少年成長 今日: 0 | 主題: 16122

積分: 528

423^#

發表於 09-11-19 15:43 |只看該作者

嘩,一路睇,一幕幕係我個腦到出返黎,直情一模一樣呀,我依家每日放工都有恐懼感,唔想返屋企,唔想收到姐姐電話,好怕一到門口就聽到佢把喊聲,如果佢無喊無事,我果晚就會開心,我都唔知點好,每日心情受佢牽引住,我都好想大喊一場......

原帖由 小ice 於 09-11-18 22:51 發表
你仔仔和我個一模一樣!!!
好反叛,硬頸,以前我仔就算調皮,我教佢佢會聽!起碼唔會郁手郁打我!但,最近佢d脾氣變得好差好差!同以往不同了,小小事便大發脾氣!接d意去發!事前約法三章的事,佢以前係遵守的,但而家變了,好像 ...

私人傳訊

積分: 33215

424^#

發表於 09-11-19 23:00 |只看該作者

原帖由 小ice 於 09-11-18 11:42 發表
熟人我指我同小朋友都識的人,同學仔那些或自己親戚朋友...
只有別人在,佢無論係家或街都一樣!
係公園,佢推撞我,我捉住佢同佢講唔可以打人打人不對,再犯要罰企,佢話知,轉個頭又好大力咁推埋我度!我要佢企埋一邊反省, ...

小ice :

小朋友某些行徑, 有時很難可以逐一解釋, 尤其只能是你單方面寫出…..
或許我們先不好理會他怎麼時候會怎樣, 就發脾氣的處理這一樣, 我就覺得已經有很大的改善空間.......
「好像硬又唔得軟又唔得咁」~~ 這正正道出問題所在, 你實際上是沒有硬也沒有軟, 罸只係話冇真係做, 我估囝囝動手又動口時, 你俾好多「反應」佢, (例如不停話你唔好咁啦...... 唔得架 ...... 人地會点点点架..... 要道歉......再係咁我又會.....) 一切話重要在其他人面前！這些糾纏會令每一個困局沒完沒了, 他也玩得過癮！

就像我教macusmami一樣, 一係就讚+ ignore, 一係就讚+罸！
我估你不會做得到ignore, 即係完全唔理 (通常小朋友會咁都係因為阿媽講得太多), 所以我建議用讚+罸, 你先要選一個你自問唔講任何嘢都做得到的罸, 例如出街前講清楚唔可以做嘅嘢, 佢一做的話就返屋企, 咁係唔須要再有任何警告, 亦唔駛糾纏, 更加唔好秋後算賬, 得閒攞番出嚟講吓, 衰唔衰因住嗰次咁俾我罸...... 之類.

[ 本帖最後由 SandraLo 於 09-11-19 23:03 編輯 ]

教仔心得：媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為，到底點解同點讚？
http://forum.baby-kingdom.com//v ... page%3D1&page=1

私人傳訊

積分: 33215

425^#

發表於 09-11-19 23:13 |只看該作者

原帖由 ladykin 於 09-11-18 23:00 發表

SandraLo,

好多謝您呀, 我會盡力去改善同仔仔既相處關係, 再話比您聽

ladykin :

「避免話」唔易做架, 加油！

私人傳訊

積分: 33215

426^#

發表於 09-11-19 23:14 |只看該作者

原帖由 fatsin 於 09-11-18 14:56 發表
你好, SandraLo, 仔仔3歲9個月,自從9月返左k1後,脾氣變得好大,以前佢做錯事,嚴肅同佢講佢會聽,但現時你同佢講,佢會大叫大喊,甚至會打我我真係好傷心,有時忍唔住係佢面前喊左,有時又會大聲左叫停佢,當問番佢知唔知錯 ...

fatsin :

Sorry要明晚先答到, 你睇住小ice個case先.

私人傳訊

小ice

積分: 45484

2024年龍年勳章

427^#

發表於 09-11-20 11:51 |只看該作者

SandraLo

多謝你的指點!
佢每次發脾氣我唔理佢(只有喊時)我會唔睬佢,直到佢冷靜左先睬佢同佢講道理,但有時佢發脾氣時再加打我時,我無理由唔stop佢(唔知算唔算比左反應佢呢?)我會捉住佢手同佢講打人唔岩,唔可以打人!佢唔理照拍打我,我事前己告知佢如果再犯佢要入房自己冷靜,冷靜左先放佢出來,佢繼續試我底線,然後我會抱佢入房關房門(佢當然唔肯)我照做,佢入面將d野丟晒落地又用腳踩發脾氣!)我無理,佢又不停叫喊話自己冷靜左我又無理,佢踢門我都無理,等佢情緒開始有d"冷靜"的時候,捉住呢個一兩秒時間開門,讚佢冷靜左,然後抱住佢再同佢講道理...佢事後就同我道歉,話自己唔岩....
有時我覺得對住佢,我太強硬的方法,我覺得佢好像唔受硬,佢覺得我對佢好差,佢唔鐘意!我越強佢越反叛!佢唔服氣!但我唔理佢的行為又唔得,咁樣又會變成寵!所以我話好似硬又唔得軟又唔得~"~
好像近呢幾晚,佢夠鐘要上床訓覺,事前己跟佢約定左幾點上床,最後佢都"違約",扭計話要玩!我無理佢,由佢喊,佢又發脾氣將d野丟落地,又打我,扭左半個鐘先上床..上左床都係度扭!佢唔服氣!昨晚同佢出街玩,佢又再係咁,以前佢明白事理的,而家橫不講理!!鬥氣!我無理,照返屋企,佢已經眼訓,返到屋企佢已經訓左覺!抱他上床訓佢又醒番!佢個心仲好唔服氣!要同我鬥氣!又係度嘈要出街玩!又扭左半個鐘先肯訓!
唉...同佢呢場鬥爭都唔知幾時完?對住佢真係好辛苦!出街又不停留難我!係街得我同佢大致合作,但玩完走時佢就開始"發功"!(我當然唔會就佢)

原帖由 SandraLo 於 09-11-19 23:00 發表

小ice :

小朋友某些行徑, 有時很難可以逐一解釋, 尤其只能是你單方面寫出…..
或許我們先不好理會他怎麼時候會怎樣, 就發脾氣的處理這一樣, 我就覺得已經有很大的改善空間.......
「好像硬又唔得軟又唔得咁」~~ ...

[ 本帖最後由小ice 於 09-11-20 11:55 編輯 ]

私人傳訊

積分: 33215

428^#

發表於 09-11-20 23:08 |只看該作者

原帖由 marcusmami 於 09-11-18 23:11 發表

Hi SandraLo,

Thanks for your suggestion. I will try IGNORE+PRAISE. But I still have some questions on the implemetation. Please please help me again. My questions are,
* I sh ...

Macusmami :

我諗咁講你會清d ：
我估佢打人嘅時候, 無論佢打邊個, 你都會飛撲出來阻止, 就係咁, 佢打人就攞到你嘅注意力！如你再唔理佢打人, 相反地, 佢冇打人嗰陣你先會俾錫、呵、攬, 俾足attention, 咁佢先改得到；因此, say 唔say NO, 就睇你say no 時係咪一樣令佢覺得攞到你的注意力, 如果你為咗say 嗰句no, 由老遠都跑出來, 咁佢咪繼續打人囉, 因為佢繼續攞到你attention呀！明未？
我明白如佢去打其他小朋友你好難ignore, 你試吓三日唔好出去(見其他小朋友), 完全ignore佢打人(包括你自己), 但冇打時即讚, 每日讚5次, 應該掂架！

私人傳訊

積分: 33215

429^#

發表於 09-11-20 23:33 |只看該作者

原帖由 fatsin 於 09-11-18 14:56 發表
你好, SandraLo, 仔仔3歲9個月,自從9月返左k1後,脾氣變得好大,以前佢做錯事,嚴肅同佢講佢會聽,但現時你同佢講,佢會大叫大喊,甚至會打我我真係好傷心,有時忍唔住係佢面前喊左,有時又會大聲左叫停佢,當問番佢知唔知錯 ...

fatsin :

你其實唔需要再点話佢架啦, 有乜你都已經話過, 佢係知道的, 你先要明白這一点.
你俾咗太多反應的囝囝, 即使佢發脾氣/喊係冇道理, 你都一樣表現得好care, 重喊埋, 所以佢好鍾意喊同發脾氣！同小ice一樣, 你有冇一個你自問唔講任何嘢都做得到的罸則？同埋你有冇用過讚？點用？

[ 本帖最後由 SandraLo 於 09-11-21 11:22 編輯 ]

私人傳訊

積分: 33215

430^#

發表於 09-11-21 18:21 |只看該作者

duplicated

[ 本帖最後由 SandraLo 於 09-11-21 18:26 編輯 ]

私人傳訊

積分: 33215

431^#

發表於 09-11-21 18:23 |只看該作者

原帖由 小ice 於 09-11-20 11:51 發表
SandraLo

多謝你的指點!
佢每次發脾氣我唔理佢(只有喊時)我會唔睬佢,直到佢冷靜左先睬佢同佢講道理,但有時佢發脾氣時再加打我時,我無理由唔stop佢(唔知算唔算比左反應佢呢?)我會捉住佢手同佢講打人唔岩,唔可以打人! ...

小ice :

你呢個發脾氣處理方法大致上係正確, 但睇你講嘅情况, 又有好多位可以改善：
1/ 入房冷靜有一定危險性, 因佢唔知會响房搞d 乜嚟引你開門, 佢响房亦可以自己玩, 自得其樂, 用naughty chair會好d.
2/ 要等佢冷靜(而唔係計時) 係一個唔夠清嘅罸則, 若然佢犯錯, 要清楚話佢知錯係要受罸, 点罸, 罰幾耐, 用「冷靜」有点淡化咗呢個後果, 重要「等佢情緒開始有d"冷靜"的時候,捉住呢個一兩秒時間開門讚佢」, 有一定難度之外, 增加咗要同佢糾纏嘅機會, 佢亦未必有被罸嘅感覺.
3/ 响整個過程裡面, 「對話」相信都重有唔少, 所以佢依然攞到你嘅attention, 我估你事後嘅講道理佢都識講, 可以省卻……
你覺得「硬又唔得軟又唔得」, 但事實係唔駛硬又唔駛軟, 就好似macusmami個case咁, 有d兩頭唔到岸, 只係賞罰唔夠清晰, 你要清楚咁俾佢知道, 做d 乜會有乜嘢後果(罸則), 而罸就係罸, 半句說話都唔須要同佢講, 到佢罸完就一切如常, 平日冇事冇幹嗰陣就讚多d！

私人傳訊

marcusmami

民房

積分: 10

432^#

發表於 09-11-22 16:25 |只看該作者

原帖由 SandraLo 於 09-11-20 23:08 發表

Macusmami :

我諗咁講你會清d ：
我估佢打人嘅時候, 無論佢打邊個, 你都會飛撲出來阻止, 就係咁, 佢打人就攞到你嘅注意力！如你再唔理佢打人, 相反地, 佢冇打人嗰陣你先會俾錫、呵、攬, 俾足attention, 咁佢先改得 ...

Hi SandraLo

Thanks for your advice.

我會好努力好努力嘗試.

私人傳訊

lokaci

民房

積分: 10

433^#

發表於 09-11-22 17:01 |只看該作者

小朋友知道媽咪會就佢,所以針對住錫佢既人黎"蝦".
其實好多小朋友都有呢個情況架.
我知有一個小朋友呀, 佢平時對住D導師好乖架WOR,之後原來番到屋企係會專"蝦"爸爸
直至爸爸用左一個方法....就係一改常態, 佢郁手爸爸就走開唔理佢. 唔同佢講野, 就算擔心小朋友都只係叫HELPER姐姐幫手睇住多D.
小朋友因為爸爸呢D咁唔"正常"既行為覺得好害怕同擔心. 於是真心明白到原來咁樣既行為係會有咁樣既後果. 慢慢就改善過來喇.

歡迎瀏覽我的BLOG

http://hk.myblog.yahoo.com/happylovely-child

私人傳訊

ladykin

大宅

積分: 1938

434^#

發表於 09-11-22 23:30 |只看該作者

SandraLo,

我又有問題啦. 自從上次睇完您既意見後, 我決定採取唔理態度, 如果佢發脾氣或者冇禮貌, 我會唔理佢, 盡量唔 "哦" 佢, 講兩次佢唔聽我就話我唔講啦, 仲即刻收口唔望佢, 咁佢就唔再發難喳, 我又好音聲細氣好似軟皮蛇咁同佢講嘢, 唔比機會佢發作, 情況係有咗改善, 不過唔係次次都得.

但問題又黎啦, 我發覺佢特登對我老公發脾氣同好冇禮貌, 我老公好錫佢嫁, 或者因為咁, 佢一路以黎都怕我多過怕我老公. 我成日都話我老公自作自受. 就好似呢兩日佢唔舒服, 瞓到半夜話想嘔, 咁我帶佢去厠所嘔, 嘔完之後我老公摸吓佢又比佢鬧, 掂吓都唔得, 之後我老公話比杯水佢好唔好, 佢竟然好惡咁話佢想飲水, 但唔駛我老公 "針" 比佢. 又好似頭先出街食飯, 咁我老公見佢仲病緊, 咪叫佢著番件褸先出去 lor, 點知佢又話我老公唔知天氣, 係我老公自己覺得凍佢唔覺得, 當堂激到我老公同佢開火, 其實呢 d 祇係其中兩件事, 不能盡錄.

其實有時我覺得個仔知自己唔啱 (事後), 但佢控制唔到, 一發就發出黎, 同埋如果您同佢講時佢會好唔 "份" 氣, 揸實拳頭好似隻牛咁自己谷住氣, 應該點做呀 ???

希望可以同我隻佬白頭到老做個永遠幸福快樂既小女人

私人傳訊

積分: 528

435^#

發表於 09-11-23 15:39 |只看該作者

Sandra,

唔好意思,我理解能力唔係咁好,可唔可以用d例子,好似上星期六,我同佢去上gym,途中我讚佢「今朝好乖喎,無郁手郁腳,媽媽獎你一樣野」,跟住拎左粒瑞士糖放係掌心,唔比佢睇,同佢玩,比佢估係乜,跟住佢好開心食粒糖,點知,行到做 gym 對面馬路,佢開始發作,突然話要比瑞士糖教練睇,我知佢其實係唔想去上堂(佢呢排上親playgroup都係咁,唔肯入去,但入到去又無事,呢樣都令我費解,唔知你知唔知原因呢?),跟住我話我帶得一粒,不如比棉花糖教練睇啦,佢跟住就開始喊同扭喇,我初時仲可以好好聲氣同佢講話一係佢去上堂先,我去買,佢係都話要即刻返屋企拎,跟住我放佢係行人路到由得佢喊,我就企係佢前面,期間都有幫佢抹眼淚(是否如果ignore就連呢樣都唔做呀),一見佢收左聲就再同佢講道理,話佢知我好失望,點知間間斷斷搞左成20幾分鐘,跟住佢好似有點軟化,我就再同佢講話「不如去上堂先」,點知佢又喊過,我忍無可忍,夾硬抱起佢行左去轉角位,因為無咁大風,放佢埋一邊由得佢喊,佢喊左5分鐘後,問我係咪唔錫佢,我話唔係,只係佢發脾氣令我好唔開心好失望,佢應承左既野又做唔到,跟住攬住佢,佢話去上堂,同佢上到去,已遲左半個鐘有多,點知上到去佢又唔肯出去做運動,擾擾釀釀免強完成果堂。

咁係上面例子,係咪我其實應該一開始佢話要比糖教練睇時就唔理佢,一句都唔同佢講野,同佢鬥係條街到企?咁跟住點處理呢?

至於讚,我都有用,不過可能用得唔好,好似尋日咁,佢上溜冰堂時,我地預先同佢講左叫佢唔好喊話唔入去,要自己行入去,佢一直都表現好好,話OK,但真係出去果刻佢又想發作,企係到唔郁,要老師氹佢同我地半推半就咁由老師帶左佢出去(其實今次已比上兩次好好多,因為上兩次係勁喊話唔出去),咁我就係佢落堂時即刻讚佢「嘩,今日好乖喎,真係做到自己行出去,無扭計,抵錫,媽媽好開心」,跟住錫左佢兩啖。

想問下呢,佢好鍾意食野,咁我地好多時會係佢乖時比D提子乾、棉花糖、紫菜氹佢,話佢知因為佢乖無喊無扭計,所以獎佢食,其實得唔得架呢?

另外,我都覺得佢好似受軟多過受硬咁,好似去遊樂場玩咁,初頭同佢講話玩多10分鐘要走,佢應承左,但夠時間佢唔肯走,咁我地同佢拗左一輪後,話比多2分鐘佢,跟住夠鐘叫佢走,其實佢都唔想,不過強硬度無咁大,半推半就都會走到,咁其實係咪一夠10分鐘時佢話唔走都應該夾硬抱佢走呢?

其實係咪完全唔可以比佢討價還價呢?但咁樣會唔會佢生活得好唔開心架呢?我成日都覺得好矛盾。

唔好意思,希望你明我講緊乜,我理解同表達能力都可能唔多好。

原帖由 SandraLo 於 09-11-20 23:33 發表

fatsin :

你其實唔需要再点話佢架啦, 有乜你都已經話過, 佢係知道的, 你先要明白這一点.
你俾咗太多反應的囝囝, 即使佢發脾氣/喊係冇道理, 你都一樣表現得好care, 重喊埋, 所以佢好鍾意喊同發脾氣！同小ice一樣, ...

私人傳訊

積分: 33215

436^#

發表於 09-11-23 22:54 |只看該作者

原帖由 ladykin 於 09-11-22 23:30 發表
SandraLo,

我又有問題啦. 自從上次睇完您既意見後, 我決定採取唔理態度, 如果佢發脾氣或者冇禮貌, 我會唔理佢, 盡量唔 "哦" 佢, 講兩次佢唔聽我就話我唔講啦, 仲即刻收口唔望佢, 咁佢就唔再發難喳, 我又好音聲細 ...

ladykin :

你減少同佢糾纏, 情況於是有改善, 如果再減到講一次同加埋佢冇發作時讚 (要針對你話佢嘅嘢嚟讚, 例如佢冇禮貌, 讚時就响佢冇事讚有禮貌, 你會話佢發脾氣, 冇發時就讚佢乖冇發脾氣….) 效果會再明顯d…..
由於你唔再同佢「互動」, 佢冇咗扭嘅對象, 於是就轉移咗去Daddy嗰度, 如果Daddy唔識ignore同直接了當咁apply consequence(俾罸則), 佢對Daddy會愈發愈勁！

「佢控制唔到, 一發就發出黎, 同埋如果您同佢講時佢會好唔 "份" 氣」~~ 如果真係控制唔到, 就係一種情緒病, 要睇医生, 但我估佢嘅情況係寵壞多d, 即係發慣咗, 冇乜後果要承担, 重可能有好處(因發脾氣而爸媽就會有d好offer, 所謂氹), 咁佢當然係有d乜就同你發大佢先！

[ 本帖最後由 SandraLo 於 09-11-23 22:56 編輯 ]

私人傳訊

小ice

積分: 45484

2024年龍年勳章

437^#

發表於 09-11-23 23:10 |只看該作者

SandraLo

我還是有點唔明白,請指點..
你講得都岩,事後我諗番那時唔應該要佢入房,因為佢會更反常,反叛!有時我會自己入房比自己冷靜(會先同佢講媽咪想冷靜一下所以行開)佢係門外拍打我沒理會,我咁做岩嗎?其二,有時我罰佢企/坐,我會同佢講罰企幾多分鐘,佢有時肯,但最近呢招已唔work,佢要同我鬥,唔肯罰企,咁我應該點做呢?係咪一定要佢罰企為止呢?

我小朋友比較受軟唔受硬,如果我越硬佢會越硬,有時硬同軟之間取個平衡真不易,太過軟又怕寵了他,有時某d位置唔知即時要教他好還是用忽視,有時怕用忽視時會變成了寵!真矛盾!

你可以詳細點教下我嗎?比如:佢係人面前最容易扭計,喜歡係人前蝦我,咁我應該忽視佢還是罰佢呢??佢對我講野無禮貌,我應該點做??我試過即時更正佢,話佢知媽媽覺得你咁樣講野無禮貌,應該要點樣點樣講先岩,佢唔理,照無禮貌,試過帶佢回家,佢喊我由佢喊,冷靜後再講道理,佢話明,但第二日又係咁!我又試過忽視佢,佢對我無禮貌我唔睬佢,佢發脾氣(因我唔理佢)之後又係喊住回家去.....我都唔知點做好了...係出面,我覺得佢要拿晒我對佢的注意,佢唔鐘意我同人傾計好似忽視左佢咁!試過讚佢佢仍不滿意~係人面前蝦我!有人話我唔夠惡,我也試過係人面前好惡罵佢,佢也不太受,覺得我對佢唔好...越罵越反叛!

同埋,有時同佢講左去邊度玩,佢好開心話好,但當差不多去到時,佢又開始發作,扭計話唔去了,話好累要回家!!總之佢一時會咁做一時又會反口,如何是好??

原帖由 SandraLo 於 09-11-21 18:23 發表

小ice :

你呢個發脾氣處理方法大致上係正確, 但睇你講嘅情况, 又有好多位可以改善：
1/ 入房冷靜有一定危險性, 因佢唔知會响房搞d 乜嚟引你開門, 佢响房亦可以自己玩, 自得其樂, 用naughty chair會好d.
2/ 要等佢冷 ...

[ 本帖最後由小ice 於 09-11-23 23:16 編輯 ]

私人傳訊

小ice

積分: 45484

2024年龍年勳章

438^#

發表於 09-11-23 23:12 |只看該作者

我個同你個仔都幾相似喎~!

原帖由 fatsin 於 09-11-23 15:39 發表
Sandra,

唔好意思,我理解能力唔係咁好,可唔可以用d例子,好似上星期六,我同佢去上gym,途中我讚佢「今朝好乖喎,無郁手郁腳,媽媽獎你一樣野」,跟住拎左粒瑞士糖放係掌心,唔比佢睇,同佢玩,比佢估係乜,跟住佢好開心食粒 ...

私人傳訊

積分: 528

439^#

發表於 09-11-24 09:07 |只看該作者

係呀係呀,睇你時好似睇到我個仔咁。

原帖由 小ice 於 09-11-23 23:12 發表
我個同你個仔都幾相似喎~!

私人傳訊