懷孕前後 今日: 8 | 主題: 330568

積分: 3441

401^#

發表於 05-2-5 10:34 |只看該作者

Re: 有無將會或已經在聯合醫院生的媽媽,請進來傾下啦!

gillianchan,
節哀順便...我唔係好識講野..我諗你奶奶走得都舒舒服服既..咁都係一種福氣黎架啦,,,你唔開心..bb又唔開心了,,,保重身體呀,,你有咩唔開心就同老公傾訴..唔好谷埋係心度呀,,

私人傳訊

積分: 3489

402^#

發表於 05-2-5 22:47 |只看該作者

Re: 有無將會或已經在聯合醫院生的媽媽,請進來傾下啦!

意粉~ & wumama~

你地有心喇!我同老公都冇乜事架喇! 佢係我面前都表現得好平靜,或者佢怕我擔心佢卦,不過我都有同佢傾過,我地心情都好返D架喇!我果日喊過幾次之後都唔敢再喊喇!怕影響BB

我會好好保重自己+照顧老公BB架喇!

wumama~

你預產期係幾時架?你可能要係初四(2/12)入院催生?咁咪趕得切逗利是囉?

唔好咁緊張喇!希望你同BB都健康平安!

意粉~

你今日有冇去聽講座呀?下星期會去聽嗎? (我應該又係自己一個人去喇!) 我媽咪笑我乜都聽得一餐,就黎變'專家'喇!之前佢地乜都唔駛聽,咪又係養到我地2姐弟肥肥白白

私人傳訊

積分: 3441

403^#

發表於 05-2-6 14:10 |只看該作者

Re: 有無將會或已經在聯合醫院生的媽媽,請進來傾下啦!

gillianchan,
係Lu,,開心番..新一年新開始,,,

我尋日冇去呀,,因為有野做,,母乳講座要等到下次4月2號有時間再聽,,如真係唔得閒聽唔到,,到時就等姑娘教了...

私人傳訊

積分: 3489

404^#

發表於 05-2-10 22:58 |只看該作者

Re: 有無將會或已經在聯合醫院生的媽媽,請進來傾下啦!

各位~
係2月4日,有位媽咪post左個新題目,叫做"聯合尼幾日唔夠床位",所以我轉貼過黎,希望大家知道

carmenwong0208 寫道:
前2日有3個剛剛生完bb既媽媽因為4A房唔夠位, 生完之後上左5A房住=.= 因為我2月1日因為作小產入左聯合留醫, 之後第2朝就有3個剛剛生完BB既媽媽上左我地房, 我問佢地咁個BB會唔會推上黎, 佢地話應該唔會, 咁聯合本身係個BB同媽媽同房, 點知下面4A唔夠床位, d媽媽要上5A, 之後我問佢地咁你地點餵奶呀, 佢地話都唔知點餵, 個BB喺下面嗰層, 應該就唔會推個BB上黎, 之後到夜晚有個姑娘叫佢地落4樓餵奶, 嘩大佬剛剛生完BB就當然想無時無刻都可以見到個BB嫁啦, 點知又唔夠位, 我覺得好慘LAW, 死啦, 我怕到時到我生如果4樓無位俾我都唔知點算! 我今朝先出院, 但我聽嗰3個媽媽講, 個BB去左大大都無姑娘幫BB換片, 搞到D便便乾乾地, 要用7張濕紙巾先至抹乾淨BB既PAT PAT, 我諗都要重新考慮好唔好轉醫院

:-| 雖然我仲有成個月先生BB,不過都好擔心醫院既情況喇!好怕到時會冇床位?

上次去聽產前講座,仲有準媽咪問會唔會唔夠'產房',因為好似得4間,而且我地都係參加左'老公陪產'既,好怕到時唔夠產房要2個媽咪係同一間房一齊生?到時老公可能會陪唔到....不過護士話暫時都未試過5個媽咪一齊生喎!(佢話因為要開晒'十度'先推入去,唔駛搞好耐喎!)

聽完你地講,如果4樓唔夠床位都幾慘喎!要同BB分開,好唔方便呀!

... 請問4樓大約有幾多間病房架?每間有幾多張床?

希望各位將在'聯合'生BB的媽咪都有床位,可以留係4樓陪BB喇!

私人傳訊

wumama

積分: 103

405^#

發表於 05-2-12 16:08 |只看該作者

Re: 有無將會或已經在聯合醫院生的媽媽,請進來傾下啦!

hi..我年三十生左阿女la...
至於聯合既情況..我係年廿八入院..年初二出院，床位都不是太緊張，d 姑娘都好好，有d 嬸嬸只係對d 非本港居民..(大陸媽媽)惡d....
而bb 剛出世或醫生覺得佢地有少少問題都會留係3樓，咁初生bb 一切正常佢地好快就會將佢地送番上4樓bb房...唔駛太擔心，就算係3樓，你都可以落去睇佢架........

私人傳訊

積分: 3489

406^#

發表於 05-2-12 22:03 |只看該作者

Re: 有無將會或已經在聯合醫院生的媽媽,請進來傾下啦!

wumama~

恭喜你哦!

BB趕住出黎逗'利是'嗎?

你囡囡係年三十幾點出世架?(仲係屬猴?) 如果再晏D,年初一零晨十二點出世咪好囉!可以見報喇! 哈哈!
你年廿八入院?果日係預產期嗎?(乜唔係要作動先入院等生BB咩?)
好在你入院時都夠床位咋!而且遇到既姑娘同嬸嬸都對你都幾好

你同BB都在4樓嗎?... 你出左院要好好休息下呀!得閒再上黎分享下生BB時的過程經歷喇!

各位將在聯合生BB的準媽媽~

你地今日有冇返去聽講座呀? 我有去聽呀!仲返轉頭拎埋本EQ書仔先走添! (我就係坐係右邊第二行第一個,預產期3/10的媽咪~

) 今日嚇死我呀!成個俾'余姑娘'問我問題,好在我都識答o者!

我仲差一堂'產後護理'就聽晒7堂lu,希望係生BB前可以聽埋喇!

私人傳訊

積分: 3441

407^#

發表於 05-2-13 11:12 |只看該作者

Re: 有無將會或已經在聯合醫院生的媽媽,請進來傾下啦!

wumama,
嘩...恭喜哂你呀,,,囡囡仲可以逗'利是'添...祝你既bb囡快高長大, 健健康康..你都要休息多D呀,,,,

gillianchan,
wumama既bb囡應該係屬雞架啦,,,因為好似立左春就係雞bb..(wumama係咪架?? 我都唔知岩唔岩)..
我尋日冇去聽講座呀..唔得閒,,,又要等下一次先...你36wks了,,,好快到你啦,,,緊唔緊張呀? 你仲駛唔駛去c+度 check呀?

私人傳訊

wumama

積分: 103

408^#

發表於 05-2-13 21:13 |只看該作者

Re: 有無將會或已經在聯合醫院生的媽媽,請進來傾下啦!

gillianchan & 意粉,

多謝你地呀...我係年廿八見紅入院架....但到年廿九先開始感覺到陣痛....跟住年三十朝早7點幾就生左阿囡..係呀...我年初一係醫院開始幫阿囡收利是la....

因我個囡得5lbs6左右...初頭又食得唔係咁叻，加上有少少黃，又嘔...所以佢住左1日左右4樓就比姑娘調佢落樓下3樓la...咁我咪係夠鍾餵奶既時候去睇佢囉.......

and bb 係屬雞...因過左立春麻...

祝你地都生得舒舒服服.....bb 同大人都精神爽利、健健康康 :-P

私人傳訊

alick

積分: 289

409^#

發表於 05-2-14 13:43 |只看該作者

Re: 有無將會或已經在聯合醫院生的媽媽,請進來傾下啦!

HI wumam &各位媽咪

想請問你地, 每次覆診產前檢查, 需要覆診費嗎, 要幾多錢, 請覆, 謝謝, 心急人.

私人傳訊

積分: 3489

410^#

發表於 05-2-15 00:12 |只看該作者

Re: 有無將會或已經在聯合醫院生的媽媽,請進來傾下啦!

各位媽咪∼

情人節快樂哦！

你地今日同老公仔慶祝開唔開心呢？（本來我一直好期待尼個最後２人世界的情人節架！可惜...今日只有肚內的ＢＢ陪我，老公要去辦奶奶的事仲要'守夜'唔可以返黎瞓）所以我真係有Ｄ悶哦！好在仲有你地ＢＫ媽咪（既留言）同ＢＢ陪我踢下我

我今日返聯合產檢!（本來係上星期四架！因為撞正初二，所以延遲左）今次我唔敢食早餐呀！驗完尿先食，所以糖尿驗到'－'冇事！不過醫生話上次抽血都有7.4度，所以最好都係做多次'飲糖水前後既抽血測試'

　另外醫生話所有孕婦係３７週都要抽血驗一樣野（不過我唔記得係乜？）你地知唔知係乜呀？你地要驗嗎？ ?-(

alick∼

如果你有香港身份証，每次去聯合醫院覆診做產前檢查,都係免費架！

（如果之後聯合將你轉介去母嬰健康院檢查都係唔駛錢既！）如果冇身份証既準媽媽，每次檢查就要$700-喇！（仲貴過出面Ｄ私家診所

）
你去左證記未呀？幾時第一次覆診呢？有野唔清楚，歡迎你隨時上黎問我地喎！答到你既我地一定會幫你

ＣＵ

意粉∼

哦！而家我明白喇！（我唔係好識中國既'節氣'!

）
嗯！日子越來越近真係好緊張呀！成日怕會無端端作動，穿水見紅

我約左2/17再去照多次私家既2D，希望可以知道ＢＢ多Ｄ既情況，作出生前既最後準備。

wumama∼

真係好戙你高興哦！ＢＢ趕得切係新年出世都幾好呀！Ｄ親戚朋友放假都可以去探你同ＢＢ，仲有利是逗添！

你囡囡住左幾多日3樓呀？你成日要落去餵奶辛唔辛苦呢？（行樓梯傷口會痛嗎？）佢返左屋企好Ｄ未呀？飲奶既情況點呢？希望佢身体會越來越好喇！你到要保重，好好調理哦！
多謝你的祝福，希望我地各位準媽咪都可以生得舒服Ｄ喇！最重要係bb同大人都精神爽利！健健康康！平安大吉！

私人傳訊

維尼熊pooh

男爵府

積分: 6839

2024年龍年勳章 2018復活節勳章好媽媽勳章畀面勳章 BK Milk勳章

411^#

發表於 05-2-15 10:44 |只看該作者

Re: 有無將會或已經在聯合醫院生的媽媽,請進來傾下啦!

各位準媽咪,
我本來係今個月25號聯合照超聲波(18-22週),但私家又係18-22週照一次,我自己想在私家照,但如果唔係政府照(覆診),咁以後未唔可以繼續睇政府,請教我點做,thanks ?-(

私人傳訊

積分: 3441

412^#

發表於 05-2-15 11:44 |只看該作者

Re: 有無將會或已經在聯合醫院生的媽媽,請進來傾下啦!

wumama,
多謝哂你, 我都希望生時生得舒舒服服..順順利利..你要多休息啦...:lol: .記得第日話番我地知你既生產寶貴經驗啊,,

alick,
你而家有幾多週呀? 愈早登記做檢查, 對bb愈好....:lol: 你都快d去登記啦

gillianchan,
情人節果日我都同老公去c+度見bb呀...同埋行下街..雖然老公果日陪唔到你, 但日日都係情人節啦..老公話出年就多個小情人同我倆一齊過情人節,,,諗起都好開心呀....:lol:
如果聯合叫你抽多次血驗..都幾好丫..起碼唔駛估估下麻,,
聯合仲有冇得幫你照多次超聲波呀? 係咪中期果次後就唔會有得再照架啦?

維尼熊pooh,
我覺得你唔好side左聯合果次超聲波檢查呀...我上次照中期時..個電視好大, 部機照得好清楚架, 我原本果時都岩岩踏住,,後來都照去聯合照,,,照原隔左4個星期先去c+度照...
如果你呢次唔照, 佢可能會再約你時間, 但都應該唔會相隨好遠,,,同c+一樣會撞期..所以你可以考慮照左聯合先架..:lol:

私人傳訊

dorcas910

積分: 338

413^#

發表於 05-2-15 14:25 |只看該作者

Re: 有無將會或已經在聯合醫院生的媽媽,請進來傾下啦!

37週抽多次血，係驗下會唔會貧血，我抽完了，昨天檢查醫生說有小小貧血，要比補血丸我食，怕你生時唔夠血。這幾天新年假好想bb快d出世，日日發夢佢出咗生，可惜到而家一些精像都沒有。

私人傳訊

alick

積分: 289

414^#

發表於 05-2-15 17:22 |只看該作者

Re: 有無將會或已經在聯合醫院生的媽媽,請進來傾下啦!

Hi gillianchan

謝謝你地, 我己登記將軍澳醫院做產前檢查, 但係抽羊水, 及生產, 聽講座就全部會在聯合做.

私人傳訊

積分: 3489

415^#

發表於 05-2-15 23:31 |只看該作者

Re: 有無將會或已經在聯合醫院生的媽媽,請進來傾下啦!

意粉~

你情人節既節目都唔錯丫!仲可以去'見'下BB添!

你都講得o岩既,雖然老公尋日陪唔到我,不過如果佢對我好既日日都係情人節啦!都老夫老妻咯!唔駛成日慶祝既!

(唯有自己安慰自己喇!) 我地反而各自驚自己出年會錫BB多過對方

不過一諗起BB都幾開心既!
嗯!抽多次血驗都會令我安心D既,又唔駛錢,只係少咁D血o者!...哈哈!聯合冇話會幫我照多次超聲波喎!醫生摸到我個肚話BB已經調左頭,所以冇諗過幫我再照卦?

各位係聯合生完BB既媽咪~

你地係咪只係中期時係'聯合'照過一次超聲波咋?有冇媽咪臨生之前,聯合主動幫你地再照一次睇BB既情況呀? (不過有冇都唔緊要喇!因為我都約左37週去私家照2D :wink:)

維尼熊pooh~

我都同意意粉~ 既講法,你唔好o徒左聯合尼次超聲波檢查呀!因為可能只會照一次(係18-22週期間,過左尼段日子,可能唔會再約你去照) 而且佢地會根據尼次既超聲波紀錄黎睇症架!反而私家果度你遲D去照都OK,你打算去私家度係照2D定4D呢?不如你改'私家'果度28週先再照喇! (我都係果時先去私家度照4D,因為尼個時期可以睇得最清楚)
不過你放心喇!就算你今次唔係聯合度照/唔去覆診,最多都係延遲一個月先有得再檢查o者!唔會搞到冇得再睇咁嚴重既 :wink: 你自己再考慮下喇!

dorcas910~

哦!原來係check貧血,我明白喇!thanks!

希望你食完補血丸會有改善喇!你BB仲有一個星期左右就出世喇!你要襯尼幾日好好休息呀!希望你BB平安順利咁出世,健健康康喇!

alick~

你要抽羊水? (我冇抽喎!聽講唔係人人要抽) 聯合既講座都幾好架!分7堂唔同既題目(星期六下午2點至3點),我仲差1堂就聽晒lu,你得閒都去聽下丫,都幾有用架!學到好多基本野,如果你想老公可以陪你入產房生BB,咁你就要早D去聯合登記,同老公一齊聽2晚講座喇!(每個月第二及三個星期四晚) 得好少位架咋!要早D報名哦!

私人傳訊

積分: 3489

416^#

發表於 05-2-17 23:05 |只看該作者

Re: 有無將會或已經在聯合醫院生的媽媽,請進來傾下啦!

各位媽咪~

今日發生左好多事呀!而且令我覺得好奇怪!好意外!首先今朝我去左'聯合'抽血,隔離的老太太問我係咪有左'6個月'

跟住我去左'荷花'買野,個sales問我而家係咪'7個月'--我話我仲有廿幾日生得喇!

跟住今日去私家度產檢!照2D,我一翻起件衫,醫生就話原來你個肚唔係好大咋喎!

但係一照我同醫生都嚇一跳呀!上一次27週去照BB的頭圍&腳長都係25w4d,只有肚圍符合27w,約1kg.

今日37週再照,BB的頭圍&腳長剛好係37w,但肚圍卻有40w

醫生都笑BB大肚腩呀!

而重量大約有3284g.之後佢同我'探盤腔',話都幾好喎!如果BB係2月尾3月初生,應該可以順產,仲有7-8磅添!不過如果再遲D,BB可能會'太大隻'(過左8磅)到時就要開刀先得喇! 所以醫生話如果過左7號(預產期3日前)都未作動,最好去再照一次2D,方便佢跟進&寫紙通知'聯合'或者要開刀....
而家搞到我好驚呀!上次怕BB'太細',今次又怕BB'太大'

但係我食量一直都係一樣喎!不過我諗我可能要食少DD先得lu.

希望BB 38週足月就出世喇!

私人傳訊

joan_nyk

民房

積分: 28

417^#

發表於 05-2-20 16:46 |只看該作者

Re: 有無將會或已經在聯合醫院生的媽媽,請進來傾下啦!

各位媽媽，我在十四日聯合生了個情人節BB，好開心呀。現在聯合4/F唔係好多人，走廊位冇人，房位更有空，待產室更加係小人。不過姑娘話年初三直情係瘋狂，她好似話什麼下午(聽得唔係太清楚)有二十人入院喎。

各位聯合媽媽，我想問問我21日BB要回聯合覆疹，健康院姑娘和醫生都好奇怪， BB好健康，為什麼要覆疹？各BK媽知唔知係例行覆疹嗎？因為BB當日要到其他醫院做「面黃」覆疹，所以唔知點算好。

私人傳訊

積分: 3441

418^#

發表於 05-2-21 12:52 |只看該作者

Re: 有無將會或已經在聯合醫院生的媽媽,請進來傾下啦!

gillianchan,
你係咪個身形都係馱得好輕盈呢? 所以d sales 問你係咪得7個月..你下星期都38wks了,,38wk已經足月隨時可以出世了..
你bb大得好快呀,,肚腩仔已有40wks..嘿嘿..有7-8會好好揍啦..

joan_nyk,
唔該哂你報料呀,,,
你bb好識得出世呀..送左一份sweet sweet既 "大禮物" 比你同你老公..第日每年情人節都可以慶祝埋bb生日了,,你得閒講下你係聯合生產既經驗比我地聽丫..祝你既bb快高長大..健健康康,,你都多多休息,,,

私人傳訊

joan_nyk

民房

積分: 28

419^#

發表於 05-2-21 22:10 |只看該作者

Re: 有無將會或已經在聯合醫院生的媽媽,請進來傾下啦!

To 意粉,

謝謝你的祝賀！我呢其實14/2是我正正預產期的日子。o個朝還要到聯合產檢，雖然沒有什麼動靜。估不到下午又要入院啦！4:30PM入院，9:58PM就生啦！係醫生幫我穿水的，跟住就痛得好快好密啦！

我覺得姑娘好好！但D嬸嬸就ok啦！記得如果有什麼問題就不要怕自己問多聲。仲有幫我接生的助產士很好，好鼓勵我。所以我只痾了數下就生了小B，記得要練好D呼吸方法，掌握得好會生得順D，而不需用鉗或吸出BB，自然生產好好多o架。

祝各位待產媽咪一切順利，見到BB你就會開心到什麼辛苦都忘記啦！

私人傳訊

積分: 3489

420^#

發表於 05-2-21 23:23 |只看該作者

Re: 有無將會或已經在聯合醫院生的媽媽,請進來傾下啦!

joan_nyk~

恭喜你呀!有個咁特別既情人節,一定好難忘o者!

希望你BB健康快樂,快高長大

你今次係第一胎嗎?係仔仔定囡囡呢?老公有冇陪產呀? 你下午點解入院呀? 係因為宮縮 /見紅定係因為到左預產期呢? 點解醫生咁快幫你穿水既? 你都算生得幾快喎!唔算太辛苦吧!

好多謝你的分享,我會努力練呼吸架喇!你要好好休息,調理好身体呀!

(唔好意思呀!我都唔係好知你問既覆診問題!希望其他有經驗既媽咪幫到你喇!

)

另外我都想問下你同

其他已經係聯合生左BB既媽咪們~ 你地順產需唔需要剪會陰呀?有需要事先自己'剃毛'或者'剪短D'嗎?

(因為我唔好意思問其他人)
仲有你地係自己搭車入院定係call 999架? 如果作動果時係好遠既地方,例如旺角/香港果邊,咁叫'白車'去唔去到'聯合'架?而且係咪要好緊急先可以叫'白車'呢?
我係第一次入院留醫咋!所以真係好緊張呀!唔知係點既呢? 生BB又有幾痛呢?...我都幾怕悶架!而且係個超級電視迷,所以想知道係咪成日都可以睇電視架?夜晚幾點要關機瞓覺架?

意粉~

我都算馱得輕盈卦!仲成日尼度去果度去!

而且身材都係向橫發展,側面睇個肚唔算好大.
嗯!真係估唔到bb會大得咁快!不過知佢咁吸收都好'安慰'呀!冇白費我日日飲奶,戒食冇營養既野,但係希望佢個肚腩仔唔好太大喇!