第11集12集筆記：
我都覺得係秋冬去舉報做傳銷嘅同屋住客，唔計秋冬搞傳統要坐監，佢一直對於傳銷係犯法搵快錢嘅做法有抗拒，只係自己對住一疊一疊鈔票把持不住，佢太想有錢，太想成功，太想可以頂天立地，同時又太自卑，唔敢相信自己有能力成功。平時唔見秋冬咁早起身去跑步，無端端有警察捉傳銷佢就一早出咗去，咁都係嘅，起碼都要有人去擔保小惠。
秋冬初試牛刀運用劉量體教佢獵頭嘅知識，又因為之前做過人力資源，對於勞資雙方嘅立場清楚，佢開始建立獵頭嘅人脈，一開始佢知道以小職介所去推薦行政戀廚俾一間國際五星級酒店唔會成功，所以借助另一間獵頭公司去拉線，以此打響自己名堂，果然獵頭公司同勞資兩方對佢都留有十分好嘅印象，呢D以後絕對係佢職場上嘅籌碼，亦都初步定下佢喺獵頭行業嘅底線。獵頭公司都係一邊做生意搵客一邊搵人才，秋冬推薦行政總廚，令獵頭公司可以幫到客戶有錢賺，同時亦發現多一個人才，雖然冇一早立合同，獵頭公司負責人都有情有義，照計番報酬俾佢，可見行有行規，亦有道義，喺以金錢掛帥嘅社會裡，呢樣俾人見到希望。
導演避重就輕帶過秋冬同熊青春感情突破，當中應該有兩個當事人因為一時感動而閃過嘅衝動，由過去感情終結中急於安穩落嚟，所以之後林拜提起羅伊人，秋冬已經有種遙不可及嘅覺悟，佢已經唔敢再打擾羅，同樣地，羅伊人都唔想打擾鄭秋冬，佢只希望秋冬好，佢話過自己感情被動，此時此刻，佢同秋冬根本冇可能。
熊青春同鄭秋冬兩人感情根基不固，兩人做拍檔可以，但一旦日子一久，熊青春對感情不夠敏感不夠周全，秋冬過佢聰明，除咗感情之外，青春自己都話自己係感情白痴，好端端講，硬係冇避忌去提有關羅伊人，呢個係佢地情感上嘅共同悲哀，一個羅伊人一個凱文楊，正正因為佢地兩個人在當時秋冬同青春嘅生活中消失，所以秋冬青春先至有機會，但有人念念不忘，有人絮絮不休，註定呢般情於環境立場改變後亦會隨之灰飛煙滅。佢地準備結婚，但其實可能都只係想令大家個心踏實落嚟嘅手法，當中有幾堅定？有幾義無反顧？
賈衣玫出場，居然係個心機女，真係跌眼鏡，鄭秋冬會愛上佢，羅伊人同熊青春嘅愛都好純粹，而呢個賈衣玫似乎係好識利用人去告上爬。
林拜同秋冬嘅路開始同方向，佢其實都幾乎忘記鄭秋冬呢個人，最初去拉友情扮熟扮關心，的確有D嘔心，但慢慢見到林拜對鄭秋冬其實都幾同情。喺獵頭過程中，林拜都意識到袁崑嘅背後動機有問題，但喺袁又勸又氹下佢靜觀其變，同時佢都一直踩界，睇緊事態發展，佢既唔會以身犯險，同時都唔係好想害秋冬，不竟秋冬已經重新開始，想行番條正路。
花旗太太生活在花旗國，留意時差，你問我未必即時答到。
中年uncle，對方都幾重口味喔！
發表於 
返回列表
