少年成長 今日: 1 | 主題: 16093

積分: 33215

402^#

發表於 12-10-1 21:04 |只看該作者

Yoio 發表於 12-9-30 23:11
好多謝你咁坦白指出我問題, 愈睇愈覺得心虛....
...

你唔介意便好了, 唔坦白係幫你唔到...................... 如果幫不到, 那我花這麽多時間答為乜？

私人傳訊

積分: 33215

403^#

發表於 12-10-1 23:20 |只看該作者

Yoio 發表於 12-9-30 23:14
Sandra:
睇完382個REPLY有點唔明, ignore唔係指唔好望佢, 唔好同佢講野嗎? 「唔係physically丟低佢」係咩意 ...

Yoio :

ignore 响呢度可譯作忽視................... 如果小朋友做了壞行為, 你唔望佢唔啋佢, 係 ignore 佢整個人唔理佢, 其實亦即係表示嬲佢同罸緊佢, 咁做佢一方面會學咗你「嬲」人, 另一方面, 你對佢嘅壞行為表示嬲, 亦即係「有反應」, 對 attention seeking 嘅小朋友嚟講, 佢目的已經達到 ! 我講 ignore係 ignore 壞行為, 佢話要d XX, 你唔俾佢就喊, 咁你只須要 ignore 佢喊/扭, 依然唔俾佢, 如果你唔啋佢嬲佢, 咁到幾時算完呢 ? 你去問佢 ? 咪又進入沒完沒了 ? 即係一切照舊, 只係當佢冇喊冇扭一樣, 佢問你嘢你咪照答 lor.

我唔知佢唔飲水嘅情況係点, 如佢唔係成日都唔飲水, 佢今早嘅唔飲水只係佢嘅一種選擇, 並唔係一個壞行為, 冇得 ignore, 就好似唔做功課一樣, 你只能想辦法叫佢做, 有乜嘢可以 ignore ?

私人傳訊

Yoio

積分: 2338

404^#

發表於 12-10-2 23:04 |只看該作者

SandraLo 發表於 12-10-1 23:20
Yoio :

ignore 响呢度可譯作忽視................... 如果小朋友做了壞行為, 你唔望佢唔啋佢, 係 ignore ...

明白晒!!! 原來我一直都錯左.... 所以你講得冇錯, 我次次都唔知幾時先可以睬返佢, 最後可能又讓半步咁。佢係成日都唔飲水, 如果溝少少果汁就飲好多。我要諗下方法叫佢飲先得。呢兩日堅持只俾水, 真係全日只飲幾啖, 希望佢會慢慢適應!

Thanks very much!!!

私人傳訊

積分: 33215

405^#

發表於 12-10-4 22:39 |只看該作者

Yoio 發表於 12-10-2 23:04
明白晒!!! 原來我一直都錯左.... 所以你講得冇錯, 我次次都唔知幾時先可以睬返佢, 最後可能又讓半步咁。佢 ...

Yoio :

飲水嗰度都一樣可以用讚, 不過就要飲咗先讚 (一啖都好)..............
你得閒去吓圖書館, 有好多圖文並茂嘅bb書, 當中有好多係關於日常起居、點解要做/唔好做d 乜, 例如小朋友不好入厨房(危險), 不好偏食, 要有禮貌等等, 你夜晚當 bedtime story 咁同佢講, 响事情未發生時講定, 會免卻好多衝突！

私人傳訊

snoopymom

積分: 3653

406^#

發表於 12-10-5 09:25 |只看該作者

回覆：小朋友大脾氣,可以點教 Part III

Sandra 老師，我仔3歲半，最鐘意講同做相反嘅嘢，當我知道要多稱讚時，就趁佢乖讚佢，：＂你好乖喎，安靜地坐係位食飯，＂跟住隨即佢就話：＂我唔乖！＂跟住就做哂啲唔乖嘅嘢，我嘅稱讚反而激發佢唔好行為。点算？

私人傳訊

cy210

積分: 4028

畀面勳章

407^#

發表於 12-10-5 16:31 |只看該作者

Hi Sandra,

你好...睇過你D POST, 咁就學下用你既方法去教我個2歲仔仔...但係當佢做錯事或者佢想要一D 野時 (而我唔想俾佢玩) 佢就學訓地...狂喊.....我用ignore 方法..唔理佢...佢就不停喊..仲將個頭撞地下...撞門...令到你一定要理佢...如果係咁..我可以用咩方法令佢唔好再撞頭呀

...謝謝.......

私人傳訊

積分: 33215

408^#

發表於 12-10-5 21:37 |只看該作者

snoopymom 發表於 12-10-5 09:25
Sandra 老師，我仔3歲半，最鐘意講同做相反嘅嘢，當我知道要多稱讚時，就趁佢乖讚佢，：＂你好乖喎，安靜地 ...

snoopymom :

做相反嘢嘅背後, 咪又係 attention seeking (引你去話佢) ......................
佢做哂啲唔乖嘅嘢包括乜嘢？你有冇俾反應？

私人傳訊

積分: 33215

409^#

發表於 12-10-5 23:29 |只看該作者

cy210 發表於 12-10-5 16:31
Hi Sandra,

你好...睇過你D POST, 咁就學下用你既方法去教我個2歲仔仔...但係當佢做錯事或者佢想要一D 野 ...

cy210 :

咁你有冇用讚呢？
佢撞頭或做任何傷害自己嘅嘢你都要 stop 佢, 但你決定咗唔俾佢嘅嘢, 就一定唔可以因為佢撞頭而俾佢............
依家你地係點處理？就範？鬧佢？

私人傳訊

cy210

積分: 4028

畀面勳章

410^#

發表於 12-10-5 23:56 |只看該作者

SandraLo 發表於 12-10-5 23:29
cy210 :

咁你有冇用讚呢？

有用讚....讚佢佢會好開心...不過一到佢想要既野..而我地唔俾佢...佢就發哂癲咁去傷害自己...我地試過鬧佢, 佢只會不停咁喊...但就冇再撞頭(因為我地抱住佢), 同佢講道理, 佢唔聽..會 COVER 佢既EARS. 最後就係..就範....當佢見到我地拎佢想要既野出黎....佢就收聲唔喊...不過我地唔會即係俾佢....會同佢講佢既唔岩...要佢道歉..先再俾佢玩...

亦試過用其他野代替...例如...佢好鐘意食既餅餅...咁佢就會唔喊...一樣我地都會同佢講佢既唔岩...先再俾餅餅佢食...

都唔知做得岩唔岩...不過真係唔知有咩方法可以去教佢....請幫忙......

私人傳訊

積分: 33215

411^#

發表於 12-10-6 22:34 |只看該作者

cy210 發表於 12-10-5 23:56
有用讚....讚佢佢會好開心...不過一到佢想要既野..而我地唔俾佢...佢就發哂癲咁去傷害自己...我地試過鬧佢 ...

cy210 :

你一定冇睇我之前嘅任何 post ............
「最後就係..就範」 ~~ 你就範嘅話, 就係教緊佢撞頭呢招係 work 嘅, 繼續撞頭就乜都有！
「都唔知做得岩唔岩」~~ 當然係最錯嗰隻！！！
你試諗吓, 佢一撞頭就乜都有, 佢駛唔駛理你講乜(道理或鬧)做乜？以後就撞頭啦！重要一撞頭就唔止有原本想要嘅, 重有額外 offer, 分分鐘好過原本要求嘅, 咁点解唔撞呢？

處理方法：
佢要求嘅嘢你先諗咗俾唔俾得佢先好決定「話」俾定唔俾, (例如佢要把菜刀, 你一定唔會俾你先好至話唔得), 一切要响佢喊或者撞頭之前就要決定.
你決定咗唔俾佢嘅嘢, 就一定唔可以因為佢撞頭或者喊而俾, 佢撞頭或做任何傷害自己嘅嘢你只須 stop 佢, 但唔須要鬧或打甚話, 只須話咗唔俾就唔俾, 同千祈唔 offer 代替品就得！
如果佢撞頭就有, 讚係冇用, 因為佢可以一方面享受你嘅讚, 同時享受你俾佢佢扭番嚟嘅嘢. 由你嘅方法(佢冇扭你讚, 佢扭你又乜都俾), 佢永遠唔知邊樣係好行為, 邊樣係壞行為.
呢樣嘢你處理得唔好, 大d 佢揾刀架頸就要你做乜都得架啦！請好好處理 !

你唔駛睇好多我之前答嘅, 請睇番前一版 post #389 Yoio 個 case就明多d !

私人傳訊

BABYPURPLE

子爵府

積分: 13261

412^#

發表於 12-10-6 23:28 |只看該作者

見到個topic就係好大感受
我大仔剛6歲....佢一扭野就會發癲...
今日先癲完一次....幫佢温默書...同佢講如果啱晒有兩粒朱古力...有錯就得一粒....
最後係有錯...所以只可食一粒....佢就開始扭要食兩粒....因為我企硬就只得一粒...再嘈就連一粒都無.....佢就開始不停大叫...又打人..我收埋d朱古力..佢就千方百計去揾野企高拎..拎唔到又出黎大叫...又搞住細佬做功課....不停重覆呢d好滋擾人既行為....後尾我都費時同佢嘈.....
擾攘左好耐....佢冷靜左少少就同佢傾返...佢又要求有返原本既一粒獎勵...不過因為佢大吵完...我話唔比...佢又嘈....唉.....好煩....

私人傳訊

積分: 33215

413^#

發表於 12-10-7 22:09 |只看該作者

BABYPURPLE 發表於 12-10-6 23:28
見到個topic就係好大感受
我大仔剛6歲....佢一扭野就會發癲...
今日先癲完一次....幫佢温默書...同佢講如果 ...

BABYPURPLE :

如果佢每次扭都扭唔到, 按道理係唔會扭到咁顛.................
會唔會佢扭嗰陣你俾咗太大反應令佢覺得攞到你 attention 就已經夠 ?
你話咗「默書啱晒有兩粒朱古力...有錯就得一粒」, 之後就唔可以因為佢有其他問題而改變原先只同默書掛勾嘅「初衷」, 亦即係你承諾咗嘅嘢就一定要做, 你唔鍾意佢發脾氣, 可以用讚+罸, 但要事先 define 點為之發脾氣, 同發脾氣就會罸乜, 唔好隨自己當時心意同嬲嘅程度改變諾, 否則, 係你自己其實都發緊佢脾氣！

私人傳訊

snoopymom

積分: 3653

414^#

發表於 12-10-7 22:11 |只看該作者

回覆：SandraLo 的帖子

Sandra 老師，謝謝你回覆，如上述例子：食飯讚佢乖，佢就會話我唔乖，跟住離坐去玩，或入房瞓係度，如果我ignore佢，佢就會繼續玩，佢係可以唔食飯嘅噃唔知点解，所以我會用睇書來引佢返來食（佢餐餐都係睇書送飯），如扭得緊要我就會話：＂要食飯定罰企呀？＂咁佢都會返來食嘅。其他唔好嘅行為包括危險嘅行為，唔話唔得，如爬櫃，爬洗手盆。

其實attn seeking 的行為是否來自平時attn 唔夠呢？係咪同佢玩多啲就可以減少依啲行為呢？

謝謝你的回答！

私人傳訊

積分: 33215

415^#

發表於 12-10-8 22:32 |只看該作者

snoopymom 發表於 12-10-7 22:11
Sandra 老師，謝謝你回覆，如上述例子：食飯讚佢乖，佢就會話我唔乖，跟住離坐去玩，或入房瞓係度，如果我i ...

snoopymom :

如食飯嗰陣你冇讚佢, 佢會乖定係同樣做番嗰d 曳嘢？
你有冇試過真係罸佢企抑或只係嚇佢？
唔會佢其實餐同餐中間時間太短？有冇試過遲d 先食飯俾佢有餓d嘅感覺佢會食得好d？

私人傳訊

sexymami

積分: 2573

416^#

發表於 12-10-10 13:58 |只看該作者

回覆：Minniebaby 的帖子

我個女同你個仔一樣！
真係冇晒辦法！

佢依家有好啲嗎？

私人傳訊

bebeching