我哋有去玩wet n wild buggy，男仔一定好鍾意，小朋友自己控制一架平時大人先可以渣嘅車，D教練又好nice，通過D障礙，好好玩！
我哋又參加咗一個 Island Buggy Tour, 我仔又係好enjoy！坐船去一個小島，島上,面好多小袋鼠。我老公渣架buggy，跟大隊穿越樹林，去到無人且無邊無際的沙灘，喺沙灘飛馳，之後可以滑沙，再渣架buggy出返去玩segway，玩segway時我哋見到D小袋鼠喺附近週圍走，小朋友會覺得好得意。之後會去一間環境好好的餐廳午餐，食物都好好味，喺嗰度閒逛一下，好寫意舒服。之後坐返船離開小島。呢個tour我仔又話出年要encore！
另外我哋都參加咗好大路的Catch a Crab tour，我覺得比想像中好玩。開頭覺得呢D大路嘢通常麻麻，去到都幾多人同船，幾多團體。不過，小朋友仍然玩得好開心，喺船餵雀，餵鴨，之後一group group去撈蟹上來。我仔係都要落水捉小龍蝦，D水勁凍，但佢覺得好好玩！捉到D小龍蝦又幾個細路仔好興奮觀賞咗好耐，攞上手玩吓。然後釣吓魚，雖然無收獲，但小朋友都勁開心。返上岸食蟹，估唔到咁鬼好味，岸上間餐廳好有風味，小朋友食完在海邊餵雀玩咗好耐，唔捨得走。又係一個好滿意的tour。特別一提倍我仔落水捉小龍蝦的鬼妹姐姐好鬼nice，好鍾意小朋友，tum到我仔好開心！
我仔另一個非常難忘的活動係tree top challenge。我哋去咗Thunder Bird Park，個tree top challenge玩咗差不多個半鐘。佢同我老公一齊玩。完成後好有成功感！喺真正的熱帶雨林玩呢D活動，係一個好好的體驗。辛苦但好有滿足感，一手一腳幫自己在每個challenge的station扣好安全措施，接受好多不同的挑戰，比我仔呢D住喺城市嘆慣嘅小朋友一種好好的經驗。去Thunder Bird Park當然唔少得去挖Thunder Bird Egg，呢個係註冊咗嘅真實天然礦地，掘出來的thunder egg要考眼光，岩石切開有不同色彩花紋，小朋友覺得好好玩。我仔又話要再去！其實嗰度仲有好多嘢玩，但我哋玩咗呢兩樣都已大半日了。
除咗上面嗰D，我覺得必去的有Charis Seafood Pelican feeding，順道去埋Southport broadwater parkland, 我哋租咗單車踩，好舒服寫意。男仔必定鍾意的有Game Over Go Kart ，嗰度仲有wall climbing 同laser tag 玩。Kingston Go Karting就比較啱細個D嘅小朋友，但我仔都話好好玩！Currumbin Wildlife Sanctuary 其實幾值得去，尤其去完Catch a Crab Tour順道去半日係唔錯的選擇。Theme park我哋去過Movie World，但樣樣排隊無咩興趣，去咗兩個幾鐘返出來。來到澳洲我哋都係鍾意做多D同大自然接觸嘅嘢，反而Theme park的吸引力真係細好多。
發表於 
返回列表
