吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 興趣嗜好› 有樓主要求整合我既靈異之怪人怪事（慎入） ...

興趣嗜好今日: 6|主題: 124307

收藏本版

發帖

返回列表

跳至頁

樓主: saupig

[其他] 有樓主要求整合我既靈異之怪人怪事（慎入）

[複製鏈接]

18 192021 22...29

457

saupig

大宅

積分: 4068

381^#

發表於 18-4-13 22:42 |只看該作者

回覆樓主

33C)再隔幾日，我在夢中見到另一幕，兩隻女鬼係咁搖緊個條（裝修梯），阿朋友（男）就在梯上面（好似就跌落黎咁）而個兩隻野就突然望向我，再對住我笑！之後我就醒左！

咁我就打俾老公，叫佢提下個朋友，今日唔好爬梯，最後當然都係：俾人話你傻，無啦啦做咩會爬梯！咁又不了了之啦！

當晚臨訓前，我仲同老公講，到而家朋友都無搵你，應該安全，所以我就以為係自己日有所思夜有所夢啦，之後就上床訓覺，訓訓下，點知俾電話聲嘈醒左，阿朋友老婆12點幾打黎，仲話佢老公入左院，係佢老公入院前叫佢搵我地過去，但無講咩事，因為佢老公痛到死咁制，唔想講野！後來我地就去左醫院睇佢，等佢做完手術，都等左好耐，我老公就返工先，我就返家先，到左第日探病時間再探佢，最後因爲忙，都無時間去！

佢老婆個晚又再打黎，我地先知發生左咩事，佢話：「當晚半夜老公返黎，個廁所燈唔著，沖唔到涼，所以要換燈，之後佢老公換換下，條梯唔知係咪放得唔好，搖左佢落地，佢跌左落黎，一隻腳叉左在梯到，一隻腳連梯撞左在浴缸邊，扭曲左，就因為咁，成對腳就咁斷左，咁就一世了！佢問我老公，問佢個日點解會提佢老公要小心梯？」咁我地都覺得好猛，有無咁邪呀？都唔知係咪件意外咁啱撞埋呢？無論咩都好，我老公都決定叫佢地快D搬走，要搬走左先，唔搬係唔會講俾佢聽咩事！

因為佢地都覺得好神奇，點解好似有預知咁，所以都決定聽我老公講：搬走！

後來幫佢地搬完屋後，再話佢地知，佢老婆（我）！去完佢地屋企，曾經發左D咁嘅夢，佢地聽完，雖然都覺得無可能，但又真係發生左D類似既事，唔信都唔得！

Ps:至於點解我會夢到佢朋友既野，我都唔知，可以同佢朋友有緣啦，俾機會我救佢啦，原本可以救到佢，點知最後都救唔到，咁就一世了！

私人傳訊

woodstockmm

大宅

積分: 1345

382^#

發表於 18-4-14 02:37 |只看該作者

saupig 發表於 18-4-13 22:42
33C)再隔幾日，我在夢中見到另一幕，兩隻女鬼係咁搖緊個條（裝修梯），阿朋友（男）就在梯上面（好似就跌落 ...

多謝樓主回覆，請繼續分享

私人傳訊

wing288

別墅

積分: 796

383^#

發表於 18-4-14 11:27 |只看該作者

saupig 發表於 18-4-13 22:42
33C)再隔幾日，我在夢中見到另一幕，兩隻女鬼係咁搖緊個條（裝修梯），阿朋友（男）就在梯上面（好似就跌落 ...

個朋友都幾慘下....其實佢好似冇得罪佢地...點解要咁做呢..

私人傳訊

moonmoonbabies

子爵府

積分: 14891

384^#

發表於 18-4-14 14:19 |只看該作者

saupig 發表於 18-4-13 22:42
33C)再隔幾日，我在夢中見到另一幕，兩隻女鬼係咁搖緊個條（裝修梯），阿朋友（男）就在梯上面（好似就跌落 ...

咁你朋友做完手術行得返嗎?

私人傳訊

saupig

大宅

積分: 4068

385^#

發表於 18-4-14 15:05 |只看該作者

moonmoonbabies 發表於 18-4-14 14:19
咁你朋友做完手術行得返嗎?

行就行到，但做唔返正常咁

私人傳訊

ifung39

男爵府

積分: 9699

386^#

發表於 18-4-14 23:33 |只看該作者

回覆 saupig 的帖子

代價真係大

私人傳訊

Bigpig_2007

大宅

積分: 3068

387^#

發表於 18-4-15 14:29 |只看該作者

saupig 發表於 18-3-23 01:28
註：請留意，有驚嚇成份！有心臟問題者/情緒問題者慎入！

因為有樓主要求，為方便大家追睇，所以特別將我 ...

樓主，你咁多靈異經歷，其實我以前同你不相伯仲，恐懼就越多。

如果你想生活好一些，可以一係睇心理醫生，一係就返下教會。

Don't worry, be happy to yourself and your family!

私人傳訊

saupig

大宅

積分: 4068

388^#

發表於 18-4-15 14:35 |只看該作者

Bigpig_2007 發表於 18-4-15 14:29
樓主，你咁多靈異經歷，其實我以前同你不相伯仲，恐懼就越多。

如果你想生活好一些，可以一係睇心理醫生 ...

我又無太大恐懼，其實我呢幾年都無遇到，所以基本上我係無心理問題，我只係分享返之前遇過既怪事，同大家分享下咁啫！

私人傳訊

saupig

大宅

積分: 4068

389^#

發表於 18-4-15 14:52 |只看該作者

回覆樓主

其實我親妹妹係一個虔誠既基督徒，但佢都有遇過怪事，我遲下會分享，但如果大家認為我係心理有問題、精神有問題，而影響到大家既話，我可以唔再分享！如果有樓主想睇既就覆下我，等我知！如果大部分唔想睇，我就停止，如果有大部想睇，我繼續出post，如果有樓主唔like我個post可以繞路，請大家唔好再叫我睇醫生，我可以好肯定同大家講，我無病，多謝各位關心！

Ps：請大家覆我，話我知仲睇唔睇！thx!

私人傳訊

saupig

大宅

積分: 4068

390^#

發表於 18-4-15 15:16 |只看該作者

回覆樓主

因字數問題，分開A、B兩part

34A）以下呢件事，係發生在我姑姐身上，以前住農村，當年我姑姐有左BB，大約7-8個月身孕，有一日佢去檢查BB，經過山頭時，見有D累，在一棵樹下休息左一陣，之後再行去當地診所，行到門口無幾遠，覺得好累，就挨着一幅牆企左係度，雙手扶住把遮，把遮篤住地下，就咁企左係度閉目養神！

當地診所個醫生見我姑姐過左時間都未到，覺得奇怪？（以前農村得一間診所，基本上村內既人，個個都識，應該話（好熟），因為我姑姐係好準時既人，只有早到，唔會遲到，咁阿醫生就出門口睇下啦，遠處見到我姑姐企左係度，叫佢都無反應，就過去拍佢啦，都係無反應，咁就即時搵人抬佢入室內，打電話俾姑姐爸爸（即我爺爺），醫生同爺爺講，呢個情況要送去大醫院，咁爺爺就帶住昏迷既姑姐送去醫院，但去到醫院，醫生睇完就話：無得救，準備身後事！

爺爺為左救女兒，當然唔會就咁放棄啦，去晒咁多間醫院，最終都無一間肯收（可能當年既大陸醫院個個都怕出事，間間都拒收）！當我爺爺絕望之際，有一個婆婆出現左，佢問爺爺：大爺，這個女人是你的什麼人！爺爺答佢：我的女兒！沒有醫院肯收留，要準備身後事了！

婆婆聽完，就同爺爺講：你女兒未死，她只是撞左邪，你回去搵人打齋，要每日堅持，直到你女兒醒，你想救她就要快，今晚要開始了！爺爺聽完，既然醫院都唔肯收，唯有咩方法都試下啦，一絲希望都要試！