FA8866 寫道:
[quote]
3b 寫道:
FA8866,
多謝你解答, 但係point 1)我係想問日常工作時間而唔係休息日, 我係書仔到搵唔到有關資料.
因會被規管. [/quote]
ellieku 寫道:
甚甚甚少出現既我...都有少少野想講...
我係0個位...神神秘秘既mc小姐...hehe
基本上, 我唔習慣做較前線既岡位
做mc我都係臨時決定既...承蒙各位前輩睇得起,
比一個咁重要既位置我做...希望不負所託啦...
但呢次座談會後, 我亦會再次潛水...
如有事搵我, 基本上搵"開門見山"就得...
借呢個機會同位置, 我會寫出自己對呢次座談會既後感同做mc時既獨白...
首先...係我既角度去睇, 個座談會已經算係成功, 因為成功令兩處官員知道原來有好多野唔係佢地想像得咁簡單...至少...叫做成功咁令佢地明白到"事態嚴重"...係一個好開始~! 期望係爭取呢一條路...會愈來愈好行啦...!
見到有好多現行法例真係有好多問題, 相信大定都會見到0個d出席既官員錯諤既表情, 我相信佢地對於 - 好多尖銳既問題同香港僱主無奈既情況...都係完全不能預料~!
我雖然少發言, 但我都係日日上bk既, 知道呢個會既目的, 更知道各位daddy mami 對呢個會既期望...只係無諗過自己會企係個台上做mc咁解...
其實, 開門真係好厲害, 佢搵出左法例漏洞一共有58條...而且條條都有拆過骨, 有用上唔同既條例反覆引申, 如佢所講: 唔係一般c9仔! 一份份厚厚既point落左係我手上, 字字都用上好多時間...幾個月以來, 大家都一直用心去做, 其實, 呢d精華本意唔係只用係座談會上, 係winnie同fa8866搞座談前, 呢份"精品"已經係一個孕育期內...當然, 用於座談會上更見其意思..! 希望有一日, 佢可以完完全全交到大家手上, 一開眼界...其實, 開門係做呢份精品時, 我都只算係一個提供小小棉力既角色, 多得開門集合好多mami既意見同佢個人既親身經驗, 拆開所有野, 逐一剖析, 請教專業, 加以整理, 方得以完成...如果話我地係戰友, 不如話我地每一人都有共同既目標...無論走咩既路, 用咩方式...大家都係做緊同一樣野~!
可能...大家會問: 點解作為mc無下下都質死d官呢?
其實, 因為當時我太緊張, 我個腦咩都無諗, 只係希望, 唔會因為我一個人既不才而令一d大眾既利益蒙受損失...機會, 可一不可再, 我明白...所以, 我只知道我一定要將個本份做得好...我, 不敢以氣用事呀...
好似我上面提到, 我地手上有既係一大份多到大家都想像唔到既"精品問題", 坦白講, 大家既聲音同意見, 開門已經收集得好全面~ 我作為mc, 實在唔想浪費...真係好想一個不漏咁問晒佢...當然, 時間有限, 事與願違...
呢個會既目的(個人想法) - 係希望比政府同比兩處知道, 我地一班僱主已經去到一個水深火熱既地步, 種種既唔公平, 每每既無所適從, 已經令到香港僱主情況堪虞~!法例灰色地方之多, 公會濫用資源之妄...係逼使我地向前行既原因...
由於我見到問題既"量"真係多到比多一倍時間都講唔晒...所以我選擇左以最少既時間, 比d官員見識我地最多既無奈~! 由佢地答完第三條問題開始, 我就知道佢地無能力答到我手上既問題, 亦估到佢地往後既答案都會係又長又陳詞乏善, 即係"遊晒花園"~! 所以我決定, 唔浪費時間...唔想佢地遊花園遊晒我地d時間...
可能大家都見到, 佢地每一次答完個問題, 我都好少會再挑佢地既答案lai追問...但我希望大家亦留意到佢地既答案係幾咁"陳腔濫調"...我相信再追問, 唯一有意義既係...窒到佢地口啞啞, 大出洋相...但我自問, 令佢地難堪, 係唔係搞呢個座談會既目的呢??? 收一收火...諗一諗...諗下大眾利益...我就忽然覺得, 我唔可以太任性去做呢個重任, 因為牽涉到既係二十萬僱主既利益...所以我同自己講: 要爭取時間, 比佢地答咁多, 不如比自己問更多仲好過個~!
因為我唔想去到最後都只係係一.兩個問題上兜轉, 我更唔想完左呢個會後會比兩處同政府認為:
原來佢地嘈嘈閉就係為左呢幾樣野?
我手上有58個問題~!係58個~!我地要比佢地知道現時有幾法例灰色位置之多, 外傭濫用資源之妄~!一切都唔係佢地單純咁諗得咁簡單... 而事態亦唔係佢地認知中咁理想~! :evil: 我地唔係小市民叫囂, 比政府以為係無痛騷癢, 我地係以一個正途大大聲咁話比政府知, 而家係火燒眼眉呀~!
而我...就正正擔當緊表達既角色, 我唔可以以氣用事...
所以我決定要用有限既時間而令兩處官員明白, 我地有備而來, 目的唔係為難任何人, 而係要佢地向政府反映問題有幾大...我希望大家都可以留意到佢地既答案係幾咁"陳腔濫調", 佢地答完, 我再問, 我可以肯定講句:
佢地唔會識答，亦唔敢亂答，更唔會有能力答∼！
而我最後選擇佢地一答完，我就刻不容緩咁問下一個問題，目的只有一個，話佢地知我地香港僱主既問題，唔係１個．．．５個．．．係５８個．．．政府係時候去聽，去睇，去正視，去面對∼！話比佢地知香港僱主比幾多野困擾，又有幾多野對我地唔公平．．．
可能呢個做法去唔到”大快人心”既效果，但亦希望各位唔好介意我無好好咁：質死ｄ官．．．因為我覺得，為質死佢地而令佢地產生”烏合之眾”既錯覺一ｄ都唔值得，而為左問到佢地”口啞啞”浪費左時間而無法將事情既ｒｅａｌ ｐｉｃ盡可能展示出來，一定係我失職∼！如果，我做得唔夠好，請大家唔好見怪ｗｉｎｎｉｅ�ｆａ８８６６�開門�一眾義工．．．佢地真係勞苦功高，而我，亦只係負責幫手諗問題同做ｍｃ．．．有左今次既經驗，我覺得，大家都會愈做愈好．．．
好啦！講到呢到！我諗都差唔多！我又係繼續潛水既時候啦！總之，呢次搞得成個座談會，真係要多謝無私又熱心到不得了既ｂｋ一眾會員∼！我覺得，大家都好好人呀∼！
希望∼！距離我地既目標會愈來愈近啦∼！
你真係抵讚[img align=left]http://www.hk-laufamily.com/_542.gif[/img] 呀Fa將D問題入哂落信封交俾兩處代表，遲D睇下回覆如何啦！[img align=left]http://www.hk-laufamily.com/_550.gif[/img]N&M 寫道:
FA 姐,
好驚呀!!
您個樣點會似bun呀.. 
我覺得您d輪廓好靚喎.[img align=left]http://www.hk-laufamily.com/_1333.gif[/img],又夠高,好正呀.
Thank You
發表於 
我冇份幫手亦去唔到呀！:-( 最後重要病埋連留守大本營都做唔到， :-( 實在係好慚愧！ 
返回列表
