影視娛樂 今日: 4 | 主題: 16126

積分: 174325

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

4182^#

發表於 25-5-29 10:35 |只看該作者

chocolatebean 發表於 25-5-29 10:07
在人間好似唔錯喎! 有穎寶

佢最近輿論翻車，素養差。以為自己上咗位，開始飄。

花旗太太生活在花旗國，留意時差，你問我未必即時答到。

私人傳訊回覆引用

積分: 174325

4183^#

發表於 25-7-17 14:39 |只看該作者

近來冇咩劇吸引，於是重擦瑯琊榜，差不多10年過去，依然有好多經典場面賺人熱淚。
剛開朝雪錄，見網上有人過唔得，但又有人讚李蘭迪瘦咗靚咗好多，而且演技有進步。暫時覺得唔錯，改編自步月淺妝小說《權寵之仵作醫妃》，大理寺卿之女沈莞父母被卷入朝中爭鬥慘死，侯府秦二爺為救沈莞而死，沈莞因此假借秦二爺之女秦九娘子身份回京調查，她憑高超醫術和勘驗術，携手朔西軍少帥、睿王世子燕遲破懸案、尋真凶，一步一步探清沈家滅門真相。

李蘭迪本來就係靚女，妝造襯得佢出眾。同劇亦有不少演員熟口熟面，如余承恩（星漢燦爛樓垚）、任重、王姬（上陽賦皇太后、山河月明馬皇后）、戴春榮（還珠格格皇后、蘭陵王胡皇后）、鄧英（錦繡南歌沈夫人）、李岱昆（山河令蝎王、重紫慕玉）等，其中最認唔到就係恬妞演嘅大長公主，如果唔係見到演員表都唔知係佢。演秦府丫環采荷嘅孫雪寧（唐朝詭事錄櫻桃）又係唔係好認到。

花旗太太生活在花旗國，留意時差，你問我未必即時答到。

私人傳訊回覆引用

whywhite22

翡翠宮

積分: 75929

2025勳章蛇年勳章

4184^#

發表於 25-7-23 23:33 |只看該作者

rose-mag 發表於 25-7-17 14:39
近來冇咩劇吸引，於是重擦瑯琊榜，差不多10年過去，依然有好多經典場面賺人熱淚。
剛開朝雪錄，見網上有人 ...

我都睇緊朝雪錄，男女主角好襯，劇情緊湊

你唔講真係唔知大長公主係恬妞，完全認唔到

私人傳訊回覆引用

積分: 174325

4185^#

發表於 25-11-16 13:10 |只看該作者

回覆樓主：

本帖最後由 rose-mag 於 25-11-17 10:43 編輯

好耐冇入BK，咁啱見到有個帖回咗幾個JM，講開推介電視劇，對上係7月中講朝雪錄，睇到咁上下，覺得某D唔太合理，但湊合睇算係中上，玄幻探案包裝嘅偶像劇點中觀眾穴度，播出當時口碑唔錯。李蘭迪呢次減肥成功，扮相靚，演技更成熟，同敖瑞鵬有CP感，其他配角顏值在線，演技大部份都幾到位，唯一係任重演得用力過猛，太過刻意，奸得太著跡，顯得其他角色低智。最好戲係演木偶嘅女配角，動作表情都非常精彩。後半部到結局不斷說大道理，但又有好多反駁位，如果以偶像劇標準去評價，呢套算中上。

私人傳訊回覆引用

積分: 174325

4186^#

發表於 25-11-16 13:52 |只看該作者

回覆樓主：

本帖最後由 rose-mag 於 25-11-17 10:44 編輯

推介一套短劇《一夢如初》，改編自行之的同名小說，我睇過小說，全篇23章，故事圍繞少女陳寶銀報答溫家人嘅故事，好好睇，推介鍾意睇小說JM去睇。https://super-puppys.com/book/chapter/15108375

拍成電視劇，女主身世同人物都有改動，so far okay，以短劇嚟講，男女主男女配都演得好好，女主娜一係新疆人，輪廓有混血味，樣有D似代斯，靚女得嚟有D英氣。男主劉旭威亦出生於新疆，樣幾斯文，氣質乾淨正氣，演溫家大郎君。

故事唔算複雜，其中長公主角色雖係奸人，但演員演瘋批長公主令人印象深刻。同名主題曲由男女主兩人演唱，歌詞好有意思。
attach0/tmp/phphKqiwv

私人傳訊回覆引用

積分: 174325

4187^#

發表於 25-11-16 14:49 |只看該作者

回覆樓主：

本帖最後由 rose-mag 於 25-11-17 10:50 編輯

一向續集都唔及初版咁好，《唐朝詭事錄》卻打破宿命，第二輯西行同初版咁受歡迎，第三輯叫長安，就係接住西行結局時盧凌風被任命運送西域金桃回長安，金桃引發第一個探案，全劇40集，已播出20集，包括八個探案：〈康國的金桃〉、〈成佛寺的哭聲〉、〈白澤的蹤跡〉、〈諾皋記〉、〈旗亭畫壁〉、〈去天尺五〉、〈借齡者〉與〈盛世馬球〉。

經過兩輯，每個角色都有成長，特別係盧凌風，除咗冇以前咁衝動之外，佢對生母同裴喜君嘅感情更敢於表現，角色變得更立體，佢處於生母同天子爭奪拉扯嘅風口浪尖，左右做人難，一方面渴望得到天子嘅信任，一方面又開始認清天子嘅虛偽，佢心中嘅家國大義反而於朝中難以施展；生母對佢嘅愛，佢既不敢回應，又難以不回應，可惜係好多時變成令人覺得佢在利用同公主母子之關係扶助天子。

蘇無名新一輯依然係白衣之身，後被封為刑獄博士，仍然唔算係真官，但查案以他為主力，繼續訓練引導盧凌風，知道盧不擅官場政治，好多時候都擔任說客，於公主及天子之間周旋，佢圓滑又巧舌如簧，以另一種方法保護師弟盧凌風。

今輯開初已令人對太平公主呢個角色又愛又恨，佢不甘於屈於天子之下，因為覺得自己更能令大唐壯大，佢氣度不輸男子，但不及其母武則天有魄力有遠見有手段，佢一見到親生兒子，母愛即時泛濫，演員演活了被兒子懷疑時表現的心痛，面對懷疑時坦然又不屑，雖說岳麗娜係關係戶，但佢演技無可挑剔。

相對太平公主，唐天子就顯得虛偽、多疑、小器、氣怒無常，一向覺得太子/天子呢個演員演得很不大體，有網友講天子望落成隻烏龜咁樣，望多幾望又真係有D似，可能一直係編劇嘅伏筆，作為太子時要隱忍，成為天子後算計臣子，表面扮成為人親厚，就算第一輯時對盧凌風嘅冷漠同折騰，最後竟被說成是保護。

呢套劇越寫越複雜，公主天子兩邊嘅人各懷鬼胎，非一般嘅探案劇。除咗原班人馬演出第三輯，其中好些演過第一輯第二輯嘅演員都再出現於第三輯，有同樣身份角色，亦有不一樣身份背景只有相同一張臉，如劉十七、那列小王子，奏孝白跟空了等。

私人傳訊回覆引用

積分: 174325

4188^#

發表於 25-12-24 10:42 |只看該作者

追完唐詭之長安，真係失落，又要等。。。點知冇耐又有唐詭4，叫唐詭奇譚，其實好似小說嘅番外或外篇，原來係唐詭3長安分出嚟，唐4雖然有21集，但其實每集都好短，得十幾廿分鐘，分為兩個故事，第一個叫解憂店，佔咗15集半，後面5集半為另一個故事眚宮歌，如果以時序排，第三季《旗亭畫壁》《解憂店》《去天尺五》《借齡者》《盛世馬球案》《眚宮歌》。

解憂店揭開雞師公嘅過去，亦繼旗亭畫壁帶出之暗殺組織血滴再留伏筆，以後新續章必再出現此暗殺組織。

眚宮歌以馬球為背景，講述更多朝廷過去歷史，一個精神病瘋子無辜殺害多條人命，而精神病真係有家族遺傳。。。

呢兩個故事出場人物集中為唐詭六人組，第二個故事有馬蒙返場，馬蒙進升，於以後應會再出現。唐詭四輯以來，返場演員眾多，似乎劇組有留意觀眾喜好，其中幾個被觀眾讚賞演員都再出現，或以原角色再出場，或以新人物角色出場，唐詭亦對雙胞胎、三胞胎同人有相似情有獨鍾。。。舊人物亦有新職位新身份於之後再出現，好似之前捕快三人組、馬蒙、獨紹暇叔、輕紅、熊刺史等，可能以為裴侍郎會回歸都未定。

唐詭4比較血腥，可能係咁從正篇劃出嚟成為第4輯，以短劇形式出現。選角依然好，兩個單元嘅中心人物都選得稱職，即使係小角色小配角都演得其所，每個角色都有高光時刻而令人番下印象。

今次主題曲唔係于毅唱，少咗蒼涼味，但保留詭異感，一樣係要留意歌辭。

花旗太太生活在花旗國，留意時差，你問我未必即時答到。

私人傳訊回覆引用

積分: 174325

4189^#

發表於 25-12-24 10:45 |只看該作者

另外見到有人話唐詭奇譚之九重樓定檔12月26日，呢個係唐詭衍生之內容，只有身為萬年縣尉嘅蘇無名加喜君，以調查韓棠設計嘅連環命案展開。

花旗太太生活在花旗國，留意時差，你問我未必即時答到。

私人傳訊回覆引用

積分: 17051

4190^#

發表於 25-12-24 21:22 |只看該作者

尋晚追曬「双轨」同小說，近期我最喜歡嘅劇，拍得比小說好，（個人認為）。之前未聽過何與，呢套劇佢演得好好。成套劇有啲頭文字D feel, 但整體而言真心唔錯，由其我向來麻麻現代青春劇

私人傳訊回覆引用

積分: 174325

4191^#

發表於 25-12-25 12:35 |只看該作者

本帖最後由 rose-mag 於 25-12-24 22:25 編輯

babycakez 發表於 25-12-24 05:22
尋晚追曬「双轨」同小說，近期我最喜歡嘅劇，拍得比小說好，（個人認為）。之前未聽過何與，呢套劇佢演得好 ...

何與之前演過《與鳳行》拂容君，《九重紫》青年時候嘅皇帝，《雙軌》雖然扑扑地，但因為何與角色人設好，佢收咗一大波粉絲。

睇戲真係個人口味，好多人地話好睇嘅，我又未必覺得好，反而有D名不驚傳嘅睇落又唔錯。我睇咗套唔係太多人講嘅，《他為甚麼依然單身》，改編自日劇《不能結婚的男人》，男主霍建華，女主朱珠，霍演一個周身怪癖嘅室內設計師，毒舌直男，往往15分鐘唔夠就把話聊死，本身係好人，但說話不會轉彎，雖然有才華又長得好看，但性格傲嬌自以為是，又OCD又高度自我，朋友家人都頂佢唔順，好多觀眾話霍建華根本係本色出演，我感覺好彩霍個角色有副好皮囊，心地又好，否則呢種人真係想有朋友都難，個角色有對佢不離不棄嘅同事徒弟，後來又有朱珠喜歡佢。朱珠真係好正，做個急診室醫生，有美貌又有智慧，仲有顆仁心。最不要得係加插女二，一個唔太討喜嘅無腦角色，成日要人救，劇組又不斷加戲俾佢，出場時間仲多過女主朱珠。成套劇開頭好好笑，後面幾集有少少強加悲情，不過so far係幾好睇，輕鬆得嚟，又有好多金句，入面有D配角同情節都幾溫情暖心，係個劇名比較差。

花旗太太生活在花旗國，留意時差，你問我未必即時答到。

私人傳訊回覆引用

w.c.chong

侯爵府

積分: 22540

2025勳章蛇年勳章好媽媽勳章

4192^#

發表於 25-12-25 14:54 |只看該作者

babycakez 發表於 25-12-24 21:22
尋晚追曬「双轨」同小說，近期我最喜歡嘅劇，拍得比小說好，（個人認為）。之前未聽過何與，呢套劇佢演得好 ...

我睇哂劇，都想返轉頭睇小說

何與之前有套見面吧就現在，我都麻麻地佢，點知雙軌真係眼前一亮

私人傳訊回覆引用

積分: 17051

4193^#

發表於 25-12-25 18:39 |只看該作者

w.c.chong 發表於 25-12-25 14:54
我睇哂劇，都想返轉頭睇小說
何與之前有套見面吧就現在，我都麻麻地佢，點知雙軌真係眼前一亮 :i ...

小說就一般，不過睇完劇之後有對何與有無限幻想，不防睇吓

之前真係冇留意過佢，後來見到佢之前嘅造型，我就麻麻喇。喺曼市係最正嘅，返南京後冇之前咁型，但因為佢係病人嘛，都唔可以太Chok要顧及返角色

我自己就最鍾意曖昧期，20集之前係最美好

私人傳訊回覆引用

積分: 17051

4194^#

發表於 25-12-25 18:49 |只看該作者

rose-mag 發表於 25-12-25 12:35
何與之前演過《與鳳行》拂容君，《九重紫》青年時候嘅皇帝，《雙軌》雖然扑扑地，但因為何與角色人設好， ...

原來佢有拍過九重紫！等我睇返先
非常認同，其實睇劇同小說真係好個人。我都只係鍾意某一類劇，所以睇嘅種類好陝窄。
好似之前折腰終於播，我䏲完之後好失望，因為小說係非常好睇。所以我發覺男女主嘅選角真係好緊要

私人傳訊回覆引用

w.c.chong

侯爵府

積分: 22540

2025勳章蛇年勳章好媽媽勳章

4195^#

發表於 25-12-25 22:23 |只看該作者

babycakez 發表於 25-12-25 18:39
小說就一般，不過睇完劇之後有對何與有無限幻想，不防睇吓
之前真係冇留意過佢，後來見到佢之前嘅 ...

喺曼市真係好正，打泰拳比賽同賽車

私人傳訊回覆引用

積分: 17051

4196^#

發表於 25-12-25 22:33 |只看該作者

w.c.chong 發表於 25-12-25 22:23
喺曼市真係好正，打泰拳比賽同賽車

係呀，賽車單手扭呔盤

我見有網民話佢笑得好醜，我又唔覺喎，我最鍾意佢笑

私人傳訊回覆引用

w.c.chong

侯爵府

積分: 22540

2025勳章蛇年勳章好媽媽勳章

4197^#

發表於 25-12-26 01:50 |只看該作者

babycakez 發表於 25-12-25 22:33
係呀，賽車單手扭呔盤
我見有網民話佢笑得好醜，我又唔覺喎，我最鍾意佢笑
...

唔緊要，我都鍾意佢笑，由其寵溺的笑

私人傳訊回覆引用

積分: 174325

4198^#

發表於 25-12-26 07:01 |只看該作者

babycakez 發表於 25-12-25 18:49
原來佢有拍過九重紫！等我睇返先
非常認同，其實睇劇同小說真係好個人。我都只係鍾意某一類劇，所以睇嘅種 ...

何與喺九重紫入面戲份好少，得幾場回憶戲，我都差d唔認得佢。

小說改編劇大部份都魔改，唔係人物設定唔同就情節大改，咁多套陸劇就算步步驚心跟得算最足，有八九成。瑯琊榜都改咗好多，加咗唔少戲，不過最令人欣慰係郡主始於同林殊係一對。另外，御賜小仵作無論人設同情節都比原著好。

折腰我睇咗好少就冇睇，劉宇寧點睇都同男主人設差好遠。我好鍾意丁墨果本小說烏雲遇皎月，點知男主揾金瀚

女主李一桐個角色改到好白痴

花旗太太生活在花旗國，留意時差，你問我未必即時答到。

私人傳訊回覆引用

積分: 17051

4199^#

發表於 25-12-26 08:48 |只看該作者

w.c.chong 發表於 25-12-26 01:50
唔緊要，我都鍾意佢笑，由其寵溺的笑

你真係形容得好貼切！就係寵溺笑嗰個樣，佢好自然。同埋佢身型好好，fit得嚟又唔over.
我尋晚又loop返10-13集

私人傳訊回覆引用