懷孕前後 今日: 5 | 主題: 330568

積分: 3441

381^#

發表於 05-1-24 10:28 |只看該作者

Re: 有無將會或已經在聯合醫院生的媽媽,請進來傾下啦!

carmenwong0208,
你快D寄惠氏既form啦,,因為要等成2個月度,,愈快寄愈好呀,,,

weewee,
你想知既野gillianchan答得好詳盡啦..

janice0302,
咁你咪成日唔夠時間休息羅? bb而家係咪食全奶粉啦?

SUKI_C,
你老公反好早呀,,,咁佢放工係咪都會早d呀? 唔係咪好辛苦?

gillianchan,
我星期6都有去聽講座呀,,第一次都睇唔到試範bb沖涼, 要第2次先睇到,,因為唔知d人會出哂去企係度,,我都見到個大肚婆企係張椅上面睇, 真係牙煙呀,,,,果日姑娘話下次教"烚奶樽",,,你仲記唔記得除左"烚奶樽"仲有教咩呀? 因為如果講"烚奶樽"..我真係冇心機去呀,,媽咪家姐教都得啦,,,.>.<

carmenwong0208,
我都冇咩食過補身既野,,日日飲奶, 3餐準時,,多飲湯同食生果,,同醫生有開左一隻多種維他命比我食, 就係咁咋,,唔好餓住個肚我覺得都ok了,,d書成日話唔駛食2人份量架,,,不過我自6個月起真係大食左好多呀,,好似食極都唔飽咁,,,都好驚體重會暴升..

私人傳訊

積分: 3489

382^#

發表於 05-1-24 23:24 |只看該作者

Re: 有無將會或已經在聯合醫院生的媽媽,請進來傾下啦!

janice0302~ & SUKI_C~

你地剛生完BB都要好好休息呀!咁先有精神照顧BB架嘛!

我想問下你地知唔知,聯合會俾初生BB飲邊隻奶粉架? 咁你地返到屋企又會餵邊隻奶粉呢? 聽講BB既奶粉唔可以'溝亂'飲架!會腸胃不適?
我自己打算餵人奶架!但好多人都叫我要諗定一隻奶粉,當餵唔到人奶時,可以俾BB飲....不過我都唔知邊隻好? s26又話會飲肥BB,有D又話好熱氣,會令BB便秘,有D又話容易令BB敏感....唉!真係好難選擇呀? ?-(

各位~ 你地會點幫BB揀奶粉架? 唔通真係要好似'電視劇'咁自己買幾隻黎試下味咩? (我地既口味同BB都唔同喇!)

意粉~

我都唔係好記得下堂仲會教D乜喎?

而且我都唔知尼個星期六可唔可以去聽,因為我星期六都要返全日架!老闆唔想我個個星期六請2個鐘去聽講座! 所以要睇下有冇替工幫我先得 ?-( 但係我都幾鐘意聽講座架!所以盡可能都會去聽,唔知會唔會見到你呢?...你同老公星期六下晝都放假?冇野做咪一齊去聽下囉!
上星期我趕住返公司呀!所以第一次俾人遮住晒睇唔到點幫BB'沖涼',只可以聽護士講解,我都唔等第二次再睇lu,而且之前我去'惠氏'既講座都睇過一次點幫BB沖涼

你有冇去聽'惠氏'果D講座呀?精彩好多架! :mrgreen:

私人傳訊

SUKI_C

積分: 2589

383^#

發表於 05-1-25 16:14 |只看該作者

Re: 有無將會或已經在聯合醫院生的媽媽,請進來傾下啦!

gillianchan

聯合現在用安嬰兒A+,BB現在也飲緊安嬰兒A+,BB飲了唔
錯,大小便正常,而且又吸收,所以如無問題盡量初生BB飲番
同醫院奶粉一樣,唔好攪亂BB腸胃﹗ 妳在醫院其間餵人奶,
姑娘會比奶粉妳補給BB的,因為初頭未有足夠人奶,到是妳
要睇番醫院用什麼奶粉,初生BB唔好亂轉奶粉

幫BB揀奶粉係要睇BB食得好唔好,有冇大小便正常,有冇重磅

私人傳訊

SUKI_C

積分: 2589

384^#

發表於 05-1-26 11:53 |只看該作者

Re: 有無將會或已經在聯合醫院生的媽媽,請進來傾下啦!

hi hi

私人傳訊

dorcas910

積分: 338

385^#

發表於 05-1-26 12:08 |只看該作者

Re: 有無將會或已經在聯合醫院生的媽媽,請進來傾下啦!

昨天去健康院檢查，醫生話我個肚size好似細

私人傳訊

積分: 4046

386^#

發表於 05-1-26 14:27 |只看該作者

Re: 有無將會或已經在聯合醫院生的媽媽,請進來傾下啦!

gillianchan~

我開頭都係餵人奶,因為我個女食得好密,加上自己又唔夠時間休息,所以我餵咗2個星期就放棄咗啦.
我個女女戒咗夜奶好咗好多啦.佢而家夜晚10至11點食完奶就同我一齊訓到5.6點先起身食奶.所以都夠訓.
你坐月嗰時有人幫下你湊會好好多.你自己都要休息多d呀.叫你老公或者屋企人幫你手.如果唔係你會好辛苦架 :-P
到你慢湊番個bb你就會習慣.(我坐月時我媽咪幫我湊.個女夜晚跟我媽訓.滿月就係我自己湊番跟番我訓)

咁bb夜晚係唔係同你一齊訓呀?

聯合係俾安嬰兒A+俾bb食架,我冇餵人奶果時俾佢食安嬰兒A+,但係我個女唔係成日有便便,想去又去唔到.攪到好忟憎,後再想轉金裝恵氏,咁轉果期間.有人話有s26,會好長肉,但好熱氣,會便秘,到而家我都唔知轉唔轉好.而家重2溝緊.一餐安嬰兒A+,一餐金裝恵氏咁俾.我個女而家反而日日有得去便便.一次好大堆.攪到我都唔知邊隻奶粉好

彤彤係2004年12月16日出世啦 12月16日:3.68kg 12月20日:3.56kg 12月23日:3.80kg 12月30日:3.95kg 1月17日:4.55kg 係爸爸媽媽既寶貝皇帝女 b]小bb預產期27-03-2007 彤彤就黎做姐姐啦~~[

私人傳訊

積分: 4046

387^#

發表於 05-1-26 14:29 |只看該作者

Re: 有無將會或已經在聯合醫院生的媽媽,請進來傾下啦!

意粉~

我個女而家係成全奶粉,而家好在我個女戒咗夜奶.如果唔係真係唔夠訓

私人傳訊

wumama

積分: 103

388^#

發表於 05-1-26 15:11 |只看該作者

Re: 有無將會或已經在聯合醫院生的媽媽,請進來傾下啦!

hihi..

終於等到放產假la...呢幾日訓得夠d..個人都精神d..希望我個bb 會重多d la..因上個sat 去私家照..佢都係得5.6lbs..好鬼
'un'呀，希望佢係肚入面訓到夠預產期先出黎la..(2月6號)，

除左訓..你地仲有冇d 乜野秘訣可以令bb 大隻小小架？ ?-(

私人傳訊

積分: 3489

389^#

發表於 05-1-26 23:30 |只看該作者

Re: 有無將會或已經在聯合醫院生的媽媽,請進來傾下啦!

SUKI_C~

多謝你的回答!

我聽講 "A+"都幾好架!所以如果BB係聯合試過都OK既,我第日都會俾BB飲"A+"

janice0302~

Thanks!多謝你的經驗之談,我會努力盡量餵人奶架喇!希望我堅持到耐D喇!

你BB都幾好呀!咁快戒到夜奶,唔駛你半夜餵奶咁辛苦,咁你都有番6-7個鐘瞓下

我媽咪好好架!因為佢要返工,陪唔到我,所以一早幫我諗定'坐月'既安排,到時婆婆同大姨都會黎香港照顧我 (大姨只可以黎14日,婆婆過左60歲就可以住3個月) 而第二個月,我應該會返自己屋企住喇!到時大半日都得我一個人對住BB,都唔知點算?
而BB應該會晚晚跟我&老公同房喇!希望佢會乖乖地,唔好喊咁多喇!唔係老公第二朝返工會冇精神

你囡囡每日飲2隻奶粉? 得唔得架?怕唔怕佢腸胃唔好呢?...可惜奶粉既野,我真係唔多清楚? 希望你囡囡快D適應,每日去到'便便'唔好咁忟憎喇!

dorcas910~

希望你下星期番醫院照超聲波,BB size會符合週數,健健康康咁出世喇!

我都想問'聯合'會唔會係每個孕婦最後果幾週再照超聲波架?我聽過護士講,'正常'黎講只會照一次? (我都覺得D醫生好似'隨手'摸下,就話我BB調左頭,好似好兒嬉,而且佢地都唔會check BB的size及情況,所以我都打算37週再去'私家'度照一次2D)

wumama~

你就好喇!放產假lu!(我仲有1個月先放呀!) 希望一切如你所願喇!BB吸收多D,做個肥肥白白既健康BB,係2月6先乖乖咁出黎!但又唔好過得太多日喎!

私人傳訊

積分: 3489

390^#

發表於 05-1-27 23:52 |只看該作者

Re: 有無將會或已經在聯合醫院生的媽媽,請進來傾下啦!

:cry: 好慘呀!我今日返左'聯合'做產檢....本來我小便既'糖'同'蛋白'都一直正常架!點知今朝我同老公去完飲茶.11點先去產檢,小便既'糖'就超標喇!驗左2次都唔合格,仲要立即抽血驗埋添!(因為指數太勁,要驗血確定) :cry: 你地有冇試過驗到'糖尿'呀?我駛唔駛'戒口'呢?好擔心呀!...希望只係關我飲左茶,食左'點心'既事,下次驗冇事喇!

私人傳訊

dorcas910

積分: 338

391^#

發表於 05-1-28 11:10 |只看該作者

Re: 有無將會或已經在聯合醫院生的媽媽,請進來傾下啦!

唔洗擔心，驗尿真係要空肚的，我上次檢查，排我前面兩個太太都超標，原因就是她們兩個都吃過早餐，之後比姑娘話她們，都話空肚檢，所以我諗你無問題的。

私人傳訊

意粉

積分: 3441

392^#

發表於 05-1-28 12:09 |只看該作者

Re: 有無將會或已經在聯合醫院生的媽媽,請進來傾下啦!

janice0302,
原來bb咁快就可以戒夜奶架啦? 我仲以為要等佢有番3,4 個月先得,,,戒

私人傳訊

wumama

積分: 103

393^#

發表於 05-1-29 12:28 |只看該作者

Re: 有無將會或已經在聯合醫院生的媽媽,請進來傾下啦!

gillianchan,

唔好擔心la..冇事架.......

另外...我想問聽左陪產講座既媽媽，老公係幾時先可以陪架...因我12月聽...又坐得後...唔係好聽到..... ?-(

同埋坐係屋企都幾悶下.....到下星期我老公唔比我周圍去la...坐係屋企等生......我咁大個囡都未試過坐係屋企咁耐.....
加上開始擔心會唔會真係好痛架....我怕我會發癲..所以我諗住一入院就叫佢地做無痛分娩....我係咪好細膽呢？

私人傳訊

積分: 3489

394^#

發表於 05-1-29 23:19 |只看該作者

Re: 有無將會或已經在聯合醫院生的媽媽,請進來傾下啦!

dorcas910~ 意粉~ & wumama~

多謝你地呀!我聽完你地講都安心D

其實我次次都係食完野先去驗架!因為知道要等個幾鐘,而且冇聽過護士話要'空肚'驗,所以咪食左野先囉! (原來你地大多數都係空肚留架!咁我下次都係驗完先食野lu

)
我第一次去聯合登記時驗尿係響屋企'留'定然後帶去架!因為唔知醫院情況,怕廁所好遠好多人....不過聽到護士話一個孕婦既尿'有問題',問佢幾時留? 個孕婦話一早7點響屋企留架! 個護士話太耐喇驗唔準,叫佢清洗後再留過,從此之後我都係響醫院留囉!

我今日下晝去左聽'嬰兒護理2',雖然只係講餵奶粉,消毒,不過我都唔覺得悶喎!可能個社康護士講得幾好喇! 你地有冇去聽呀?仲有2堂,我應該都會聽埋

唔經唔覺就聽晒7堂lu,BB出世的日子都越來越近,好緊張哦!

wumama~

以我記得,老公係你入院後已經可以陪你架喇!(既係你'陣痛'時,一直至到你'生產'為止) 因為D圖片都係響'產前房'影架!佢可以捉住你隻手安慰你,陪你傾計,等你減輕痛楚,放鬆心情,而且我地一齊上過堂,佢可以提我地點呼吸嘛! (不過尼段時間可能會幾長,所以護士叫我地同老公都要有心理準備,如果老公頂唔住想返屋企休息或有事要走,護士仲半講笑咁話,不過到你生得果時,我地就唔會再通知佢黎陪你生BB架喇! :mrgreen:

我都幾怕痛架!不過唔打算用'無痛分娩',因為怕有副作用,如作嘔,頭暈,腰骨痛,最怕就係對BB有唔好既反應嘛!....唯有見步行步,到時睇情況喇!

你而家幾多週喇?...唔緊要喇!你老公都係緊張你,怕你出街同人逼有危險o者!乖乖地響屋企休息下,等待BB的來臨喇! (我反而好期待放產假呀!因為而家返工好攰,搭完車又要行十幾分鐘,仲每日都要返成十個鐘添!

) 襯而家BB仲係你肚入面咁'乖',唔駛你'照顧',你可以好好咁休息下,做下自己野,你應該要好好珍惜先係呀!

私人傳訊

積分: 4046

395^#

發表於 05-1-30 01:50 |只看該作者

Re: 有無將會或已經在聯合醫院生的媽媽,請進來傾下啦!

gillianchan~

加油呀,你會堅持到架!!
你最好買定個自動奶泵呀,谷奶嗰時你可以泵出黎放係冰箱,唔夠奶水時可以俾bb飲.千其唔好買手泵呀,如果唔係你會泵到好累架,我之前唔知,買左隻手泵,泵到手到酸哂都未泵到.
慢慢就會習慣對住個bb.但係你唔好成日抱佢.如果唔係佢成日都要你抱.我個女而家就係咁.抱慣咗.有時放佢自己一個人係房訓.自己出廳休息下.佢都要你抱佢一齊出廳,唔抱佢就喊到拆天咁.係夜晚先肯訓到天光.攪到有時對住個女都好忟憎.

我個女女而家都係飲番安嬰兒a+.金裝恵氏好熱氣.佢己經成舊姜.成日都好忟憎,唔抱佢,或者遲咗少少俾奶佢飲就係到發脾氣,攪到塊面出左好多粒粒.所以唔敢再俾佢飲

意粉~

我個女戒咗夜奶我咪多咗d時間休息.到佢訓醒要飲奶,飲完先幫佢換片.我唔會刻意起身幫佢換.因為我驚弄醒咗我個女我會冇得休息^^"

私人傳訊

積分: 4046

396^#

發表於 05-1-30 01:53 |只看該作者

Re: 有無將會或已經在聯合醫院生的媽媽,請進來傾下啦!

我都想知陪產果時老公係咪可以由你係產前房陪到你入產房果時架??

私人傳訊

意粉