嬰兒醫護 今日: 0 | 主題: 79147

積分: 1022

402^#

發表於 10-6-3 12:48 |只看該作者

原帖由 kwhyfung 於 10-6-3 02:11 發表
pyjess及各位前輩媽媽，你地好，我個B差幾日就四個月啦，但一日只訓得11-13小時，除左夜晚1點至早上10/11點（6/7am會喊食一餐奶，食完即訓）訓得好D之外，其餘時間訓教完全唔定時，nap既時間亦好短(20-30min)。我都想train BB訓教，但外 ...

你啊b食奶既時間同我啊b一樣, 除左晚上最後一餐我10點就俾佢食, 11點就要佢訓架啦! 其實我想佢早d訓架, 不過怕轉左4餐奶會瘦, 早d俾佢飲又扭又唔肯飲.

你頭3個cycle nap既時間除左第一個長d之外, 其餘11:00 & 3:00 食奶之後nap既時間短左少少, 可唔可以減少去街次數, 街上面真系太吵, even訓左都唔系太熟睡, 所以我都系weekend先會同bb出去. 晚上7:00奶之後俾佢自己玩, 盡量唔俾佢nap, 如果眼訓睇下佢肯唔肯飲多少少, 提早最後餐奶時間, 應該可以調較系12:00之前訓. 我隻b 9:00就眼訓, 我會俾佢小睡15mins, 之後整醒佢, 10點叫佢飲奶然後訓覺. 希望幫到你啦~

私人傳訊

SiuSiuLaLi

積分: 2451

畀面勳章陪月勳章

403^#

發表於 10-6-3 12:58 |只看該作者

pyjess及各位媽媽好，我BB剛剛滿咗月多幾日,近幾日愈來愈扭人抱瞓...呢兩晚又係咁由夜晚12點喊到今朝6點幾...真係好苦惱!!

首先想發洩幾句,請唔好介意...之前呢個情況都有試過,而我老公,99佢吔就會抱住佢瞓,漸漸BB俾人抱慣咗啦!!一出院我都同老公講BB喊,唔好即刻抱佢,點知我家大小姐脾氣勁臭又長氣,佢吔個個都唔忍心,最搞笑係我99話BB喊得多會突肚臍喎

真係無佢辦法!!我唔係好贊成咁早俾奶咀BB(當時未滿月),但係老公一家人堅持要用,咁好啦,晚晚要我幫佢執,搞到我睡眠質素好差!!最離譜係而家佢吔開始搞唔掂BB嘞,就俾返我抱,唉~日頭又問我點解BB噚晚係咁喊...激C!!!我好想快D TRAIN好BB,因為第時我返工日頭係我99湊B,如果我唔TRAIN好我一套,佢實用佢嗰套溺愛方式,夜晚受罪又係我自己!好嘞發洩完,舒服晒!!

我自己有SET SCHEDULE俾BB食奶奶 (我係埋身餵再加三餐奶粉):
7AM (人奶) -> 瞓
10AM (奶粉)->瞓,唔瞓就喊住扭瞓
1PM (人奶)-> 瞓
4PM (奶粉) ->喊扭瞓,差唔多瞓著99就同佢沖涼
7PM(人奶) ->通常都跟唔到,會早咗,因為BB沖完涼又喊,99要我餵佢,唉...因為咁有時8-9PM可能要食多餐人奶...
10PM (奶粉) ->老公餵,喊扭瞓,如果佢唔瞓就會到天光4AM或7AM嗰餐先瞓...
1AM(人奶) -> 瞓
4AM(人奶) -> 瞓

以上食奶時間BB大多數都有半個鐘出入,因為我見過咗時佢未醒會搞醒佢,多數要半粒鈡...不過有時都會早咗肚餓要食,咁我嗰日的SCHEDULE就亂晒...

因為佢日夜顫倒,日頭好湊係因為佢只係食同瞓,我明白要俾佢知吃-玩-睡...但係我無辦法同佢玩到,係咪佢仲太細未識同我玩...我有咩方法可以令佢日頭瞓少D?

佢食人奶時當我係奶咀,一路食一路瞓,次次用盡辦法都整唔醒佢,有時連掃風都無反應,莫講話要清醒先落床!所以一醒就又狂喊!!

佢放屁好辛苦,次次瞓緊都谷到紅晒咁縮到好似虫仔...問過健康院姑娘,話我吔無辦法幫佢,要靠佢自己學...但係佢谷完屁就喊,自己唔會瞓返要人抱抱...!!

到食奶粉嘞,佢通常食完都好精神,但係唔係同你玩,係要扭你噯佢瞓!!遲D要返工,我都要放棄餵母乳,到時全奶粉咁BB咪唔駛瞓...唉...點算?

佢換片同沖親涼都喊晒驚,次次一沖完就要啜我,如果唔係又狂喊,可能要安撫啩...我應唔應該即刻俾佢食,定係由佢喊,夠鈡先食?

最后到咗夜晚,如果嗰晚佢12點1點都唔瞓,咁我都知要陪佢一晚,噚晚我無抱佢,不過頂唔順都有俾奶咀佢,所以又係咁執...唉...點算好?點先可以幫佢調節返D作息時間?

私人傳訊

shawn

積分: 1209

404^#

發表於 10-6-3 13:15 |只看該作者

Pyjess:
三個月大!

原帖由 pyjess 於 10-6-2 22:10 發表
BB而家幾大個?

私人傳訊

積分: 24044

405^#

發表於 10-6-3 23:06 |只看該作者

3個月大BB應該全日瞓14小時左右, 晚上多D, 日間少D....你用左呢個時間表幾耐呢?

8.30俾唔俾佢瞓, 就睇下你想唔想BB早瞓....有D全職MAMI想7PM-8PM俾BB瞓, 就會好似你而家一樣, 8點左右瞓到10.30食奶, 然後再瞓...呢個時間表, 我個人來說都幾鐘意, 不過因為我在職, 無咁早返屋企, 所以先SET10.30PM俾我隻B瞓

如果8.30瞓, 午間瞓少D都OK, 所以你而家個情況OK O架, 上午同入黑瞓, 午間瞓少D, 甚至大D唔瞓, 等佢隔夠4小時 (4.30PM醒)

原帖由 shawn 於 10-6-2 20:41 發表
Pyjess, 想問下關於定時瞓覺既問題.

我隻B而家四個鐘頭食一餐 (6:30am, 10:30am, 2:30pm, 6:30pm, 10:30pm).

6:30am 10:30am, 2:30pm: 每一節頭兩個鐘頭係食同玩 (食完就玩), 跟住二個鐘頭係瞓覺,有時佢可以瞓足 ...

[ 本帖最後由 pyjess 於 10-6-3 23:14 編輯 ]

私人傳訊

積分: 24044

406^#

發表於 10-6-3 23:50 |只看該作者

pyjess及各位前輩媽媽，你地好，我個B差幾日就四個月啦，但一日只訓得11-13小時
4個月大BB全日瞓10-16小時都係正常, 所以11-13小時完全無問題
除左夜晚1點至早上10/11點（6/7am會喊食一餐奶，食完即訓）訓得好D之外，其餘時間訓教完全唔定時
慢慢將時間調早至10PM之前, BB太夜瞓對成長唔好, 如果可以7點瞓, 10點左右食多一餐, 之後瞓到6-7AM最理想...佢瞓O既時間由你定, 幾日佢就會習慣, 夠鐘就放落床, 夠鐘就叫佢起身

nap既時間亦好短(20-30min)
如果定好時間表, 最少可以瞓到45分鐘-1小時(一個瞓覺CYCLE), 瞓到2小時最好, 但唔可以多過3小時

我都想train BB訓教，但外婆一星期黎我屋企兩日幫手，weekend又會接BB返我娘家湊一日(唔過夜)，外公外婆都唔忍心俾BB喊，結果縱慣左阿B要人抱先訓得著，還好佢訓著之後放佢落床都OK。
同媽媽講清楚點先係為BB著想: 唔係想嚇佢, 不過抱瞓一年都死幾個BB, 所以為BB著想, 我地先教BB自己瞓啫, 係唔係? 要抱要玩咪等佢清醒時玩過夠囉, 唔洗抱瞓辛苦自己又辛苦BB
對住我媽咪, 我都試過係咁, 佢地一開始唔信, 出於愛護隻B (唔係我 @.@"), 要我食緊野都抱佢瞓, 最後, 因為我堅持, 所以BB知扭唔過, 自己瞓左...佢地先信, 你知咩係對BB好就要堅持, 就要忍~

仲有我阿B超鐘意去街，每次外婆黎到(11am左右)阿B就唔肯訓等去街，以前出到街佢攰會訓著，宜家大個小小出到街幾乎完全唔訓，都唔知點好。
未TRAIN好就最好唔去街住, 唔去一兩個星期, OK?

我想花幾日時間（外婆唔黎時）用你既兩分鐘方法train返BB訓教，以下時間表想請你俾D意見

7am, 11am, 3pm, 7pm, 11pm : milk
9am-11am, 1pm-2.30pm, 5pm-7pm (outside) : NAP
8am-9am, 12noon - 1pm, 4pm-5pm: play
8.30 - 7am: sleep (but have milk silently at 11pm)

另外，我又擔心weekend佢去外公外婆屋企，外公會抱住佢訓，定係weekend由得佢地抱算數呢？
未習慣唔抱瞓, 就唔好改RULES...我自己隻B一星期可以最多抱瞓一次, 係因為佢已經TRAIN好, 好穩定自己瞓, 佢好清楚個RULES 係唔抱瞓.... 如果TRAIN好, 都習慣多一兩個月先....BREAK THE RULES, 對BB同對大人個SIGNAL都唔好, 再者, BB慣左唔抱瞓會唔鐘意抱住瞓
Many many thanks!!

原帖由 kwhyfung 於 10-6-3 02:11 發表
pyjess及各位前輩媽媽，你地好，我個B差幾日就四個月啦，但一日只訓得11-13小時，除左夜晚1點至早上10/11點（6/7am會喊食一餐奶，食完即訓）訓得好D之外，其餘時間訓教完全唔定時，nap既時間亦好短(20-30min)。我都想train BB訓教，但外 ...

私人傳訊

積分: 24044

407^#

發表於 10-6-4 00:00 |只看該作者

唔好意思, 我有D累, 聽晚先再DETAIL睇一次

不過掃一掃, 見到幾樣野
1) BB未夠6星期大, 唔用得"等--拍--等"呢個方法, 太細喇, 而且你又未熟佢, 要了解下佢鐘意咩, 喊咩先得
2) 由出世開始, 已經可以固定作息時間, 不過初生唔係食就瞓, 所以, 食完, 掃好風, 就可以放佢落床, 慢慢瞓著, 有D MAMI一開始就唔抱瞓+定時作息, 根本唔需要TRAIN
3) 奶咀係干擾就唔好用, 唔洗幫佢執
4) 12點之後唔餵俾佢瞓, 直至佢喊醒要食, 然後朝早固定時間叫醒佢食早餐...就滿月, 可以慢慢幫佢戒夜奶
5) 記住, 媽媽要保護BB, 如果你覺得佢地抱瞓唔O岩, 一定要出聲

原帖由 SiuSiuLaLi 於 10-6-3 12:58 發表
pyjess及各位媽媽好，我BB剛剛滿咗月多幾日,近幾日愈來愈扭人抱瞓...呢兩晚又係咁由夜晚12點喊到今朝6點幾...真係好苦惱!!

首先想發洩幾句,請唔好介意...之前呢個情況都有試過,而我老公,99佢吔就會抱住佢瞓,漸漸BB俾 ...

[ 本帖最後由 pyjess 於 10-6-4 00:37 編輯 ]

私人傳訊

shawn

積分: 1209

408^#

發表於 10-6-4 09:41 |只看該作者

Pyjess, 多謝回覆! 呢個時間表用左三個星期.

我隻B出世開始已經係四個小時一餐, 跟醫院, 但後來佢二個半月左右時見佢快左肚餓就改做三個半小時一餐, 五月中(佢十二週時) 又改番做四個小時一餐, 因為發覺佢唔係咁快肚餓.
佢屬於少睡B, 由出世到而家平均每日瞓十一﹑十二小時左右啦! 四個小時為一節, 有時佢可以瞓足兩個鐘, 但有時只瞓到二十分鐘. 所以我諗緊係咪要減少佢日間每節既瞓覺時間? 但佢咁飄忽, 有時可以瞓得長, 有時唔得, 就算同一個時段, 可能今日瞓到兩個鐘, 第二日只瞓到四十分鐘. 如果我想改, 可以點樣定每一節既瞓覺時間呢? 同埋佢未試過四個小時完全唔瞓, 中間一定會扭眼瞓, 最少都要瞓二十分鐘. 我隻B會唔會要改為"食->玩->瞓->玩"咁樣既模式?

Pyjess, 請指教, thanks!

原帖由 pyjess 於 10-6-3 23:06 發表
3個月大BB應該全日瞓14小時左右, 晚上多D, 日間少D....你用左呢個時間表幾耐呢?

8.30俾唔俾佢瞓, 就睇下你想唔想BB早瞓....有D全職MAMI想7PM-8PM俾BB瞓, 就會好似你而家一樣, 8點左右瞓到10.30食奶, 然後再瞓...呢 ...

私人傳訊

irenehyw

複式洋房

積分: 147

409^#

發表於 10-6-5 00:09 |只看該作者

呵呵, even現在bb已經train得唔錯...都依然有長輩會忍唔到手bb一叫就拍拍佢...無辦法~佢地都係錫bb唶!! 不過我會出聲, 叫佢地唔好縱壞bb~
我自己有SET SCHEDULE俾BB食奶奶 (我係埋身餵再加三餐奶粉):
7AM (人奶) -> 瞓
10AM (奶粉)->瞓,唔瞓就喊住扭瞓
1PM (人奶)-> 瞓
4PM (奶粉) ->喊扭瞓,差唔多瞓著99就同佢沖涼
7PM(人奶) ->通常都跟唔到,會早咗,因為BB沖完涼又喊,99要我餵佢,唉...因為咁有時8-9PM可能要食多餐人奶...
10PM (奶粉) ->老公餵,喊扭瞓,如果佢唔瞓就會到天光4AM或7AM嗰餐先瞓...
1AM(人奶) -> 瞓
4AM(人奶) -> 瞓
餵奶粉幾多mL? bb 依家幾重?

以上食奶時間BB大多數都有半個鐘出入,因為我見過咗時佢未醒會搞醒佢,多數要半粒鈡...不過有時都會早咗肚餓要食,咁我嗰日的SCHEDULE就亂晒...
我會預早15mins開始整醒佢...另外唔怕schedule亂...因為呢一餐早 or 遲左, 下一餐同樣跟番schedule唻餵~

因為佢日夜顫倒,日頭好湊係因為佢只係食同瞓,我明白要俾佢知吃-玩-睡...但係我無辦法同佢玩到,係咪佢仲太細未識同我玩...我有咩方法可以令佢日頭瞓少D?
滿月bb真係訓好多, 未必可以做到食--玩--訓. 我當時都係先定時餵食, 食完抱住bb介紹下屋企d傢俬俾佢認識...同埋同佢照下鏡!剛滿月時佢都識望下鏡一臉疑惑ga la! 慢慢唻啦~佢會慢慢醒耐d, 玩耐d...

佢食人奶時當我係奶咀,一路食一路瞓,次次用盡辦法都整唔醒佢,有時連掃風

都無反應,莫講話要清醒先落床!所以一醒就又狂喊!!
放心, 我個bb當初都係點掃風都無反應...風車大迴環都照訓可也...試下掃腳板, 換片, R大脾, 放低佢坐一陣etc etc. 如果都係唔得, 終極方法有凍水紗巾抹面!! 另外, 睇下你忍唔忍得...我建議隔4小時餵...未夠鐘就喊, 頭一兩日等佢喊30min先俾佢埋身食, 睇下會唔會餓d 食得多d...

佢放屁好辛苦,次次瞓緊都谷到紅晒咁縮到好似虫仔...問過健康院姑娘,話我吔無辦法幫佢,要靠佢自己學...但係佢谷完屁就喊,自己唔會瞓返要人抱抱...!!
多d按摩肚肚...一於每次食完奶唔知做乜好...就同佢輕輕用手指o係肚臍位置順時針打圈...記住一定要用陰力...細力d~

到食奶粉嘞,佢通常食完都好精神,但係唔係同你玩,係要扭你噯佢瞓!!遲D要返工,我都要放棄餵母乳,到時全奶粉咁BB咪唔駛瞓...唉...點算?
返工唔代表要放棄餵母乳...母乳真係最好的baby food...盡量keep 到半歲大啦~ 可以pump出唻用樽餵架嘛! 況且你baby 都可以用樽食奶粉...何不轉為用樽食媽媽奶?? 同埋, 唔好曖佢訓啦...乖啦, bb係有能力學識自己訓覺!

佢換片同沖親涼都喊晒驚,次次一沖完就要啜我,如果唔係又狂喊,可能要安撫啩...我應唔應該即刻俾佢食,定係由佢喊,夠鈡先食?
試下一路沖涼一路哼歌仔...可能有用...我bb唔多怕沖涼, 就算洗頭喊...一放落水就唔喊...可能因為有沖涼網靠住個背脊, 所以有安全感d...同埋你一定要捉實佢...如果真係喊得好勁. 試下落水後將bb背脊向天, 你隻手掌向上托實bb心口...佢心口掂到暖水+掂實你掌心.
另外, 你忍到喊的話, 我會建議等夠鐘先食...再唔係, 試下打直抱起bb, 等佢收聲...

最后到咗夜晚,如果嗰晚佢12點1點都唔瞓,咁我都知要陪佢一晚,噚晚我無抱佢,不過頂唔順都有俾奶咀佢,所以又係咁執...唉...點算好?點先可以幫佢調節返D作息時間?
當初bb勁扭眼訓, 我先上唻搵solution. 但係因為做唔到controlled crying, 所以放棄左一排...之後試過俾奶咀bb, bb係就係喊少左, 不過我要成日起身執奶咀. 因為執得太多太密, 我一怒之下決定一定要train好bb!! 要train好bb, 首先媽媽要好有決心...

我相信bb日夜顛倒, 可以用夜晚dim燈or熄燈餵奶的方法幫佢調教番o岩. 加上定時定候餵食...bb作息通常都可以好穩定

剛開始training係一個過渡期, 你bb會喊好多, 周圍d人個個都會叫你放棄...但係媽媽要堅持...要深信自己做緊的野係為bb好...咁你就會無咁怕bb喊!!

同埋喊係初生bb唯一的運動! 所以佢想運動就俾佢運動下啦~ 喊20-30分鐘唔會少左忽肉架~

我的bb現在3個月大, 夜晚日頭都訓得好, 定時食奶. 雖然一日只食4 餐奶, 但係體重繼續上升緊~ maintain 75% 度~ 好開心鍾意笑鍾意同人傾計...我只係辛苦左2個星期去train bb, 就換唻一個開心bb...我覺得好值得...

私人傳訊

irenehyw

複式洋房

積分: 147

410^#

發表於 10-6-5 00:30 |只看該作者

原帖由 shawn 於 10-6-4 09:41 發表
Pyjess, 多謝回覆! 呢個時間表用左三個星期.

我隻B出世開始已經係四個小時一餐, 跟醫院, 但後來佢二個半月左右時見佢快左肚餓就改做三個半小時一餐, 五月中(佢十二週時) 又改番做四個小時一餐, 因為發覺佢唔係咁快 ...

我插下咀先~我bb同你bb差不多大...應該可以互相參考下~ 佢平時食完玩的時候精靈嗎? 因為夠訓bb會好精靈下!! 最近我開始將佢最後一個nap的時間縮短, 佢平均訓少左...雖然無乜扭眼訓...但有時夜晚會好似無乜mood...悶悶不樂咁~

留意下你的bb, 睇下佢夠唔夠訓. 夠訓的話, 真係不妨食玩訓玩. 盡量令每個小睡時間平均d...

另外夜晚睡眠對bb緊要d~~如果bb 日頭真係訓得麻麻地...不妨日頭俾佢訓少d. 夜晚早d 放番床仔訓覺~~

私人傳訊

SiuSiuLaLi

積分: 2451

畀面勳章陪月勳章

411^#

發表於 10-6-5 09:55 |只看該作者

呵呵, even現在bb已經train得唔錯...都依然有長輩會忍唔到手bb一叫就拍拍佢...無辦法~佢地都係錫bb唶!! 不過我會出聲, 叫佢地唔好縱壞bb~
我自己有SET SCHEDULE俾BB食奶奶 (我係埋身餵再加三餐奶粉):
7AM (人奶) -> 瞓
10AM (奶粉)->瞓,唔瞓就喊住扭瞓
1PM (人奶)-> 瞓
4PM (奶粉) ->喊扭瞓,差唔多瞓著99就同佢沖涼
7PM(人奶) ->通常都跟唔到,會早咗,因為BB沖完涼又喊,99要我餵佢,唉...因為咁有時8-9PM可能要食多餐人奶...
10PM (奶粉) ->老公餵,喊扭瞓,如果佢唔瞓就會到天光4AM或7AM嗰餐先瞓...
1AM(人奶) -> 瞓
4AM(人奶) -> 瞓
餵奶粉幾多mL? bb 依家幾重?
---->我餵120ml奶粉,bb出世時6磅3,而家8磅2。

以上食奶時間BB大多數都有半個鐘出入,因為我見過咗時佢未醒會搞醒佢,多數要半粒鈡...不過有時都會早咗肚餓要食,咁我嗰日的SCHEDULE就亂晒...
我會預早15mins開始整醒佢...另外唔怕schedule亂...因為呢一餐早 or 遲左, 下一餐同樣跟番schedule唻餵~
---->等我都試下預早15mins叫bb食奶奶,不過我有個問題,如果bb今餐早咗食,咁下餐咪又會早咗喊食,我會嘗試噯下bb,但通常last唔得耐,最后都係要早俾佢食...我99話bb早/遲咗食今餐咪開多d/少d俾bb食,下餐adjust返,我聽落好似好有問題咁,所以無咁做!其實咁做會唔會對bb腸胃唔好架?

因為佢日夜顫倒,日頭好湊係因為佢只係食同瞓,我明白要俾佢知吃-玩-睡...但係我無辦法同佢玩到,係咪佢仲太細未識同我玩...我有咩方法可以令佢日頭瞓少D?
滿月bb真係訓好多, 未必可以做到食--玩--訓. 我當時都係先定時餵食, 食完抱住bb介紹下屋企d傢俬俾佢認識...同埋同佢照下鏡!剛滿月時佢都識望下鏡一臉疑惑ga la! 慢慢唻啦~佢會慢慢醒耐d, 玩耐d...

佢食人奶時當我係奶咀,一路食一路瞓,次次用盡辦法都整唔醒佢,有時連[url=http://das.baby-kingdom.com/www/delivery/ck.php?n=a136fd11&cb=11224471]掃風

[/url]都無反應,莫講話要清醒先落床!所以一醒就又狂喊!!
放心, 我個bb當初都係點掃風

都無反應...風車大迴環都照訓可也...試下掃腳板, 換片, R大脾, 放低佢坐一陣etc etc. 如果都係唔得, 終極方法有凍水紗巾抹面!! --->用凍水抹面我試過,bb只係醒一下,之后繼續瞓,真係俾佢激死!佢次次食人奶都係邊啜邊瞓,有時真係好懷疑佢係咪有食到奶架!我而家唯有跟健康院e生話限佢啜半粒鈡就停囉!
另外, 睇下你忍唔忍得...我建議隔4小時餵...未夠鐘就喊, 頭一兩日等佢喊30min先俾佢埋身食, 睇下會唔會餓d 食得多d...
--->我忍得,不過身邊的人唔忍得,整日覺得我虐待bb咁!

佢放屁好辛苦,次次瞓緊都谷到紅晒咁縮到好似虫仔...問過健康院姑娘,話我吔無辦法幫佢,要靠佢自己學...但係佢谷完屁就喊,自己唔會瞓返要人抱抱...!!
多d按摩肚肚...一於每次食完奶唔知做乜好...就同佢輕輕用手指o係肚臍位置順時針打圈...記住一定要用陰力...細力d~
--->佢一食完就瞓,咁係咪瞓咗都可以幫佢按摩?

到食奶粉嘞,佢通常食完都好精神,但係唔係同你玩,係要扭你噯佢瞓!!遲D要返工,我都要放棄餵母乳,到時全奶粉咁BB咪唔駛瞓...唉...點算?
返工唔代表要放棄餵母乳...母乳真係最好的baby food...盡量keep 到半歲大啦~ 可以pump出唻用樽餵架嘛! 況且你baby 都可以用樽食奶粉...何不轉為用樽食媽媽奶?? 同埋, 唔好曖佢訓啦...乖啦, bb係有能力學識自己訓覺!
--->我都想繼續餵母乳,但係工作關係未必有時間pump奶,老公又唔想,佢覺得bb咁扭計唔瞓係因為食母乳的關係...

佢換片同沖親涼都喊晒驚,次次一沖完就要啜我,如果唔係又狂喊,可能要安撫啩...我應唔應該即刻俾佢食,定係由佢喊,夠鈡先食?
試下一路沖涼一路哼歌仔...可能有用...我bb唔多怕沖涼, 就算洗頭喊...一放落水就唔喊...可能因為有沖涼網靠住個背脊, 所以有安全感d...同埋你一定要捉實佢...如果真係喊得好勁. 試下落水後將bb背脊向天, 你隻手掌向上托實bb心口...佢心口掂到暖水+掂實你掌心.
--->初時因為坐月唔濕得水,所以99幫bb沖,而家坐完月佢吔又怕我唔識整親bb...其實我都好試下同bb沖涼...但係我又唔想99誤會我唔俾佢搞bb,因為佢之前幾日去咗街街,無喺屋企,已經開口周圍同人講話幾日無抱過bb...唉...好似講到係我唔俾咁...不過我都要買返d沖涼網先!
另外, 你忍到喊的話, 我會建議等夠鐘先食...再唔係, 試下打直抱起bb, 等佢收聲...
--->我試過打直bb抱佢真係會平靜d,不過阿99又聽埋d三八講咁抱會整親bb脊骨...不過我唔理佢lu!

最后到咗夜晚,如果嗰晚佢12點1點都唔瞓,咁我都知要陪佢一晚,噚晚我無抱佢,不過頂唔順都有俾奶咀佢,所以又係咁執...唉...點算好?點先可以幫佢調節返D作息時間?
當初bb勁扭眼訓, 我先上唻搵solution. 但係因為做唔到controlled crying, 所以放棄左一排...之後試過俾奶咀bb, bb係就係喊少左, 不過我要成日起身執奶咀. 因為執得太多太密, 我一怒之下決定一定要train好bb!! 要train好bb, 首先媽媽要好有決心...

我相信bb日夜顛倒, 可以用夜晚dim燈or熄燈餵奶的方法幫佢調教番o岩. 加上定時定候餵食...bb作息通常都可以好穩定

剛開始training係一個過渡期, 你bb會喊好多, 周圍d人個個都會叫你放棄...但係媽媽要堅持...要深信自己做緊的野係為bb好...咁你就會無咁怕bb喊!!

同埋喊係初生bb唯一的運動! 所以佢想運動就俾佢運動下啦~ 喊20-30分鐘唔會少左忽肉架~

我的bb現在3個月大, 夜晚日頭都訓得好, 定時食奶. 雖然一日只食4 餐奶, 但係體重繼續上升緊~ maintain 75% 度~ 好開心鍾意笑鍾意同人傾計...我只係辛苦左2個星期去train bb, 就換唻一個開心bb...我覺得好值得...

真係好多謝你的意見,我會消化下同繼續努力,首先定咗個食奶時間,之后要搞返掂個日夜,慢慢再train佢睡眠...希望會喺我返工前成功,等99同工人跟住follow!!如果唔係都唔知點算!!

私人傳訊

kwhyfung

男爵府

積分: 5185

412^#

發表於 10-6-5 23:39 |只看該作者

原帖由 pyjess 於 10-6-3 23:50 發表
pyjess及各位前輩媽媽，你地好，我個B差幾日就四個月啦，但一日只訓得11-13小時
4個月大BB全日瞓10-16小時都係正常, 所以11-13小時完全無問題
除左夜晚1點至早上10/11點（6/7am會喊食一餐奶，食完即訓）訓得好D之外，其餘時間訓教 ...

多謝pyjess同各位媽媽既意見。我同我媽溝通過，佢依然堅持BB喊要馬上理佢，唔好俾佢喊到對人冇哂信心喎

可能因為佢完全冇湊過我，宜家可以湊下外孫當補償，錫到個外孫燶，話我由佢喊係虐待佢

其實BB頭兩個月未開始送去外公外婆屋企過weekend時係好乖肯自己訓完全唔使人抱架，我同老公之前一向冇抱訓，宜家俾外公外婆開壞左個頭啦。唔去街我諗都有D難，因為阿B已經識得見到外婆就要去街街啦，宜家外婆上黎兩三個鐘都未帶佢出門佢會扭扭拎拎唔食奶唔訓覺不停怪叫。
如果我只係將佢tune返早D訓（九點訓到朝早七點，十一點邊訓邊食，七點食完奶就玩逼佢醒），日頭就keep住食玩訓，只定時餵食，食完就玩，玩到佢攰就由佢自己訓，唔訓就玩到下餐食完佢一定攰就唔玩即刻訓，咁得唔得呢？我發現BB會自己tune睡眠時間，去街既日子訓得少，第二日唔使去街佢會nap耐D。

成人每日應進食400g蔬果

私人傳訊

史科菲

子爵府

積分: 10469

陪月勳章

413^#

發表於 10-6-5 23:41 |只看該作者

原帖由 pyjess 於 10-5-28 23:06 發表
各位朋友, 因為我開始返新工, 所以少左上黎~

好多謝各位媽咪的鼓勵, 有時唸個B咁細仲有好長的路要行. 感覺好大壓力, 好想搵多D錢俾最好的佢, 自己成日想俾多D時間佢, 但係好似無晒自由, 成日都想好似以前出去食野,行街,去旅行,同朋友去飲野玩吓 ---一唸到呢D時間都唔夠就好似好多野煩,都唔知煩咩. 人人都話我老公好錫我, 只係佢成日係大陸, 我一個人揍B感覺好大壓力.

pyjess我的確同你好似, 而你地亦估中晒.

1)我都返新工啦, 本來都好矛盾, 個心好錫BB好想陪佢. 但係唔想係屋企對住個工人, 而且自己無耐性照顧佢. 呢個時候仲有工做咪嗱嗱聲去囉. 休息幾日都只係自己去街, 無咩時間陪BB都幾內疚. 但係我係屋企, 佢成日都唔sleep.搞到的時間錯晒....不過好在唔使再TRAIN.

2) 原生家庭唔開心

3)本來極唔鍾意小朋友, 亦唔多想結婚, 點知結咗一個月就中咗, 我一知道不停喊, 唔敢去驗. 但既然係上天送的小天使咪開開心心接受佢. 我老公一直都唔係對我特別好, 我地成日都閙交. 人地唔知成日話我好命.

4) 我本身都好有事業心, 唸住有一番作為, 將時間投資係事業.

我成日唸 : 呢D生活我都唔知自己會唔會有一日走佬....

仲有:祝你工作愉快

[ 本帖最後由史科菲於 10-6-5 23:48 編輯 ]

私人傳訊

積分: 24044

414^#

發表於 10-6-6 00:34 |只看該作者

SiuSiuLaLi: IRENEHYW俾左好寶貴O既意見~
有幾點想補充:
1. 我都聽過BB喊得多會肚臍突....不過係唔係真係因為喊, 我就唔知喇, 只可以話你聽, 我地用呢個方法TRAIN, BB都無突肚臍, 聽過有突肚臍(無TRAIN)O既媽媽講, 呢個情況會幾個月後消失, 唔洗處理
2. BB喊, 千萬唔好排除佢真係唔舒服O既可能性...因為我見你話佢食完奶扭眼瞓就喊, 但係通常你奶奶會抱佢瞓, 咁係唔係抱住都喊呢? 如果抱住都喊, 咁即係唔想瞓/唔想抱住瞓/唔想抱...總之有其他野唔舒服喇~
3. 我見你話你同老公一家對點湊小朋友有意見分歧...呢樣野最好快D解決, 先同老公傾好點樣湊/教, 點解, 會發生咩事, 有咩結果....以抱瞓做例子: 點教-定時作息+睡前指定活動+安心物品, 原因: 每個BB都有學習能力, 自己瞓係正常表現, BB自己瞓比較安全, 相反每年都有幾個BB因為大人抱瞓/陪瞓導致意外; 會發生咩事: BB初時唔慣大喊, 後來明白左就唔會扭; 結果: BB同大人都可以瞓天光, BB脾氣好D.....因為老公應該較易比你O既美人計收服, 所要KO左老公先, 再由老公教育6299...
4. 正如之前講, 可以開始戒夜奶喇~ 12點過後, 瞓左唔喊唔餵, 我以前唔識湊, 老公見我見到隻B兩點眼碌碌但唔喊, 但我就好擔心, 佢問我: 佢都無喊要食奶, 做咩要餵呀? 結果BB 6個星期大就戒左夜奶
5. 你有餵奶粉, 咁, 有無俾水佢呢? 全人奶唔洗飲水, 但飲奶粉要喎.... 佢有屁放, 可能係想大大, 但去唔到, 飲水同埋每日按摩都解決到
6. 瞓唔瞓, 同食人奶定奶粉無關, 反而可能同時段有關
7. 我都好同意IRENEHYW講唔好放棄人奶, 要知道有人奶俾BB食, 對你同BB都係一種福份, 係俾BB最好O既禮物, 係有選擇....我自己就同呢個福無緣喇, 只可以麻醉自己, 雖然無選擇, 但係佢長得大咪算囉

8. 同BB沖涼之前同佢開開心心講:要沖涼喇, 我地去玩水水喇, 可始沖之前, 拍D水落佢心口; 換片前又同佢講要換片....嘻嘻, 為左BB開心(定係娛樂自己呢) 我老公作左手換片歌, 好多時都會一路換一路唱
9. 改3.30或6.30沖涼, 因為沖完BB可能會口乾, 沖完就食奶, 因為你都想一個清醒食奶O既BB
10. 俾另一樣安慰物品佢咬, 樓上有MAMI話:就算食奶咀, 都O係佢瞓著之前攞走
11. 食奶要除衫, 因為食奶係BB最大O既運動, 你都唔會著好多衫做運動喇

原帖由 irenehyw 於 10-6-5 00:09 發表
呵呵, even現在bb已經train得唔錯...都依然有長輩會忍唔到手bb一叫就拍拍佢...無辦法~佢地都係錫bb唶!! 不過我會出聲, 叫佢地唔好縱壞bb~
我自己有SET SCHEDULE俾BB食奶奶 (我係埋身餵再加三餐奶粉):
7AM (人奶) -> ...

[ 本帖最後由 pyjess 於 10-6-6 00:38 編輯 ]

私人傳訊

積分: 24044

415^#

發表於 10-6-6 01:02 |只看該作者

等我都試下預早15mins叫bb食奶奶,不過我有個問題,如果bb今餐早咗食,咁下餐咪又會早咗喊食,我會嘗試噯下bb,但通常last唔得耐,最后都係要早俾佢食...我99話bb早/遲咗食今餐咪開多d/少d俾bb食,下餐adjust返,我聽落好似好有問題咁,所以無咁做!其實咁做會唔會對bb腸胃唔好架?
如果係開奶粉, 開返一樣份量, 我醫生更加話, 開滿一支細奶樽, 唔好怕浪費....佢唔食會表現唔想食(推開奶樽, 喊, 甚至嘔返少少出黎)

用凍水抹面我試過,bb只係醒一下,之后繼續瞓,真係俾佢激死!佢次次食人奶都係邊啜邊瞓,有時真係好懷疑佢係咪有食到奶架!我而家唯有跟健康院e生話限佢啜半粒鈡就停囉!
除衫食奶

我忍得,不過身邊的人唔忍得,整日覺得我虐待bb咁!
如果佢地想你餵奶, 你咪MIMI摩摩開奶, 拖到夠鐘, MAXIMUM早/遲15分鐘

佢一食完就瞓,咁係咪瞓咗都可以幫佢按摩?
我自己O個陣要返工, 一日都只係按一次, 都OK, 按摩都要搵一個佢心情靚O既時間, 鬼咁眼瞓仲搞人, 人地唔LIKE O架~ 所以下午/晚上正常活動時間最好

我都想繼續餵母乳,但係工作關係未必有時間pump奶,老公又唔想,佢覺得bb咁扭計唔瞓係因為食母乳的關係...
我朋友食午餐時PUMP2支奶, 佢餵全人奶餵到歲半左右....而且佢唔係食奶粉之後唔瞓咩? 咁點會同人奶有關呢?

初時因為坐月唔濕得水,所以99幫bb沖,而家坐完月佢吔又怕我唔識整親bb...其實我都好試下同bb沖涼...但係我又唔想99誤會我唔俾佢搞bb,因為佢之前幾日去咗街街,無喺屋企,已經開口周圍同人講話幾日無抱過bb...唉...好似講到係我唔俾咁...不過我都要買返d沖涼網先!
我奶奶好好, 但, 我到而家都會借頭借路氹佢開心; 我第一次同BB沖涼, 就叫奶奶睇住, 教我點幫BB沖....睇多幾次, 佢都好放心....做人心抱/老婆, 點都要氹下人, 你"借D椅"話佢聽, 佢對你好重要, 佢地會好開心....仲有, 佢地幫左你, 你記住表揚, 人人都鐘意人讚....大人如是, BB如是

我試過打直bb抱佢真係會平靜d,不過阿99又聽埋d三八講咁抱會整親bb脊骨...不過我唔理佢lu!
其實你奶奶唔係錯晒, 當然, 睇下你點抱喇....以前隻B未有力, 我地打直抱, 一定將佢放晒係自己個身

原帖由 SiuSiuLaLi 於 10-6-5 09:55 發表
呵呵, even現在bb已經train得唔錯...都依然有長輩會忍唔到手bb一叫就拍拍佢...無辦法~佢地都係錫bb唶!! 不過我會出聲, 叫佢地唔好縱壞bb~
我自己有SET SCHEDULE俾BB食奶奶 (我係埋身餵再加三餐奶粉):
7AM (人奶) -> ...

私人傳訊

積分: 24044

416^#

發表於 10-6-6 01:33 |只看該作者

我同我媽溝通過，佢依然堅持BB喊要馬上理佢，唔好俾佢喊到對人冇哂信心喎

原帖由 kwhyfung 於 10-6-5 23:39 發表

多謝pyjess同各位媽媽既意見。我同我媽溝通過，佢依然堅持BB喊要馬上理佢，唔好俾佢喊到對人冇哂信心喎可能因為佢完全冇湊過我，宜家可以湊下外孫當補償，錫到個外孫燶，話我由佢喊係虐待佢其實BB頭兩個月 ...

[ 本帖最後由 pyjess 於 10-6-6 01:36 編輯 ]

私人傳訊

積分: 24044

417^#

發表於 10-6-6 02:03 |只看該作者

條路係好長, 不過"擁有"小朋友O既時間最多唔多過15年, 到佢十幾歲, 你又要學點放手, 等佢飛LU~ 而家TRAIN佢瞓, 教佢行路, 俾佢返學識朋友仔, 都不過係一步一步學放手, 小朋友就學獨立...

近排成日去花園街睇野, 發現平價但QUALITY好好O既口水肩, 俾某大牌子賣O既仲要好用; 同樣道理, 用多錢唔代表俾到最好佢....MJ就係一個人辦, 佢好有錢, 擁有最好, 但佢唔開心, 要濫藥

你去街, 佢又去, 佢學到野, 你又唔洗被困....不過, 我覺得你最大O既煩惱係老公唔O係身邊...以我同你相似O既情況, 我走得過, 真係因為家人支持.....如果你有咁大困擾, 我覺得你要同老公提出, 你需要佢O係你身邊, 尤其而家CRITICAL MOMENT, 你好想同佢SHARE開心唔開心, 同佢SHARE BB學識呢樣, 學識O個樣

如果你地成日吵, 點解唔去做下婚輔? 有時吵唔係問題, 最怕反而係"衰莫大於心死", 做下婚輔, 搵到兩個人溝通O既方法, 可能你地都會發現, 其實你地都心愛對方, 唔想傷害對方...

ANYWAYS, 雖然呢個POST係講BB瞓覺, 但係樓主同一眾媽媽都好想SHARE你BB成長記一點一滴, 想SHARE你開心唔開心~

原帖由 史科菲 於 10-6-5 23:41 發表

好多謝各位媽咪的鼓勵, 有時唸個B咁細仲有好長的路要行. 感覺好大壓力, 好想搵多D錢俾最好的佢, 自己成日想俾多D時間佢, 但係好似無晒自由, 成日都想好似以前出去食野,行街,去旅行,同朋友去飲野玩吓 ---一唸到呢D ...

私人傳訊

kwhyfung

男爵府

積分: 5185

418^#

發表於 10-6-6 03:55 |只看該作者

其實我會問: 唔理佢一分鐘, 第二次2分鐘...如此類推, 係唔係=唔理? 就即刻對人無信心? BB係唔係無理到漠視我日間對佢照顧充足, 同佢玩, 定時餵?
我只可以話, 以我自己O既例子, 我隻B好鐘意我地, 好痴我地, 但亦好識分"奘閒", 到而家17個月大, 我地叫佢唔可以做O既野佢會唔做, 明知唔會扭到我地, 就算扭, 一見勢識唔對就會死死地氣, 仲會講"對唔住"...但係去到教會嬰兒房, 佢會主動搞下人(咁細個, 未識同人玩, 不過唔驚人, 會攞左人地D玩具), 我對佢O既形容係: 識行, 識走, 識追狗...真O架, 佢去到人地屋企, 又會同狗玩/玩狗...又會好多笑聲
咁, 係唔係"對人無信心"O既表現呢?

我當然唔會認為放底佢一兩分鐘再去看一看佢叫佢自己一個訓係「唔理佢」／會「對人無信心」，一喊就有人理我反而怕縱到佢習慣左只要喊就可以得到佢想要既野。

當初我多多錢都要搵本地人做保母, 唔肯俾工人/我媽媽/我爸爸湊隻B就係怕會縱壞, 我唸, 你返工的話, 都要唸下呢個方法, 我奶奶教落: 易子而養, 其實好有道理....唔係唔俾自己媽媽愛鍚BB, 只係限於唔俾佢縱
你可能覺得我嚴/無人情味, 唸得太多, 但係明知媽媽咁縱佢, 我驚佢大D, 咩都聽晒個細路話, 要風得風, 到時唔變港孩都幾難, 我媽媽以前教我: "就係得一個, 唔教, 一個都無埋"

我遲D八月就要再返學啦(research postgrad)，會請工人黎湊BB，都好驚會縱壞佢。

BB而家已經識扭計, 俾我, 我會幾日唔帶佢出街 (俾我老公, 會幾日唔帶佢, 但自己出街 - PS. 佢以前教過書), 等佢明白, 大人先有AUTHORITY.....我係唔係好無人情味呢? 不過我睇過好多SUPERNANNY O既節目同書, 都係指向一樣野, 做家長, 一定要建立AUTHORITY

少少題外話，睇左你既回應我同老公傾左一陣關於AUTHORITY既意見。AUTHORITY的確好重要，尤其是孩子還小還未會自行判斷對錯時，家長可靠AUTHORITY恩威並施引導孩子做正確既事/判斷。但我唔想為建立AUTHORITY而去限制孩子，我唔想只要佢扭就一定唔俾，而唔俾既原因係因為佢扭計。因為我正正就係咁樣長大既，我由細到大父母都好有AUTHORITY （我DADDY退休前都係教書既），只要我扭計／想反對佢地既決定，我爸爸就會打罵或唔理我直至我順從，久而久之我習慣左唔反抗佢既決定/要求，細個時我依然會痴佢地，但總係有D疏離，明明覺得自己有自己既道理/原因都唔會同佢講，唔係冇計傾，但溝通總係硬係差咁D。我細個時係驚我爸爸驚到佢一開聲叫我，我就會不自覺成身震一震架（我唔為意，係我媽話我知既）。同埋我宜家對平輩、後輩可以好outgoing，對長輩、上司、教授等「有權威」人士會有少少無謂既畏懼，次次interview/seminar俾人question我會有D「縮」，creativity亦麻麻地，諗返起應該就係細個時爸爸既「父權」有點太過，變成輕微心理陰影。當然，我爸爸用佢既AUTHORITY引導我／逼我o係人生頭二十年行左一條唔錯亦頗順暢既路，成績操行以至課外活動都從來唔使佢地擔心。但我唔想我同囡囡將來既關係會變成我同我爸爸咁，亦唔想囡囡好似我咁樣。我希望我有一定既AUTHORITY令囡囡明白父母會容許佢做合理範圍內既任何事，而父母唔俾佢做某D事／要佢做某D事總會有原因，佢可以唔同意o個D原因，可以拎出黎傾。但o係佢到某個歲數前佢要服從我地，到某個年紀後佢唔同意我地既話佢可以堅持，但要自己承擔後果。但我又拿捏唔準我到底要幾時開始、點開始先可以建立到果種authority，因為小朋友太細實在好難傾／講道理，但如果等到佢可以講道理先開始「建立authority」我又怕太遲。o係中國人社會，要一個孩子順從父母乖巧聽話唔太難，有心管教就得，但我想囡囡順從權威之前先自行思考判斷，做個有個性有思想但尊重權威既人。我諗，o係佢大到可以講道理之前，我會視乎佢扭計既野合唔合理去接納／唔接納佢既要求，但我唔會因為佢扭就否定佢既要求。但我亦見識過一個少年（十四五歲）同佢父母好close好friend，但佢父母完全冇AUTHORITY，宜家佢父母想叫佢做合理既野（例如見佢成績差想跟進佢既學習）佢會反抗，或者陽奉陰違，又似乎係另一個極端。點樣由父母既authority同尊重小朋友既自主性之間取得平衡真係好困難。
講返BB宜家見到婆婆就想去街呢件事。現時佢一星期去三個下午街街，我覺得唔算好過份。去街冇影響佢既食量，佢既總睡眠時間又夠，其實我覺得係OK既。我有D猶疑既只係佢宜家日頭NAP既時間唔定，令我自己食飯、泵奶、做家務唔方便，同埋佢好似以為婆婆＝出街，咁好似唔太好，但似乎婆婆本人又唔介意佢呢個新「定位」，而婆婆又唔會癲到日日都黎同BB去街，一星期兩三個下午我似乎又冇必要阻止，好矛盾。

如果我只係將佢tune返早D訓（九點訓到朝早七點，十一點邊訓邊食，七點食完奶就玩逼佢醒），日頭就keep住食玩訓，只定時餵食，食完就玩，玩到佢攰就由佢自己訓，唔訓就玩到下餐食完佢一定攰就唔玩即刻訓，咁得唔得呢？
唔得, 定時作息, 你先明白佢喊咩, 佢真係好攰時, 你會唔擔心佢其實玩左3個鐘, 比前日多2個鐘, 所以肚餓?
唔好意思, 我SET O既TIMETABLE通常唔俾人問"得唔得", 尤其你仲未TRAIN...你未掌握到BB想點, 就要跟足

我自問都清楚阿B要乜野，佢肚餓會忽然喊到拆天，要人陪佢就會e e ya ya同咋喊，想訓覺時會無哂神氣／喊得好可憐咁，一俾奶咀佢就會合埋眼（不論係抱緊定係放佢上BB床）。除左attention seeking, NAP不定時同胃仔淺一餐奶通常要分兩次之外，其實唔算難湊。我想要個時間表，主要其實係想證明俾我阿媽睇BB可以自己一個訓，唔使人抱訓，同埋想佢知道BB每訓到30-45min會自然醒一醒，唔理佢就可以繼續訓多一個cycle。如果有個run得好既時間表，咁我阿媽就會信服，唔會阿B一發聲／喊就去抱佢。當然BB訓教有時間表我日常做野都更方便。我唔係質疑跟你既時間表得唔得，我好肯定有心train個BB唔會唔得，只係我諗緊佢NAP既時間同長短好唔好俾D flexibility BB。終歸我媽一聽到阿B喊就抱先係我現時最大既問題。（俾冇親身湊過自己仔女既老人家湊孫真係好大鑊，我父母係好例子。我諗到囡囡大個佢兩老唔會咁縱既，畢竟我爸爸教書，對外孫女既品行學業一定有要求，但宜家湊BB真係唔係好得）

我發現BB會自己tune睡眠時間，去街既日子訓得少，第二日唔使去街佢會nap耐D。
去少D街

我係唔係好無人情味呢? 不過對住小朋友, 真係要恩威並施, 呢個係我呢17個月黎, 同埋老公做教書時所得O既結論

我唔覺得你冇人情味喎。你有你既教育信念、背後既理由同成功執行你既信念，我覺得好好。而且你唔介意花時間分享你既心得，遂一回應各個媽媽，我好佩服你。只係我既方式想法可能部分同你既唔同啫，大家都係想為子女好。

原帖由 pyjess 於 10-6-6 01:33 發表
我同我媽溝通過，佢依然堅持BB喊要馬上理佢，唔好俾佢喊到對人冇哂信心喎
其實我會問: 唔理佢一分鐘, 第二次2分鐘...如此類推, 係唔係=唔理? 就即刻對人無信心? BB係唔係無理到漠視我日間對佢照顧充足, 同佢玩, ...

成人每日應進食400g蔬果

私人傳訊

積分: 24044

419^#

發表於 10-6-6 16:41 |只看該作者

好少有POST要令我唸幾個鐘先答到, 多謝你令我唸得更多

A. 如果你相信: 一喊就有人理會令BB以為喊就可以得到佢想要既野, 咁, 何防堅持自己一套教法呢? 不過我都明白, 如果爸爸係教書, 媽媽都唔會係一個普通C9, 尤其上一代, 要令佢地認同你所唸, 俾結果佢睇當然係一個方法, 另一個方法就係俾立論同數據佢睇....關於教養, 我同媽媽/奶奶都無分歧, 因為小朋友係我地O既, 有分歧O既係同老公之間, 不過討論點教, 一方面, 由隻B出世之前, 已經不斷討論大原則; 另一方面我地都係"見步行步"去討論細節 (因為每個階段都會有唔同, 隻B O既反應同其他B又未必相同), 教法/結論未必正確, 但我地行動會一致, 咁隻B對於我地O既原則就唔會CONFUSE.
再多D同媽媽討論喇, 佢當然有佢O既苦心, 但你亦要講出你O既擔心...而我覺得你O既擔心唔係多餘

B. 工人最少會聽你講點教B, 有時我覺得好過自己親人湊B, 但最大問題係, 工人唔想, 但怕左小主人, 所以應教都唔教...我自己無請工人, 但見人地一D幾好O既例子係: 要教BB學識尊重每一個人, 我地做大人O既亦要尊重工人O係黎幫我地, 唔係俾我地"洗", 而好多個呢D家庭都會當工人係人, 唔係工具, 關心佢地O既需要, 當佢地係家人
我記得細個時聽個一個同學對住老師講: 你份糧都係我MAMI俾O架, 你應該XXXX...點解個同學會咁唸, 因為佢MAMI都係咁唸, 而且當正老師係工具
當正你工人係家人咁, 溝通好點對待BB, 除左自己唔O係屋企O既時間, 自己都一手一腳湊BB, 工人主要都係做家務

C. AUTHORITY:
其實我唔係話要24小時用降服小朋友, 更加唔係"唔俾"O既原因係"扭"; 或者講講我地O既教法喇
1. 我同老公會為隻B定界限: 佢可以周圍行, 但唔可以入廚房, 唔可以搞電線; 佢可以要求人同佢玩, 但唔可以顧住玩唔食唔瞓.... 呢D界線, 背後一定有原則, 危險/危害健康/影響其他人都係唔可以O既, 但除此以外, 佢係FREE TO DO ANYTHING
2. 由出世開始, 我地唔會認為佢唔明, 所以唔講, 因為我地唔知佢幾時明....一開始, 我地會同佢講咩野係唔做得, 佢有"越界"行為, 我/爸爸/奶奶都會行動一致, 其中一個同佢同一個EYE LEVEL, 嚴肅認真地同佢講: 曳, 因為你XXX; 佢唔再做呢個行為, 我地會做晒表情動作高音咁讚佢: 叻叻, 你無做XXX就叻叻
3. 如果佢越界而唔知錯, 我地會"罰"佢, 但我地從來都唔打, 因為以武力最勝, 勝之不武, 相反, 我地會要佢坐O係BB車, 唔俾佢玩, 同佢講: 因為你XXX, 所以而家罰你, 因為你表情動作語氣已經表現出你唔高興佢XXX, 通常佢會唔開心喊, 但一陣子O既"分開"(唔抱佢, 唔理佢) 佢會明白自己唔O岩, 通常佢平靜少少, 或者一分鐘左右 (我隻B細, 罰佢一分鐘已經係天荒地老), 我地要佢講對唔住或者鍚返我地表示歉意, 我地亦會鍚佢, 攬佢, 溫柔同佢講, 因為你XXX, 危險/會痛痛/令其他人痛痛, 所以我地唔俾你XXX, 好喇, 而家原諒你喇, 你可以繼續玩...佢就放監
4. 如果我地誤會左, 錯罵/錯罰, 我地會同隻B講對唔住, 會攬住錫佢, 要求佢原諒我地無明白佢
有一次, 隻B得4個月大, 佢太熱喊, 爸爸唔知, 仲罵佢, 放返佢落床, 唔理佢...我放工返黎, 見佢咁, 明白, 就即刻幫佢除衫, 隻B本來喊左一個鐘, 一除衫就唔喊...爸爸知錯, 即刻抱住佢講對唔住, 隻B就EE AR AR 抱怨爸爸唔明佢(平時隻B唔多出聲O架), 爸爸錫隻B, 又抬高隻B小小, 要B錫返佢.... 佢地和好如初
5. 我地平時會有固定時間同隻B玩....唔係"陪"佢玩, 係"同"佢玩, 我會坐O係地, 佢玩積木, 我又玩, 我同爸爸踢沙灘波, 隻B又走埋黎玩....YOU SEE THE DIFFERENCE? 我地ENJOY玩呢D野, 所以小朋友先會ENJOY
6. 我地會追住隻B黎錫, 尤其佢而家識行識走識追狗, 有時玩緊, 我地都會走埋去攬到緊一緊錫~ 再同佢講, 我地好鐘意佢, 又會要求佢錫我地

呢D, 就係我講O既恩威並施: 有界限, 有罰則, 但係做O岩左會讚, 隻B會錯, 大人都會錯, 大人BB都要認錯, 要亙相原諒, BB都可以表達佢不滿O既地方(雖然我地聽唔明), 玩時, 要盡情地玩, 每日都同B講你愛佢

7. 我自己都係上一輩傳統教法, 都臣服權威, 但係人大左, 發現, 當我不斷QUESTION MIND, 呢D權威人會好鐘意我, 所以我愈來愈放膽表達

8. Authority 由BB開始建立, 如果到佢識行識走識追狗時, 你見到佢玩電制, 先唸住用"authority"叫停佢, 我唸, 太遲喇

9. 小朋友學野, 唔係由個腦, 係由對手...我意思即係, 你要定界, 佢試過搞電制俾你叫停, 俾你話曳, 同危險, 過一段時間, 佢自明唔好搞電制O既原因, 所以想佢先自行思考判斷, 都係要俾左界限佢先, AROUND6歲, 佢地開始DEVELOP分析能力, 你就可以放鬆D

D. Creativity 同界限的確有關, 不過唔係無界限就可以CREATIVE, 相反, 細時要有界限, 之後愈來愈鬆...創作力, 本來就係COPY+改少少, 到改多多....我自己唔識音樂, 但老公識, 佢聽返一D名家曲樂, 初期O既"創作"90%COPY人地O既野

E. 其實你係一個好好O既MAMI, 你會唸點樣對小朋友最好, 當然你O既最好未必O岩我, 我O既亦未必合你, 但會唸, 真係好重要....

F. 拿捏時間:
呢個就係我話"見步行步"O既地方, 上面講O既方法, 本來唔O岩一個2歲以下O既小朋友, 因為佢地表達能力不足, 但係當我地見到隻B會因為我地話"曳"就唔再越界, 當我地讚佢叻, 佢會"鬆毛鬆翼", 我地就知佢已經聽得明, 所以就用呢套"罰則"
我只可以俾個GENERAL GUIDELINE, 就係2歲前無OPTION, 2-4歲2 個OPTION, 仲要2個係你選左O既"事"或"件"...EG, 你要2歲O既小朋友換衫, 你攞2件合天氣/場合O既佢選一, 如果你開個櫃俾佢選, 佢可能會大冬天OR去飲, 但選件泳衣, 因為件泳衣係粉紅色, 而佢又唸起想去游水

G. 我仲以為你地日日出街, ALTERNATIVE DAY都OK...

H. 佢NAP O既2小時, 唔好"由得佢"鐘意NAP就NAP, 唔鐘意就玩, 因為小朋友咁細, 今日同聽日唔同, 佢對個SIGNAL會好CONFUSE, 一CONFUSE, 佢會比較易發脾氣...再者, 你見我SET O既時間表通常同大人可以配合到, 所以SET左NAP到2.30, 少過其他NAP, 因為配合返你地出街...如果由得佢鐘意, 會影響你地生活作息, 呢個絕對唔係個TRAIN想做到O既結果....再者, 佢活動多左, 真係會影響佢早左想食...到時你會唔明佢喊咩

I. 婆婆＝出街，我覺得幾好, 因為婆婆唔黎, 就無街去, 就會安心瞓, 如果佢會扭你出街就煩囉, 日日想瞓都唔瞓

J. 可能你BB幾識表達, 但係, 有時B自己都會唔知自己想點... 佢地會以"想要"O既野為大前題, 唔理"應做O既事"
我隻B就試過夠鐘瞓都仲好似勁量電芯咁, 個樣一D都唔攰, 但我按時捉佢去瞓, 5分鐘就瞓著
嘻嘻, 所以雖然你好想俾多D FREEDOM 你女女, 但係, 一方面2歲內都唔應該有OPTION住, 再者佢地會唔知自己想掂, 第三, 多左少左活動 (清醒時間), 一定會影響胃口, 到時好易搞亂時間表; 最後, 呢個時間表係想你TRAIN時用, 如果2星期後, 你OBSERVE到佢某D時間死都唔瞓, 先改喇

K. 唔好意思, 以下說話可能唔O岩聽...不過都要講, 我地想SET時間表, 係為BB好, 想佢瞓得好, 長大, 唔係想"證明俾我阿媽睇BB可以自己一個訓..."，因為阿媽可以O係BB自己識瞓都唔信, 都要抱瞓, 只因為佢想抱住可愛O既瞓左O既BB

L. 嘻嘻, 縱孫係每個祖父母O既最大權利, 同有無湊個B無關...隔代同盟是也~ 雖然你相信爸爸會管你女女O既品行, 不過我會防患未然...所以講到最後, 都係要溝通, 最少, 講明你點解想咁教女女, 做左人MAMI, 就算以前唔敢對爸爸講理由, 而家都要為左女女O既原固, 同兩老講

M. 你咁讚我, 我會面紅O架喎!

原帖由 kwhyfung 於 10-6-6 03:55 發表
其實我會問: 唔理佢一分鐘, 第二次2分鐘...如此類推, 係唔係=唔理? 就即刻對人無信心? BB係唔係無理到漠視我日間對佢照顧充足, 同佢玩, 定時餵?
我只可以話, 以我自己O既例子, 我隻B好鐘意我地, 好痴我地, 但亦好識 ...

[ 本帖最後由 pyjess 於 10-6-16 01:00 編輯 ]

私人傳訊