本帖最後由 lopoto 於 17-12-13 20:26 編輯
【石敢當No.5】《降魔的》登Google熱搜榜首 馬國明男娛樂名人十大不入
一年一年度嘅Google熱門搜尋關鍵字今日出爐，馬國明、黃智雯擔正嘅台慶劇《降魔的》嘅氣勢果然厲害，呢套劇成功登上熱爆電視節目嘅第1位，其中，飾演石敢當嘅胡鴻鈞，登上熱爆男娛樂名人第5位，但係竟然身為男主角嘅馬明，入唔到男娛樂名人十大。
馬國明今日接受傳媒訪問，講到《降魔的》嘅佳績，佢話：「當然好開心喇，呢個係好好嘅證明，除咗證明《降魔的》受歡迎之外，仲可以俾台前幕後嘅同事一個鼓勵。最多謝一定係監製方駿釗同編審羅佩清，佢哋拍咗一套好好嘅戲出嚟，呢個對佢哋係一個好大嘅鼓勵，我會將呢個消息同佢哋分享。」
之不過身為主角嘅馬明，竟然唔入熱爆男娛樂名人頭10名，馬明就話：「我唔會唔開心喎！我成日覺得團隊嘅成功係最好同最開心。」
其實喺呢套劇開拍嘅時候，因為題材比較冷門，所以一度俾人睇唔好，點知出街之後，喺網上得到唔少讚賞，馬明話：「其實《降魔的》係一個試驗性質嘅電視劇，今次成功，希望將來可以有更加大膽同創新戲路嘅電視劇，有啲特別嘅電視劇，大家可以夠膽去做，題材唔使太保守，希望將來公司有多啲創新嘅劇，觀眾又會鍾意睇番TVB嘅劇。」
飾演龍貓嘅何遠東，佢亦都話：「當然好開心喇，估唔到發生件咁嘅事，希望觀眾可以繼續支持去到1月21號。」
發表於 
返回列表
