國家地區媽媽會 今日: 0 | 主題: 20266

積分: 1770

382^#

發表於 18-10-1 17:02 |只看該作者

本帖最後由 wrymoep 於 18-10-1 19:56 編輯

眼訓發表於 18-10-1 15:15
公海講移民嘅帖我連睇都廢事，因為我冇興趣同d唔會移民或移民失敗嘅人講移民，有乜謂？

我其實知道parent ...

可能俾你父母試下搬返香港租屋住，新界租個兩房單位 HKD 13k 左右，等佢地試下係咪真係咁想住嚮度。我識一對已經退休多年既夫婦都係咁。佢地已移民CA超過20年，因仔、女已成家立室，各有各忙，而且已各散東西，同仔、女相處時間已大不如前。所以老來選擇返香港租屋定居，可以經常同舊朋友、舊同學聚會，又不時大家一齊除外旅遊，大家年紀相約，都已退休，精神生活比留美國充實。佢地返港後的確開心好多！

私人傳訊

積分: 1770

383^#

發表於 18-10-1 19:55 |只看該作者

rose-mag 發表於 18-10-1 13:20
國內的確好多人想出走，我老細以前有客係國內富有人家，送仔女嚟讀書，現金買屋，步署家人留低，我老細話個客講：唔好講政治，淨係食，唔係肯俾錢或者俾得起錢就安全，隨時隨地又貴又黑心食物，自己都唔知食咗咩落肚。話說兩個月前，我老細同公司另外一D經理去北京上培訓班，佢自己由北京嚟美國幾十年，隔年都返去，佢都話呢次實在好麻麻，住五星級酒店D嘢又難食又少份量，佢要出去老麥擦漢堡包，佢話有次同太太（都係大陸人移民過嚟幾十年）去食街邊嘢，當晚痾到七彩，從此以後，情願食老麥，搏係國際品牌唔敢做衰個名，聽落都幾悲哀。

的確係悲哀！不過大陸老麥已經變左做「金拱門」，唔會對咩國際品牌有乜需要避忌了！所有問題都係貪污而起！而呢個問題一萬世都唔會有可能有解決方案！

私人傳訊

積分: 174325

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

384^#

發表於 18-10-1 23:12 |只看該作者

眼訓發表於 18-10-1 15:15
公海講移民嘅帖我連睇都廢事，因為我冇興趣同d唔會移民或移民失敗嘅人講移民，有乜謂？

我其實知道parent ...

公海我要巡帖，呢d題材成日拗交，我以前都會回覆，而家冇啦，有心移民會嚟呢度，冇心嘅費事崩口人忌崩口碗，我自己又唔係有錢，亦費事sell人嚟美國，走唔走嘅原因人人都唔同，我理唔到。

我老公都唔識中文，所以我一早已打消回流念頭，我返去適應唔難，但要由一個千呎單位搬去一個幾百呎單位，加上全家除咗我都有哮喘濕疹加敏感，我都咪玩自己，都未計功課壓力。我父母係後來親口講唔返hk, 佢地唔想成為細佬負累，喺呢度始終交過税有福利，佢地睇開嘅醫生都會講中文，所以問題冇咁大，反而返hk要輪街症空氣差人又多，佢地真係未必住得安全。

花旗太太生活在花旗國，留意時差，你問我未必即時答到。

私人傳訊

kayeeian

積分: 1556

385^#

發表於 18-10-2 03:08 |只看該作者

rose-mag 發表於 18-10-1 23:12
公海我要巡帖，呢d題材成日拗交，我以前都會回覆，而家冇啦，有心移民會嚟呢度，冇心嘅費事崩口人忌崩口碗 ...

係囉！其實每個屋企情況又唔同！
所以睇住嘅地方好同唔好處都有啲唔同！
我6299返而膽心以後身體唔好揸唔到車唔知點算！

私人傳訊

眼訓

子爵府

積分: 14621

環保接龍勳章大廚勳章

386^#

發表於 18-10-2 05:18 |只看該作者

本帖最後由眼訓於 18-10-2 05:19 編輯

wrymoep+版主：出年佢地應該又會返去。到時真係可能叫佢地玩多幾個月。應該會租間airbnb先，因為傢俬都係一個問題。唔會搵間好正嘅屋啦，因為我私心確係想佢地死咗返香港條心，因為真係怕佢地繼續幻想落去。假如真係返咗去。咁我就好大機會要“老奉”每年走香港一轉。我怕佢地只係仲行得走得以為仲有本錢扮瀟灑，如果大病起上來忽然先走去覺得冇仔女係身邊好慘，咁到時又唸搬返來，否則就係passive agressively要我內疚？我喺度先可以直腸直肚，對住佢地就會委婉好多，但都唔知點講。如果佢地自己明白會成為負累就好了。

呻完。

笑返：

你今日backup左未？

私人傳訊

積分: 28239

387^#

發表於 18-10-2 12:12 |只看該作者

wrymoep 發表於 18-10-1 11:04
生活上既改變能唔能夠接受，有好多因數，當然心態最重要。有好多香港人確實會覺得去到美國無理由願意過一 ...

陳冠中喺【我這一代香港人】裡面有呢一段：“我們這批人不知道自己的運氣好到甚麼地步，其實並不是因為我們怎麼聰明，而是因為有一個歷史的大環境在後面成就著我們。... 我這一批人開始以為自己有多厲害、多靈活、都有才華了。我們不管那個行業都是很快就學會了，賺到了，認為自己了不起了，又轉去做更賺錢的。”
而陳冠中提到的這個大環境有三：
第一：“我們前面沒有人。就是說，嬰兒潮一代進入香港社會做事時，在許多膨脹和冒升的行業，他們往往是第一批受好教育的華人員工... 我們不愁找不到工作，我們晉升特別快... 我們之中不乏人 30 歲就當外企第二把手。”
第二：“香港是最早進入二戰後建立的世界貿易體系的一個地區... 享盡了二戰後長繁榮週期的先進者的便宜。“
第三：“另外，大陸的鎖國（卻沒有停止一低廉貨物如副食品供給香港）也為我們帶來意外的好處，這一切加起來，換來香港當時的優勢。”

呢段話比我當頭棒喝，諗返起，我哋呢一代真係好彩，食正香港經濟急速起飛以及九七前嘅移民潮，好多我呢個年紀嘅就係嗰個真空期上位嘅，睇返轉頭，我哋固然有努力，但真係死好命。到我哋下一代，上面幾個曾經造就我哋嘅大環境已經唔存在，佢地搵食一定艱難過我哋呢一代，香港仲會唔會仍然比外國容易搵錢？maybe or maybe not，如果我哋今日耽於逸樂，唔肯走出 comfort zone，為下一代謀定多一條出路，當 maybe not 時，佢地會唔會怪我哋？

私人傳訊

積分: 174325

388^#

發表於 18-10-2 13:35 |只看該作者

mugtaitai 發表於 18-10-1 20:12
陳冠中喺【我這一代香港人】裡面有呢一段：“我們這批人不知道自己的運氣好到甚麼地步，其實並不是因為我 ...

呢D我都一早睇到，我出嚟做嘢時正值第一輪移民潮後，唔怕冇工做，只有工搵人，我第二年人工已double, 當然係個base低，後來亦一直白金升降機，份份工都係自來搵我，係唔係我特別勁？未必！當然我係好勤力亦識變通，人緣不錯，行內有reputation,但更多係夠運，遇到一個又一個百樂，同埋最最重要係當時冇人，好多人開始上大陸做開荒牛，果批同事升得更快，當時我選擇唔去大陸，又唔去台灣，做亞太同歐美市場，最後都做到中層咁上下，但又如何？開始見到以前上大陸果班有人落番香港，有人出事被炒被告（主要係打貪，問題係邊個在其位可以獨善其身？有D嘢係大勢大圍逼你），返到香港搵唔返同級，有D連婚姻都輸埋。

我自己睇當時我做果行前景麻麻，營利越來越少，工作範圍越來越大，有返工冇放工，賺到錢但冇生活，但有幾多人可以衝出個comfort zone？我係一個機緣，父母申請我多年終於批出VISA，當時都係諗住去下返下拖下，真係多謝果個移民局工作人員，我最後要come for good，其實又冇壞，當時年紀唔細，但兩三年時間總有，諗住覺得唔OK咪再返去香港重新嚟過，我冇咩輸唔起，結果一住落就十幾年，而家諗返，好多嘢都係整定嘅，千里姻緣，整定係你就係你，幾遠都遇得到。

我D香港朋友的確仲有好多仲沉醉喺以前香港亞洲四小龍之首果陣，成日以為自己好叻，今日搵得錢唔等於聽日都係，未來唔一定係要出外，但多D充實自己，令自己不斷增值，咁去或留都有屬於自己嘅籌碼，果D英文又唔得，中文程度唔好，又鄙視國語嘅真係未見過世界有幾大。

花旗太太生活在花旗國，留意時差，你問我未必即時答到。

私人傳訊

積分: 28239

389^#

發表於 18-10-2 14:06 |只看該作者

wrymoep 發表於 18-10-1 09:01
鬼佬入人地屋企係咪無除鞋習慣？呢樣我都想知。咁如果外面落大雨、大雪、滿地泥濘，入到人地屋都唔除鞋 ...

呢樣嘢我都好奇，我諗佢地會喺門口儘量卒乾淨鞋底先入屋啩？不過可能受亞洲文化影響，我發覺多左鬼佬入屋除鞋，我去睇屋，好多一係喺門口寫住請除鞋，一係有鞋套提供。

而家越來越多人知道著鞋入屋會帶埋好多細菌，我早前想買一樽去油污嘅清潔劑，類似萬潔靈嗰 d，但搵左幾間唔同嘅超市同 Target/Walmart 嗰類舖頭，都搵唔到純粹去油污嘅，殺菌嘅就成個貨架都係，我仔話一定係鬼佬唔習慣入屋除鞋，知道自己間屋多菌，所以市面有大量殺菌清潔劑應付需要，諗落有道理

私人傳訊

積分: 1770

390^#

發表於 18-10-2 14:44 |只看該作者

mugtaitai 發表於 18-10-2 12:12
陳冠中喺【我這一代香港人】裡面有呢一段：“我們這批人不知道自己的運氣好到甚麼地步，其實並不是因為我 ...

我對香港既現狀比較悲觀，香港已享盡歷史遺留落來既好處，97所帶來既機遇可一不可再！離開唔會一帆風順，年紀大左先來迎接移民挑戰，出現逆境既機會一定比順境機會大好多倍！不過為下一代舖路就係為人父母最後應盡既責任。移民唔會令佢地飛黃騰達，但起碼可以俾到佢繼續有做人既權利同尊嚴！

將來香港會變成點無人會知！但係借移民呢個機會俾佢地知道唔好所有嘢都係想當然！未必唔係一件好事！

私人傳訊

積分: 28239

391^#

發表於 18-10-2 14:50 |只看該作者

rose-mag 發表於 18-10-1 02:16
我覺得與其怨又冇更好選擇，咁咪揾方法適應，個個地方都總有好有唔好，就算住天堂都有人嫌悶。加州係生活 ...

我個人覺得，一個人嘅物質享受係有盡頭嘅，去到某一個點，見過試過，千帆過盡，你會開始要求精神上嘅滿足。去到我呢個年紀，睇一本好書比我嘅滿足大過食一個日本直送嘅水蜜桃；小野次郎嘅壽司食過就夠了，天長地久嘅始終係一家人圍桌食嘅簡單家庭料理；花俏嘅文具係好精緻，但更重要嘅係揸筆嘅人同筆下嘅內容吧？

我都貪圖享樂，但我深知道呢種享樂文化對小朋友嘅成長並唔係一件好事。喺香港，大環境就係咁樣，同細路開生日會係去遊艇會包場或者去酒店 book 個 ball room，我見過最誇張嗰張單係 20 幾萬埋單；15 歲學生，10 分鐘可以行得到去嘅地方，都要叫司機出來車；諸如此類，呢 d 浮誇嘅生活方式真係值得驕傲？當然我遠遠未去到呢個 level，但如此風氣下長大嘅細路將來會變成點樣呢？自己買唔起樓，就期待父幹，然後住喺父母資助嘅屋，用自己嗰份買唔起樓嘅收入去請工人做家務去泰國做 spa 去訂購日本直送嘅蔬果，咁樣真係冇問題？

私人傳訊

積分: 1770

392^#

發表於 18-10-2 14:55 |只看該作者

rose-mag 發表於 18-10-2 13:35
呢D我都一早睇到，我出嚟做嘢時正值第一輪移民潮後，唔怕冇工做，只有工搵人，我第二年人工已double, 當然 ...

我地呢一代可能算係因禍得福，但除左搵錢，香港確實近乎乜都無！多數人唔會對藝術創作、音樂、畫畫、歷史、考古、地理、天文、文學等等等等有興趣！每個行業都只係想搵快錢！真係一個文化沙漠！其實係好可悲同好恐怖！生命唔應該咁樣浪費！

私人傳訊

積分: 174325

393^#

發表於 18-10-2 15:12 |只看該作者

mugtaitai 發表於 18-10-1 22:50
我個人覺得，一個人嘅物質享受係有盡頭嘅，去到某一個點，見過試過，千帆過盡，你會開始要求精神上嘅滿足 ...

我成日話可能我以前已用晒我去旅行同食好嘢嘅quota，所以而家十幾年我去得一大次旅行，想食嘅都要自己煮，出面食太貴。以前份工好多嘢都見過，過時過節好多禮盒，成日有人請食飯，大小events去唔少，中西日韓意法菜想食都食過，仲要唔駛自己埋單，大閘蟹、金勾翅、山珍海錯。。。又如何，其實都係一日食三餐，俾你食埋下午茶同宵夜都係五餐，所以果陣好多肥人，真係吹波咁吹，一年肥三十磅都見過。去旅行我係唔駛儲錢，一年去兩三次都冇問題，後來去玩陶瓷同喻咖，其實當時係壓力大，唔去玩就減唔到壓。

身外物真係需要咁多？物質過份豐富，小朋友唔駛努力就擁有對於佢地唔係好事，冇咗追求成功/達到目的嘅熱情，甚至唔識感恩，我而家對仔女比起我同老公細果陣真係太幸福，變成有D嘢佢地冇經歷過冇努力過就得到，唔怪得佢地，冇理由要專登刻薄佢地，但我都會潛移默化俾佢地知道幸福唔係必然，以前年年仔女假期我都會帶佢地返工，俾佢地了解下我工作嘅環境同我係點忙法，有次老公喺屋企附近開工，我都專登帶佢地去睇爸爸返工有幾辛苦。

啃老族就唔好講啦，父母自己一手做成，以為為仔女好，害佢地甚至再下一代，最慘係果D啃老族嘅兄弟姊妹，老人家走咗就輪到啃同輩，仲要覺得天經地義。

花旗太太生活在花旗國，留意時差，你問我未必即時答到。

私人傳訊

積分: 174325

394^#

發表於 18-10-2 15:19 |只看該作者

wrymoep 發表於 18-10-1 22:55
我地呢一代可能算係因禍得福，但除左搵錢，香港確實近乎乜都無！多數人唔會對藝術創作、音樂、畫畫、歷 ...

文化沙漠好耐啦，我算好彩，以前中小學都有好多機會接觸到藝術嘅嘢，我好享受讀書時代嘅日子，我係好鍾意返學嘅學生，而家呢代係就係有好多課外活動，但享受嘅又有幾多？對呈分冇幫助，對將來升學冇益處嘅又會唔會花錢花時間？其實呢D喺美國都有，但起碼有選擇，我自己唔需要一定要做呢類人，唔一定要入名校，又唔一定要飛黃騰達，但求健健康康，搵得夠養家活兒，唔駛我將來接濟已經係好開心。

花旗太太生活在花旗國，留意時差，你問我未必即時答到。

私人傳訊