Re: 2005年5月媽咪會(Part 2)
Fannylok, angelhair, smallfish, kitsumyuen, Louise&Ken, 小谷，沙沙 & ALL
多謝你地。要更正吓先,阿b重4.09公斤,有9磅重,同fanny個b而家幾乎一樣咁重。 :mrgreen:
smallfish,係呀,我真係等到頸都長呀,唔知阿b係咪知道佢係包尾大班b,所以啲體重要一出世就追到你地。好在我有得用無痛,大大減低咗陣痛嘅感覺,唔係我都痛9個鍾有多,你都咪話少嘢。
雖然陀住阿b一路都知佢係大隻B, 不過冇諗過佢會9LBS重。我咁嘅年紀,生得佢出重要係順產兼唔駛用夾夾佢出嚟,我都服咗我自己,不過最大功勞係個助產士嘅指導。我覺得我好好彩,生嗰朝唔係幾多大肚婆,我好快就被安排去產房催生。產房啲姑娘好好,喺我催生而子宮未開嗰陣同我傾偈講吓笑。我10.20am 人工穿水(第一個新手醫生9am左右同我穿水唔成功,佢話我子宮頸長,要搵個第二個有驗嘅醫生嚟再幫我穿水)。一路個子宮都唔開。本來我喺5号產房生,直到4點鍾因為5号產房另有安排,我被移去4号產房。我一轉咗4号產房子宮就開始開嘞,而我亦覺得4号產房個助產士有經驗啲叻啲。如果是另一個助產士,真有機會痾唔出阿大舊b呀。因為用咗無痛感覺唔到大痛而配合唔到right ｔｉｍｉｎｇ 去出力痾，就係個助產士嘅引導兼佢係咁用埋佢食奶啲力大力拉阿ｂ出嚟先至成功順產咋。真係好多謝佢。我唔夠氣力，要一共大力痾咗四次先至成功，幾驚唔成功要開刀呀。痾出阿Ｂ嗰吓，真係如釋重負，而見到阿Ｂ咁肥白，真係好開 心。
阿b 都算好揍。雖然我鍡人奶,但暫時未有奶,所以最終都要補奶粉。尋晚係回家嘅第一晚,阿b喺差唔多1點吃完奶粉, 一瞓就天光,要我今朝喺7am攪佢先識醒。淨話又係,12點吃完奶,佢一路瞓,又要我6pm 攪醒佢食奶。今朝去健康院時問姑娘怕唔怕bb掛住瞓食得少,姑娘話佢肚餓就自然會醒要奶吃。嘩,如果我餵奶粉就發達呶,不過我一上奶就盡量唔比奶粉佢食,到時佢就應該捱唔到咁耐啦。
我係一個都幾八卦嘅人, believe in 因果, 風水命理。有果必有因 。
.....點算? :-(
發表於 
返回列表
