影視娛樂 今日: 27 | 主題: 16086

積分: 28097

401^#

發表於 15-10-14 18:50 |只看該作者

本帖最後由 hugoma2015 於 15-10-14 18:53 編輯

rose-mag 發表於 15-10-14 16:09
我都覺得有問題，好似唔連戲咁，明明個個都知宗主心繫郡主，藺晨真係玩咩，佢同宗主都識咗咁多年冇可能唔知 ...

我覺得琴晚2集，最突出既問題，或者最值得大家思考既問題就是，到底呢D小說改編劇，邊D需要跟原著，邊D要改？點樣先改得好？

海晏可能第一次做編劇，無經驗，感情線改左，後面好多野就要跟住改。而家咪搞到有D觀眾好似我表姐咁，今日一邊睇，一邊發短訊鬧藺晨“死八公，想拆散宗主同郡主啊？！”。呢個就是經驗唔夠，顧前唔顧后喇。另外，對市場口味把握唔夠。胡歌建議佢加感情戲，佢唔肯。搞到而家觀眾到喉唔到肺咁。我而家真是好驚54集出黎，藺晨一話帶宗主去玩，宗主好似小說甘，不假思索就答應！宗主，而家喺一個有牽掛，有愛人既人啊，唔可以完全唔考慮郡主噶，唔可以跟個麻甩佬話走就走噶！！如果喺咁，真是加條BG感情線做乜鬼？

宮羽易容去天牢換人，都是原著的，所以能不改動就不改動，都合理既。

至於梅石楠，榛子酥變成金殿對質，除了我們認為的追求衝突點，追求火花之外，我今天睇到一個觀點，佢話“劇本偏重感情的釋放，而電視劇追求一種男人的深沉和內斂，我覺得還是女性視覺和男性視覺對男人之間情感的理解不同。”我覺得有D道理。原著小說同劇本，確實是會感性D，煽情D。對於女觀眾，絕對是一個淚點。但是主創團隊都是一群男人，佢地可能真是會有唔同既想法。可能有人會覺得原著肉麻……

金殿對質真係無想象中精彩刺激，尤其第一次睇。不過第二次睇，理順翻個條理，就覺得好好多，宗主既辯才好犀利。其實夏江既指控本身就好大漏洞，中過火寒奇毒就是林殊？呢個邏輯上就講唔通。只要宗主夠冷靜，跳出個圈子指出佢的邏輯問題，就可以解決。最怕就是想辦法去證明自己不是林殊，咁就真是中圈套了。夏江最蠢就是提起譽王謀反，佢想講靖王點樣漁翁得利，所以講太子，譽王點倒台，結果就比宗主抓住佢同譽王謀反黎反擊（不過，好似皇帝都唔知道是夏江串通譽王謀反啵）。宗主最犀利既喺問皇帝要不要召廢太子回來，如賢妃（越貴妃）所願？一下就勾起皇帝既戒心，佢最忌黨爭，同前朝大臣同後宮勾結了。宗主一講，皇帝就覺得喺夏江同賢妃前太子勾結，陷害靖王同宗主。

講到靖王，其實我覺得郡主提出要反既時候，靖王的表現太奇怪了。郡主心裡只有宗主啊，唔好講造反，叫佢帶1000人沖入去人地幾萬人既軍營，佢都敢！但是靖王唔同啊，佢未知宗主喺林殊，我唔覺得佢地2個關係可以去到為宗主造反既程度，而且是不假思索，爽快應承！古代帝王都標榜“以孝治天下”，造反呢個污名一世都洗唔清噶。其次就是搶毒酒，倒毒酒。講真啊，對皇帝黎講，真是好忤逆了，如果喺以前既皇帝，一定當場就治罪，廢太子。皇帝居然忍左，只能講，無論喺宗主，定喺皇帝，都已經無選擇了！

對於王凱既演技，我依然好失望！金殿對質，正如你所講最後搶毒酒幫佢加分，但只是角色分，唔喺演技分。我最失望是佢佢找靜妃哭訴果段。佢既喊戲同胡歌比，真是差好遠，無層次感，無變化，次次喊樣都一樣，次次都是要穩野遮住個面！而且喊既動作同角色性格完全不符。邊有王子好似狗咁扒喺度喊噶？然後，靜妃同佢講要幫小殊完成心願，唔該佢俾D決心啦。去問靜妃宗主病情喺唔喺好重，靜妃默認，唔該比D痛心啦。完全面無表情，完全無戲！

55555，睇你最後寫果段關於胡歌既梅長蘇，睇到我都流眼淚添！胡歌終於突破左自己既李逍遙了，以後應該無人叫佢“逍遙哥哥”，要改口叫“宗主”了，至少我同身邊追劇既朋友已經開始咁稱呼佢。

PS：唔使急，慢慢寫，你仲有前面30幾集要慢慢補，哈哈。

私人傳訊

積分: 174135

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

402^#

發表於 15-10-14 22:10 |只看該作者

引用：題外話,你地會唔會覺得琅琊讀琅牙有D怪啊

原帖由 oran04 於 15-10-14 發表
題外話,你地會唔會覺得琅琊讀琅牙有D怪啊?為此,我特意查了一下網上字典,
新華字典"琊"是讀"牙"ya2,
但在康 ...

兩個音都啱，不過如果指地名琅琊山的話應該係讀椰唔係牙，呢樣我都查咗好耐，唔明點解。

花旗太太生活在花旗國，留意時差，你問我未必即時答到。

私人傳訊

積分: 174135

403^#

發表於 15-10-14 22:48 |只看該作者

引用：Quote:rose-mag 發表於 15-10-14 16:33 但

原帖由 hugoma2015 於 15-10-14 發表
本帖最後由 hugoma2015 於 15-10-14 17:50 編輯

謝玉都好d, 仲有莅陽呢個柔軟點，夏江當然係佢個仔，但佢以為個仔同前妻都死咗，為璇璣報仇居然重要過一切，可悲！我覺得夏江改得太多戲啦，搶咗鏡。皇帝老子前面已經舖晒路，人之垂老對前塵往事更多眷念，佢一生負幾多人欠幾多情，此時此刻難道不值得佢有一絲後悔？我希望只係片花，出街會有所不同(之前譽王謀反被捉後預告同出街版本有分別), 否則呢個理道國有咩希望？只係形式上嘅平反，冇真正佢人性倫常嘅審判，以至對自己反省，果頭講完林殊不能活在朝堂上，站在世人面前，再同我温情脈脈講前塵往事，會唔會假慈悲咗d呢？我睇劇透話静妃之後勸過皇帝，但所有嘢金口一開又可以反悔咩？

步步驚心嘅四爺`花千骨嘅白子畫同琅琊榜嘅宗主我都心痛，佢地都將大愛留俾社稷世人，將自己嘅愛留俾唯一嘅愛人，自己站在暗角，讓所有人站在陽光下，究竟是否值得，自己嘅犧牲是否收獲到想要嘅嘢？

其實靖王都苦，十幾年不明不白嘅自我放逐，最後喺好朋友扶持下行到儲君呢一步，相對於佢嘅祈王兄，佢只算係宗主揀無可揀嘅選擇，我唔想理解成靖王係宗主要平反而必須選佢，但其實可能都係，對於靖王，呢樣的確係好殘忍，起碼王凱嘅靖王一之無心，二之無能，將佢推出嚟頂數，宗主的確係對佢有所欠。

花旗太太生活在花旗國，留意時差，你問我未必即時答到。

私人傳訊

積分: 174135

404^#

發表於 15-10-14 23:32 |只看該作者

引用：Quote:rose-mag 發表於 15-10-14 16:09 我

原帖由 hugoma2015 於 15-10-14 發表
本帖最後由 hugoma2015 於 15-10-14 18:53 編輯

所以有人話呢個係靠譜劇組遇上不靠譜劇本，以網劇嚟講係超班，但係有技術細節去墊鋪，老實講，以權謀嚟講，故事簡化咗，以宮鬥來講，黑白太明顯，以情嚟講，樣樣都差dd唔深入，我覺得不至於話差到唔靠譜，但故事去到而家矛盾都唔少，穿崩嘢可以理解，已俾好多劇少，但前後不乎，情理之外，的確有商榷之處。

金殿上表面冇咩嘢，但力量係慢慢推高，最初驗手臂驗頸根本唔駛驚，郡主静妃兩段都知道，宗主唔會穿崩，到夏江指証火寒毒，要把脈去証明脈象，呢個係推理上嘅邏輯唔成立，都唔輸，夏江最錯係提到癈太子同譽王，佢兩個失敗嘅導火線都係長蘇冇法控制嘅，頂多係隨機應變可順手撿個現成，唔存在夏江所講嘅陰謀，反而俾長蘇執到佢矛盾嘅地方至一敗塗地，見再無力回天想殺人滅口，呢樣注定必死無疑。**呢度胡歌退後果幾鏡瀟灑到呢

** 胡歌演呢度有層次得嚟好冷静内歛，好似變化唔多，但仔細續格嚟係好微妙好細緻，所以至會感染到人。王凱我都試圖cap嚟睇，但真係力不從心多過由個心去演，佢最多係演，唔係代入個角色。

同静妃哭訴果幕完全蒼白無力，普通嘅演員單獨咁演已係正常好，但以理解靖王呢個角色去演，呢個做法over晒，作為未來皇帝嚟講，喜怒太形於色，亦唔似隱忍13年放逐自己出征沙場嘅將帥。

花旗太太生活在花旗國，留意時差，你問我未必即時答到。

私人傳訊

積分: 28097

405^#

發表於 15-10-14 23:36 |只看該作者

本帖最後由 hugoma2015 於 15-10-14 23:55 編輯

rose-mag 發表於 15-10-14 22:48
謝玉都好d, 仲有莅陽呢個柔軟點，夏江當然係佢個仔，但佢以為個仔同前妻都死咗，為璇璣報仇居然重要過一切 ...

小說裡面，應該是靜妃先勸皇帝，不過皇帝都是唔聽，要見宗主，最後俾宗主鬧醒左，或者講是親情道德審判到崩潰左。而且小說裡面都有講，獵宮返來之後，皇帝可能已經老了，無以前咁好火，變得仁慈了，所以處罰都好輕，無株連好多人。而電視劇里，佢仲想大開殺界，可能就是想強調皇帝對皇權的執著從來沒有變。

其實宗主非常了解權力鬥爭既險惡，以宗主對靖王、郡主、蒙大哥既情義，他真是唔想將佢地卷入去。蒙大哥第一次夜訪宗主，宗主就講不想佢幫手。至於郡主，佢更加喺想盡辦法讓佢遠離金陵呢個政治漩渦，其實當時南楚使團來求婚，喺宗主安排既，其中一個目的就是令皇帝放郡主返雲南。甚至連庭生，佢都希望靖王讓佢遠離權力中心。

所以如果有其他人選擇，哪怕靖王本身好有能力，宗主都唔會選靖王去走呢條咁危險既路。他都想靖王好似紀王咁，做一個安穩既閒散王爺。但佢真是宗主或者都是呢個國家唯一既選擇了。唔講當年有無對祁王同赤焰軍落井下石，但而家太子荒淫，譽王殘暴（私炮坊果件事，我相信宗主喺唔會原諒佢噶），其他就更不成氣候。既然無得揀，宗主唯一可以幫佢做既，就是幫他掃清障礙，鋪好後路。

私人傳訊

積分: 28097

406^#

發表於 15-10-14 23:53 |只看該作者

本帖最後由 hugoma2015 於 15-10-15 00:16 編輯

rose-mag 發表於 15-10-14 23:32
所以有人話呢個係靠譜劇組遇上不靠譜劇本，以網劇嚟講係超班，但係有技術細節去墊鋪，老實講，以權謀嚟講， ...

其實呢，點解瑯琊榜喺我最愛既小說呢，佢文筆唔喺最好，權謀計策唔喺最好，權力鬥爭亦唔喺最驚心動魄。佢勝在佢表現出黎既愛國情懷，赤子之心，情義千秋。所以我睇電視劇已經將對佢邏輯上既要求降低左了。但我份人呢，可以接受例如衣服唔連戲，但好難接受邏輯上既BUG。後半段郡主既戲份就是呢種。當然，可能因為我對郡主宗主呢一對苦命鴛鴦既偏愛啦，所以我特別執著。
相比起郡主冬天剝衫，靜妃滾水淋手，我覺得高公公已經好斯文啦，宗主唔使驚！

無錯啊，胡歌後退果幾步真是好型啊！我好中意佢拍古裝，因為佢D動態真是特別好睇！第八集佢比人刺殺，後退果幾步，我都睇左好多次啊！呢一刻宗主都是林殊上身啊，雖然無武功，但是你睇佢個眼神，幾鎮定，幾臨危不亂！我期待你到時續格分析佢D細微演技啊！雖然我都FEEL倒，但是我唔識形容。

反正我覺得王凱果場最大既BUG就喺喊到成只狗咁……而且，我覺得佢好似突然又醒左好多咁，佢D智商唔連戲喔……

私人傳訊

積分: 174135

407^#

發表於 15-10-15 16:31 |只看該作者

本帖最後由 rose-mag 於 15-10-15 00:34 編輯

cap圖cap到傻咗，51同52呢兩集關鍵在藺晨講出點樣用仙續草去解火寒毒，要10命換1命，宗主真係打死都唔會咁做，太殘忍啦，人地嘅命都係命，冇邊個嘅命比其他更有價值，宗主已經睇得好化，亦有死嘅準備，藺晨擔心嘅係啱架，而家心事未了宗主一定頂住死捱，但只要果口氣鬆咗，心願落實後就好難講。我覺得某程度上，藺晨比靖王更了解林殊/長蘇，不竟靖王腦裡面嘅林殊仲係以前果個天之驕子，而藺晨認識果個係由地獄歸來嘅宗主，感覺上宗主同靖王好生疏（好大機會係演員交流問題），而宗主同藺晨就好有默契。

蒞陽同景睿演呢對母子真係好有溫情，景睿個心真係好有包容度，所以宗主咁心疼要傷害到佢，但正如景睿都講過宗主唔駛為他人嘅孽去向佢道歉，只係人總有取捨，自己偏偏係對方所要捨棄而已。程晧楓雖然真係唔係靚仔精緻，但佢做到果種正氣同包容。
講到蒞陽，原來張琰琰比劉濤仲細4個月，兩個都係1978年，今年37歲。

講都唔信，程皓楓係1976年出世，年尾就39歲，張琰琰根本仲細過佢，但演技上做兩母子又好和諧。佢兩個果兩場睇手書同步出王府嘅戲都做得好好，朱七七果然係好戲，佢52集尾段咁長嘅陳情戲做得好好，又有驚又有堅定，佢步入大殿果段畫面好有意境，紅綠相間嘅色差，同埋明暗對比，更加突顯蒞陽嘅氣勢。

靖王同宗主幾場戲我麻麻地，有人又over啦，只係長蘇呢13年已經慣咗收藏自己心思，呢兩年用歉稱同禮數，靖王即使覺得佢過份客氣都唔駛太過嬲啫，但靖王居然要起身轉身用個背脊向住佢，個語氣同態度都好怪。

我唔知你地睇果個版本有幾長，今日我未等到未刪減版就睇住衛視版，原來差咗一場都幾重要嘅戲，就係51開頭見完夏江後，原來靖王喺出面等佢，之後同佢兩個去當年困祈王果個監獄睇，回憶中有譽王睇住自己皇兄飲毒酒，靖王就發誓要翻案，呢場冇咗就差少少啦。

夏江又加戲，原本言侯呃佢（或者係佢老婆專登），佢老婆同仔都仲在生，今次特登嚟見下佢再之後幫佢收屍，又要讚下劇組選角好，飾演夏江老婆寒氏嘅女演員，真係好有女懸鏡司個架勢，呢場係加得唔錯。

52集最後果場逼宮重頭戲序幕鏡頭運用好有心思，幾個畫面已經交代晒所有重要人物，又睇到晒成個大殿有D咩人有幾大，每個人位置喺邊。最好笑呢就係皇帝好鍾意掟嘢，蒙摯同蒞陽跪喺下面，皇帝掟個盤落去，我睇咗兩三次睇下有冇掟到蒙統領。

見到霓凰講果句此約未癈，宗主個心又會有咩感覺呢？呢句係霓凰特別講俾宗主聽，希望結局真係唔好又唔記得宗主有霓凰要牽掛，唔好走咗去，時日冇多啦，得一日陪就多一日，成日將自己D時間俾晒人，留番少少俾郡主啦。

花旗太太生活在花旗國，留意時差，你問我未必即時答到。

私人傳訊

cyan_tang

大宅

積分: 3440

畀面勳章

408^#

發表於 15-10-15 16:34 |只看該作者

引用：題外話,你地會唔會覺得琅琊讀琅牙有D怪啊

原帖由 oran04 於 15-10-14 發表
題外話,你地會唔會覺得琅琊讀琅牙有D怪啊?為此,我特意查了一下網上字典,
新華字典"琊"是讀"牙"ya2,
但在康 ...

以前修文學,老解教\"琊\"係讀\"耶\"的

私人傳訊

積分: 28097

409^#

發表於 15-10-15 17:24 |只看該作者

本帖最後由 hugoma2015 於 15-10-15 17:42 編輯

rose-mag 發表於 15-10-15 16:31
cap圖cap到傻咗，51同52呢兩集關鍵在藺晨講出點樣用仙續草去解火寒毒，要10命換1命，宗主真係打死都唔會咁 ...

講起結局，我有一個擔心。小說結局，宗主留左封遺書給靖王，是宮羽帶過去噶，咁即系宮羽跟左宗主出征，陪宗主走左最後一程。電視劇我見到宗主死後都留左個遺書比郡主。我而家好擔心，是宮羽拿呢個遺書比郡主，如果喺咁，就真是神作了！恐怕我會將呢套戲既分數直接減20分！

呢2日睇翻開頭2、3集，我有一個感覺，就算宗主唔喺林殊，佢都會成為郡主的意中人。郡主特登跟皇后去寧國侯府見佢，見完太皇太后之後特登留低同佢傾，完全因為佢喺江左盟宗主，佢曾經派人幫過郡主（呢個第三集裡面，郡主就有同小王爺解釋過），所以至少佢喺一個郡主睇得起，又配得起郡主既人。以郡主咁主動既性格，與其比武招親，比皇帝擺佈，不如自己主動物色。唔知道郡主會唔會話：“我用左12年時間，終於又穩到一個可以同林殊相比既人上人了，點知又是你啊？”一個坑跌入去2次，郡主再都爬唔出黎啦！

今日劇組製片同導演出左個訪問稿，提到感情線，連導演自己都話感情線唔夠“盡情”。其實我唔單只覺得唔夠盡情，我仲覺得好飄忽。例如第三集宗主受郡主推薦，幫郡主主持文試，上到大殿就坐喺郡主隔離。呢次喺2人第二次見面，結果2個人就交頭接耳，配合非常默契咁揶揄百里奇和使臣。發展會不會太快呢？又例如私炮坊爆炸，郡主趕到現場見到宗主，結果宗主面黑黑，郡主同他打招呼，他掉頭就走，連回禮都無。我到而家都唔明佢當時點解咁既態度對郡主。然後最突出就是郡主冒險去九安山救佢，講到出面話擔心佢，佢都無動於衷。總之就飄飄忽忽，若即若離咁……我覺得2個人之間最甜蜜既居然是相認之前，宗主總有情不自禁，真情流露既時候。相認之後，尤其是最近，郡主真是太無存在感了。既然知道佢既心意，又知道自己時日無多，就多D陪佢啦，起碼死後，佢都可以有多一D回憶。

我覺得郡主大殿上講果段話，宗主事前應該唔知道。睇得出宗主都好痛苦，內疚。

到而家為止，我對呢套戲有2個遺憾，一個就是靖王被人演差左，另一個就是感情線改到兩頭唔到岸。

講起靖王，唉，我覺得佢瞪大只眼，就空洞無神。唔瞪大只眼，就無精打采咁……

私人傳訊

oran04

侯爵府

積分: 20485

親子王國15週年勳章

410^#

發表於 15-10-15 20:12 |只看該作者

引用：Quote:rose-mag 發表於 15-10-15 16:31 cap

原帖由 hugoma2015 於 15-10-15 發表
本帖最後由 hugoma2015 於 15-10-15 17:42 編輯

狂煲幾日，我終於追到進度啦哈哈

，今晚涯夜睇結局
其實我覺得要講不足，總有嘅，套劇原本定位可能是傳奇，描寫比較多的是同故人、同袍的情義。外界宣傳話權謀片，但其實劇中講得太輕描淡寫，輕輕推倒幾個尚書公候就搞掂，對權謀片而言太簡單，但如果寫多了其實會悶。我覺得現在都幾好，友情，愛情，權謀，復仇都有點，情節緊湊，人物立體，我好滿意了

私人傳訊

積分: 28097

411^#

發表於 15-10-15 21:21 |只看該作者

rose-mag 發表於 15-10-15 16:31
cap圖cap到傻咗，51同52呢兩集關鍵在藺晨講出點樣用仙續草去解火寒毒，要10命換1命，宗主真係打死都唔會咁 ...

睇完大結局啦，激死我啦！！！！

我擔心既野全部中曬！後面跟曬小說！

真是興致勃勃跟藺晨去玩，藺晨仲話要帶宮羽，好彩宗主堅決反對！

最離譜是出征帶埋宮羽，即係宮羽陪他走最後一程，仲要給郡主既遺書都是宮羽帶翻去……我想講粗口

私人傳訊

積分: 28097

412^#

發表於 15-10-15 21:31 |只看該作者

oran04 發表於 15-10-15 20:12
狂煲幾日，我終於追到進度啦哈哈，今晚涯夜睇結局
其實我覺得要講不足，總有嘅，套劇原本定位可能 ...

睇完結局，嫐死

私人傳訊

積分: 174135

413^#

發表於 15-10-15 22:00 |只看該作者

引用：Quote:rose-mag 發表於 15-10-15 16:31 cap

原帖由 hugoma2015 於 15-10-15 發表
睇完大結局啦，激死我啦！！！！

我擔心既野全部中曬！後面跟曬小說！

改改下力不從心？要改就要改得順同合情理，明知郡主已經誤會過，仲要宮羽拎封遺書去俾郡主，傻的嗎？咁多人跟去，叫飛流叫藺晨叫蒙統領都得啦。小說裡面郡主已移情別戀，劇入面唔係喎，海宴搞咩，好好一個故事而家兩頭唔到岸，一係跟小說冇郡主呢條感情線，一係就大手d改多d, 而家變成對兄弟有情有義，對愛人就情薄，令人好唔舒快，咁樣結局有d敗筆，許我來生又如何？今生你已先走，無悔於宗室社稷，無負於兄弟良朋，偏偏忘卻兒女情長。

我覺得海宴冇經驗，無考慮到觀察同讀者反應，寫作嘅人總有d執著自己所想所思，下次就應該聽下有經驗嘅建議。以開段宗主對郡主種種情不自禁，雖然要佢揀，佢會捨情取義(其實何嘗唔係為咗保護郡主), 但行到呢度，當郡主都已表明心迹，殿上同所有人講此約未癈，你估而家宗主真正死咗佢就死心改嫁嗎？13年都堅持唔嫁，而家更加唔會，未死前留番多d時間俾郡主，叫做俾佢多d安慰，好過之後想回憶都只係得幾個畫面，仲要派個宮羽去送信，殘唔殘忍d呀？

花旗太太生活在花旗國，留意時差，你問我未必即時答到。

私人傳訊

積分: 28097

414^#

發表於 15-10-15 22:57 |只看該作者

rose-mag 發表於 15-10-15 22:00
改改下力不從心？要改就要改得順同合情理，明知郡主已經誤會過，仲要宮羽拎封遺書去俾郡主，傻的嗎？咁多人 ...

其實郡主最想就是陪宗主走最後一程，但佢當時要返雲南打仗，所以呢個喺佢終身既遺憾。讓宮羽去送信，只會更加勾起郡主既傷心事，佢喺宗主最親既人，但是無辦法陪喺佢身邊，反而喺其他女人送他最後一程。呢個安排太殘忍了！雖然我可以理解，宗主死左了，邊個送信都唔關佢事。要怪就只能怪編劇，劇組考慮得唔周到！

今晚真係喊死！宗主同藺晨爭執，要吃冰續丹上戰場果幕，原來郡主睇到曬，聽到曬！我覺得編劇真是太殘忍了，點解要安排雲南又打仗（原著雲南都無打仗），郡主不得不返雲南呢！最後3個月，都唔比郡主！

我覺得既然加左感情線，就索性等郡主陪宗主上戰場，讓大梁既戰神夫婦痛痛快快大殺四方，然後讓郡主陪他走完最後一程。最好留個遺腹子。而家唔湯唔水！

PS：講漏左個細節，其實宗主都有應承帶郡主去旅行既。喺佢地分手前，郡主講既。郡主仲自我安慰咁同佢講“你打完仗，記得第一時間返雲南穩我。”其實郡主知道，佢返唔到黎啦！

私人傳訊

doll100

大宅

積分: 2668

415^#

發表於 15-10-15 23:20 |只看該作者

hugoma2015 發表於 15-10-15 22:57
其實郡主最想就是陪宗主走最後一程，但佢當時要返雲南打仗，所以呢個喺佢終身既遺憾。讓宮羽去送信，只會 ...

總之睇到人內傷，期望之後胡歌挑戰演奸人，佢實在有太多悲情劇，想轉睇佢虐人既畫面。
遲d佢有套獵場，消息透露劇本同演員都好猛料，大家點睇，到時會唔會睇呢套？

私人傳訊

積分: 28097

416^#

發表於 15-10-15 23:36 |只看該作者

rose-mag 發表於 15-10-15 22:00
改改下力不從心？要改就要改得順同合情理，明知郡主已經誤會過，仲要宮羽拎封遺書去俾郡主，傻的嗎？咁多人 ...

最後2 集，如果拋開感情線處理既不當，我覺得好精彩！好多好多令我印象深刻既場口啦

尤其是皇帝喺後宮單獨召見宗主，我覺得是胡歌對四大老戲骨裡面，表現最好既。皇帝果段交換條件既說話，我覺得最大作用就是加深左宗主既悲情，自己既舅父，當年因為顧忌佢，所以殺佢。到左而家，都喺因為顧忌佢，所以逼佢遠離朝堂（雖然佢時日無多，亦根本唔想過留低），但從佢最後既眼神，我覺得佢個心都喺好痛噶。有朋友講，見到佢自從呢度開始，眼神就再無光了，就算返到林宅，佢既眼神已經再無火了。呢個我要翻睇再感受一下。如果喺，就可以講佢心願已了，就剩低一啖氣撐住。

佢去林氏宗祠拜祭，3叩首行禮，每一次抬頭，個表情都唔同噶，悲痛越來越深。

佢同藺晨爭執果段就唔講了，講後面。原來郡主系旁邊聽到曬，當佢見到郡主從旁邊行出黎，淚流滿臉望住佢，佢果種無顏以對，果種對郡主既愧疚，唉……我喺郡主既話，我都原諒佢！

私人傳訊

oran04

侯爵府

積分: 20485

親子王國15週年勳章

417^#

發表於 15-10-15 23:41 |只看該作者

引用：Quote:rose-mag 發表於 15-10-15 16:31 cap

原帖由 hugoma2015 於 15-10-15 發表
睇完大結局啦，激死我啦！！！！

我擔心既野全部中曬！後面跟曬小說！

咁真是幾失望，其實我覺得宮羽呢個個色唔多討好，又唔出彩，我想cut左佢多d

,佢最重要都是謝玉府中爆身世，其實都不過是個引子，唔是唔改得。郡主冇變心，而宮羽次次出場都恨不得黏住宗主，實在好小三feel

私人傳訊

積分: 28097

418^#

發表於 15-10-15 23:44 |只看該作者

doll100 發表於 15-10-15 23:20
總之睇到人內傷，期望之後胡歌挑戰演奸人，佢實在有太多悲情劇，想轉睇佢虐人既畫面。
遲d佢有套獵場，消 ...

獵場有排啦，明年先播。

你不如考慮下聽日開始既“大好時光”，都市輕喜劇。不過就唔對我胃口。我都喺中意睇TVB既輕喜劇，同聲同氣嘛。最近翻煲男親女愛，哈哈。

獵場，了解過一下，他做一個曾經坐監既職場獵頭，套戲好多大咖，不過都是客串咁。估計喺由一個一個“挖角”既故事，咁D大咖就過來客串下各個故事既主角咯。

私人傳訊

積分: 28097

419^#

發表於 15-10-15 23:48 |只看該作者

oran04 發表於 15-10-15 23:41
咁真是幾失望，其實我覺得宮羽呢個個色唔多討好，又唔出彩，我想cut左佢多d,佢最重要都是謝玉府中 ...

或者我地只能換個角度理解，仲打緊仗，男人都喺前線作戰，宮羽最得閒，最無用，所以穩佢黎送信……

私人傳訊