hugoma2015 發表於 18-11-18 21:48 
你睇，連我地都可以諗到，我地都擔心，D製片商廣告商一樣會擔心，所以以後台星搵食艱難啊！
“台獨”就是 ...
台灣人。。。嗯，點講呢？我有好多台灣網友大陸網友，當然好多香港網友，真實朋友之中，中台都好多，台灣人總係比較政治上敏感，我公司有個老外經理有一次提到Chinese同China，佢無意中對一個台灣女同事講到台灣即係中國一部份（因為涉及中港台嘅財經投資政策提起），個台灣女同事好大反應，用一個紏正嘅態度去同呢個經理講佢個理念錯晒，台灣唔係中國一部份，問題係呢個經理係個女同事直屬上司嚟，而且個政策係呢個經理去詮釋，但個女同事就非常激動，之後呢個經理同我跟另一個大陸嚟嘅女同事提起，我地兩個都冇太激動反應，我同個經理解釋呢個係歷史遺留落嚟嘅問題，有D嘢係無法改變，正如呢個老外同事睇我地三個由三個地方嚟嘅中國人，佢係唔會識得分邊個係由大陸、台灣或香港嚟，稍為明顯係我嘅口音同大陸同事台灣同事有D唔同。
我同三地網友傾計都好少談政治，綜觀三地講得最多政治嘢係台灣人，大陸人嘅心態係點講都好，港台都係中國一部份，台灣人就死都要劃開自己唔一樣，香港呢就懶係覺得自己好巴閉，我係完全唔會講呢D政治嘢，有D事實係無得變，已發生就係發生咗，其實好多死硬派都係上咗年紀嘅，而家新一代關心有冇得搵食多過政治，等都十年廿年，個世界又唔同晒啦。
馬可都幾慘，之前花千骨紅咗，但思美人唔掂，佢都有外型，亦唔係冇觀眾緣，但可能紅得太快，反而覺得佢被局限，演來演去都係果個樣，內心戲唔夠。
花旗太太生活在花旗國，留意時差，你問我未必即時答到。
發表於 
，談柴米油鹽都得
返回列表
