第10集今朝睇完，而家至得閒坐低寫下筆記：
終於知道熊青春點解嚟杭州，佢其實唔係壞人，佢同普通女人一樣，都係想同自己鍾意嘅人有好結果，可惜男友媽媽唔鍾意佢，佢每個星期應該係去做阿四做乖媳婦，但男友媽媽唔領情。。。呢度我又有D體會：話說以前有個朋友嫁個老公係由台灣嚟美國讀書碩士生，朋友係大陸嚟，冇讀過大學，但佢都幾叻，英文唔錯，起碼可以打鬼佬工，兩個結婚後至見6299，佢個台灣99眼角好高，嫌棄佢學歷低（其實只係冇讀大學，佢都高中畢業，又識英文），佢話要置行頭，唔可以俾99睇低，買名牌衫名牌袋，帶住個女去到台灣同99住咗兩個月，走都走唔切，佢話佢99真係極品，又奄尖又巴辣。。。做媽媽嘅一定當自己個仔係稀世奇真，熊青春更唔好彩，寡母婆守仔，注定佢會俾未來99當仇人。
成集都係愛情，鄭秋冬突然化身愛情顧問去開導青春，講得好啱，道理亦都好簡單易明：戀愛是令人快樂的事，如果不快樂了，那就不叫戀愛了。。。問題係身陷其中有幾多人懂？有幾多人可以看開？
回應之前講點解秋冬會同青春拍檔？青春同秋冬都係同行開職介所，佢絕對比以前秋冬專業，有用碎紙機處理文件，有專用軟件去做配對，佢對於調配、同求職者打交道、安排細節比秋冬細心，而秋冬主力同大公司接洽，有之前做過人力資源嘅經驗，明顯比五六年前做職介更有能力，亦見到佢想做獵頭嘅野心。
呢兩集職介鐵三角漸漸形成，青春同惠成功加強咗故事嘅喜感，成個節奏變得輕鬆咗，秋冬同青春關係亦由一直隱隱瞞瞞、裝胸作勢產生咗微妙變作，因為惠成功嘅推波助瀾，青春同秋冬都留意到自己對對方開始在意，其實兩個坐喺同一條船嘅人好易發生感情，秋冬同青春發展成為情侶冇違和感。
花旗太太生活在花旗國，留意時差，你問我未必即時答到。
)
發表於 
，遊完水再寫
返回列表
