 07-9-18 11:08 發表
bbdou:

好好玩呀:mrgreen: 原來你地係2家人、4大2小一齊去？咁應該仲好玩喎。

咁Legoland行去B&B遠唔遠呀？你地住Odense間Hostal真係超近！

幾時update本相簿呀？

...

私人傳訊

積分: 2478

36^#

發表於 07-9-18 12:04 |只看該作者

希望你快D買到Laptop，快D有相睇！

小朋友之前識唔識o架？去完應該變成老友啦？

最後你地有無買Copenhagen Card？個司機叔叔咁好人的？我地次次坐巴士，司機叔叔都睇張卡睇得好清楚的，反而火車就唔係次次check。

丹麥的士貴唔貴？我地都唔敢坐……

跟住幾本自助遊Guidebooks搵食，D餐廳又無收咁早，而且都有得揀款式，不過就真係好貴

我地又係勁鍾意Experimentarium，足足玩左一日，D恐龍真栩栩如生，有表情架！不過我女女又係鍾意搬磚頭:mrgreen:

原文章由 bbdou 於 07-9-18 11:23 發表
係呀，兩個小朋友相差只係半歲，玩得好埋，好開心，最好就係兩個小朋友都係好乖，好開心同好肯聽大人講的，所以係果邊成十日，一次計都冇扭過。

Legoland去B&B如果唔識行就要行20分鐘，但係我地發現左條捷徑，唔駛十分鐘就行到啦，條捷 ...

私人傳訊