大仔大女媽媽會 今日: 0 | 主題: 177861

積分: 4689

381^#

發表於 03-11-1 00:39 |只看該作者

Re: 有沒有2004年3月的準媽媽?

IsaacC,

長抱係要來著出面架? 入面著件短抱, 兩件一起著就就暖, 因為三,四月又未熱得哂, 如果只著短抱, 下身咪無野包住.

我今晚又去左永安, 買左將Combi餐高椅, 因為初生個時可以變床仔咁, 可以放係客廳, 咁係廳個時又可以睇住BB, 唔使行入房, 本來1800元, 有30% discount, 1260元, 平左好多, 我有朋友用過都話好用, 所以咪買.

私人傳訊

googoo

子爵府

積分: 11934

好媽媽勳章醒目開學勳章畀面勳章

382^#

發表於 03-11-1 09:21 |只看該作者

Re: 有沒有2004年3月的準媽媽?

我尋日去睇醫生，話我個係男仔呀！須然我鍾意女，不過仔都好開心。睇黎3月暫時係男仔多woh! 其他媽媽知道的話，update 下啦！ JJBB，你都join埋我地，加埋上去啦!

1) IsaacC ------- 預產期 2/3--- 第一胎 -- 男
2) LTF -----------預產期 3/3 --- 第二胎
3) Sandytsang -- 預產期 3/3 --- 第一胎
4) poonsline ---- 預產期 5/3 --- 第二胎
5) ling273 ------ 預產期 6/3 --- 第一胎 -- 男
6) winnie 123 --- 預產期10/3 --- 第一胎
7) worry -------- 預產期14/3 --- 第一胎
8) googoo ------ 預產期20/3 --- 第一胎 -- 男
9) BoBo1 ------- 預產期21/3 --- 第一胎 -- 女
10) sasi_lam ---- 預產期21/3 --- 第一胎
11) 的兒 --------- 預產期25/3 --- 第一胎
12) Sakura ------ 預產期25/3 --- 第二胎
13) Tippy -------- 預產期25/3 --- 第一胎
14) Wynne ------ 預產期26/3 --- 第二胎
15) Woodsoi ---- 預產期26/3 --- 第一胎
16) 小樹熊 ------- 預產期27/3 --- 第二胎
17) d.s ---------- 預產期28/3 --- 第一胎
18) monmon---- 預產期29/3 --- 第一胎--女
19) Ying Ma Ma --預產期30/3 --- 第二胎
20) winniepoon -- 預產期30/3 --- 第一胎
21) Lovebaubau--預產期31/3 --- 第一胎 -- 男

私人傳訊

JJBB

積分: 2457

383^#

發表於 03-11-1 10:11 |只看該作者

Re: 有沒有2004年3月的準媽媽?

googoo

我預產期係9/3 第一胎醫生話係男仔喎, 唔該晒!! 我識D朋友都係多數生男仔架

私人傳訊

積分: 4689

384^#

發表於 03-11-1 11:14 |只看該作者

Re: 有沒有2004年3月的準媽媽?

各位,

你地想住買邊隻烚奶器, 我係太古城吉之島留左套DBK烚奶器連4個PIGEON,8安士奶樽, 2個4安士, bb洗潔精, bb洗奶樽用具, D奶樽要29元一個, 洗潔精又要成70元一樽, 現在成套買549元, 好低, 本來我都無想住咁快買, 但其他吉之島己經買哂, 只有太古城個到先有, 所以都係買左先, 費事遲D無左這套SET買, 因為只有SOGO同吉之島先有做這套SET.

如果你地想買, 最好打左電話去吉之島留左先.

近日時常買bb野, 覺得好開心, 可能大左肚之後實在太耐無買野.

私人傳訊

monmon

積分: 7165

385^#

發表於 03-11-1 12:37 |只看該作者

Re: 有沒有2004年3月的準媽媽?

Hi 各位!

Welcome JJBB!

看見你們買了那麼多bb stuff,我都好想買呢!其實我之前好想去葵芳開倉,但始終抽不出時間!我今午都會去永安看看有什麼買!

不過我應該不會買和尚袍了,因為我昨天回媽媽家,媽媽的契女給了我一大袋新淨bb衫,剩係和尚袍已經起碼有十件!!仲有厚有薄有長有短!仲未計下星期我有個friend會攞幾袋衫仔黎,我甚至連"可較四段高度的bb搖搖床仔"都有一張,真係發達啦!
不過俾衫我嘅全部都係bb仔衫(雖然初生bb無所謂),所以我今日想去買下女仔衫,剩係睇下都好開心,因為啲女仔衫好靚!

係呢!你地胎動的感覺明顯嗎?而家我feel得好清楚啦,bb踢得大力左,每踢一下我都好開心!
另外,你地有沒有見過"baby record book"?有無諗過買?
我想問什麼是"紗巾"?有什麼用?

私人傳訊

monmon

積分: 7165

386^#

發表於 03-11-1 18:35 |只看該作者

Re: 有沒有2004年3月的準媽媽?

Hi all!
我去完永安返黎啦!真係有好多大肚媽媽買野!不過我見冬天厚衫仔比較多,而我地bb出世時應該唔會好凍,所以我只係買左三件衫(兩件body一件棉背心),好靚架!雖然買得唔多,但因為今次係第一次買野俾bb,覺得好開心!

至於其他野,我會遲啲先買,因為屋企好細無咩位放!

bobo1,
我想問下你買嗰set"DBK烚奶器連4個PEGEON,8安士奶樽, 2個4安士, bb洗潔精, bb洗奶樽用具"係咪好好架?我都唔知應買邊隻奶樽好,只係聽過有啲bk媽咪話Nuk好

私人傳訊

積分: 4689

387^#

發表於 03-11-1 22:05 |只看該作者

Re: 有沒有2004年3月的準媽媽?

monmon,

DBK同NUK都係同一間廠做, made in Germany, 所以其實無分別, 我個妹同個個朋友都用緊, 所以有一set買真係好低, 我今日去吉之島買左啦? 只買一個烚奶器都要380元, 現在包哂奶樽好低, 所以你買就快d, 因為唔係時時有做個套set架? 我都買左2個NUK奶樽, 因為for餵人奶用的.

其實沙巾係比bb食奶用, 我見我個妹個女一日用成三四條, 所以我買左一打囉!

私人傳訊

monmon

積分: 7165

388^#

發表於 03-11-2 18:49 |只看該作者

Re: 有沒有2004年3月的準媽媽?

BoBo1,
我都唸住餵人奶,你會買邊隻奶泵?我聽好多媽咪都話Avent隻手動奶泵好,唔知可唔可以配合Pigeon奶樽用?
你知唔知將軍澳吉之島有無賣套set?
另外,紗巾嘅作用係咪好似口水肩咁?
Sorry咁多問題! :-P

私人傳訊

積分: 4689

389^#

發表於 03-11-2 21:21 |只看該作者

Re: 有沒有2004年3月的準媽媽?

monmon,

我都會餵人奶, 但我唔想用奶泵, 我想出街個時餵奶粉, 係屋企餵人奶, 所以我買左兩個NUK的奶樽, 因為佢個咀係人奶咀, 睇下得唔得, 因為我個妹個時買左Pigeon個電動奶泵, 但見到佢好難泵, 所以我唔泵啦?

沙巾係可以幫佢未咀同未口水, 一日要用幾條架?

將軍澳吉之島我打去問過, 無哂啦?

私人傳訊

poonsline

積分: 3003

390^#

發表於 03-11-2 22:29 |只看該作者

Re: 有沒有2004年3月的準媽媽?

想餵人奶的準媽媽們

如果你地打算餵人奶, 你地可以得閒就去 "母乳餵哺到搵多d資料, & 其他媽咪既分享, 好有用 or 小樹熊都可以同我地講下佢既成功背心的努力.

奶泵方面: 基本上有兩隻牌子都幾多媽咪推薦
(1) avent 手動奶泵 (好似只可配合 avent 奶樽使用, 而avent 奶樽都幾多媽咪覺得好, 但我個人唔多鐘意會肥造型, 覺得帶出街好 "晒" 位, 況且我而家用緊個奶煲係裝唔落avent 奶樽, 所以我今次都無考慮
(2) medela 電泵, 佢有兩隻, 單泵 & 雙泵, 當然雙泵會快d 但就貴d囉, 但有好多媽咪都覺得佢個motor 好嘈

我上次餵左3個月人奶, 我係全程泵出黎係奶樽餵, 我係借medela 強力電泵 (我老公形容係工業型泵)

如果你地諗住餵人奶, 咁 avent & nuk 既奶咀會比較接近媽咪既乳頭, bb 會易d 適應. 我上次唔知, 見大部份人都係用pigeon, 所以我買左pigeon, 今次都係會用pigeon, 我覺得d quality 都唔錯.

私人傳訊

積分: 4689

391^#

發表於 03-11-2 22:37 |只看該作者

Re: 有沒有2004年3月的準媽媽?

poonsline, monmon,

我個時見到d食開人奶個d BB都唔肯食Avent個個奶樽, 所以我今次買左2個NUK奶樽, 我聽人講最接近乳頭係NUK, 因為個烚奶器又放得落, 我買左DBK個烚奶器連6個Pigeon奶樽.

咁Pigeon個電動泵好唔好用呀? 好似好多人買?

私人傳訊

winniepoon

積分: 7783

392^#

發表於 03-11-3 08:59 |只看該作者

Re: 有沒有2004年3月的準媽媽?

嘩! 你地好犀利呀, 咁快就開始做足準備. 我本身就唸住在產後那兩個月假期安坐家中喂人奶, 之後番工就喂奶粉,咁我每次喂都會在家中, 這樣仲需不需要買奶泵呢? 可唔可以唔用但係又成功直接用奶頭喂到BB ga? Thanks!!

私人傳訊

poonsline

積分: 3003

393^#

發表於 03-11-3 10:19 |只看該作者

Re: 有沒有2004年3月的準媽媽?

BoBo1

上次我未租奶泵時試過用pigeon 電泵 (朋友比既), 泵左5mins 都係得幾滴奶, 仲泵到我乳頭好鬼痛添, 所以我覺得唔好用.

winniepoon
其實餵人奶 (特別係direct feed) 成唔成功, 係好講你既毅力同決心架, 因為你要預頭o個個月, bb 1-2鐘頭食一次, 每次30-60mins (你可以想像下點辛苦囉), 為左bb 有最好既食物, 你要捱下囉. 我有好多朋友就係怕辛苦而放棄左, 好可惜囉. 所以泵出黎餵係另一個alternative, 因為泵左出黎, 可以叫其他人餵, 又可以知到bb 食幾多, 或許餵奶時間可以延長d, 我就覺得幾接受囉, 雖則有好多媽咪話direct feed會親子多d, 但上次我未識bk, 無人鼓勵, 所以我好早 (bb 2 weeks old 到, o個時我個乳頭比囡囡啜到損左, 好鬼痛) 我就決定全程泵出黎餵, 無再埋身餵過喇. 原本我打算餵6個月架, 但3個月時病左一次, 個死人頭醫生叫我唔好餵, 我又食蠢以為病唔餵得, 咁就無餵到喇, 諗起都嬲個死人醫生呀!

私人傳訊

IsaacC

洋房

積分: 377

394^#

發表於 03-11-3 10:23 |只看該作者

Re: 有沒有2004年3月的準媽媽?

已更新

1) IsaacC ------- 預產期 2/3--- 第一胎 -- 男
2) LTF -----------預產期 3/3 --- 第二胎
3) Sandytsang -- 預產期 3/3 --- 第一胎
4) poonsline ---- 預產期 5/3 --- 第二胎
5) ling273 ------ 預產期 6/3 --- 第一胎 -- 男
6) JJBB----------預產期 9/3 --- 第一胎--男
7) winnie 123 --- 預產期10/3 --- 第一胎
8) worry -------- 預產期14/3 --- 第一胎
9) googoo ------ 預產期20/3 --- 第一胎 -- 男
10) BoBo1 ------- 預產期21/3 --- 第一胎 -- 女
11) sasi_lam ---- 預產期21/3 --- 第一胎
12) 的兒 --------- 預產期25/3 --- 第一胎
13) Sakura ------ 預產期25/3 --- 第二胎
14) Tippy -------- 預產期25/3 --- 第一胎
15) Wynne ------ 預產期26/3 --- 第二胎
16) Woodsoi ---- 預產期26/3 --- 第一胎
17) 小樹熊 ------- 預產期27/3 --- 第二胎
18) d.s ---------- 預產期28/3 --- 第一胎
19) monmon---- 預產期29/3 --- 第一胎--女
20) Ying Ma Ma --預產期30/3 --- 第二胎
21) winniepoon -- 預產期30/3 --- 第一胎
22) Lovebaubau--預產期31/3 --- 第一胎 -- 男

I'm Isaac

私人傳訊

IsaacC

洋房

積分: 377

395^#

發表於 03-11-3 10:34 |只看該作者

Re: 有沒有2004年3月的準媽媽?

BoBo1,

我3/11晚都有去永安,唔知有沒有見到你。
我決定用Avent即棄奶袋,故沒有買烚奶器,但奶泵就會買
。我朋友話餵人奶要講自己掌握技巧,就算去聽talk,都要臨場控制,最重要係第一下,切勿讓bb在奶頭一出一入,否則便會損,餵不到了。
你去觀塘的收獲如何？

I'm Isaac

私人傳訊

IsaacC

洋房

積分: 377

396^#

發表於 03-11-3 11:11 |只看該作者

Re: 有沒有2004年3月的準媽媽?

各位媽媽,

永安已過減價期,若各位想買沙巾,可往花園街,因價錢與永安質料牌子相同,減價相約($28),永安原價($35.x)減價後($27.x)

I'm Isaac

私人傳訊

積分: 4689

397^#

發表於 03-11-3 11:14 |只看該作者

Re: 有沒有2004年3月的準媽媽?

IsaacC, poonsline, winniepoon,

我睇書講話係六個月開始每次洗澡都要毛巾擦乳頭, 咁當餵人奶時就唔會損啦? 所以我晚晚都會擦乳頭架? 仲有現在開始要飲多d魚湯, 因為飲左魚湯先有奶出, 我見有好多人都無奶出, 但我個妹飲好多魚湯就有好多奶出, 醫院d姑娘都話佢好勁呀? 所以我都擔心到時無奶出.

本來我都唔想餵人奶, 但又想快d收身, 餵人奶一日8,9餐, 可以減到800個卡路里架? 所以先想住餵, 但你地驚唔驚個乳房會下垂架?

河馬仔個倉d衫又殘又唔靚, 唔使去啦? 如果想買河馬仔係shop等減價先買好過, 應該下個月就大減價啦?

如果想住只係屋企餵就梗係唔使買奶泵, 因為泵出來好辛苦架?

私人傳訊

poonsline

積分: 3003

398^#

發表於 03-11-3 11:40 |只看該作者

Re: 有沒有2004年3月的準媽媽?

BoBo1
我上次就無乜特別做d咩等人奶多d, 其實乳頭損唔損好睇餵奶姿勢岩唔岩, 我囡囡可能 "擔" 得唔夠好, 所以整損我囉. 我自己本身都好夠奶, 所以阿媽無特別煲魚湯我飲, 因為佢話魚湯多風喎 (唔知真定假架).

根據而家d研究, 產後第1個星期既初乳抗體係最多既, 所以你地最好點都堅持頭一個星期餵人奶啦.

私人傳訊

小樹熊