影視娛樂 今日: 10 | 主題: 16126

積分: 20992

2024年龍年勳章

422^#

發表於 18-9-1 22:11 |只看該作者

hugoma2015 發表於 18-9-1 21:40
追左啊，如果你想追，建議你從坤哥“爸爸”去世之後追，會好睇D。

又一部浪費坤哥顏值同演技的電視劇！

咁算罷啦，好劇本難尋

私人傳訊

積分: 28097

423^#

發表於 18-9-1 22:25 |只看該作者

【角色印象】
睇左30幾集，對各個角色都有大致了解了

1、楚王——一個反傳統的男主，經歷好慘，性格好複雜，直到而家都未睇清佢。我最中意睇佢懟皇帝。不過而家知道皇帝同自己父子同命，以後懟老豆要收下火，激死老豆自己都會死噶！

2、鳳知微——好似突然聰明左甘，幾次幫楚王脫險。哎，其實睇原著開頭對呢個女主都幾有好感，聰明唔拖後腿。不過後面又同N個男人曖昧，又造反（美其名曰“相愛相殺”），好令我反感。如果電視劇改左呢D就好了。

3、皇帝——寡情薄倖，極度自私。楚王你一定要清醒啊，皇帝對你無感情噶！唔好自作多情啊！皇帝對你有感情，就唔會18年都唔望你啦，就唔會要你當眾脫衣驗身啦！所謂“你未經情愛，不知永失所愛之痛，你太像母妃”都係渣男的藉口！我睇到果度真係想爆粗！同常遠對質果場，一見唔對路，就賴曬落楚王身。之前逼死太子，殺死常海都搵楚王笨。

4、太子、常海——講真佢D人設同智商有D飄忽。之前講過了呢2位了，而家都死左，就唔再講了。

5、七皇子——楚王真正的對手。其實論實力，而家七皇子是最犀利的。因為佢有兵權。唔止系10年駐守大悅邊境的積累，仲有佢正式接管左常海的兵權。如果我系二皇子，我會釘死老七先。而且呢個人都好陰。楚王脫衣之後，佢一句“丟車保帥”就暗示二皇子推卸責任俾魏知。之後一邊俾錢安排個殺手走佬，一邊落毒想毒死佢。所以呢個絕對系危險人物。

6、二皇子——太急進啦！唔搞甘多小動作，遲早輪到佢啦！當然，佢同太子一樣，衰心虛。太子因為搶左楚王的功勞而心虛，佢就因為常家害死楚王母妃而心虛。

7、占壁——男人黎講，呢個都算失敗了！18年前累死自己青梅，18年後幾乎害死自己青梅個仔。死左都俾人利用。

8、金獅王子——好得意，原著小說入面都好鐘意佢噶！不過結局比較慘……如果可以改下就好了！

私人傳訊

積分: 28097

424^#

發表於 18-9-1 22:34 |只看該作者

grancyliang2007 發表於 18-9-1 22:11
咁算罷啦，好劇本難尋

劇本系一個因素，導演同剪輯都系一個因素咯。

脫身有D拖，有D亂。而且女主萬茜演得好差，塑造得好失敗，幾趕客。

坤哥就演得好好，我阿媽有睇，佢居然睇到大結局，都無發現兩兄弟系同一個演員演……

私人傳訊

積分: 28097

425^#

發表於 18-9-1 23:52 |只看該作者

回覆樓主

粉絲話咁先叫“解衣”

私人傳訊

積分: 28097

426^#

發表於 18-9-1 23:54 |只看該作者

回覆樓主

劇照，唔記得有無放過上黎

私人傳訊

積分: 28097

427^#

發表於 18-9-2 00:15 |只看該作者

回覆樓主

第29集，楚王第一次見占壁，唉，又賣關子。點解導演唔直接通過占壁把口將當年的事講清楚呢？點解楚王母妃同佢私會（呢個真係事實吧）？點解會為保護佢而死？

好似楚王有少少怨當年母妃為左救占壁而死。而我都懷疑佢係咪真出軌？而且皇帝咁寵愛佢，個仔都8歲了，如果仲同舊情人糾纏不清，甚至為救佢而死，我覺得好不智咯！雖然又係常家做手腳。人地挖個坑係衰，自己行路唔帶眼都有責任噶！

私人傳訊

yeunghung

積分: 22824

428^#

發表於 18-9-2 00:16 |只看該作者

回覆樓主:

請問你地係邊個網睇，呢兩日幾個網都變咗因地區版權問題睇唔到，楓林網又好亂咁接唔上，好似中間有唔同版本，睇到好亂。

私人傳訊

積分: 28097

429^#

發表於 18-9-2 00:44 |只看該作者

rose-mag 發表於 18-9-1 15:06
寧弈演技不及陳坤，哈哈，笑死。

原本我趕寫稿，但見呢個討論姑且講一講我睇法，其實我暫時都未摸清寧弈 ...

我get到點解倪妮演得唔好喇！

演女的時候太粗魯

演男的時候，d小動作，表情，聲音語調太女性化。尤其你睇下佢同皇帝d對手戲，點睇都似父女。趙淵咁得皇帝信任，但君臣的相處，男人之間的相處都有個度。而唔係而家過分親密，好似撒嬌。

私人傳訊

積分: 174325

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

430^#

發表於 18-9-2 05:45 |只看該作者

hugoma2015 發表於 18-9-2 00:44
我get到點解倪妮演得唔好喇！

演女的時候太粗魯

唉，我打咗三大段，點知bk又發顛，回唔到，唔見晒。。。唔記得打咗咩，大致上係咁：

倪妮我之前已講過，佢演鳳知微太粗魯，行止冇閨中未嫁女子應有矜持，，秋明櫻係養母，仲有夫子教佢讀書，話晒係王族之後，冇理由教到野女孩咁樣。到佢扮男裝入青溟，點解燕懷石會一眼睇出佢係女仔，就係因為佢太女兒態(嗱，唔係揶揄倪妮，佢冇身裁，扮男仔冇韶寧公主打側身見胸露底), 眉稍眼角舉手投足一d男子氣概都冇。問老皇帝唱紅定唱白同埋命佢去青溟果幕，佢d小女兒態出晒嚟，男扮女都係任姐第一人，冇得比，唔係因為樣，而係因為神態。倪妮果d傻白甜式笑容超級唔掂，我唔覺同楚王有cp感

花旗太太生活在花旗國，留意時差，你問我未必即時答到。

私人傳訊

積分: 174325

431^#

發表於 18-9-2 05:54 |只看該作者

hugoma2015 發表於 18-9-1 22:25
【角色印象】
睇左30幾集，對各個角色都有大致了解了

二皇子白痴嚟，走咗一個太子，常家又重份量，佢唔輕舉妄動隨時王位垂手可得，唔防一個手握重兵又被佢打壓嘅老七，最終會俾佢食咗。老七唔駛估都知佢係好有野心，仲要被忽略咗10年，點會唔想發圍喎。

我之前講獅子王知道魏知係女人係指30集，獅子去青溟揾魏知，魏知提及搶親同鹽，呢d細節係獅子王去秋家嘅細節，獅子王子瘀到爆唔會周圍講，秋家人亦唔應該會咁唔厚道通街唱，魏知無拿拿講，點解佢會知？仲要獅子王除衫佢躲於燕懷石身後，傻嘅都會懷疑佢，導演編劇點解咁處理？好唔合理。

花旗太太生活在花旗國，留意時差，你問我未必即時答到。

私人傳訊

積分: 28097

432^#

發表於 18-9-2 09:06 |只看該作者

本帖最後由 hugoma2015 於 18-9-2 10:07 編輯

rose-mag 發表於 18-9-2 05:45
唉，我打咗三大段，點知bk又發顛，回唔到，唔見晒。。。唔記得打咗咩，大致上係咁：

倪妮我之前已講過， ...

而且佢男裝的時候，舉止特別做作，講野仲成日拖長，顯得陰陽怪氣。總之佢就演到“不男不女”。其實佢睇下琅琊榜劉濤點演郡主，都可以偷到師喇！打仗的時候英姿颯爽，巾幗不讓鬚眉。在皇帝或者其他大臣面前亦穩重端莊。在宗主面前又有小女兒的矜持，嬌羞神態。

私人傳訊

積分: 28097

433^#

發表於 18-9-2 10:38 |只看該作者

本帖最後由 hugoma2015 於 18-9-2 10:48 編輯

rose-mag 發表於 18-9-2 05:54
二皇子白痴嚟，走咗一個太子，常家又重份量，佢唔輕舉妄動隨時王位垂手可得，唔防一個手握重兵又被佢打壓 ...

老七同佢母妃唔系被忽略，而系俾老二同常貴妃打壓呢。呢個有仇口噶。老二如果以為老七佢地唔會搵機會報復，甘就太天真了。

分析下3個皇子奪嫡的情勢先：

1、老二：
優勢：背後有閩海常家，後宮有常貴妃，朝堂有常選的大臣（過半數都係佢的人）。
劣勢：無兵權，閩海常家雖然威震一方，但遠水未必可以救近火；皇帝猜忌打壓常家；常貴妃雖然地位崇高，但係日漸失寵。太子之後，佢會成為其他皇子的箭靶。

2、楚王：
優勢：背後有一班反常家的老臣（姚相，胡相，小辛）；後宮有趙給使幫口；表面上無兵權，實際已經控制左金羽衛。身為御史臺，表面上放棄繼承權，但可以查想查之人，想查之事。可以利用呢個職位，掃清自己上位的障礙。
劣勢：父子關係！因為父皇懷疑母妃清白，進而遷怒于楚王。皇帝對佢的態度，從解衣之辱已經可見一斑。皇帝心入面根本懷疑佢唔系自己親生子。唔系親生子，點可以做皇帝啊？

3、老七：
優勢：有兵權！唔止大悅邊境經營10年的兵權，仲有原來常海手下的兵！母妃重新得寵。睇到呢度，我想起瑯琊榜的靜妃同靖王。
劣勢：資歷淺，朝中無人。

表面上老二優勢最大，但是危機亦最大，楚王同老七一旦聯合，佢就好麻煩。如果我系佢，我會搞掂老七先，又或者以靜制動。不過已經好難，皇帝準備對常家開刀，老二無可能獨善其身的。無論系允許楚王調查母妃之死（常家陷害），抑或打壓閔國公，抑或放風聲立楚王做儲君，都係引蛇出洞，逼老二同常家出手、出錯！皇帝可以逼死太子，點解唔可以逼死老二？天家無親情啊！

私人傳訊

grancyliang2007

積分: 20992

2024年龍年勳章

434^#

發表於 18-9-2 11:01 |只看該作者

hugoma2015 發表於 18-9-1 22:34
劇本系一個因素，導演同剪輯都系一個因素咯。

脫身有D拖，有D亂。而且女主萬茜演得好差，塑造得好失敗，幾 ...

留返劇荒先煲

私人傳訊

grancyliang2007

積分: 20992

2024年龍年勳章

435^#

發表於 18-9-2 11:03 |只看該作者

hugoma2015 發表於 18-9-2 00:44
我get到點解倪妮演得唔好喇！

演女的時候太粗魯

有道理

私人傳訊

積分: 28097

436^#

發表於 18-9-2 11:19 |只看該作者

【第32集】

1、陳紹，你係咪傻噶！？睇到常遠手上有阿媽條手鏈，講明阿媽響常遠手上，但有可能生，更有可能已經死左！就算唔當場指正常遠，都無保證事後常遠唔會殺左佢阿媽（呢個十分有可能）！既然系甘，不如當場指正佢！

2、皇帝，你“求生慾”好強啊！一見唔對路，馬上鬧楚王，咩都推曬俾楚王。

3、老七：呢集見識到佢D手段喇！一邊假仁假義放李才遠走高飛，一邊又偷偷落毒。好彩李才俾寧澄劫走，否則就唔系啞左，而系無命了。

私人傳訊

積分: 174325

437^#

發表於 18-9-2 12:16 |只看該作者

hugoma2015 發表於 18-9-1 18:38
老七同佢母妃唔系被忽略，而系俾老二同常貴妃打壓呢。呢個有仇口噶。老二如果以為老七佢地唔會搵機會報復 ...

我所講老七被忽略唔係指二王子，而係老皇帝，不過佢係專登扮忽略，所有嘢都係佢喺幕後主導，我係三個皇子，最要小心果個係老頭子，而且佢地仲有一個細佬十王子喺青溟讀緊書。

老皇帝好K型，太子佢最能夠操控，亦操控咗十幾年，佢可以一朝放棄，仲要趕盡殺絕。二王子已經醒少少，但因為又係常家背景加常將軍野心越來越大，皇帝亦不會容得下佢。楚王因為蠱毒關係，否則我相信皇帝殺佢好耐，亦知楚王重情，每每施以少少溫情就令佢甘心做棋子，唉。七王子暫時表面好乖巧又最識低調，但如果除去二同六，太子加三五又死咗，得番七同十兩個揀。。。根本就係皇帝自己斷絕子孫。講開又講，太子唔見有太子妃，照計佢年紀唔細，又一早成為太子，冇理由咁多年冇納妃，妾都冇個，二五又係冇講有妻妾兒女，只有七王子有個老婆，咁天盛王室以後容乜易斷後？

花旗太太生活在花旗國，留意時差，你問我未必即時答到。

私人傳訊

積分: 28097

438^#

發表於 18-9-2 12:53 |只看該作者

rose-mag 發表於 18-9-2 12:16
我所講老七被忽略唔係指二王子，而係老皇帝，不過佢係專登扮忽略，所有嘢都係佢喺幕後主導，我係三個皇子 ...

我見到有人話老二唔係親生。原著有無咁設定，我就唔記得了。但無論點，我覺得老皇帝已經準備郁佢了。老二遲早玩完。

可能套戲想集中講朝堂，所以d配角的後宮都無寫。連皇帝都少啦。而家得貴妃同王才人亮過相，都無其他后妃。但原著個皇帝好咸濕噶。

私人傳訊

積分: 174325

439^#

發表於 18-9-2 13:04 |只看該作者

hugoma2015 發表於 18-9-1 19:19
【第32集】

你係睇DVD版定刪減版？你講呢幾段係我睇28定29集嘅情節，30就講到發現七王子母妃同楚王母妃嘅死有關，而楚王設計將自己成為儲君人選嘅事揚出去，引得二王子有所行動，楚王就奏請皇帝封姚相同魏知為監管金盒嘅人選。

題外話；人物造型或選角年齡差
1）太子同二王子個樣嘅年齡差距好大，雖則我之前查過二王子同五王子嘅演員年齡，但如果演員生得太後生或太老成的話，個造型應該相應搞吓佢。原來皇帝倪大紅今年係58歲，太子海一天47，二王子是安39，五王子李添諾32，楚王坤哥42，七王子曲高位26，十王子王凱熠24，公主徐好23。五王子其實冇鬢個樣係後生架，加咗鬢變成老過二王子，七王子又係，冇鬢係幾後生吓，一加鬢就老10年，而二王子個樣太後生，實際佢又年輕過坤哥，個造型應該加鬢扮老D更切合，而家搞到一開場有人搞錯二同五。

二王子是安加咗鬢嘅造型做二王子會有說服力一D

五王子李添諾冇鬢造型

七王子曲高位古裝造型都係有鬢，只搵到時裝係有冇鬢造型

2）一眾母妃又係有年齡差問題，常貴妃于明加36歲，扮太子同二王子母妃真係有唔係好夾，不過佢地少同場戲，冇咁覺。七王子母妃王歐蕾38，年齡差都講得過，但可惜七王子個粧顯得老成，母妃又後生，變成唔多似母子。至於楚王母妃梅婷其實得43，但佢同坤哥同場係化咗老粧，應該係OK嘅。

花旗太太生活在花旗國，留意時差，你問我未必即時答到。

私人傳訊