香港18區媽媽會 今日: 0 | 主題: 156994

積分: 2079

421^#

發表於 08-1-8 18:23 |只看該作者

stliu,

你之前提過你囝囝睇好少電視同vcd. keep都得好好呀.

我囝囝每日都有睇一個鐘disney playhouse channel cartoon. 有時仲有d教材呢

咁多時間. 你工人姐姐同囝囝玩咩呀? 因為我要煮飯. 佢約5點半開始睇. 我就煮飯. 跟住差唔多一個鐘後食飯先熄電視. 有時都唔知佢點打發好. 玩來玩去都係同一堆玩具

私人傳訊

積分: 1353

422^#

發表於 08-1-8 22:58 |只看該作者

wasyinyin,

其實我都唔多識諗三字經和唐詩, 不過我就覺得好難諗, 所以都係細細個諗會比較好, 佢e加唔須要點解, 大個讀書時或者我會再解釋比佢知, 反而我覺得九因歌容易諗, 當然九因歌一定要識同最基本的, 如果係德育, 學識做人道理等等, 我自己都要睇吓學習吓, 三字經的確係一個好好的選擇, 我都係暫時睇住本書用廣東話同佢講. 因為佢近排鍾意聽國語兒歌. 我都想知你買咗邊隻九因歌? pm比我, thanks.

原文章由 wasyinyin 於 08-1-8 13:22 , 發表
豬仔媽媽,

唐詩同三字經曾經都想買. 後來諗好似九因歌重要少少. 因為去邊都度都一定要識同最基本的. 我見小學討論區那邊有d小朋友二年班. 背來背去都唔識. 而且因為已經大個. 吸收無細個咁好. 曾經買過九因歌比佢試 ...

[ 本文章最後由豬仔媽媽於 08-1-8 23:02 編輯 ]

私人傳訊

積分: 1353

423^#

發表於 08-1-8 23:23 |只看該作者

all,

陸金記d瓜子係唔係大陸入口??-(?-(?-(我奶奶都好鍾意係個度買.

我prefer 20/1 Sun morning or 17/2 Sun morning, 時間可以10:00 就會好d, 怕囡囡2:00 叫眼瞓???

囡囡上星期日第一次自己一個人入班房上音樂班, 佢都玩得好開心, 不過問佢唱咗什麼歌, 佢就唔肯話我知

Stliu,

小朋友都有情緒, 我囡囡有時朝早瞓醒會發脾氣, 佢個日係學校就會唔開心.

原文章由 wasyinyin 於 08-1-8 13:50 發表
Hi all,

大家出來的時間. 我星期日上下午都可以. 囝囝有得玩. 佢都可以玩完先午睡. 都好彈性的. 只要唔係日日無得午睡. 依家大個咗. 我地都無太刻意硬性唔出街要午睡的. 有時車程中佢差差電又繼續的.

可能最快要1 ...

私人傳訊

積分: 2647

424^#

發表於 08-1-9 09:13 |只看該作者

all,

1月20日我可以喎, 唔知wasyinyin同 kuyu0905可以嗎? 時間我冇所謂, 仔仔好早就起身, 十點十一點都得... 荃灣區都冇問題, 話我知響邊,等我之前睇定地圖就得, 我方向感差!

話說我都冇乜理仔仔係咪唔開心. 尋晚佢刷牙時自己話, 係學校俾楊老師鬧(?!), 然後佢話係佢唔肯玩玩具,俾楊老師鬧. 我就估可能因為今個星期係評估週, 老師可能問佢地問題或玩玩具, 所以可能係佢唔合作,俾老師話?
跟住今朝早呢, 姐姐帶佢返學,因為爸爸出左差, 頭先先收倒爸爸短訊話佢今朝唔肯入課室, 姐姐搵唔倒我, 打左俾爸爸,佢勸掂佢... 真係奇... 佢平時好少咁...

睇來我今日都係要打俾老師問問先. 其實我尋晚見仔仔話俾楊老師鬧, 我都有D衝動今朝自己送仔仔返學架, 唔係緊張老師鬧佢, 講真, 老師唔通好惡咁鬧佢咩, 我又覺得唔會, 係我想了解下係咩事0者. 不過, 如果我送左佢返學呢, 返工就遲到喇, 臨急臨忙又好難請假, 所以今朝打消左呢個念頭. 希望佢冇乜野啦! 其實只係好少事, 但係送唔倒佢返學, 我就乜都唔知咁.

wasyinyin,
你仔仔好叻啊, 都有講下同學仔D野, 我仔好少講架, 自己的或同學仔的野都係. 問佢都十問九唔應架,有時佢講左又唔知真定假.

我平時都成日同佢傾偈, 睇來要傾多D學校的事先得喇.

原文章由 wasyinyin 於 08-1-8 18:14 發表
Hi all,

大家來夾o下時間先. 如果大家都想佢地午睡. 咁約星期日, 十一點左右啦. 地點荃灣區都大家方便. 係嘛? 至於一唔一齊食嘢同爸爸會唔會一齊來, 都傾傾啦.

stliu,

你囝囝似唔開心? 會唔會在課室發生過小小事 ...

私人傳訊

積分: 2647

425^#

發表於 08-1-9 09:21 |只看該作者

wasyinyin,
而家仔仔通常都係睇10分鐘電視就瞓覺, 其實我自己都覺得佢唔睇咁多電視好呀. 日頭姐姐係唔俾佢睇架, 因為我怕佢心軟, 仔仔變相會睇多左. 而家仔仔暫時都仲接受倒日頭係冇電視睇呢件事, 希望佢大個D都可以啦. 我有朋友D子女, 唔睇唔得, 仲叻到自己擺隻DVD入架機度開來睇架. 個工人咪好得閒囉, 但睇咁多電視始終對個小朋友唔好.
disney playhouse channel係咪Now有得睇架? 我好似見過有呢個節目.
姐姐都係同佢玩下油顏色呀, 車呀, 火車呀咁, 冇乜特定架. 其實我成日都想果D時間可以玩得系統少少, 不過真係好難諗呀. 但話說回頭, 其實佢放學返來, 食完飯,玩一陣就瞓架喇, 到4點幾5點起身, 又玩個幾鐘,我都放工啦, 所以又唔係實際浪費左好多時間... 當然, 我呢D在職媽媽成日都會諗,點樣可以好好利用佢在家的時間, 其實, 佢都需要玩的時間...

原文章由 wasyinyin 於 08-1-8 18:23 發表
stliu,

你之前提過你囝囝睇好少電視同vcd. keep都得好好呀.

我囝囝每日都有睇一個鐘disney playhouse channel cartoon. 有時仲有d教材呢

咁多時間. 你工人姐姐同囝囝玩咩呀? 因為我要煮飯. 佢約5點半開 ...

私人傳訊

積分: 2079

426^#

發表於 08-1-9 10:02 |只看該作者

Hi all,

我20號ok呀.

stliu,

係呀. 我今早同囝囝在學校去完洗手間. 聽到有小朋友喊得好大聲. 後來發現係你囝囝. 見工人姐姐氹緊佢. 同佢睇緊魚. 我都唔敢埋去問佢. 因為有時小朋友見到其他人問佢會更喊. 之後到我走. 好似收了聲. 不過仍然在外面.

你囝囝都講到比你聽少少線索. 彧者你晏少少打比老師問問. 可能佢地分組時要玩玩具. 而你囝囝可能唔想玩. 我相信老師唔會好鬧咁. 可能小朋友心靈比較脆弱. 一時覺得有少少不安. 但佢地應該善忘的. 有時老師話都有強硬少少對我囝囝. 因為老師話佢比較依賴. 收拾時慢慢, 希望慢到有人會幫佢

. 所以老師話比我知. 如果放學見佢好似喊過咁, 就係老師要求佢做或者老師同佢講. 如果自己唔收好. 就比其他小朋友. 佢就喊. 依家都改善了唔少啦.

可能有時都會遇到少少事令佢地心情有起落. 所以咁, 有時囝囝都會起身話唔返學. 我地又好難確保係咩事影響. 不過一陣又無事. 返到去又可能忘記了又再玩都唔定.

返學都有規矩. 希望佢地慢慢明白. 在學校都需要跟老師指令. 我相信老師唔會強迫. 但一定會鼓勵同引導佢地跟隨指令.

係呀. 其實最好係唔睇電視或教材. 因為只係單向. 一來無互動. 二來睇唔到咀形. 如果真係要睇. 其實係要有人一齊睇, 從旁解釋. 先有互動. 如果你堅持到一定要堅持落去唔比囝囝睇電視呀

. 我都希望可以再減少

所以暫時都係買少d教材先. 或者就咁自己教同佢一齊講o下三字經. 睇o下得唔得. 上網應該搵到d內容的. 我都聽過有d地方. 成班人一齊讀都好快學識.

[ 本文章最後由 wasyinyin 於 08-1-9 10:12 編輯 ]

私人傳訊

積分: 2079

427^#

發表於 08-1-9 10:23 |只看該作者

豬仔媽媽,

三字經雖然全文長, 其實都真係簡而精道出好多德論. 每句三個字攪掂. 我都搵到全文同d解釋. 或者我試試每日同囝囝一齊唸唸o下又同佢解釋o下先. 雖然都可能唔會完全明白. 但知少少都好. 好似講故事咁. 希望佢唔會覺悶啦.

咁陸金記的可能都係由大陸入口再自己加工d味道. 多數我媽咪買比d我. 因為我一年都無食到10粒

[ 本文章最後由 wasyinyin 於 08-1-9 10:26 編輯 ]

私人傳訊

積分: 2647

428^#

發表於 08-1-9 10:26 |只看該作者

wasyinyin,
多謝你報料啊! 佢今朝原來係搭車時已經唔想搭, 到學校門口唔肯入去架喇, 跟住姐姐話老師(但唔知係邊個)同佢打招呼,佢就即喊呀! 真奇, 搞到要爸爸打俾佢氹佢囉. 我估係可能發生左D事, 我都會打個電話俾楊老師呀. 你講得0岩, 我都覺得老師唔會好惡咁鬧佢,但小朋友真係脆弱, 人地話佢兩句,就以為係鬧架啦! 不過平時我係屋企都會話佢架!!! ?-( 可能佢慣左...
希望佢冇事啦, 其實佢尋晚我放工返屋企後都冇乜野, 我又大頭蝦,唔記得問返佢日頭做乜唔開心, 係佢自己刷牙時先自動報案咋. 我今晚都會再同佢傾傾先. 佢有樣好, 算幾肯聽人講, 講過解釋過就明白, 但就要用時間同佢講囉. 真係, 做阿媽好似心理輔導咁呀!

其實你自己湊, 控制仔仔睇電視/DVD會好D, 如果係工人, 我怕佢地會唔識節制俾我仔睇好多呀. 所以而家姐姐唔俾佢睇都好. 其實我地都有D幾好的DVD教材買左響度, 不過冇時間同仔仔一齊睇囉.
我老公本身係電視怪來架, 但都因為仔仔的出現而睇少左好多電視架喇! 佢等仔仔瞓左之後先睇囉. 所以算好唔話得. 我自己反而冇乜電視癮, 有時睇下新聞, 唔睇都得, 返工時我聽收音機都知道當天新聞... :mrgreen:

原文章由 wasyinyin 於 08-1-9 10:02 發表
Hi all,

我20號ok呀.

stliu,

係呀. 我今早同囝囝在學校去完洗手間. 聽到有小朋友喊得好大聲. 後來發現係你囝囝. 見工人姐姐氹緊佢. 同佢睇緊魚. 我都唔敢埋去問佢. 因為有時小朋友見到其他人問佢會更喊. 之後到我 ...

私人傳訊

積分: 1353

429^#

發表於 08-1-9 10:34 |只看該作者

wasyinyin,

我都試過解釋比囡囡聽, 但佢唔多明, 我冧要遲d先, 可能你囝囝會得喎.

Stliu,

我冧真係要問問老師, 係學校發生咗什麼事. 我囡囡有時都會話某某同學喊, 自己唔開心.....
我每日都好鍾意問佢學校發生什麼事, 囡囡鍾意有時會講好多比我聽, 都有9成係真.

原文章由 wasyinyin 於 08-1-9 10:23 發表
豬仔媽媽,

三字經雖然全文長, 其實都真係簡而精道出好多德論. 每句三個字攪掂. 我都搵到全文同d解釋. 或者我試試每日同囝囝一齊唸唸o下又同佢解釋o下先. 雖然都可能唔會完全明白. 但知少少都好. 好似講故事咁. 希望 ...

私人傳訊

積分: 2079

430^#

發表於 08-1-9 10:36 |只看該作者

stliu,

希望你快d瞭解真相啦.

我都成日問囝囝學校情況. 問佢食咩茶點呀, 玩咗d咩呀, 邊個同學點呀, 有無返呀, 英文老師點呀etc....佢昨日學英文老師講"good morning, boys and girls...." 連d發音都鬼鬼地

其實我都鐘意睇電視. 不過都會等囝囝瞓咗先有得睇. 約九點幾後. 我老公就等我瞓了又先可以睇佢至愛的財經及打機. 因為唔想囝囝咁細接觸打機. 我地搵塊紙蓋住部機. 佢到依家都未發現到問我地係咩.

原文章由 stliu 於 08-1-9 10:26 發表
wasyinyin,
多謝你報料啊! 佢今朝原來係搭車時已經唔想搭, 到學校門口唔肯入去架喇, 跟住姐姐話老師(但唔知係邊個)同佢打招呼,佢就即喊呀! 真奇, 搞到要爸爸打俾佢氹佢囉. 我估係可能發生左D事, 我都會打個電話俾楊 ...

私人傳訊

積分: 2647

431^#

發表於 08-1-9 10:56 |只看該作者

wasyinyin & 豬仔媽媽,

可能你地仔仔女女大個少少,真係好唔同, 我問佢學校D野, 佢唔會講好多, 要我不斷問佢先講少少, 有時問問下佢都唔鬼理我呀!
而且我覺得始終剛放完一個長假, 上個禮拜又返得兩日學(有一日請左假去面試), 所以可能佢唔係十分鍾意評估週的模式呱.
我今日會打俾老師問下, 睇下可以可以知道真相, 同埋希望佢今日在學校冇乜野, 放學就唔會唔開心, 尋日中午返到屋企, 佢搞左一輪, 差不多成點幾鐘先至肯食飯呀!

wasyinyin,
你仔仔好搞笑, 學老師講英文.
打機呢家野真係唔好咁早俾仔仔接觸呀, 仲難控制過電視呀!

原文章由 wasyinyin 於 08-1-9 10:36 發表
stliu,

希望你快d瞭解真相啦.

我都成日問囝囝學校情況. 問佢食咩茶點呀, 玩咗d咩呀, 邊個同學點呀, 有無返呀, 英文老師點呀etc....佢昨日學英文老師講"good morning, boys and girls...." 連d發音都鬼鬼地

...

[ 本文章最後由 stliu 於 08-1-9 10:59 編輯 ]

私人傳訊

kuyu0905

積分: 1139

432^#

發表於 08-1-9 11:31 |只看該作者

Dear All,

就決定20號上午10:00啦~

聽您地咁講, 三字經、九因歌都幾有用喎, 得閒去望下先...

講開睇電視, 我都好擔心小朋友睇太多電視, 囡囡只會看新聞, 因為她很喜歡聽"國歌", 一路睇一路唱, 唱完之後就唔睇玩自己野, 佢可能知道我唔鍾意人睇電視, 有時婆婆開電視, 都會走來同我講 "婆婆睇電視喎, 哈哈" , 所以暫時都算好, 好在我地兩公婆都唔鍾意睇電視, 有時間不如聽下音樂仲好, 有時囡囡都會講 "daddy, 開音樂啦, 我要訓覺啦!", 睡覺時聽音樂已經成為了習慣...

stliu,

以前囡囡細個時, 我都好怕她會語言混淆, 現在應該唔會啦, 她嫲嫲(我奶奶)也是普通話人, 經常和囡囡講普通話, 好細個時, 她聽都其他人講普通話, 就話他們講緊 "嫲嫲話", 有時同佢讀拼音(我之前讀過普通話班), 原來迦南都有學拼音, 會 bo, po, mo, fo... 咁讀 (雖然讀得唔係好正, 大概知道係), 所以我覺得您都可以用普通話跟仔仔說話, 他們現在會懂得分辨, 不用擔心。

wasyinyin,

您老公都鍾意打機, 我老公都係! 只係生了囡囡之後, 生活習慣真的改變了很多, 現在已很久沒有在電視打機了, 買了部 PSP 都沒有時間玩, 放在一旁 :cry:

豬仔媽媽:

e.. 您囡囡星期日上音樂班, 是您之前說通利那一個班嗎? 在荃灣上?

您囡囡都好叻, 肯講咁多學校的事您聽, 我囡囡都係講d唔講d, 有時都唔知係真定假 ?-(

私人傳訊

積分: 1353

433^#

發表於 08-1-9 11:31 |只看該作者

all,

講開tv, 因為要煮飯或者做其他家務, 我有時想囡囡睇一陣佢都唔多睇, 要睇住我做或者叫我快d, 唔知係咪之前睇過(disney channel), 佢近排都係鍾意自己開cd聽歌仔, 我都好鍾意睇TV, 我見佢都唔多睇, 反而叫媽媽唔好睇電視, 同我玩, 有時忙咗一日, 自己都想輕鬆下.

至於打機, daddy係樹, 佢都會叫daddy打機, 佢鍾意睇有時都會比個remote佢玩, 我就會叫daddy玩一陣好啦.(好嚴肅)

原文章由 wasyinyin 於 08-1-9 10:36 發表
stliu,

希望你快d瞭解真相啦.

我都成日問囝囝學校情況. 問佢食咩茶點呀, 玩咗d咩呀, 邊個同學點呀, 有無返呀, 英文老師點呀etc....佢昨日學英文老師講"good morning, boys and girls...." 連d發音都鬼鬼地

...

私人傳訊

積分: 2647

434^#

發表於 08-1-9 11:53 |只看該作者

kuyu0905,
好啊!等我mark 低1月20日先, 10:00, 地點可以再定喎.

咁等我都同仔仔講下普通話先, 我之前其實都試過架, 不過佢唔多理我囉, 淨係話係/ 唔係(廣東話喎). 所以我覺得佢冇乜反應. 不過佢好得意, 一聽我響電話講普通話,就話係婆婆, 佢地其實係識分唔同語言架.

打機我地兩公婆都唔算係好"好", 我自己有部nds都係返放工等車打下咁, 唔太沉迷, 我老公係少數男士中唔打機的, 佢的嗜好係睇電視同睇英超!

原文章由 kuyu0905 於 08-1-9 11:31 發表
Dear All,

就決定20號上午10:00啦~

聽您地咁講, 三字經、九因歌都幾有用喎, 得閒去望下先...

講開睇電視, 我都好擔心小朋友睇太多電視, 囡囡只會看新聞, 因為她很喜歡聽"國歌", 一路睇一路唱, 唱完之後就唔睇玩 ...

私人傳訊

kuyu0905

積分: 1139

435^#

發表於 08-1-9 12:20 |只看該作者

stliu,

不過我其實星期日都唔知趕唔趕得切, 因為我地慣左星期日早上去荃灣吉野家食早餐, 所以最好搵有野食的地方等, 可以一邊食早餐一等等, 我怕遲到唔好意思

佢地應該識分, 有時囡囡會話"呢個叫乜名?" , 用廣東話講完, 又叫我 "咁英文呢?" , 您家姐姐都否用英文跟仔仔溝通? 還是用廣東話?

私人傳訊

積分: 2647

436^#

發表於 08-1-9 12:41 |只看該作者

kuyu0905,
或者我地可以響個公園/室外玩住等你喎, 荃灣我都唔太熟, 吉野家響邊架?

wasyinyin & 豬仔媽媽有咩提議呀?

我家姐姐都係同仔仔講英文架, 佢係菲傭, 之前佢學左D中文(洗白白/食奶奶), 我都提佢唔好同仔仔講中文, 費時仔仔唔識分. 佢而家又係會問我, 叫我講完個廣東話之後, 問咁姐姐教係點講, 我就會講英文, 佢有時又問婆婆教點講, 我就講個普通話咁囉, 都幾搞笑架! :mrgreen:

原文章由 kuyu0905 於 08-1-9 12:20 發表
stliu,

不過我其實星期日都唔知趕唔趕得切, 因為我地慣左星期日早上去荃灣吉野家食早餐, 所以最好搵有野食的地方等, 可以一邊食早餐一等等, 我怕遲到唔好意思

佢地應該識分, 有時囡囡會話"呢個叫乜名?" , ...

私人傳訊

積分: 2647

437^#

發表於 08-1-9 13:16 |只看該作者

wasyinyin & 豬仔媽媽,
我仔仔單野真係懸案呀, 頭先同楊老師傾過電話, 我講左仔仔呢兩日的事, 楊老師話佢冇鬧過仔仔呀(其實我都知道佢唔會鬧佢...), 同埋話阿仔呢兩日都冇乜特別喎!

真係奇. 因為頭先中午佢放學, 我同仔仔講電話, 仔仔話:楊老師冇"褸褸(生氣)", 有玩玩具!

係咪好奇呢? 我同楊老師都覺得奇. 我有提到呢幾日爸爸出差不在港, 唔知會唔會都有影響.
等我今晚再同仔仔傾傾啦! 或者佢係有D情緒, 唔識得講囉. 我以為佢係學校評估時唔合作, 但老師話佢冇問題呀! 真令人費解! ?-(

私人傳訊