國家地區媽媽會 今日: 0 | 主題: 20266

積分: 130

403^#

發表於 18-10-3 08:05 |只看該作者

wrymoep 發表於 18-10-2 23:55
為人父母就係咁，有時候就算唔知有幾大機會會失敗都好，都要搏一搏。唯有盡力而為。父母既苦心幾時都唔 ...

係，唔求值錢唔求被感恩，但求小朋友理解同有勇氣去面對。媽媽陪伴佢去面對，都要話離開咗就番唔到轉頭，冇嗮退路。15歲要考慮退路，更加堅定咗媽媽要帶佢離開香港的心。

私人傳訊

積分: 130

404^#

發表於 18-10-3 08:16 |只看該作者

眼訓發表於 18-10-3 01:04
中國人一日要為仔女好，就好難會主動鼓勵佢認為冇前途或低下嘅行業發展。一日d人將職業等級化，一日都唔會 ...

職業本身就唔應該分高低貴賤，但依個講法係香港就唔成立，d亞媽會話，唔好好讀書第時就去做侍應做地盤，人與人之間要比較，小朋友由n班開始已經要面對interview，被比較被選擇。我帶小朋友出去讀書，只求佢哋快樂成長開心讀書，做自己想做的工作。開心快樂健康，有勇氣同能力去面對挫折同埋壓力，足夠啦。

私人傳訊

wrymoep

大宅

積分: 1770

405^#

發表於 18-10-3 10:05 |只看該作者

眼訓發表於 18-10-3 01:04
中國人一日要為仔女好，就好難會主動鼓勵佢認為冇前途或低下嘅行業發展。一日d人將職業等級化，一日都唔會 ...

個人經歷都好重要。我父母都係二戰時細細個逃難落黎香港挨世界，教育程度低，我地幾兄弟姊妹佢地都無辦法去理，理唔掂，亦無可能有時間！我地係真正既自由發展！

係今時今日既香港，父母無可能唔理，正如你所講，唔好話結婚，第日如果打份工連租都交唔起，人生點可能會有興趣搵理想？所以父母對仔女既管教，未必唔關香港事！

如果真係可以走得到，我估我可以做到俾個女自己去選擇佢既人生，因為我相信我地兩個都唔洗佢養。人生唔嘗試去闖、去碰壁，永遠都唔會了解自己其實想要乜？

私人傳訊

wrymoep

大宅

積分: 1770

406^#

發表於 18-10-3 10:15 |只看該作者

LilianS 發表於 18-10-3 08:05
係，唔求值錢唔求被感恩，但求小朋友理解同有勇氣去面對。媽媽陪伴佢去面對，都要話離開咗就番唔到轉頭， ...

唔洗太擔心，15歲雖然比較困難，不過你同佢講既說話，佢第日25歲、35歲果陣會記得，會識得分析，會多謝你！做父母就係咁，付出完仲要面懵懵咁㗎啦。慣唔慣都過左15年，再過多幾年就會變好！仔女係青春期，父母最大既挑戰就係要學識忍耐同控制脾氣。人生必經階段。

私人傳訊

積分: 130

407^#

發表於 18-10-3 10:42 |只看該作者

wrymoep 發表於 18-10-3 10:15
唔洗太擔心，15歲雖然比較困難，不過你同佢講既說話，佢第日25歲、35歲果陣會記得，會識得分析，會多謝你 ...

無錯，要一忍再忍因為青春期真係大嗮。忍我反而無問題，自己都青春過好明白也都理解。但幫仔女決定佢哋人生去向係極大壓力，不過我都已經決定咗，破釜沉舟唔理咁多，既然要陪佢出去讀書索性帶埋妹妹，有乜三個人一齊面對一齊承擔一齊解決，相信利一定大於弊。

私人傳訊

積分: 130

408^#

發表於 18-10-3 10:49 |只看該作者

wrymoep 發表於 18-10-3 10:05
個人經歷都好重要。我父母都係二戰時細細個逃難落黎香港挨世界，教育程度低，我地幾兄弟姊妹佢地都無辦法 ...

七八十年代的人，講真冇咩家長係會理咁多，食得飽著得暖養的大就得啦。到我哋自己有小朋友，希望可以做到嘅係比多條路等佢哋有得揀。無論移民又好送出去讀書又好，都係希望行出去唔好做井底蛙。

私人傳訊

rose-mag

王國長老

積分: 174325

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

409^#

發表於 18-10-3 11:55 |只看該作者

LilianS 發表於 18-10-2 16:05
係，唔求值錢唔求被感恩，但求小朋友理解同有勇氣去面對。媽媽陪伴佢去面對，都要話離開咗就番唔到轉頭， ...

15歲要佢離開的確係比較難，因為出生喺香港，唔好話小朋友，自己都唔想走出comfort zone，但只要諗下，大不了再返去，有咩輸唔起？年青就係本錢嘛，同仔女傾清楚，佢地驚，你都驚，但有D嘢唔經歷過又點知唔會更好？係，都可能更衰，衰咪將佢變成好囉，希望在明天。

當年我細佬都係17歲跟父母移民，佢喊晒口話唔嚟，因為有女朋友仔，又有朋友，但佢上唔到大學，香港出路的確有限。後來話美國大學畢業就返香港，而家咪又過咗廿幾年，你踢佢都唔走啦，佢話美國生活簡單，唔駛下下坐飛機去旅行，road trip都好多地方玩，著得靚唔靚冇人笑你，搵錢少只係得華人睇你唔起啫，但慘得過有錢交稅，呢邊收入少仲玩下手有稅退添。

後生出去闖下，唔需要咁快為自己決定將來，我以前都冇想過會嚟咗美國，都係果句，能屈能伸，自己覺得開心就窮都冇問題，唔係偷呃拐騙，冇人可以睇你唔起囉，從來都係只有自己睇自己唔起至最悲哀；冇人可以令你唔開心，因為你可以控制自己開心定唔開心。

花旗太太生活在花旗國，留意時差，你問我未必即時答到。

私人傳訊

積分: 130

410^#

發表於 18-10-3 12:34 |只看該作者

rose-mag 發表於 18-10-3 11:55
15歲要佢離開的確係比較難，因為出生喺香港，唔好話小朋友，自己都唔想走出comfort zone，但只要諗下，大 ...

謝謝Rose滿滿的正能量，發覺自己的選擇的確冇錯，我都會努力，幫助仔仔克服擔心同恐懼，有勇氣有膽量面對未知的未來，由心出發的勇氣先會盡快適應盡快融入。同佢傾咗四次，都係過一兩個星期又反復話唔想去，我暫時冷處理，等佢自己冷靜下，12月尾執嘢時再傾傾。

私人傳訊

積分: 28239

411^#

發表於 18-10-4 07:53 |只看該作者

LilianS 發表於 18-10-3 12:34
謝謝Rose滿滿的正能量，發覺自己的選擇的確冇錯，我都會努力，幫助仔仔克服擔心同恐懼，有勇氣有膽量面對 ...

要去一個陌生的地方，有擔心同恐懼都正常。我諗返起我自己當年去寄宿學校，都係好忐忑，當時我中四，成績一向全 A，但不知為何中四那一年，數理化三科都覺得特別困難（可能係因為分左科，理科一下子程度深左好多），整年都在合格線上掙扎，我覺得唔對路，向父母求救，佢地當時問我是否想試下去外國，我諗下，都可能係一個轉機，所以當時雖然心裡好驚，但我自己決心要去

我細仔 14 歲，佢都一樣係唔太願意離開香港，我哋兩年前當大仔去美國入大學時，就諗住帶埋細仔一齊去，但佢唔想走，話唔捨得朋友仔，舊年我哋再提去美國，佢依然話唔走住，想同哥哥一樣讀到中學畢業先走，到今年開學，佢幾個好朋友陸陸續續話會出去讀書，其中一個聖誕後就走，佢而家口氣鬆左，話不如明年暑假後走啦

你仔仔唔肯走嘅原因是甚麼？也是唔捨得朋友？佢喺香港讀得開心嗎？如果讀得開心又有一班從細玩大嘅好朋友，我明白佢真係冇咩誘因想離開，15 歲呢個年紀，朋友大過天。我仔好鍾意滑雪，我話去左美國成個冬天可以個個星期去滑，佢而家好期待。你仔有冇類似嘅嘢可以 tum 住佢？

私人傳訊

積分: 28239

412^#

發表於 18-10-4 10:23 |只看該作者

LilianS 發表於 18-10-2 23:27
絕對係好有問題，忍唔住將你依段極有道理的文字copy比我先生睇，因佢完全唔覺得香港有咩問題，也唔認為小 ...

我明白，試下同先生講，送小朋友出去讀書或者甚至移民，並唔係就要完全捨棄香港，只不過係鋪多一條路比佢地，將來可攻可守

中國對香港的承諾係 50 年不變，2047 後係咩世界冇人知。你睇下冇幾耐之前修憲，主席可以永續，然後最近黨媒放風，話私營企業已經完成使命，應該逐漸離場；然後個幾星期前就有百幾間上市公司引入黨委；呢一切，同上世紀五十年代何其相似：建國初期，因為要留住資本，還允許私營企業，然後安插黨員參與運作，跟住進一步公私合營，最後吞併埋，變成完全國有。歷史會唔會重演？冇人知，但一日仲係同一個政權執政，真係難講。建國初期，好多知識分子同商家睇好新政權，留低冇走，然後大家都知道佢地落得咩下場，而家大家同樣睇好改革開放，我都希望中國吸取過教訓，唔會亂來，但有過前科，我家好多長輩吃過苦頭，我唔敢搏，點都留定一條後路，小朋友多個選擇

私人傳訊

積分: 130

413^#

發表於 18-10-4 11:32 |只看該作者

mugtaitai 發表於 18-10-4 07:53
要去一個陌生的地方，有擔心同恐懼都正常。我諗返起我自己當年去寄宿學校，都係好忐忑，當時我中四，成績 ...

仔仔唔肯出去主要原因話擔心無退路，叫我寫封信比學校留學位，但直資邊有依樣嘢啊，擔心去到唔適應，擔心被歧視，擔心無朋友，唔想離開d朋友，擔心依家係校隊有少少優勢，去到咩都由頭開始，擔心冇得去街……的確出去北美一定無香港咁多娛樂。
佢話讀的開心，但已經repeat咗一年F2，成績都只係啱好合格，試問即使係全港top 50 band 1學校而成績唔好，升u機會都係非常微。
出去條路一定寬咗，機會都多咗，傾咗幾次，傾完感覺媽媽講得好有道理，一兩個星期又反復，再傾，傾到我宜家都唔想再講，目前冷處理中。

私人傳訊

積分: 130

414^#

發表於 18-10-4 11:33 |只看該作者

mugtaitai 發表於 18-10-4 07:53
要去一個陌生的地方，有擔心同恐懼都正常。我諗返起我自己當年去寄宿學校，都係好忐忑，當時我中四，成績 ...

其實有呀，佢好鐘意打籃球，但校隊d師兄太勁根本唔到佢入，我就同佢講去到加拿大，只要佢肯係唔會唔比你入咯

私人傳訊

積分: 130

415^#

發表於 18-10-4 11:37 |只看該作者

mugtaitai 發表於 18-10-4 10:23
我明白，試下同先生講，送小朋友出去讀書或者甚至移民，並唔係就要完全捨棄香港，只不過係鋪多一條路比佢 ...

好認同，多條路對孩子的未來一定利大於弊。

私人傳訊

rose-mag

王國長老

積分: 174325

416^#

發表於 18-10-4 13:12 |只看該作者

LilianS 發表於 18-10-3 19:32
仔仔唔肯出去主要原因話擔心無退路，叫我寫封信比學校留學位，但直資邊有依樣嘢啊，擔心去到唔適應，擔心 ...

同仔仔講，姨姨我有個朋友喺香港成績唔好，佢唔啱香港傳統教育，去英國讀書，入到出名大學讀書，香港嘅老師都跌晒眼鏡，去咗十年，畢業做嘢，而家搵嘅錢比同級高，入埋數學學會，搞咗入英籍，佢上年屋企有事，申請去香港分公司返工幾個月，佢話果度D人初初睇佢一個女仔唔覺佢有料到，因為佢話唔OT，辦工時間外唔接電話，D人覺得佢太串太扮嘢，但見佢真係做到嘢真係有效率，最後冇人再敢出聲講佢壞話。

我朋友話如果當日佢冇去英國，呢D叫做風光嘅日子係諗都唔敢諗，佢自己都估唔到去到英國佢如虎添翼，由一個俾人睇死墊底嘅學生變成同級最top果幾個，仲要係一班男人中脫穎而出嘅女仔，我覺得好勵志。

其實點會冇退路？好多香港長大嘅人想法比較得意，要鬥早入學，死都唔做大仔，最好就係全班最細，但又想全班最叻，好啦，想讀果科搵到錢，又想個名聲好，咁其實冇抵觸，但如果興趣唔喺果度又點搞好？追唔上留級好似犯罪咁，其實如果留級可以更好又冇大問題啫，除咗悶之外，好多係面子問題，講到尾係虛榮感。歐美大把人唔讀大學做嘢先，遲D儲夠錢或覺得啱時機再讀都冇問題，有個單親媽媽40歲去讀護士一樣畢到業搵到工。職業真係無分貴賤，好似呢度揸垃圾車去收垃圾嘅好好人工，但唔係人人做到，要抵得陣味同唔怕肉酸，體力又係另一樣嘢。

花旗太太生活在花旗國，留意時差，你問我未必即時答到。

私人傳訊

rose-mag

王國長老

積分: 174325

417^#

發表於 18-10-4 13:29 |只看該作者

mugtaitai 發表於 18-10-3 18:23
我明白，試下同先生講，送小朋友出去讀書或者甚至移民，並唔係就要完全捨棄香港，只不過係鋪多一條路比佢 ...

我同意你嘅睇法，當年我父母已近半百依然移民，嚟到由零開始，果D話會幫你嘅親人，十個有九個都只係用把口去幫，當時我叫細佬一定要學好英文入大學，唔好卷喺唐人埠做餐館，去到美國就要學融入，好彩衰仔當年有聽我講，冇俾人睇死。

我父母正正係二次世界大戰前後出世，我公同我婆經歷過文革，佢地叫我媽走得好走，多條後路俾仔女。我爸當年喺大陸就係蘇聯老大哥年代，佢讀小學時要學俄文，一講起日本仔佢就火滾，其實回歸佢地唔係話驚，而係冇信心，見過幾多海歸，帶住錢返去建設祖國嘅最後下場係點。我都有至親仲喺香港，佢地心態係搵食賺錢，自己有自己世界，不談政治不沾邊，有上大陸做生意嘅話花咗十幾年都睇唔透，政策因人而變，因時勢而變，最近咁多打貪打瞞稅打高片酬。。。去到尾內裡係點冇人知，亦冇人敢去估，做人要下下咁太攰啦，我都係冇咩大志，求其安安穩穩開開心心就算。

花旗太太生活在花旗國，留意時差，你問我未必即時答到。

私人傳訊

積分: 28239

418^#

發表於 18-10-4 13:37 |只看該作者

本帖最後由 mugtaitai 於 18-10-4 13:50 編輯

LilianS 發表於 18-10-4 11:32
仔仔唔肯出去主要原因話擔心無退路，叫我寫封信比學校留學位，但直資邊有依樣嘢啊，擔心去到唔適應，擔心 ...

你仔好可愛，好少細路有咁多擔心

話佢知唔使咁擔心，喺美加，亞洲人而家人多勢眾，冇人敢公然歧視，而且而家唔同當年賣豬仔過來起鐵路嗰批中國人，而家嘅人係帶住技術同錢過來，香港嘅學生去到當地，理科有優勢，成績通常都好好，自己做好自己，唔好自卑，冇人會歧視

我細佬當年有 d 似你仔而家，讀老牌傳統名校，但成績強差人意，喺嗰 d 學校，成績差嘅學生老師就放棄唔理，從冇支援同鼓勵，於是自信又冇埋，成績就更差，係一個惡性循環。後來父母見咁樣落去唔係辦法，中三就送左佢去英國寄宿學校，嗰邊靈活 d 教學方法啱我細佬性格，老師又比較 supportive，做好少少就大大讚，於是信心慢慢返返來，成績好快就上左去。佢大學去左美國讀，畢業後返香港發展，而家喺一間大公司做得好好。如果當初佢留喺香港，以佢成績應該入唔到大學，今日嘅境況應該完全唔一樣

私人傳訊