hugoma2015 發表於 19-3-9 17:21 
已經響微博兔區殺左3日了，殺到上貼吧啊？好無聊。
朱粉仲沾沾自喜，話之前撕趙麗穎，又係侵佔對方廣場， ...
確實唔想惹一蟲，唔止粉絲，業內都唔想惹佢，最好大家無交集。呢個人d粉絲太麻煩。＞＞＞所以朱粉白痴囉，以為惡晒，人地怕咗你，以後唔搵你做JOB，食穀種咩？
知否知否因為冇得吹CP，男女主係兩夫婦，仲要新婚，當時趙麗穎安胎全程冇現身宣傳，但馮紹峰同佢人緣好，上快本基本上係馮一個玩晒，我幾欣賞馮算一個比較唔高調靠吹嘅人，佢以前情史多一件事，後來同趙麗穎一齊算低調，見佢兩個都係幫手宣傳套劇，冇過份攬功，唔似某人出晒通稿踩人，最踩得勁居然係同佢做對手戲嘅女一，一個男一個女，點吊打？點演技力壓？佢班粉黑趙黑到我呢D路人都睇唔過眼，雖然趙真係唔算超班演技，我都覺得戲入面明蘭性格同表現好反覆，有時太呆，有時過份萌，有時又唔夠力度，但呢樣唔係導演要負責咩？演得唔啱都收貨？佢夠膽話有時係專登唔叫CUT，由得D鏡頭出街，話咁先最自然！真係冇眼睇就真。
另外要將趙麗穎同盛老太比或者盛大娘子比？會唔會過份咗D呀？果班老戲骨做咗幾耐戲？如果佢地演技唔好就要搵窿捐啦，我個人覺得馮紹峰演得好過趙麗穎，馮個角色後來係越來越好，係稍嫌編劇過份婆媽，成日話佢要搵到明蘭呻醋，其實小說中顧二係好沉得住氣，佢亦好包容明蘭，一直想護得佢滴水不漏。明蘭個角色最敗筆係中間對小公爺真有情同埋設計報仇果兩部份，令到個角色成長同前後性格不連貫，中間改編過多巧合。
豬粉吹到小公爺有幾正，明明角色中間勁討厭，但盲粉確係盲嘅，死都要美化個角色，炒到好似由一個男二三嘅角色撐起套戲咁。最攞命係著起龍袍都唔似太子，小公爺著住朝服好似細路扮大人咁，改編之後，原本套劇最後令人唏噓同憐惜嘅情節都冇咗。
花旗太太生活在花旗國，留意時差，你問我未必即時答到。
。任何劇組，對著任何人，佢都要認自己最細，我都服咗佢。不過又個個劇組都係團寵，個個人都錫佢。佢缺乏母愛鍾意嗲人。
發表於 
返回列表
