大仔大女媽媽會 今日: 0 | 主題: 177861

積分: 110

421^#

發表於 06-2-10 11:31 |只看該作者

Re: 傾下講下一樂也

我朋友講緊我個細仔可能係, 我地講笑話驚佢第日無老婆... 我細仔而家成日咀對咀錫人, 包括我工人, 我同老公, 咁係咪博愛? hehe

蕭遙寫道:
我淨係覺得如果愛上7仔會好慘....因為心知道他不只你一個, 又不知他對你是否認真.....你在他心目中是什麼位置....偏偏佢地又真係好吸引人! 但好難挷得住佢...

不過一物治一物既....做得老婆可能有佢本事呢...問雨天咪知law, 佢老公係7仔!

你朋友何出此言?

私人傳訊

積分: 110

422^#

發表於 06-2-10 11:41 |只看該作者

Re: 傾下講下一樂也

咁你阿仔係咪讀書興趣極濃? 我覺得興趣同成功感差不多係唯一動力, 請糾正?!

叮鈴寫道:
KEOGH...
你個朋友個仔在學校唔肯合作答問題....好似我阿仔，可能係4仔...........

而加早TEST唔係咁準，我阿仔5歲做，CP都話要大D再做。

如果要睇IQ分數，細D做左，即使係資優，大D再做，分數可能又唔同，可能會一樣，但有機會會更高。

我阿仔都係歲幾識哂26個大小楷英文字母及數字(連中國數字都會認)，幾乎係佢自己學返黎。在兩歲前會認200個中文字，兩歲兩個月會口數一至二百，英文也會數一至一百。兩歲兩個月會背串ONE TO TEN及 umbrella, orange, 等等，也會認百多個英文單字。
兩歲半會背全部乘數表及拼六十七塊 puzzles，仲識寫哂二十六個英文字母幾乎全部大小楷、數字，連中國數字也識寫七八個；.....三歲十個月會算+-x除，四歲三個月識計分數+-、通分母，但....

但....

但....

佢check左出黎...

分數.....

無無無無130也..........
:-( :-( :-( [quote]

私人傳訊

積分: 110

423^#

發表於 06-2-10 11:42 |只看該作者

Re: 傾下講下一樂也

rainyday,

今日心情如何??

叮鈴:

4仔係咪完美主義, 對人/自己要求都好高?

私人傳訊

積分: 110

424^#

發表於 06-2-10 11:52 |只看該作者

Re: 傾下講下一樂也

我地部門發左毛好耐, 尋日大老闆準時來check我地放工, 因為我地日日準時走…今年好有可能cut人, 之前搵左份工無去到, 上半年cut我就慘喇 :-( :-(

私人傳訊

積分: 3382

425^#

發表於 06-2-10 15:41 |只看該作者

Re: 傾下講下一樂也

叮鈴寫道:
rainyday
不如你講多d你阿仔的情況，我心情好又得閒時幫你搵下資料...

其實之前都post左好多adhd、資優、阿氏保加的資料分析....仲有7仔...

仲有遠視及兩個眼球協調問題等，都會導致有add,,,adhd的徵狀出現。係真架....

咁，你阿仔係

1. 遠視 (曾有斜視) +
2. 資優
3. 7仔..
4. 香港現今的教育制度
5. 過多食物添加劑、化學物料等

我相信，以上咁ge組合，才會產生你阿仔的問題...
所以不要理會那些asperger,,,adhd等等東西也﹗

你要好好保重.....努力加油﹗......不要倒下來...
吃一點藥，你會發現成個人唔同哂....係真架....想哭都哭唔出黎... :lol:

唔該晒你, 我今日去睇醫生, 佢話我係擔憂影響情勢喎, 俾咗d藥, 3 個 weeks後覆診, $700 :-( :-( 好貴.......

我點解成日怕阿仔係 apergar 係因為

(1) 佢好唔理會別人感受, 你同佢解釋, 佢都不停同你 r,
覺得自己的想法洗對, 明明你問佢掉転佢係個個人佢又會點呢 , 佢都唔肯答你, 一係佢為怕你再追問而答係囉, 又只會從理性去分析事情, 如埃及車禍的男仔就係我仔間學校, 我問佢有咩感覺, 佢會問邊個要負責任, 係咪個司機, 佢唔會係個姐姐個角度想, 姐姐好可憐, 無晒d親人, 就算你追問佢佢都只係為應付我而答可憐囉......但佢對動物又好似比較有同理心喎, 有次佢見到電視有隻狗被人捉, 佢又話隻狗好慘, 睇king kong 死佢係寫日記話有d想哭, 睇小q佢喊到收唔到聲.....我都唔知佢係有定無同理心..... :cry:

(2) 佢有記d比較少人會記既野, 如 4 years 記到 9 大行星既次序, 而家記12 生肖既次序, 學校班既36個學號等.....佢又都有時會重覆咁晝 9 大行星既晝....

但佢又唔係無想像力的, 我覺得佢想像力都好豐富, 佢成日玩玩具玩到好嘈, 佢鐘意拼lego 同 puzzle....佢會講笑話同玩猜謎語....佢好鐘意你扮 teddy bear 同佢講野, 佢又無要求特定路線, 但佢人際關係真係唔算好囉.....叮嚀...你話佢係咪 apergar 呢 ?

私人傳訊

積分: 3382

426^#

發表於 06-2-10 16:33 |只看該作者

Re: 傾下講下一樂也

KEOGH 寫道:
rainyday,

今日心情如何??

叮鈴:

4仔係咪完美主義, 對人/自己要求都好高?

多謝你, 今日心情好dd啦, 你話你個 friend 個仔可能係 gifted, 其實知道又點吖, 我覺得無咩用囉, 而且通常都係個小朋友有其他問題先會去 check, 記住 gifted 都唔一定將來讀得成書, 讀到書既人通常係好有自發性, 好似叮嚀個仔咁有求知欲就得, 如果佢 gifted 但無自發性就....

我個仔都係 15個月大認到 1 -10, 2 years 前認到 a - z, 連 a for apple 至 z for zoo 都記得, 38 個月能倒數 3 個位, 如 123 倒數 321 , 4 years 記 9大行星既次序, 而家拼 puzzle 250 pcs, 但咁又點吖...而家咪...唉...... :-( :-( :-(

私人傳訊

積分: 3382

427^#

發表於 06-2-10 17:29 |只看該作者

Re: 傾下講下一樂也

蕭遙寫道:

雨天:

你處於感情咁脆弱咁低潮既時候, 別人任何一句話都可能刺傷你ga, 其實大有可能言者無心, 聽者有意...你說過你愛在別人面前裝若無其事, 其實咁對自己好無保障...你應該學多d4仔咁, 直接將你既需要和感受表達出來, 對大家都公平些...別人都絕對不願不忍傷害你的....

雨天過後就是天晴, 回頭看只是人生一小片段吧! 振作

支持你!!!

你既回應睇到我眼濕濕.....雨天過後就是天晴...希望係真既, 不過真係多謝你....

私人傳訊

積分: 3382

428^#

發表於 06-2-10 17:52 |只看該作者

Re: 傾下講下一樂也

蕭遙寫道:

我淨係覺得如果愛上7仔會好慘....因為心知道他不只你一個, 又不知他對你是否認真.....你在他心目中是什麼位置....偏偏佢地又真係好吸引人! 但好難挷得住佢...

不過一物治一物既....做得老婆可能有佢本事呢...問雨天咪知law, 佢老公係7仔!

你朋友何出此言?

我老公佢又算係咁架啦, 佢 7 仔但又唔係咁花心喎, 可能佢無條件啦....

講真佢幾錫我, 我上次條骨又有事佢話見到我咁辛苦個心好痛, 加上我近來因阿仔同屋企經濟既事令到情緒好差成日喊, 所以佢而家都好遷就我....女人楚楚可憐d都係比較著數d....其實佢係咪真係 7 仔呢, 佢比阿仔有責任心好多, 做事又唔會咁易放棄既人黎, 叮嚀, 佢係咩型呢 ???

私人傳訊

積分: 401

429^#

發表於 06-2-10 21:26 |只看該作者

Re: 傾下講下一樂也

我阿仔都係咁ga <<佢好唔理會別人感受, 你同佢解釋, 佢都不停同你 r, 覺得自己的想法洗對, 明明你問佢掉転佢係個個人佢又會點呢 , 佢都唔肯答你, 一係佢為怕你再追問而答係囉, 又只會從理性去分析事情...但佢對動物又好似比較有同理心>>>尤其最後兩句...

但佢連呢part所講既情況都無...<<睇king kong 死佢係寫日記話有d想哭, 睇小q佢喊到收唔到聲.....我都唔知佢係有定無同理心>>...我未見過佢睇戲喊....每次都係, 我同阿女已經找tissue抹眼淚, 甚至連我老公間中都有些眼紅紅.....佢都依然係眼光光....仲要嘲笑我地: 你地做咩? 唉...又黎喇...

問佢對所有野有咩感動, 佢都一致話"無"! 迫到佢埋身...就溥衍下我話: 有law...好感人...law........!!!

久而久之, 我已不會expect他和我分享感受, 每次佢有野, 我咪估law....又俾我估中喎! 估中後他就會眼濕濕咁...佢係天生不懂表達情緒, 亦不喜歡不屑表達, 但並不代表佢不喜歡我明白佢...

我阿仔d格...keogh就見過喇....你問佢...佢真係d咁既人...

我點解成日怕阿仔係 apergar 係因為

(1) 佢好唔理會別人感受, 你同佢解釋, 佢都不停同你 r,
覺得自己的想法洗對, 明明你問佢掉転佢係個個人佢又會點呢 , 佢都唔肯答你, 一係佢為怕你再追問而答係囉, 又只會從理性去分析事情, 如埃及車禍的男仔就係我仔間學校, 我問佢有咩感覺, 佢會問邊個要負責任, 係咪個司機, 佢唔會係個姐姐個角度想, 姐姐好可憐, 無晒d親人, 就算你追問佢佢都只係為應付我而答可憐囉......但佢對動物又好似比較有同理心喎, 有次佢見到電視有隻狗被人捉, 佢又話隻狗好慘, 睇king kong 死佢係寫日記話有d想哭, 睇小q佢喊到收唔到聲.....我都唔知佢係有定無同理心..... :cry:

私人傳訊

積分: 401

430^#

發表於 06-2-10 21:44 |只看該作者

Re: 傾下講下一樂也

今日搭巴士, 坐在我後面有對母子, 個仔3-4歲度...在傾計...不過99%都係個仔講...聽聽下吸引了我側耳去聽...

仔: 未開車ga...要等齊人上車先開ga...因為仲有人未上車甘嘛...

媽: 唔..

仔: 拿! 係咪呀...又有人上車喇...
....

仔: 開車喇...架車會先轉彎, 再轉彎, 然後直去...

媽: 唔..

仔: 去到紅燈要停ga lah...因為危險嘛...

媽: 唔..

(接著阿媽接了個電話, 想遞俾個仔, 叫佢講: 唔駛買玩具俾我喇, 我屋企已經好多玩具...講啦!)

仔: 喂...係呀...你唔駛買玩具俾我喇, 我屋企已經好多玩具...我乖你先買, 買架巴士...我再乖你再買巴士...咁我再乖...你就買thomas... (此時個阿媽就搶番個電話...)

整個巴士過程5-6分鐘...令我彷似番番去阿仔3-4歲時, 他說話都係咁得意, 有紋有路, 講道理, 有邏輯, 服從...得黎又識轉彎...我有個朋友, 識左好多年, 以前好鐘意佢, 話: 佢唔naughty果時真係好乖好講道理ga...到他上了小學, 這個朋友見番我個仔, 生日會上收她禮物不多謝, 還隨便拋低...朋友就話: "我未見過咁既細路ga...."(係善意的, 意即叫我小心d教佢..)佢好失望...因為自細好錫佢...再大d, 阿仔已經不再討人喜愛了...

以前得一個無比較, 以為個個細路學講野都差唔多...樣樣都查根究底...問點解點解點解......不覺得特別珍惜那日子.....就似那個阿媽咁...唔...唔..唔....除非真係好得閒, 心情好好, 才同佢"較量"下...

到阿女出生後.....一比較....才知他原來屬於很logical, 好老實...阿女呢....對話大部份都係....媽咪你錫唔錫我? 我乖唔乖?....原來隔離班阿邊個邊個既媽咪係時裝設計師....今日老師罰xxx呀....佢呀...幾naughty呀...我就無喇

....諸如此類諸事八卦...

私人傳訊

積分: 401

431^#

發表於 06-2-10 22:10 |只看該作者

Re: 傾下講下一樂也

嘩...咁識tum人...娶唔娶老婆就唔知喇...不過...第時佢大個識女仔....你都幾唔得閒.....眼都花埋...

KEOGH 寫道:
我朋友講緊我個細仔可能係, 我地講笑話驚佢第日無老婆... 我細仔而家成日咀對咀錫人, 包括我工人, 我同老公, 咁係咪博愛? hehe

[quote]

蕭遙寫道:
我淨係覺得如果愛上7仔會好慘....因為心知道他不只你一個, 又不知他對你是否認真.....你在他心目中是什麼位置....偏偏佢地又真係好吸引人! 但好難挷得住佢...

不過一物治一物既....做得老婆可能有佢本事呢...問雨天咪知law, 佢老公係7仔!

你朋友何出此言?

[/quote]

私人傳訊

積分: 401

432^#

發表於 06-2-10 22:13 |只看該作者

Re: 傾下講下一樂也

KEOGH 寫道:
我地部門發左毛好耐, 尋日大老闆準時來check我地放工, 因為我地日日準時走…今年好有可能cut人, 之前搵左份工無去到, 上半年cut我就慘喇 :-( :-(

上半年...p-fund問題? 你公司都係大公司...你呢d位都唔係隨時可cut就cut吧? 而且你都不愁找不到工既...

私人傳訊

積分: 2525

433^#

發表於 06-2-10 22:34 |只看該作者

Re: 傾下講下一樂也

錯﹗
如果有交嗌咁仲好...
起碼人地唔係只係聽到我把惡聲

如果佢有反應，我就唔會鬧佢。可以講道理。然後共同解決。
但佢個腦一片空白。

我唔鍾意鬧交，如果改用冷戰，更中佢下懷。簡直perfect...唔睬佢佢更happy...因為唔會再對佢有要求。
佢鍾意幾時返就幾時返屋企。

佢根本就當屋企係旅店。

唔睬佢，佢就可以耳根清靜，就可以理直氣壯咁睬你都傻囉。佢li種無感受的人對於別人生氣唔睬佢，佢係唔會難受的。

我之所以對佢無包容心，係因為佢裡面沒有感覺。4仔係好 "內懾"，好容易產生 "移情作用 "，見到別人難過，傷痛，我地係會被移入自己感覺裡，身同感受 (當然要內懾成功)。
如果佢因我的拒絕或生氣而難過或難受、痛苦，我們便不會搞到如斯之境況了。

佢就係成日用無反應來淦生激死你為止。

算啦....

我自生下來，便註定無資格擁有別人的愛.....所以，也一懂得愛人。除非....我讓神去愛... :-(

蕭遙寫道:
9仔既絕招......係軟皮蛇...我以前既頂頭阿head就係...for我都係好難頂.....

不過換個角度, 你地既組合咪無交嗌, 因為永遠都嗌不成....只有你鬧佢.....(or佢倔住你, 係你後面, om om尋尋)....只是不會同時出現.....即係....始終無交嗌...阿媽話事計, 一條key啍唔響...

好過我地.....一行雷閃電, 跟住d仔女縮埋一堆.......

[quote]
叮鈴寫道:
除左mm黎唔係咁好外，都無乜大礙。

前天老公連一通電話都無打來。

昨天黃昏才係咁易打來，阿仔聽，然後話唔想同爸講咁多，好快收左佢線。佢晚上也沒打來搵我。

今天和昨天一樣...

我就黎想練死佢

佢最大的絕招係..

你無論怎樣被佢激到拆天，佢都唔會有太大反應﹗
只等你嬲完了...又當無回事..靜默係佢的本事...
每次做左衰野激到你發癲時，仲辦傻仔，問你做乜咁情緒化。為乜咁生氣.....然後扮自己好高iq...忍受老虎狂叫。

之後等你自己發完火，佢又若無其事咁，以為自己做左的"好事多為"已經告一段落。...

佢li招絕﹗﹗﹗﹗﹗ :evil: [quote]
蕭遙寫道:
叮鈴:

你呢兩日好嗎?

[/quote][/quote]

私人傳訊

積分: 2525

434^#

發表於 06-2-10 22:50 |只看該作者

Re: 傾下講下一樂也

keogh..
興趣和成功感係唯一動力....咁深奧咁ge？

4仔講興趣。
3仔講成功感吧？

如果為了成功才去努力，那我絕不是這種人。
舉凡要和別人競爭而去取得成果的。幾乎已不再是我的興趣了。

我阿仔一歲至二歲初頭，真係好勤力。佢咁細個根本無諗過成功感這回事吧？
佢未夠一歲已好愛英文字母和數字，去公園時佢只對周圍的數字及字母有興趣，係公園唔係睇其它小朋友玩，佢係度四周搜索每棟樓字的座數的數字。又或是路牌的字母數字。

對數字的興趣維持了約三年度，英文字母則維持了兩年；而加已被音樂取代了。大部分時間佢都係 "從事" 音樂活動，如聽cd、哼曲、彈琴、小提琴等，我今天買了個兒童玩具鼓俾佢，佢而加又多樣野 "嘈"，間屋好嘈。希望附近無人因而受騷擾，以前有過新聞話有幾個小孩在走廊玩，嘈到一名有精神分裂症的鄰居，於是佢拿著刀出黎斬細路。我好驚.......

至於我一位鄰居的孩子，比我阿仔大一年多，佢就好緊張成就，佢學習最大動力係要成功﹗咁，佢當然也有一些自己喜歡做的事，但最後..都會演變成要..成功﹗

如果我阿仔可以興趣加埋成就感....那就完美不過了。

但他不﹗他愛做什麼就做什麼﹗有好成績當然好開心，但不會是他學習的動力﹗

KEOGH 寫道:
咁你阿仔係咪讀書興趣極濃? 我覺得興趣同成功感差不多係唯一動力, 請糾正?!

[quote]
叮鈴寫道:
KEOGH...
你個朋友個仔在學校唔肯合作答問題....好似我阿仔，可能係4仔...........

而加早TEST唔係咁準，我阿仔5歲做，CP都話要大D再做。

如果要睇IQ分數，細D做左，即使係資優，大D再做，分數可能又唔同，可能會一樣，但有機會會更高。

我阿仔都係歲幾識哂26個大小楷英文字母及數字(連中國數字都會認)，幾乎係佢自己學返黎。在兩歲前會認200個中文字，兩歲兩個月會口數一至二百，英文也會數一至一百。兩歲兩個月會背串ONE TO TEN及 umbrella, orange, 等等，也會認百多個英文單字。
兩歲半會背全部乘數表及拼六十七塊 puzzles，仲識寫哂二十六個英文字母幾乎全部大小楷、數字，連中國數字也識寫七八個；.....三歲十個月會算+-x除，四歲三個月識計分數+-、通分母，但....

但....

但....

佢check左出黎...

分數.....

無無無無130也..........
:-( :-( :-( [quote]

[/quote]

私人傳訊

積分: 2525

435^#

發表於 06-2-10 23:08 |只看該作者

Re: 傾下講下一樂也

我想都係---->>>對人要求好高﹗

但卻有別於1仔那類"完美"，一仔的可能是要求別人要遵從世上"傳統"的一切法則，包括道德倫理....

但4仔則對於世間的一切"真善美" 比較執著。

當4仔慢慢看清這個世界的人與事，不如自己所想的完美時，可能會接受不了，覺得人性好醜惡 (包括自己)，世界好醜惡，跟自己理想和夢想的世界差好遠....

於是，不就憤世嫉俗，不與人"同流合污" (自己認為的污)，於是被人覺得怪異和與人格格不入；

不就讓自己隨波俗流，沉迷於酒精藥物毒品，好讓自己的不適思緒得以變麻木；

不就躲起來，不與人接觸。

不就變成抑鬱病，終至自殺...

你想了解多一點你的4仔老公，可以去了解一下hsp.....

不過，我想4仔男仔和女仔又有差別的。

我，
1.只想有一個會愛我的人，至少有能力愛我的人；
2. 有"靈魂"的人，可以心靈溝通。
3. 和其它女孩一樣吧？想要一個比自己聰明、能幹、強壯，比自己高大，可以讓我當小鳥依人的伴侶而已。

我連做一般女人的基本要求都無法得到，我還可以再希求一些非一般女人的要求嗎？

在要求伴侶條件的"要求"上，我想我一點都不算完美吧？

KEOGH 寫道:
rainyday,

今日心情如何??

叮鈴:

4仔係咪完美主義, 對人/自己要求都好高?

私人傳訊

積分: 2525

436^#

發表於 06-2-10 23:16 |只看該作者

Re: 傾下講下一樂也

不知如何回答....

不過，如果和別人比較，我真的遠遠及不上呢﹗
我只對佢有興趣和有能力的東西扶上一把﹗

4仔會任你擺佈，就不會是4仔了﹗ :lol: :lol: :lol:

如果佢接受我的努力、心機，我是一萬個願意的(如果身體好一點的話)。我...好想佢....聽下我話....
:-( :-(

KEOGH 寫道:
叮鈴:
thanks, 我個仔應該唔係純4仔, 佢唔係好情緒化.

仲有, 你個仔2歲幾識咁多野, 你一定花好多時間心機.

]

私人傳訊

該用戶已被刪除

437^#

發表於 06-2-10 23:26 |只看該作者

Re: 傾下講下一樂也

提示: 作者被禁止或刪除內容自動屏蔽

私人傳訊

該用戶已被刪除

438^#

發表於 06-2-10 23:28 |只看該作者

Re: 傾下講下一樂也

提示: 作者被禁止或刪除內容自動屏蔽

私人傳訊